▫️ ابدأ بالسلسة الغنية عن التعريف اللي اشتهرت في الآونة الأخيرة ،السلسة الروائية" خوف " من 3 أجزاء.
نوع من الروايات يتكلم عن العالم الآخر(الجن والشياطين) ما بقدر اصنفها رواية رعب بالجد الواحد بعد يقراها بيتسائل هل دي مجرد قصة من وحي خيال "أسامة المسلم" ولا دي سيرة ذاتية زي ما هو بيزعم ؟ أنا من مُعجبي كتابات أسامة المسلم ، ليه اسمه وشهرته من زمان ، بس روايته الأخيرة دي أحدثت ضجة ! .

الروايات الـ 3 بـ يتميزو بالبساطة في السرد ،كُتب خفيفة صفحات الكتب الواحد تفاوت بين 200 لـ 300 صفحة ، ممكن الجزء الواحد يخلص عادي في جلسة وحدة بالنسبة لـ قارئ مُتمرس .

▫️الكتاب الثاني هو كتاب بالجد سمعت عنه وقريت منه اقتباسات كتيرة عجبتني، من وقتها واسم المؤلف " راينر ماريا ريليكه"علق في بالي، كل مرة كنت بقول ح افتش إذا عنده كتاب عديل مجمعة فيه رسائله دي كلها ولا لا ؟ بعد شوية انشغل لحدي ما لقيته يوم قدامي في قناة وعلطول وباشرت في قرائته في نفس اليوم 🩷.

الكتب صغير شديد ممكن تعتبروه من "كتب الجيب " لانه 66 صفحة بس .وعلى الرغم من صغر حجمه بس لحدي الآن م خلصته ، لاني بقرا منه شوية عشان استمتع و اتلذذ بالمحتوى. الكتاب هو مجموعة رسائل كتبها الشاعر العظيم" راينر ريلكيه" الى احد معجبيه وهو كذلك شاعر لكته مبتدئ دخل في الجيش تقريبًا ،فـ اتبنت علاقة صداقة بين الإتنين وتوالت الرسائل الغنية بالنصائح والملاحظات وبعض للاعترافات او الفضفضات ، كان هدفها الأساسي كيف يمهد" راينر " الطريق للشاعر الصغير الشاب في عالم الأدب ويواسيه على تناقض رغباته وأحلامه في الحياة مع ظروفه الإتفرضت عليه.

يعني الكتاب يشبه رواية "صاحب الظل الطويل"، الكانت كلها رسائل مجمعة لـ جودي آبوت على مر سنوات طويلة ، بس الفرق زي م قلت ليكم ده كتاب صغير كله 66 صفحة بس .

ح انشر في وقت لاحق ان شاء الله بعض الأمثلة على رسائله لاني بالجد حبيتهم 🩷🩷.

▫️الإقتراح الثالث .. كتاب "هبة العلاج النفسي " زي م شايفين غلافه قدر شنو جذاب وقوي كمان محتواه مميز وشداني لاني بقيت بحب النوع ده من الكتب اللي هي اشبه بالسير الذاتية بتحكي عن أطباء نفسيين ، يدمجو ما بين خبراتهم و بعض القصص من آلاف التجاب اللي مرت عليهم 🩷.

طبعاً اللفتة اللطيفة انو الكاتب نفسه جاب سيرة الشاعر "راينر ماريا ريليكه" كذا مرة إلى جانب كُتاب وفنانين وعلماء تانين ، الحاجة اللي كانت برضو محفزة لي بجدية اسعى أبحث عن كتاب الشاعر "ماريا ريلكيه".

أنا لسة في بداية الكتاب ما وصلت نصه حتى ، برضو قاعدة اقرا منه شوية على فترات عشان استمتع بالمحتوى .(بتكون من 290 صفحة) .

▫️رابعاً وحدة من الروايات العميقة الرهيبة الأسرتني بجد 😭😭🩷🩷🩷🩷 رواية "النباتية" تحفة تحفة ومن شدة ما كانت شاداني الأحداث أنا خلصتها في يومين بس !

طبعاً ممكن تخلص في قعدة وحدة لانها 220 صفحة ،لكن أنا بديتها متأخر واضطريت اكملها في اليوم التاني . نهايتها غير متوقعة ، فيها حزن عميق ،البساطة في السرد مع انه الكاتبة كورية بس المترجم بطل عديل .

دائما بحترم وبمجّد المترجمين لانه البيعمله عشان يقدرو يوصلو مشاعر ومقصد الكاتب بغض النظر عن اختلاف اللغة؟ وقصاد لغتنا اللي هي بحر واسع من المترادفات ؟ جد عمل يستلزم جهد جبار واحساس فني عالي ✨.

ودايما بشوف عمل المترجم لا يقل عن عمل الكاتب في شي أبداً .ايوة الفكرة حقة الكاتب وده خياله الخاص ،بس الطريق الـ بتتخذه الرواية كمان عشان تنتقل من لغة لـ لغة تانية مغايرة تماماً طريق طويل ووعر شديد يستاهل التقدير بالجد ويتحطّ اسم المترجم في اول صفحة تحت اسم المؤلف.

بعد قرائتي لـلرواية دي مشيت نزلت طوالي كل الكتب المتوفرة للكاتبة هان كانغ ،بس تعتبر الرواية دي اعظم ما كتبت.🩷

▫️ حبيت اضيف الشهر ده لـ قائمتي رواية جديدة حماسية فلقيت قدامي النوع المثالي👌🏻 رواية عن الجريمة لكاتب ألماني لقبه "عملاق عالم الإثارة ." الريفيوهات عن الرواية مشوقة ،وغلافها كمان قوي .

إسمها"آخر موعد للقتل "460 صفحة .. اتمنى تلاقي إستحساني وارجع اكتب عنها ريڤيو.

▫️كتاب ربما عليك أن تُكلم أحداً في الجانب النفسي ؟ اتكلمت عنه قبل كدة ومن شدة إعجابي بيه عملت ليه قناة خااصة عديل بالإقتباسات😂🩷 .
حتلقو عنه ريڤيهو هنا : https://t.me/fadfadah22/4992


▫️وأخيراً لقيت السلسلة دي كمان من جزئين لـ أسامة المسلم اسمها "صخب الخسيف " اسمها غريب ولفتني ،وعدد الصفحات بسيط ،الجزء الأول 230 صفحة . اتحمست تاني اقرا رواية لـ أسامة نفس نمط "خوف" بس ما عارفة صراحة عن شنو بتدور السلسلة دي .. المهم اتمنى تعجبني .


ـــــــــــــــــــــــــــــــــــــــــــــــــ

بكدة نكون وصلنا لنهاية البوست، طبعا كل الكتب موجودة بالقناة.. اتمنى ذوقي المتواضع ينال إعجابكم.

لحدي ما نتقابل في المرة الجاية بإقتراحات جديدة وأحلى..
خليكم بخير✨.


#تنزيل_صابر.
#إقتراحاتي_للكتب.
#اقتراحات_مكتبتي.

كولين هوفر
ينتهي معنا
من ترجمة الاديبة القديرة نور عبد المجيد

ينتهي معنا - كولين هوفر

يبدأ بنا
للكاتبة كولين هوفر
بترجمة الأديب القدير أحمد القرملاوي
وهي الجزء الثاني من رواية ينتهي معنا

يبدأ بنا - كولين هوفر

"خُذهُ بِقُوّة..

حينَ تفعل أمرًا افعَله بقُوّة، حين تَخطو خُطوةً اجعَلها بقُوّة، حين تدخل برنامجًا، أنجزه بقُوّة، حين تُطلِقُ فكرةً، تَمّمها بقوّة، حين تختار مسارًا، اجتهد فيه بقُوّة، حين تبدأ أمرًا، أكمله بقُوّة، لا تُعَلّم نَفسَك الضَّعف، لا تُعوّد ذاتك الانسحاب، لا تتراخَ في الأمر كأنّك تعيش أبدًا، أنفاسك معدودة، وحياتك محدودة، غَرسُك بقدر جُهدك، ومكانك هناك بقدر البَذل هنا! 🤍

كان الهدف ان يكتب مقالة لكنه خرج برواية.
رواية فندق الغرباء تحكي عن مبنى يحبس فيه من يقبض عليه بدون اوراق ثبوتية او يجلس فيه من قدم طلب لجوء حتى يتم البت في طلبه. الكاتب جلس في احد المقرات مدة شهر ليكتب مقال ولكنه خرج بهذه الرواية. الرواية ممتعة شدني الاختلاق الثقافي والديني والجغرافي بين قاطني المبنى. هذه ثاني رواية اقراها للكاتب بعد أن تأتي متأخرا ونفس تلك الرواية ممتعة وقصيرة وفكرة مذهلة لكن كان بالامكان ان تكون افضل. لان فكرة رواية أن تأتي متاخرا مجنونة للغاية لكن تمنيت ان يكون العمل اطول " احطها لكم بعدين "