لديّ أمل، أنه في المرةِ القادمة.. عندما تتاح لِي الفرصة لإتخاذ قرار مصِيري سوفَ أختار ما لن أندَم عليه بعد خمس سنوات.

لديّ أمل، أنه في المرةِ القادمة.. عندما أمُرُّ بالأماكن التِي كانت سجناً رغمَ ميادينها الشاسعة ، أنني سأسيرُ فيها بقلبٍ راضٍ وحُرّ.

لديّ أمل، أنه في المرةِ القادمة.. حينمَا يطرُق بابي الأشخاص الصحيحون سوفَ أعرفهم، وعندما يطرقهُ الأوغاد.. سوف أعرفهم أيضاً ، فبعد رحلة طويلة مع كِلا الفريقين سيكون من الغباءِ أن لا أعرِف.

لديّ أمل، أنه في المرةِ القادمة.. أنني سأكونُ قطعةً واحدة متماسكة أمام تلكَ الأشياء والكلمات والوجُوه والذكريات التِي لطالما فتَّتنِي من الداخِل

لديّ أمل أنني في المرة القادِمة، سأفهَم باكِراً أن الأشياء لا تأتي كما أردناها، أن النهايات ليست دائماً مُرضِية، أن بعض الذين نرتعِبُ لفكرة خسارتهم لا تخيفهم تلك الفكرة بنفس القَدر، لا تخيفهم أصلاً..

لديّ أمل ، أنني المرة القادِمة سأكون شجاعة بما يكفِي لأصفع الباب فِي وجه مخاوِفي، لأسحبُ الأوكسجين من رئةَ قلقي، لألملم في سلَة النسيان كل شظايا تجربة حادّة تناثَرت في أرجاء روحي.

لديّ أمل، أنني في المرة القادِمة، وحتى لا تطاردنِي الهواجس وتلتهمنِي الأفكار المسمومة سأكون حريصةً كل الحِرص على أن أطرحَ كل الأسئلة الممكنة وأحصل على كل الإجابات الممكنة قبل أن أقرّر بصورةٍ جادّة إنهاء كل شئ ،إلى الأبد.
| لديّ أمل
ــــــــــ مريم الشيخ🧡







●

قبل يومين في خطوة صراحة فريدة من نوعها

ودونا كلنا كأطباء و ممرضين و زملاء لي ورشة بتتكلم عن الصحة النفسية

انا لما جاتني الدعوة .. اعتلت وجهي ابتسامة عرييييضة كدة..

جيتوني في ورقي ..

قلت خلاص خلينا نشوف حيدونا شنو و كدة و اهو حاجة لطيفة

الاستاذة امريكية من اصول باكستانية .. لطيفة جدا و الاكسنت بتاعا نضيف .. " الحاجات دي بتفرق معاي"

الكورس ما كان محاضرات .. بقدر ما كان نقاش

من اول صباح الخير انا اسمي فلان

لقيت انه الناس اللي معاي .. فيهم الاصغر و الاكبر.. لكن كاشين من الكلام

الكلام العااااادي

يعني الزولة دي ما قالت اكشفو لي خبايا انفسكم و احكو الحاصل

كنا بنتناقش النقاش العام العادي دة

سلمى طبعا ملكة ملوك كسر الحواجز

البت بقى شكلها محرج .. تسأل و مافي زول يرد

بقيت ارد ليها و اتناقش معاها

و انا طبعا دة محل اهتمامي و تركيزي .. فلقتني بديها كلاما زاااااتو .. اللي هي عايزة تسمعه

بقت كل شوية تقوليهم .. زي ما سلمى قالت ..

تاني يوم الصباح .. ما صحيت .. و ما مشيت بدري

لقيت البنات مرسلين لي .. الاستاذة بتسأل منك .. مافي زول يتفاعل معاها..

بعد ما انتهت الورشة و قالت خلاص امشو ..

اي زول شال شنطتو و طلع .. في حركة روبوتية شديدة..

مشيت وقفت جنبها .. قلت ليها .. شكرا .. كلامك كان لطيف .. و لبسك حلو و انيق .. و انت بروفيشنال شديد.. اتمنى الاقيك تاني ..

و انا سايقة طالعة .. بفكر انا كيف كدة ..؟ كيف بقدر احس بي حرج الاخر و اطلعه من اي موقف اجتماعي سخيف .. كيف بقدر اتكلم بي شجاعة و طلاقة لسان في اي مكان .. كيف بعرف اضحك الناس و كيف بعرف اكون رسمية و كيف ما افقد نفسي في المسألة دي و اكون حقيقية..

البنات اللي معاي فيهم اللي اشطر مني و اللي احسن مني و اللي اعلى وضعا اجتماعيا و ماديا مني

بس لما نجي لي فصاحة اللسان و حضور الذهن .. سوري .. الطلعة دي بتاعتي ..

و انا بتنفر من الحر في العربية و بنفخ زي التنين و بفكر في اللي حصل

لقيت انه ماما ..

ماما كانت أول كوتش لي في الحياة..

اول يوم في المدرسة جابت ورق اي فور كان اسمه فلوسكاب و كتبت كلمة الترحيب بالعام الدراسي

من اربعه صفحات

ما علمتني أقراها و بس .. علمتني متين اقيف في الكلمة و متين امشي و متين اعاين للجمهور و متين احيي الناس بي راسي..!

في مشهد كامل للpublic speaking

من يومها و انا طلاقة اللسان حليفي .. لأنه التدريب دة ما وقف ولا يوم

الحاجة دي ما خلت اللغة العربية احسن .. لا خلت الشخصية و المكون كله احسن

ماما كانت كوتش ل public speaking و communication skills من غير ما تعرف الاسامي الرنانة دي

مرة و انا طالعة في اخر يوم من كورس في المركز الثقافي في ابوظبي للكمبيوتر .. و أدونا الشهادات

جيت فرحانة و هي واقفة برة .. قلت ليه شوفي ادونا شنو

قالت لي و شكرتي الاستاذ ؟

قلت ليها لا .. ما قالو لينا و انا استحيت

سألتني اذا كان قاعد جوة لسة .. قلت ليها ايوة

رجعتني تاني عشان اشكره !

أنا مدينة لي ماما بي كل الشجاعة و الفصاحة اللي عندي.. هي اللي علمتني كل المهارات اللي ساقتني في الحياة

التعليم رفعني شديد .. لكن على حد سواء المهارات .. خلتني بني ادم مختلف ..

❤️❤️❤️


محبتي.

#سلمى_المصباح.

" أَتعبت ؟! أتدركُ أنَّ اللمعةَ التّي كانت تملأ نظرة عينيك شغفًا وحبًا وأملاً قد تلاشت؟ ألستَ ممَّن تسلَّحَ بـِ "لا أبرحُ حتّىٰ أبلغ" ؟أراك بَرِحتَ ، انطفأت ، ضَعفْت ، وهنت؟!
وأن الله ما لهَذَا أودعك.لَملِم شتاتَ نَفسِك .. اجمعْ فُتات قلبك واقبضْ ما تبقىٰ منك عد إليك يا صديق، لنفسك عليك حقًا ، فقد بلغَ البُعد منك أشدّهُ ..احضن حلمك وألهب عزيمتك وتذكّر ما تريد أن تكونهُ بعد حين ..

يا لذة الشعور ، حين تدعوه بشيء طالما أرهق قلبك ،ثم يؤتك سؤلك ..

يا لجمال الاستجابة و جلال اللحظة ، هيبة الموقف و عظمة الإمتنان ..

أتيتك ربّ بحال "فنادى" فلك الحمد على أن بلغتني مقام "فاستجبنا له"💙.