دايما في اي شكل من اشكال العلاقات سواء
اب وام او اخوان او اصحاب او ازواج
اتذكرو دايما انو ..

" ما مهم إطالة الوجود ..
المهم اجادة الحضور 💞."


يعني اتخيل معاي زول قاعد معاك من الصباح للمساء ، لكن ماعارف انت حاسي بشنو او ماري
بشنو ووجودو وعدمو واحد..!


بس برضو اتخيل معاي ابو يجي هلكان من شغلو بليل .. بس بيستقبل اطفالو وزوجتو بكل الفرحه الممكنة وبيخصص ليهم وقت خاص حتى لو كان نص ساعه بيسمع منهم ويتونس معاهم ويكلمهم ويضحكهم ..

كدا الاب دا حاضر حضور تام ، والنص ساعه دي بالدنيا ومافيها.


اجادة الحضور سبب مهم من اسباب قوة الرابطه بين اي شخصين تجمعهم اي نوع من انواع العلاقات في الحياة دي💞.



#علاقات.
@fadfadah98

‏مع الوقت ستنسى أسباب الخِصام
وتنقطع من ذاكرتك التفاصيل السيئة
جميعها وسيلازمك سؤال واحد لا يفنى:
هل كان يستدعي ما حدث كل ما حدث؟
🏷مصطفى محمود.




●

اكتئاب ما بعد التخرج


تُظهر الأبحاث مدى واقعية حالات الاكتئاب ما بعد التخرج التي تواجه الطلاب الخريجين وتزايد هذه الحالات بصورة كبيرة في وقت تفشي جائحة كورونا وتأثر الأنظمة الاقتصادية بها.

غالبا ما يُصاب الشباب بهذا النوع من الاكتئاب بعد إكمالهم للمقررات الدراسية وحصولهم على شهادة البكالوريوس ويعود ذلك إلى انتقالهم من بيئة محاطة بأشخاص تعايشوا معهم على مدار سنوات إلى بيئة أخرى مليئة بالمسؤوليات وضغوطات البحث عن عمل والوحدة التي يُعانون منها.

لنتعرف معا على أعراض اكتئاب ما بعد التخرج والعوامل التي تؤدي إلى ظهوره وكيفية التخلص منه..


رابط المقال بالكامل 👇

https://2u.pw/P4cqZ



هل مررتم بهذه الحالة من قبل، أم تعرفون شخصا يمر بها؟
يمكنكم مشاركة هذه المقال معه 🧡


#مقالات_مكتبتي.
#الصحة_النفسية.

-
" اللهم السعة التي أرجو ، و كرمك كله ، أن تسعد خاطري و تختتم عمري بكل النعيم، وان تجعل آخر اعمالي صالحة لوجهك لا تشوبها شائبة ، اللهم حسن الخِتام💙."


اللهم صل وسلم على نبينا محمد وعلى اله وصحبه اجمعين.

" ‏في البيت أجلس
لا سعيداً لا حزيناً
بين بين
ولا أبالي إن علمتُ بأنني
حقاً أنا أو لا أحدْ!"

🏷محمود درويش.




●

ㅤ
‏أمسك بقاياكَ، يَكفِي منكَ مَا وقَعا،
خُدِعتَ لابأسَ، مَن فِي النَّاسِ مَا خُدِعَا؟!

لَملم شَتاتكَ فالأمطارُ يَعقبهَا،
صَحوٌ، سَيطردُ مِن أجوائِكَ القَزعا🧡.




•

𝙏𝙤𝙙𝙖𝙮’𝙨 𝙧𝙚𝙢𝙞𝙣𝙙𝙚𝙧 ♥️.

" هيهاتَ ماوصَل القومُ إلى المنزلِ
إلَّا بعد مُواصلةِ السّرى ولا عبرُوا
إلى مقرِّ الراحةِ إلَّا على جسرِ التَّعبِ."
🏷ابن القيِّم رحمه الله.




●

تطفو على قلبي روحاً بلا ثقلٍ
قد تنزهت عن ما للإنسٍ من ثقلٍ
                                                                  
منهم وليس يجمعها بهم من شيءٍ
تسمو وتعلو في السماءِ بروحِ طيرٍ
                                                                  
سكنٌ ومأوى
للفوائدِ ملاذٌ
اسماً ومعنى
#لملاذي_تابعي_خطواتك 💜
#Israa

هذا المساء ♥️

لعلّ هذا المنشور يترك أثراً على احدكم اليوم ...



يحكي أحدهم ..

" لو فاتني دخول الجامعة التي تخرجت منها، لم أكن لأعرف طريق الالتزام والتدين، في حين أن من دخل الجامعة التي أرادها، جميعهم لا يعلم عن الالتزام شيئاً، ولم أكن لأتعرض لما تعرضت له ولم أكن لأقرر أن هذا الدين ينبغي أن يُبذل له الغالي والنفيس ولم تكن خياراتي لتكون على مناط هذا الدين وما يرضي الله عز وجل..
نعم، أقع في التقصير والذنوب كما يقع الكل، وأسأل الله التوبة النصوح والعافية وحسن الخاتمة..

لكن والله العظيم البلاء الذي تعرضت له في الجامعة وجعلني أكرر عام كامل في الدراسة بسبب التعب، كان أعظم منحة في حياتي، به عرفت الأخوة وبه عرفت طريق الالتزام ومنه خرجت بالصحبة الصالحة التي معي الآن لما يزيد عن 12 عاماً، ولا أحصر كم النعم والرحمات التي تغمدني الله بها في حين أن الكل كان ينظر لعثرتي أنها إخفاق!


لعل ما أريده كان سيصدني عن كثير من الخير، ومنها هذه القناة وغيرها من المشاريع، فالحمد لله على لطف أقداره بي ولطفه في معاملته إياه رغم تقصيري وإسرافي على نفسي..

الحمد لله رب العالمين على تدبيره، الحمد لله رب العالمين على اختياره لي، الحمد لله رب العالمين حمداً وثناءً كما ينبغي لجلال وجهه وعظيم سلطانه..♥️

وما فاتني من الدنيا ومتاعها لا يقارن بموضع سوط لي بالجنة، وإنما هي أيام قلائل!

المهم أن تكون أياماً في مرضاة الله، لا في غفلة ولا معصية!


- منقول لقارئه.

= يا أمي نحنا ما حناكل لحمة في العيد برضو 💔!


قالت :

"رجعت خطوتين عشان أشوف مصدر الصوت ، لقيت سيدة عمرها كم و تلاتين سنة ماسكة يد بتها ، والبت عيونها في اللحمة ، الأم كتمت دموعها قعدت تعاين للبت وقالت :
" في أجنحة جداد (فراخ) في دكان عمك فلان ، طعمهم حلو شديد حيعجبوك "

البت وقفت مكانها وركزت نظرها مع أمها وكأنها بتلومها على الفقر اللي هم فيهو ، كنت واقفة بشاهد المشهد وأنا ما عارفة ليه مرقت من بيتنا في الوقت ده بالذات ، رغم إني تعبانة!

باقي لي في الحياة كم يوم ، ويمكن ساعات ، ما عارفة!

عندي مرض مافي زول اتعالج منو ، كل اللي اتصاب بيهو مات!
من الامراض المُستعصية حتى على أطباء العالم كلو ..

بدأ معايا بالروماتيزم وكان السبب اللوز وبقيت اتعالج أربعة سنين ، حقن بنسلين وبعدها بقيت تعبانة و مافي أي تحسن ..

اتشخصت روماتويد و ما يئست رغم ضعفي ، وكملت العلاج لحدي ما بقيت بت هزيلة ، ما عارفة تسند روحها زاتو ، وبعدها اكتشفت الصدمة إنو المرض اللي عندي مختلف تمامًا واسمو " الذئبة الحمراء " ..

ما كنت بمشي المدرسة ، حياتي وقفت بعد ما لازمت السرير ، قعدت ٨ سنين باخد علاج ، لحدي ما وصل بي الحال إني بقيت بستفرغ الدواء بسبب ألم معدتي ، حتى كِليتي اتأثرت ، كنت كل ما أتألم أمي تقول لي " قولي يارب " 🌸..

جا شهر رمضان والعيد قرب ، كل الناس بتفرح وأنا مستنية قضائي .

شعور مرير صعب يتوصف ، لحدي ما قررت أطلع من بيتنا براي أشم لي هواء ، و أحاول أشوف الدنيا ولو لمرة واحدة على الأقل ، نزلت بالعافية و مشيت أشتري طلبات العيد لي أمي .

وأنا في الجزار سمعت صوت طفلة بتقول :
" يا أمي نحنا ما حناكل لحمة في العيد برضو ! "

مشيت ورا الأم دي لحدي ما عرفت بيتها ، وقفت في شباك بيتهم لقيتها بتبكي وبتقول لي بتها :
" أوعى تتمردي على قضاء ربنا وأرضي ، عشان لو أعرضتي على الرضا ربنا حيربيك بالبلاء وحترضي غصب عنك " ..

البت عاينت لأمها وقالت والدموع مالية عيونها " يعني أعمل شنو يا أمي ؟ "

أمها عاينت ليها بي ترقب وقالت :
" اللهم ما كان حزني تمرد منِّي على قضائك وما كان جزعي يأس من رحمتك ولكن قلبي أهون من أن يتحمل الكثير فألقي عليه عفوك ورضاك " 🌸

وقفت جنب الشباك أردد مع البت دعاء الأم ، سرحت مع الدعاء وقعدت أردد وصوتي يعلى و يدي بقت تترعش ، وعيت على صوت الأم و هي بتهز في كتفي وبتقول لي :
" محتاجة حاجة يا بتي؟ "

عاينت ليها ب رضا وقلت ليها : " بنوزع لحمة العيد ياحجة " ..

واديتها اللحمة اللي كنت جايباها لي أمي ، عيونها لمعت بشكل مريح و عاينت للسماء وكأنها بتشكر ربنا .

مشيت رجعت البيت و لمن نزلت يوم العيد شلت لحمة من خروفنا ، و مشيت براي للأم ، ما عارفة ربنا كان مقويني كيف !

وأهلي كانو مبسوطين إني قدرت أتخطى التعب ولو شوية ، وصلت بيتها وفتحت لي الباب ، قعدت أضحك وأقول ليها :
« وين تلاجتك ياحجة عشان أخت فيها اللحمة؟»

حسيت بخجلها ، وبعدين عاينت للأرض ، فهمت الحاصل ، بعد شوية طلعت تلفوني وعملت نفسي بتكلم مع زول و قلت ليهو :
"أيوة يا باشمهندس ، التلاجة الزيادة اللي كنت بتقول إنها هدية العيد لي زول محتاجها أنا عاوزاها" ..

قعدت تضحك ضحكة أشبه بالتعجب ، وقربت مني وقالت لي :
" أنا عارفة إنك ما كنتي بتتكلمي مع زول و بتجبري خاطري بس ، لكن صدقيني ربنا ما حينساك ، و زي ما أنقذتيني من نظرات بتي اللي كانت بتوجع قلبي ، حينقذك من كل حاجة متعباك " 🌸

ابتسمت ليها ورجعت جمّعت قروش من أهلي و معارفي ، وكان معاي قروش لامّاها وجبت ليها التلاجة ..

وبعد اجازة العيد مشيت افحص و أكشف أشوف باقي لي كم يوم على قضائي!

الدكتور قعد يقول لي " كيف ده حصل؟ "

عاينت ليهو وقلت ليهو " في شنو ؟ "

رد بصوت متقطع وقال لي " مافي أي آثار للمرض ، معقولة ؟! "

عاينت للسماء و بقيت أردد دعاء الأم ، و عاينت للدكتور وقلت ليهو :
" ما خاب عبد جبر خواطر الناس " ❤️..

وكنت أنا أول واحدة في العالم تشفى من مرض الذئبة ! " ..
...


خلوا بالكم من الفقراء وفرحوهم بكرة بي نية شفائكم وقضاء حوائجكم ، فالصدقة النقص الوحيد اللي كلو زيادة ❤️

فاللهمّ أهِلّه علينا بالخير و اليُمن والبركَات ، ارزقنا السعادة و العافية في الدنيا ، و في الآخرة الجنة و لذة النظر إلى وجهك الكريم ..



#قصص_حقيقية.

أكثر ما يمُسّ قلبي في قصةِ سيدنا موسى أنها
أكثرُ قصص الأنبياء توضيحاً لمعنى العائلة💙


فمنها نتعلم أنّ الأمّ سواء أنجبتك أو ربّتك فهي أحنّ خلق الله بك ، وأنّ لها حدساً
بأطفالها يستحيل أن يُخطِى ،
وأنّ الوحي الذي يصل الأمهاتِ هو أسرعُ
فعلٍ سماوي.


أنّ الأخواتِ هنّ أمهاتٌ صغيرات ، وستظل تُرافق أخاها حتى يصل إلى الأمان ، عن بُعدٍ
أو حتى عن قرب ، بالكلمة أو بالتلميح.

" وَقَالَتۡ لِأُخۡتِهِ قُصِّيهِۖ فَبَصُرَتۡ بِهِ عَن جُنُبٖ
وَهُمۡ لَا يَشۡعُرُونَ ".


وأنّ أخاك كذراعيك ، جناحٌ لكَ و عزوة ، بل
مجرّد وجودهِ بقربك سيجعلك شخصاً أقوى .


"قَالَ سَنَشُدُّ عَضُدَكَ بِأَخِيكَ".


وأنّهُ حين غضب سيدنا موسى من هارون
استعطفه هارون بكلمة واحدة :
"قَالَ يَبْنَؤُمَّ" فعاد لصوابه.


أنهُ تزوج بنت النبيّ شعيب من كانت تمشي
على استحياء ، ليبين لنا أنّ الحياء في
النساء هو أجمل مافيهنّ.

وحين قابل سيدنا الخضر ليعلمنا أنّ الحياة
مليئةٌ بالغيبيات التي تحتاج منكَ صبراً لتفهم
وفؤاداً نقيّاً لتعلم ثم عقلاً سليماً لتتيقن.


- لقد ذُكر سيدنا موسى في القرآن ١٣٦ مرة
في أربع وثلاثين سورة مباركة💙.






●

هذا الصباح ..🤎

أمِن العقل أن يُؤذيك أحدهم و يبغضك
و يظل له كل هذا الأثر في نفسك ؟؟

غادر من غادرك، و تخلى عن من تخلى
عنك، و غير مجريات الأمور لواقع ترضاه
و أغلق الصفحات في الوقت المناسب .

لاتسمح لسوء أن يتسرب لنفسك، وتصالح
مع حقيقة زوال الكون كله في ثوان ، و
اعلم أن المؤمن مرفوع الرأس، عزيز الشعور
و أن المتنازل مرة عن حقه، المتسامح في
حدوده، يُؤخذ منه و لايرد عطائه ، و تكسر
نفسه مادامت لاتعز عليه .

أعزك الله بقوة القلب و شدّ أزرك باليقين،
أنه معك، رزقنا الله نقاء السر و دوام الخير
و اطمئنان النفس فلا يضيرها هجر الناس
و لا تتوسل معيتهم أبداً .
🏷ياسمين علي.




●

"‏ تفوز الحنية دوماً ..
گونها الشعور الأعظم♥️."