"ببطءٍ وثبات، دون أن تشعر، تُصبحُ أشخاصكَ المُفضلين، تجرِي على لسانك كل الجُمل الممُيّزة التِي يدُسونهَا وسطَ حديثهم، تستوقفُكَ للتأمل كل الأشياءُ المصبوغَة بألوانهم المُحببةَ، تتّريثُ قبل أن تطلبُ وجبةً أو مشروبًا مَا، فتلتهمهُ مُنتشيًا بسرورٍ بالغ، دون أن تنتبه، أن ما طلبتهُ يتناولهُ أحدهمُ كل يوم مثل شيءٍ أساسِي مُسّلمٍ به!
مع الوقت، تُثيرُ أذواقهُم وإختياراتهُم الخاصَة والغريبةَ فيما سبقَ لشخصيتكَ القديمَة إعجابك، ورُبمَا، تكون الفرصة سانحَة لأخذ إذن التجربة.
على مهل، دون أدنى إدراك، تُبنَى غُرفٌ كثيرةَ بجوارِ هيكلكِ الأصلِي تَضُم أفعالاً وأقوالاً وعاداتٍ لم يخطر ولو مُصادفةً أن تتبناهَا إليكِ، فيتّسعُ مخزونكَ من الذكرياتِ والأشياء، وتُضيف في هدوءٍ تام حجرًا جديدًا لغرفة أخرى مُشّبعَة بمَا يُحبهُ شخصك المُفضل."💜

#زَكية_عاطِف

-

" بعضُ العلاقات علاجها في هدمها، قدّ يؤذيك ذلِك الهدم ، قد يُشعرك بِالندم والألم ، قدّ يحرقُ صبرك وأياماً مِن عمرك ولكِن إنقاذك يبدأ من هُنا ♥️ )).


أنت ‏ما مطلوب منك تفضل متمسك بشخص ما متمسك بيك ..
بشخص هو دماغو ما معاك ولا مستوعب حجم تعبك معاهو وماف خطوة جد أساسا من اللي قصادك تحسسك انو مستاهل ، أو انو أنت فارق معاهو اصلا ..

تفضل تشرح ، وتبرر ، وتاخد من صحتك ونفسيتك وتدخل نفسك في دوامة جلد ذات وتأنيب ضمير وتسال نفسك لسة بعدا
" أنا قصرت في شنو !؟"

ما مطلوب تبقي قصادو بتعمل مجهود وتراضيهو وهو ما بيعمل ربع الجهد ده.

ما مطلوب تفضل متمسك بشخص محسسك دايماً أنك ما كافي ، تولع صوابعك العشرة عشانو وعادي في الاخر يقول ليك " أنا طلبت منك كدة !؟ " بكل برود ..

هو فعلا ما طلب أيوة ، لكن نفسك ال عليك عليها حق دي ، ال حيجي ربنا يسألك منها يوم القيامة ..

نفسك (شخصك) الجواك الفاضية دي وكانت محتاجة فعلاً منك تولع عشانها صوابعك العشرة ما اشتغلت بيها واتجاهلت الصوت الجواك ومشيت بيها في درب غلط ..

اديت ال أنت محتاج ليو ل غيرك ..

بالجد كرر السؤال على نفسك تاني كدي ..
" في زول طلب منك كدة ؟! "

الانسان ممكن يتعب و يعمل المستحيل عشان فلان يبقي مبسوط .. بس المشكلة في فلان نفسو !

" فلان " ده لو جبت ليو حتة من الجنة هو شخص رافض للسعادة و شخص ناكر للجميل ، عمرو ما حيقدر تعبك ..

علي النقيض في شخص ممكن بأقل المجهودات بكلمة رقيقة واحدة بس ، يطلّع بيها السما و حياتو لحظتها تبقي اسعد و اجمل .. ويحسسك بالإنجاز يحسسك أنك " كافي /enough."

في شخصيات مُستغلة ، بترمي على انسان معين او الناس اللي في حياتها واجب اسعادها ..

يعني يخلوا الطرف الاول ، المسؤول الاول و الاخير عن تاثير السلوك ، و يزرعوا ده جواهو ..

لو هم ما مبسوطين هو السبب ، لو في مشكلة عندهم هو السبب ، لو في خلل ما في العلاقة ، هو مصدر الخلّل ده ..

دايما لعبتهم انه يشك في نفسو و يجلد نفسو علي حاجة ما ليو ذنب فيها اصلا ، دي ناس مريضة نفسياً

في جملة عظيمة جداً بتقول :

" التغافل عن الإساءة المتكررة من أجل إبقاء الوِد ،هو الدمار النفسي ."

ماف زول دمرك نفسيا واذاك غير ال أنت فضلّتهم علي نفسك واتمنيت ليهم الخير وهم م قدرو وجودك..

ماف انسان بيستاهل أنو يحس انو " ماكافي"

ولو ربنا ابتلاهو بأقارب يهدمو فيو بدل يبنوهو ومرّ بالاذية دي وفضل يتعايش مع احساس انو ماكافي ، عندو حق انو العلاقات التانية تبقى ليو بر أمان ..

مساحة علّها تعوض شي من الفقد (لو فرضنا حيتعوّض ) ..

في جملة لتسنيم البرهومي بتقول :

" العلاقات جات عشان تسعدك ، تريحك ما عشان ترهِقك وتقلِّق بيك."

وعبير ابراهيم قالت مرة كلام يستاهل يتبروز :

قالت " مافي زول بحبك بحتاج منك معافرة عشان تحسسو إنك قاعد ، البحبك بيحس بي وجودك من غير حتى ما تبذل أي مجهود !

كل الناس الإجتهدوا شديد عشان يحسسوا البحبوهم بي وجودهم = خسروا روحهم وقطعوا مشاوير طويلة شديد من غير فايدة ."

....

على آخر السطر...
" Be powerful enough to wait for what you deserve."

يعني = استحمل حبتين لسة واستقوى ، عشان تلقى في الاخر اليستاهلك.♥️

عشان بعد كل العك ، و المعافرة دي والعلاقات الفاشلة ، والخذلان المتكرر حيجي العوض وينسيك ..

و تقابل حد ويكون زي ما أم كلثوم لم قالت:

" صالحت بيك أيامي ، سامحت بيك الزمن."

...

هذا الصباح..

" الانسحاب من العلاقات المؤذية ليس فشلًا، الابتعاد عن البقاع التي لا تَهبك قيمة ليس هروبًا.. وكثير منَّا يَظن أنه خسارة وانهزام، بينما هو في الحقيقة أثمن مكسب .♥️"


#خلي_بالك_عليك.
#سمعت_جملة_بتقول
#تنزيل_صابر.

‏ولو ابتعدنا عن مصطلح الألم النفسي وتحدثنا
عن مصطلح بناء " المشاعر الإيجابية " فمارس كتابة الأحداث الجميلة في حياتك ، ضعها كمذكرات ، اكتب عن طفلك الأول ، مسكنك الأول، تجربتك الأولى في العمل، الذاكرة تنسى ، لكن بمجرد ما تعود لقصة تجربة كتبتها قبل سنوات فإن مشاعرك الإيجابية تنتعش من جديد.
🏷اسامة الجامع





●

‏صباح الخير
‏"حثّوا خُطاكم للحياة, ما مَضى لن يعود, اِعملوا ثم اِعملوا ثم اِعملوا, الحياة ترتسم مِن كِفاحكم، أنتم أهلٌ لها.."♥️🌼