"ألتصق بدعائك منذُ الآن..
قد اقترب يوم عَرفة."🧡
-

﴿إِنَّما يُوَفَّى الصّابِرونَ أَجرَهُم بِغَيرِ حِسابٍ﴾ ‏


قالَ الأوزاعِي :‏
" ليسَ يُوزنُ لهُم ولَا يُكال، إنَّما يُغرف لهُم غرفًا♥️ ".

صباح الخيرِ، ثُم إنّ الله دائمًا يُحقّق المستحيلات بالطريقة الأكثر استحالة، فاطمئنّ💙






●

قال وهو بيحكي ..

قلت ليها : المفروض تصلي ركعتين شكر لله بسبب الحصل ده ..

عاينت لي بي ثقة وقالت : " لا أنا ما حأسجد ، انت اللي حتسجد وتشكر ربنا على الحصل " ..

كنت في عيادتي بتجيني كل يوم حالة (مريضة) ، و كان عندي حالة مرضها بزيد يوم بعد يوم ، وكان عندها ورم في الثدي وكمان بينتشر في العظام ..

غابت مني شهور قمت نصحتها تكمل علاجها في الجامعة لانو العلاج مكلف جدًا في العيادات ..

أخدت العلاج وفعلاً سمعت كلامي و عملت بيهو ، والليلة بعد مدة ما طويلة دخلت أشعة التقييم ، والحمد لله الاشعة كان فيها استجابة تامة ، رغم إنو الموضوع كان مستحيل السيطرة عليهو ، و كيف الإستجابة السريعة دي حصلت ما عارف !

بدت علاجها و مشت ستة شهور مع طبيب متعاون معاي على تنفيذ نفس البروتوكول ؛ لأننا كنا بنتكلم على قاعدة علمية مشتركة ، ولمن حصل المستحيل و ربنا شفاها قلت ليها :
" المفروض تصلي ركعتين شكر لله "

ردت وقالت لي : " ما أنا اللي حأصلي ، أنت الحتصلي "

فقمت قلت ليه بابتسامة : " طيب يا ستي ، طبعًا نتيجة تستحق الشكر مني ومنك "

قالت لي : " أنت ما عارف أنا بقول ليك كده ليه ؟ "

فبدأت أقلق وقلت ليها : " خير ؟ "

ردت وقالت لي « قبل ٣ شهور زوجي شاف رؤية في النوم ، إننا حنكون عندك شهر ٦ ، وبعدها الأشعة حتطلع كويسة ، وشافك في الحلم بتقوم من مكتبك و بتسجد شكر لله » ❤️

أنا الصراحة جسمي اقشعر ووقفت مصدوم ، و عاينت لزوجها لقيتو راجل سهل بشوش الوجه ، مشيت صليت ركعتين شكر لله وشكرتها على الطاقة الإيجابية الاتسللت جواي ..

وبعدها قررت إنو زوجها يكون صاحبي .

مُتخيلين إنو في ناس قريبة من ربنا بالشكل اللي يخليهم يحققو المُستحيل بدعوة بس " ؟ 🌸

#القصة حقيقية على لسان الطبيب ..❤️

....

فاللهمّ ما حوَت دعواتنا من الأمنيات ، عجّل لكلٍّ منا تحقيق أحلامه ، و اجعل همسات الدعاء حقيقةً و يقين ..


#تيسير_الصادق .
#قصص_حقيقية.

-

خطة جميلة ليوم عرفة ..💚🍃

حين كُنَّا صغاراً كان المطر لعبتنا المفضَّلة. أبي، الفلاَّحُ الفقير، لم يكن معه ثمنُ ألعاب، فكُنَّا نلعبُ بأغراض الطبيعة. الماءُ والثلجُ والفراشاتُ والغصون كانت أغراضنا. ولم تكن بين الأرض وبيننا قسمة.

- وديع سعادة

حين كُنَّا صغاراً كان المطر لعبتنا المفضَّلة. أبي، الفلاَّحُ الفقير، لم يكن معه ثمنُ ألعاب، فكُنَّا نلعبُ بأغراض الطبيعة. الماءُ والثلجُ والفراشاتُ والغصون كانت أغراضنا. ولم تكن بين الأرض وبيننا قسمة.

- وديع سعادة💙
-

-

كل الامانِي شوفتك صباح العيد ..💛🌻

" قيل فى الماضي أن لكل فعل رد فعل "

فحينما يبدأ الصراع لا يُبالي أحد بمن
يواجه ، بل يهتم فقط أن يصبح هو رد
الفعل الأقوى ليتمكن من الِانتَصار فى
صراعه.
ومن هنا يحول رد الفعل كل شيء
فتتحول حينها رقة القلب إلى شراسة،
والتسامح إلى رغبة ملحة فى الانتِقام ،
وكلما كان القلب نقيًا كلما زادت عليه
بشاعة الفعل ، ومعه يُصبح رد الفعل
أقوى وأعنف ..
فأصحاب القلوب النقية هم من يتحولون
إلى وحوش كاسرة حينما يتم الضغط على
قلوبهم ، وحينها فقط يتغير فى أعينهم كل
شيء ليملكوا رد فعل أقوى مما قد يتوقعه
أي شخص على الإطلاق.

🏷عادل أبو الفضل /من رواية تريلو .






•

اتعاطفو مع روحكم وقت المعاناة ..
وقت ما الواحد بكون واصل لمرحلة همّو كلو يبقى بس كيف اليوم زي ما بدأ ينتهي !

لم بكون بس منتظر آخر اليوم ، وقت ما الناس كلها تنوم عشان هو ده الوقت الوحيد اللي حيقدر يتعرى فيو ب أحزانو واوجاعو بدون زول يشوفو او يلاحظ ليهو ..

لم بكون الزول محتاج للطاقة البسيطة ال عندو_ اللي شبه معدومة أصلا _لنفسو هو مش للناس الحوليهو ..

في الوقت ده أنتو محتاجين تتعاطفو مع روحكم ، تقلّلو جلد الذات قدر ما تقدرو ، لأنو الواحد في الفترة دي بكون جاذب للسلبيات شديد ..

ما تبقى حكاية أنك ماري بفترة صعبة وحاسس أنك كئيب ورغم كدة أنت بتحاول تحافظ على العلاقات بتاعتك ..

لا ده م دورك اسي !!
ده دورهم هم ..

هم اللي يبنو مقدار تمسكهم وجديتهم معاهم ، ده وقت العرضthe show يازول ! الوقت ال بتظهر فيو معادن الناس بالجد ..

نص الناس ال حتقول ليك اتغيرت مالك ؟ بقيت كئيب كدة مالك ؟ والنص التاني ال ما بكون جايب خبرك اصلا ، ماهم قاعدين ساي زيادة عدد ..

ده ما الوقت الحتقعد تجلد فيو روحك عشان أنت مقصر مع الحوليك ، أنت اصلا ما ناقص جلد ذات الفترة دي ، والحوليك ديل لو بعرفوك جد جد حيعرفو ده ما طبعك ، في شي ما صح ..

بغض النظر سألو ولا لأ ؟ اهتمو ولا لأ ..
الواحد ما ممكن يطلب الاهتمام ياخ ، الاهتمام والخوف ده ما بنطلب ، ما بتشحد ، زي الحبّ كدة .

بس على الأقل ال مبقدر يقدم ليك شىء ، ما يأذي كمان بعتاب ولوم وعك كتير ..

العايز يفصلا معاك ده أقل شبر موية بزحلقو ، دي بالنسبة ليو فرصة ممتازة ، واصلا ده ما زولك ولا شي ، كنت مغشوش ساي وياهو اسي عرفت ، ونوع زي ده أحسن يمشي والله ، لازمة قعادو شنو ؟؟


في فترة المعاناة والتعب وانخفاض الطاقة ابعد ، عشان تقلل من الاحتكاكات ال زي دي ، لو عندك زول جدع خليو قريب منك ، فترة وحتعدي اصلاً ان شاء الله .

أيوة صح في ناس بتعارض فكرة البُعد دي ، بس كل زول بأسبابو ، في زول لقى في البعد راحتو ، في زول اضطر يتعود على كدة ما ينفع تلموهو ..

لو قادر تغير من الطبع ده غيرو باسلوب كويس ، بس م تعاتب وتسيب البُعد ده سبب كمان عشان تتملص من زولك او صحبك ، ياهو نفس النوع الفات ده ، بس اختلاف الشكل من برة ، لكن نفس المضمون.

اتعامل مع نفسك بلطف ، وابعد من أي شي ممكن يستهلكك وياثر عليك بالسلب قدر ما تقدر ..

في أحلك الاوقات اسند نفسك ، وقوم وما تطوّل قُعادك ، قعاد الواطة ما شبهك والله♥️.
....


" ‏كل شيء يُمكن تعويضه إلا صحتك ، تراكم الأحزان في قلبك ، العلاقات التي تبث سمومها فيك بشكلٍ مُستمر، تحمّلك للأفعال والأقوال التي لا تُطاق وتكديسها فوق بعضها البعض دون اتخاذ قرار تجاهها، ضغطك المستمر علىٰ نفسك ومُحاسبتها علىٰ كل شيء، كل هذا يؤدي إلىٰ تدهور في حالتك النفسية والجسدية ، رفقاً عليك"


هذا المساء ..
#خلي_بالك_عليك♥️.


#تنزيل_صابر.
@fadfadah98