" كلنا بنحلم بالتغيير ونفسنا نتغير سواء بان نقدر نتخلص من عادات كعبة فينا او نكتسب عادة سمحه ماعندنا بس مشكلتنا كلنا بنقع في نفس الخطا عند محاولتنا للتغير .."

🔶 داير تعرف الخطا ده شنو يبقي تابع معاي ☺️💚

👈🏼 الخطا الاكبر البنقع فيه عند محاولتنا للتغيير " هو اننا بنركز علي الحاجة الدايرين نغيرها بس، وبنتجاهل العادات او التفاصيل الصغيرة والبسيطة اللي هي اصلا سبب في الحاجة الدايرين نغيرها او نكتسبها"

❒️ اليوم الواحد فينا لو داير " يكتسب عادة سمحة كالقراءة مثلا"، او "يتخلص من عادة كعبة كالتسويف مثلا" دايما بيركز علي طول علي الحاجات الكبيرة او العادة دي وبيحاول يشتغل عليها ..

_ بس المشكلة ان ما بقدر يداوم علي الحال الجديد ده " لان تركيزنا انصب علي الحاجة الظاهرة والبارزة ونسينا تاثير التفاصيل الصغيرة او العادات البسيطة الممكن تحدث فرق"

🔲 علي سبيل المثال  ..

الليله لو انت داير تنجح في فصلك الدراسي او تحقق درجة عالية غالبا بتشوف ان علشان تعمل كدا " لازم تقرا وتجتهد وبس" لكن صدقني النجاح ما بيجي من قرايتك واجتهادك بس..

_ فنومك عنده اثر لانك لو ما اخذت القدر الكافي من النوم ماحاتقدر تركز علي قرايتك وبالتالي حاتكون مشتتت في امتحانك .

_ ولو كنت بتقرا في مكان فيه ازعاج ماحاتقدر تركز او تفهم اللي بتقراه لانك حاتكون مشتت كتييير ..

_ ولو سريرك او مكان دراستك ماكان منظم حاتاخد وقت كتيير في انك تفتش علي الحاجة العاوزها ..

_ فاذا " ميعاد نومك واستيقاظك _ ترتيب غرفتك ومكان دراستك  مكان قرائتك .. الخ" دي كلها عادات بسيطة بس بتساعدك في تحقيق النجاح الانت دايرو 💚

👈🏼 فعلشان كدا انت ما ممكن  علي العادة الداير تتعلمها او تتخلص منها وبس، وتنسي العادات ااو التفاصيل البسيطة الممكن تكون الفاصل في انك تقدر تحقق الحاجة الانت دايرها دي ولا لا  ..


🔶 "التغيرات التي تبدو بسيطة وغير مهمة في البداية ستتراكم وتتحول الي نتائج مذهلة لو انت واصلت الالتزام بها لسنوات "

👈🏼 فانت هنا لازم تفهم ان انت مستحيل تحقق نجاح كبيير بدون ماتركز علي التفاصيل او العادات البسيطة دي ، ومستحيل تقدر تغير من نفس مالم تركز عليها 💚

_ لان العادات دي مش منفصله عن بعضها بل متشابكة وكل عادة بتاثر علي اللي بعديها  " فانت اليوم لمن تمارس رياضة بتلقي جسمك نشيط وعقلك منفتح ولياقتك عالية، ولمن ماتمارس رياضة حاتلقي العكس"

_ فاذا هنا ممارسة الرياضة بس غيرت من شكل حياتك بالكامل


🔲 كذلك النوم " الليله لمن تنوم في وقت مبكر وتدي جسمك الراحه الكافية في اليوم البعديه بتصحي بطاقة عالية وتركيز عالي وانتباه عالي وحاتكون منجز في اعمالك اليومية، اما اذا نمت متاخر حاتصحي مرهق وماحاتقدر تنجز اعمالك بالصورة المطلوبة"

👈🏼 فعلشان كدا قبل ما تقرر انك داير تغير شنو في حياتك، او تسعي لنجاح باهر " حاول ركز علي العادات البسيطة البتعملها يوميا وحاول غيرها وعدل فيها علشان تلائم وتناسب الهدف الانت داير تحققه ده"


🔶 ايضا لازم نعرف " ان التغيير الكبيير بيحدث بسبب عادات بسيطة او افعال صغيرة" ..

_ فعلشان كدا علشان تحقق حلم كبيير ما تبدا طوالي في انك تحقق الحلم ده لان ببساطة حاتكسل وتمل وحاتهرب، لكن حاول ابدا بالبسيط وحاتلاحظ الفرق بنفسك  ☺️

🔵  شوية امثلة  لكلامي ..

🔲 فعلشان تكون كاتب "كتاب" انت ما ملزم بانك تكتب الف كلمة يومي او تكتبه في يوم واحد ..

بالعكس اذا قدرت تلزم نفسك بكتابة "200" كلمة بس في اليوم حاتقدر تكتب كتاب كامل وحاتبقي محترف في فترة قصيرة ..

🔲 وعلشان تحسن سرعة قرائتك في الكتب " ماملزم بانك تقرا 100 صفحة يومي" بالعكس ممكن المداومة علي قراءة صفحة واحدة بس يوميا يخليك قارئ سريع ومحترف 💚

🔲 وعلشان تبقي شاطر او مبدع في مجالك " مالازم تحضر دورة كاملة في اليوم او تقرا كتاب كامل"، لان ممكن تحضر فيديو واحد في اليوم من دورتك وتلتزم بيه يوميا وحاتشوف الفرق  ..

🔲 وعلشان تتخلص من خوفك ورهابك " من الوقوف قدام الناس" ماضروري تبدا تواجه كل الناس علشان تخلص خوفك مع ان ممكن تعمل كدا ..

بس ممكن تبد تواجه شخصين او تلاته وتلقائيا كل مرة تزيد شخص لغايه ماتلقي روحك قادر تتكلم قدام الف شخص من دون خوف 💚

🔲 وعلشان تنقص وزنك " مالازم تنقص 30 كيلو في المرة الواحدة" ممكن يوميا تحاول تنقص كيلوا واحد وبعد فترة حاتلاحظ الفرق 💚


👈🏼 علشان كدا العادات البسيطة دي لو التزمت بيها حاتحقق الفرق في حياتك وصدقني دورها افضل من دور العادات الكبيرة، فانت بسط حاجاتك وماتعقدها 💚

"قليل دائم خير من كثير منقطع"

👈🏼 التسويف بينشا " من افعال او اعذر بسيطة متكررة، الافعال او الاعذار دي بعد فترة بتبدا تترابط وقوتها تشد لغاية ما تصولنا لعادة التسويف "

🔶 اذا هل ممكن توضح لينا اكتر؟

_ الليله لمن انت تجي تتعلم لغة معينة " بتكون ردي في البداية، وبعد تتقدم شوية بتكون عارف معاني الكلمات بس ما قادر تربط بينهم، لكن بعد فترة حاتلقي روحك عارف معاني الكلمات وقادر تربط بينهم ربط قوي"

_ نفس المنوال ده بنطبق علي التسويف " لان بيبدا بكتاب انت ما كملته لظرف او سبب ما _ لطلعه اجلتها لظرف ما واتحججت بعذر خادع _ لهدف انت بديت فيه ورفضت تختمه وكسرت حنكه"

فالحاجة دي في البداية بتكون بسيطة يعني ما بتكون مؤثرة نفس تاثيرها الحالي " بس لمن انت تكرر الافعال دي يوميا تلقائيا حاتتحول لعادات (لان العادات عبارة عن مجموعة من الافعال المكررة)، فمجرد ماتتشابك الافعال وتترابط بتنتج لينا عادة التسويف اللي هي بنعاني منها الان"

🔶 طيب اذا انا اذا كونت "عادة التسويف" بسبب اخطائي الزمان كيف اقدر اعالجها؟

_ "علشان تعالج مشكلة ما لازم تعرف اسباب المشكلة دي، لان انت حاتعالج الاسباب بس ولمن تعالجها المشكلة براها بتتحل"

_ فداير منك تقعد قعدة صادقة كدا مع نفسك وتسالها "انا بسوف ليه"

_ هل علشان الحاجة القدامي دي صعبة ومهلكة .. ؟
_ ولا هل علشان الحاجة دي نتائجها بتظهر متاخرة ..؟
_ ولا هل علشان الهدف الشغال عليه انا ده ما الهدف الانا دايرو؟
_ ولا هل علشان انا لمن اجي انفذ مهمتي دي طاقتي بتكون صفر بسبب الاشغال اليومية؟

_ ولا هل علشان في اسباب اخري " ودي طبعا انت ادري بيها"


❒️ بعد تحدد/ي الاسباب الخلتك دي تسوف/ي بتنتقل طوالي لعلاجها، " لان ماممكن تكون عارف سبب مرضك شنو وتخليه قاعد زي ماهو" .. ☺️

👈🏼 اذا بعد حددت الاسباب الخلتني اسوِّف، كيف اقدر اعالجها علشان ما تبقي لي مشكلة؟

_ قبل اجاوبك تعال نرجع شوية لنقطة فوق ذكرناها " نحن قلنا ان العادات هي مجموعه من الافعال المتكررة، او مجموعة من السلوكيات المتكررة" طيب اذا ده بيعني ان "التسويف" ده عادة لان نتج عن مجموعه من الاعذار والافعال الكنا بنستخدمها نحن ..

_ فاذا لازم نعرف ان علشان نتخلص من عادة لازم نعرف تركيبة العادة هي شنو بالضبط ؟☺️

🔵 العادة بتتكون من تلاته متغيرات اساسية :

_ المثير او المنبه : وده غالبا بيكون هو السبب او المنبه البيخلينا نعمل الحاجة دي ..

_ الامر الروتيني : وهي الفعل يعني "التسويف" بما اننا بنتكلم عنه ..

_ المكافاة: اللي هي الجائزة البننالها او نكسبها نتيجة للتسويف ده ☺️


🔲 فاذا تعالوا ناخد مثال توضيحي بسيط ..

_ الليله احمد قرر يقرا كتاب معين، واحمد دفعته الحماسة لقراءة الكتاب ده بس احمد ما قدر يواصل قراءة الكتاب نسبة لان حس بتعقيد او صعوبة في الكتاب ده وهنا احمد قرر يتخذ اقرب حل ليه ولقي افضل حل هو " ان يسيب الكتاب ويدور علي كتاب تاني"، لمن احمد ترك الكتاب ده جاه شعور " بالنشوة والاريحية بان قدر ينهي عقبة واقفه قدامه ويتخلص من قدام مامنه فايدة" ..


👈🏼 يلا هنا ..

_ المنبه : كان "الحماس" في البداية الدفعنا علشان نقرا الكتاب ده، بس بعد فترة اتحول "للضيق والزهج" نسبة لتعقيد الكتاب ..

_ الامر الروتيني: احمد لمن كان متحمس للكتاب " قراه فعليا"، بس لمن حس بالضيق والزهج قرر ياخد اقرب حل متاح ليه وهو ان " يسيب الكتاب يعني يسوّف"

_ المكافاة : كانت شعور الاريحيه والسعادة اللقاه احمد بعد ساب الكتاب ده ..

🔵 يلا هنا بعد تحصل الحاجة دي بيظهر جزء جديد في دماغك اللي هو بيحاول يبرر ليك فعلك الفعلته ده علشان ما يخلي ضميرك صحي ويرغبك في الرجوع لتكملة الكتاب " فبتجي الاعذار علي شاكلة يازول الكتاب ده مانافع وافضل ليك تكسب زمنك ساي _ والكتاب ده حاتلقي احسن منه فعادي الموضوع _ وكدا احسن ليك _ والقروا عملوا شنو او نجاحهم وينو .. الخ" وبكدا عقلك بكون ختاك في "فتيل" 😁


👈🏼 يلا انا حاليا داير منك شنو؟

_ داير منك بعد تقعد مع نفسك؟ وتسالها عن الاسباب الخلتك تسوف شنو بالضبط؟ حاول طبق الحاجات دي علي حلقة العادة اللي هي " المنبه ااو المثير _ الامر الروتيني _ المكافاة"...

بعد تعمل كدا حاوريك تعمل شنة تابعني بس

👈🏼 حانواصل في حلقة العادة حقت "التسويف"

_ في حلقة العادة نحن ماحانلمس غير حاجة واحدة اللي هي الامر الروتيني او "التسويف"

🔶 يلا الليلة لمن انت تبدا برنامج معين، او هدف معين، او حتي تعمل جدول قراية في البداية بتكون متحمس ومواظب بس بعد فترة حايحصلل ملل " لان الحاجات دي دايما نتائجها بتكون متاخرة، او ميعاد تسليمها او تنفيذها متاخر" فانت هنا ماحاتلقي الدافع او الحافز البيقدر يحفزك علشان تواصل ..

👈🏼 طيب انا عارف كدا المهم اعمل شنو؟

_ يلا انت بدل " تسوّف" حاتعمل خدعة او تريك معين تخدع بيه عقلك ده بي الخدعه دي بتكون حقيقية وبتديك نفس الشعور حق الاريحية البيديك ليه التسويف ..

_ وعلشان الخدع كتييرة حاذكر بعض منها بس لان اي زول بيقدر يصمم خدعه وينفذها براه ☺️

🔹اول خدعه انك بدل تسوف تحاول تاخد ليك ريست او راحة لمدة "10" دقايق وبعد تخلص ال10 دقايق تجي ترجع وتواصل في مشروعك او غرضك المعين ده ..

🔹ممكن برضو تحاول تتصل بصديق لمن تحس بروحك بديت تمل وقربت انك تخلي الحاجة البتعمل بيها دي " بس حاول خلي المكالمة ماتفوت 20 دقيقة علشان شعورك جق الهدف ما يختفي كله"

🔹 ايضا ممكن تبدل يعني لو بتقرا في كتاب كيمياء مثلا وزهجت منو حاول بدل لكتاب بتحبه مثلا " وانا علشان بحب الاحياء حابدل واقرا كتاب الاحياء"


يلا دي كانت تلاته " خدع" ممكن تعملها بدل التسويف والحلو فيها ان نتائجها ايجابية فاي واحدة فيهم عندها نتائج ايجابية وما بتقدر تاثر علي هدفك تاثير سلبي ..


👈🏼 ولو انا جربت كل الخدع دي وما نفع، وخصوصا ان انا مدمن تلفون اعمل شنو؟

_ في خيار واحد بس هنا " انك تمسح كل التطبيقات البتخليك مدمن التلفون سواء العاب او مواقع تواصل اجتماعي وخلي المهمة شديد ديك البتحتاج تشيل منها حاجات تابعه لهدفك او قرايتك بس"

_ بعد تعمل كدا حاتلقي عندك كمية ممن الوقت الزايدة فبتحاول تشغل نفسك باي حاجة وزي ماعارفين مدام التلفون مافيه الحاجات الانت عاوزها اكيد حاتمشي للقراءة او للهدف بتاعك ☺️


👈🏼 طيب لو كان هدفي بعيد المنال وصعب القي التحفييز الانا دايره بسهولة، وده بعد ما طبقت الفوق ديل اعمل شنو بالضبط؟

_ هنا انت حاتستخدم اسلوب اسمه اسلوب التقسيم " وانا كنت كاتب بوست عنه قبل كدا حارفقه ليك في نهاية البوست ده علشان تقدر تتطلع عليه وتستفيد منه" ☺️💙

👈🏼 هل في نصائح تانية اثرها سريع او بتقدر تساعدني علي ازاله التسويف ده؟

_ شوف انا بكتب ليك حاليا وبحترم في عقلك السمح ده " وماداير اكذب عليك واملاك تحفيز علي الفارغ ساي"

_ فلازم انت هنا تعرف " ان التسويف عبارة عن افعال انت كررتها كتيير لغايه ما بقت عادة فزي ما هو اخذ وقت علشان يتكون اكيد حاياخذ وقت علشان يختفي وتاثيره يقل فانت هنا لازم تصبر بس"

🔶 اما بخصوص اذا في حاجات تانية ممكن تساعدك وتديك التحفيز الانت دايرو ايون في ...

🔹 في قاعدة " ابدا بالاهم ولو كان صعبا" المستوحاة من كتاب " eat the frog"

( القاعدة دي بتقول ببساطة انت لو بديت يومك باكل ضفدع تاني ما حاتواجهك اي مشاكل في باقي يومك واي حاجة تانية حاتكون خفيفة عليك وسهلة التنفيذ)

_ فانت ممكن تطبقها " بانك تبدا دايما بالمهمات المهمة بالنسبة ليك في البداية لانك مجرد ما تنجزها حاتلقي التحفيز اللازم علشان يساعدك في اكمال باقي المهمات البسيطة"


🔹ايضا طريقة تانية قريبة لقاعدة " ابدا بالاهم ولو كان صعبا"

( اللي هي بتكمن في انك دايما حاول اصحي بدري وانجز مهماتك في الصباح الباكر لان عقلك بيكون صافي وتركيزك بيكون عالي شديد، ده غير ان المشتتات البتشتتك غالبا حاتكون مافيشة)

_ ودي بتقوم علي فرضية ان " انت بتشبه الجوال بتاعك عندك بطارية من الطاقة، فبطاريتك دي دايما بتستهلك بالاعمال اليومية ولمن تجي تنفذ مهامك بتلقي نفسك فاقد الطاقة وبالتالي بتكسل وبتاجل عمل اليوم الي الغد"


🔹ايضا " حاول ما تكتر المهمات او الاهداف كتيير وحاول ماتاجل عمل اليوم..

( لان التسويف غالبا بيجي من تكدس المهمات وكترتها عليك، فانت لمن تحس المهمات كتيرة بتبدا تسوف وتكسل وتاجل من يوم ليوم لغايه مااتتزنق وتكون مضطر انك تنجزها كلها في يوم واحد او تخسر كل شي)

_ فكل ما كانت مهماتك بسيطة كل ما زادت احتمالية اتمامها بالنسبة ليك " فعلشان كدا ماتنزل اكتر من كتاب اذا داير تقرا كتب خارجية _ واذا داير تعمل جدول قراءة حاول وازن بين متعتك ودراستك وما تخلي في جدولك اكتر من مادتين في اليوم _ ايضا اذا بتحب الدورات الاونلاين ما تنزل اكتر من دورة ولا تشترك في اكتر من دورة حاول كمل الدورة المشترك فيها انت وبعديها انتقل للبعديها _ في الفيس احذر من انك تفظ بوستات كتييرة لان صدقني انا وانت عارفين انك ماحاتقراها فدايما احفظ زي 4_3 بوستات واقراهم وبعد تخلصهم شوف اللي بعديهم"

🔹 اخر حاجة انك تستعين بصديق او قروب ..

( علميا كدا اثبت ان الزول البيشارك قرايته زول تاني بيكون عنده ق

درة كبيرة علي اتمام مهامه وفي نفس الوقت نسبة التسويف عنده بتقل، وده غير ان تركيزه بكون عالي)

_ فاذا انت عندك القدرة انك تشارك هدفك ده زول تاني ويكون عنده نفس هدفك ده ده بيكون افضل شديد " لان اي زول فيكم حايحمس التاني ويدفعه للقراية وبيمنعه ممن التسويف"

_ واذا عندك القدرة انك تكون تيم " وتصمموا جدول دراسة واحد وتحددوا اوقات معينة للمناقشة" ده حايخليكم منجزين ومركزيين وفاهمين اكتر من لمن تكونوا بتقروا براكم وحايقلل التسويف كتييير لان اي زول فيكم حايحاول يكون هو الافضل وبتكون في منافسة ..

👈🏼 بس مشكلة الحاجة دي " ان مرات القروبات بتنقلب لونسة والهدف الاساسي بضيع فعلشان كدا حاول اختار الناس الصح، وحاول ما تكون اكتر من 5 مهما كانت الاسباب او الظروف"

" رغبتنا في التقدم والنجاح اكتر بتعمينا من الاستفادة بالعترات البسيطة البنمر بيها وبتعمينا من اننا نستمتع ونتلذذ بكل لحظة قضيناها في سبيل الوصول للهدف الاعظم"

👈🏼 لمن تجي تخطط سواء كان لهدف قصير المدي " ختم كتاب _ تعلم لغة _ تعلم صنعة" او هدف طويل المدي " مشروع تربية حيوانات _ كافييه _ افتتاح متجر" او غيرهم، لازم ثم لازم تتعلم تقسم هدفك ده وتدرجه لخطوات معينة علشان تحقق افضل استفادة 💙

_ " لان صدقني النجاح ما بيكون في تحقيق الهدف والوصول لنهايته بس، بالعكس النجاح بيكمن في القدرات الاتعلمتها في طريق الوصول للهدف ده وفي العترات المريت بيها"

❒️ فاذا انت حاتنجح وتحقق هدفك من دون تستفيد من عتراتك والمهارات الاكتسبتها في تحقيق هدفك ده فيبقي هنا نجاحك ناقص لان ماعلمك الاستفادة من المهارات الاتعرضت ليها فب طريقك ده ☺️

👈🏼 طيب اذا انا كيف اقدر استفيد من هدفي في ان اقدر اتعلم مهارات قبل الوصول ليه؟ او انا كيف اقدر احقق النجاح الكامل بالنسبة لي؟

_ عن طريق حاجة واحدة بس " اللي هي التقسييم" 📉

🔶 التقسييم بساعدك في انك تستفيد من كل المهارات الممكن تتعلمها في طريق هدفك ده وحاوضح ليك كيف بيقدر يساعدك ☺️

_ الليله انت مثلا لمن تمشي السوق وتشتري ملابس بتشتري لبسة لبسة او بتشتري ملابس بسيطة " فهنا انت كبداية ليك في عالم التسوق ممكن تتغشي في السعر مثلا او الجودة" فيلا بعد كده حايحصل شنو؟

حايحصل ان في المرة الجاية لمن تمشي السوق ماحاتغلط نفس غلطتك الفاتت ابدا وحاتستفيد من الخدعه الوقعت فيها المرة الفاتت ☺️

👈🏼 طيب ده حصل كيف؟

ده حصل نتيجة لان انت بدل تشتري كمية كبيرة من الملابس والضربة تكون قاضية عليك اشتريت القليل منها " الحتي ولو اتغشيت فيه ماحاتتاثر كتيير"


🔵 ايضا القراءة ..

_ الليله انا لمن اقررر اختم 4 كتب في شهر بكون حددت هدف كامل بدون تقسيم وما بقدر اركز او اتابع تقدمي او تاخري ..

_ بس لمن اقسم ال4 كتب دي علي ال4 اسابيع حقت الشهر ده حالقي نفسي كل نهاية اسبوع حاقدر اتابع هل فعليا انا ختمت وانجزت الكتاب الاول ولا لا ..

_ فاذا لقيت روحي حققت التقدم حاكون مبسووط، واذا لقيت العكس حاقدر اعالج المشكلة واستفيد من المهارة الاستخدمتها في علاج المشكلة دي


👈🏼 يلا دي كانت شوية امثلة من مجموعه من الامثلة البنكررها وبنعملها يوميا، فحاولت اوضح ليك فيها حجم الاستفادة الكبيرة الممكن تقدر تنالها من "التقسيم" بس ..

🔲 ده الملخص بتاع مميزات التقسيم :

_ اولا: بيبسط ليك هدفك، لانك حاتقسمه لاجزاء قصيرة وبسيطة وده بساعدك في انك ما تمل ولا تكسل ولا تسوف لان مع كل تحقيق لجزء معين حاتحس بانك انجزت وحايديك حافز ..

_ ثانيا: بيساعدك في عملية مراقبة "تقدمك او تاخرك" في تحقيق هدفك وفي انك كيف تتصرف لو ماحققت القسم الاول او كيف تكافي نفسك اذا حققت القسم الاول ..

_ ثالثا: بيضيف ليك مهارات وبيخليك تستفيد استفادة كبييرة شديد من هدفك ده " لانك لمن تقسم هدفك علي مراحل حاتلقي روحك حاتتعامل مع كل مرحلة تعامل مختلف وحاتحسن ادائك في كل مرحلة وده خصوصا اذا كان هدفك طويل الامد"

_ رابعا : بيخليك قادر تعالج المطبات الممكن تواجهك وبيعلمك كيف تستفيد من مواجهتها " لان زي ما ذكرنا الناجح هو البيمر باكبر كمية من الفشل فكل ماكان فشلك كتيير كل ماكان نجاحك اكبر" فانت لمن تجي تتعامل مع مشكلة واجهتك حاتلقي روحك اكتسبت خبرة في التعامل معاها اذا حصلت مرة تانية ☺️

_ خامسا : بيقصر ليك مسافة تحقيق الهدف ده وبيساعدك في الراحة وما بيكلفك طاقة او جهد " لان الليله لمن تقسم هدفك حاتحس بالراحه النفسية وعدم الضغوط وفي نفس الوقت بتقدر تلقي وقت فاضي للمتعه بتاعتك" وبكدا بتلقي روحك انجزت هدفك واستمتعت بحياتك في نفس الوقت ☺️💙


👈🏼 دي كانت بعض مميزات التقسيم وقي مميزات تانية بس في نظري دي الاهم 💙

فيلا بعد كدا كل ما تقرر انك داير تحقق هدف معين سواء " طويل او قصير المدي" حاول قسم هدفك ده واستفيد من التقسيم علشان تستفيد من كل مزاياه 💪☺️

كلام جمِيل جداً جداً💛🌸

شكرااا ☺️💙

👈🏼 انا بالجد سعيد كتيير ان عثمان جدو اتاح لي الفرصة ان اقدم ورشة عن التسويف .. 💙☺️

_ وشاكرا لاي زول قدر يفضي جزء من زمنه علشان يتابعها، وبرضو شكرا للزول الما قدر يوفر جزء من زمنه ..

❒️ فانا مستعد في الخاص استقبل كل اسئلتكم واستفساراتكم واستشاراتكم ايضا بكل سرية وضمان لافضل الحلول 💙

ده معرفي @alhassanim45

ولكم جزيل الشكر

- أنا البجد مبسوط بمشاركتك الجميلة معانا يا راقي 😍♥️ ، و كونك تطوعت عشان تنفع الناس دا في حد زاته كفاية ..
شكراً ليك كتير ..💗🌸
- و للناس الحابة تستفيد أكتر من محمد دي روابط قنواته على تليجرام ، أدعموه لأنه بستاهل .. 🥰🍃✨

⤵️ ⤵️ ⤵️

_ نفسك تتغير بس ماعارف تبدا من وين؟ او تعمل شنو بالضبط؟
_ نفسك تقوي من شخصيتك؟ وترفع معدل ثقتك بنفسك بس برضو مش عارف كيف؟
_ بتخاف ..! ونفسك تتخلص من خوفك ده سواء " من الناس _ او في تقديم السمنارات _ او حتي في قول كلمة لا لاي حدا بياذيك"
_ مرهق نفسيا كتيير وحاسس كل الطرق اتقفل قدامك، ونفسك في حدا تفضفض بكل سرية وثقة وتلقي الحل عنده لكل مشاكلك دي؟

👈🏼 اذا جابتك كانت بنعم ..! فهنا بقول سارع وانضم لينا في قروبنا علي التليجرام "yes you can" واحجز مقعددك مع الاف الاشخاص وساعد نفسك في التغيير ..

_ ماحاقول ليك نحن الافضل ولا محتوانا افضل محتوي " بس بقول ليك صدقني طول ما وصلتنا ماحاتطلع خائب الرجاء وماحاتطلع نفس الشخص"

👈🏼 نحن مجموعة من "طلبة علم النفس _ اخصائيين نفسيين _ ومدربين تنمية ذاتية" وحانهب نفسنا ليك بالكامل خالص وحانجاوب علي كل اسئلتك، وحانساعدك في رحلة التغييير بإذن الله 💙💪

وكل ده مجاناااا 😍 فما عندك عذر يدفعك لعدم الانضمام تاني 😏

❒️ روابط القنوات :

_ T.me/paycho19988

_ T.me/tatwer2

و أجمل الناس أعمى عن مساوئهم
و قلبهُ الحرُّ بالعلياءِ منشغلُ ♥️🍃


- صباح الخير ..💛🥞

✨🌸 وإذا نظرتَ إلى السماءِ مُناجِيًا ورجوتَ ربّكَ أن يُحقّقَ مأملَك
فرأيتَ مالم ترتجيهِ مع الدعا وظننتَ أنّ الحُزن أطفأ مِشعلَك
لا تجزَعنّ من الحياةِ وضيقها حاشاهُ رحمن السما أن يخذُلك
ولو اطّلعتَ على الغيوبِ ولُطفِها لعلِمتَ أنّ الخيرَ فيمَ اختار لك 🌸✨

‏"أحدّثك عن نفسي بصيغة الجمع لأنني أشعر معك بأنني أكثر كثافة من أن أقول أنا".💜🌸

تتقبّلُ الأشجار العزاء الذي يُقدّمه كتابٌ جيّد ..📙🧡

• على منهاج النُّبُوَّة | ٨٩
يطلعُ عليكم الآن رجلٌ من أهل الجنَّة!


- كان النبيُّ صلَّى الله عليه وسلَّم جالساً مع أصحابه في المسجد فقال لهم: يطلعُ عليكم الآن رجلٌ من أهل الجنة!
فدخلَ رجلٌ من الأنصارِ تقطرُ لحيته ماءً من أثر الوضوء.
فلما كان الغد، قال النبيُّ صلَّى الله عليه وسلَّم: يطلعُ عليكم الآن رجلٌ من أهل الجنة!
فدخلَ الأنصاريُّ ذاته الذي دخل في اليوم الأول.
ولما كان اليوم الثالث، قال النبيُّ صلَّى الله عليه وسلَّم: يطلعُ عليكم الآن رجلٌ من أهل الجنة!
فإدا بالأنصاري نفسه يدخلُ المسجد!
فلما انفضَّ المجلس، قامَ عبدُ الله بن عمرو بن العاص إلى الأنصاريِّ وقال له:
لقد تخاصمتُ مع أبي، وأقسمتُ أن لا أدخلَ عليه ثلاثة أيام، فإن رأيتَ أن تستضيفني عندكَ حتى تمضي هذه الأيام!
فقال له: أهلاً ومرحباً.
فمكثَ عنده عبد الله ثلاثة أيام فلم يَرَهُ يقوم من الليل شيئاً، وليس له في النهار زيادة عبادات عما كان يفعله الصحابة، غير أنه إذا استيقظَ في الليلِ ذكرَ الله في فِراشه حتى يُؤذِّن المُؤذِّن لصلاةِ الفجر فيقوم فيُصلِّي!

ولمَّا انقضتْ الأيام الثلاثة، وكادَ عبد الله أن يستصغرَ عمل الأنصاري، قال له: لم يكُنْ بيني وبين أبي هجرٌ ولا خُصومة، غير أن النبيَّ صلَّى الله عليه وسلَّم قال ثلاث مرات يطلع عليكم الآن رجلٌ من أهل الجنة، فكنتَ أنتَ في الثلاث، فأردتُ أن أعرفَ ما تفعل حتى نلتها!
فقال الأنصاريُّ: ما هو إلا ما رأيتَ، غير أني لا أجدُ في نفسي لأحدٍ من المُسلمين غِشاً، ولا أحسِدُ أحداً على خير أعطاه الله إياه!
فقال له عبد الله: هذه التي بلغتْ بكَ وهي التي لا نُطِيقُ!

أَصْلِحْ قلبكَ ثم لا يَضُركَ أنكَ لم تقُم إلا بالفرائض، فما يُؤتى الناس إلا من خراب قلوبهم!

لا أجدُ في نفسي غِشاً لأحدٍ من المُسلمين: صِدقٌ في المِعاملةِ، وصِدقٌ في البيعِ، وصِدقٌ في الشراء، وصِدقٌ في المشورةِ، وصِدقٌ في النصيحةِ، وفي الحديثِ "من غشنا فليس منا"!
ولا أحسدُ أحداً على خير أعطاه الله إياه: شرُّ ما مُلِئ به القلبُ بعد الشِرك هو الحسد، والحسد أول ذنبٍ عُصيَ الله به في السَّماء، فما حملَ إبليس على كرهِ آدم عليه السَّلام ثم عدمِ الامتثالِ لأمر الله سُبحانه بالسجود إلا الحسد، حين ظنَّ أنه خيرٌ من آدم عليه السَّلام، وأوْلى بهذه المكانة منه! اِقنعْ بما قسمَ الله لكَ تكُنْ أغنى الناس، ولا تنظُرْ إلى ما في يدِ غيرك، لأنكَ إن فعلتَ فلن تجدَ وقتاً لتحمدَ اللهَ على ما أعطاكَ، وفي الحديث "إياكم والحسد، فإن الحسد يأكلُ الحسنات كما تأكلُ النارُ الحطب"!




- أدهم شرقاوي

- مصلحة ..🤷🏻‍♂😂

من بين كلّ مئة شخص بالكاد يوجد شخصٌ واحد يستحقُ أن نجادله،أمّا بالنسبة للآخرين، فلنتركهم يقولون مايُريدون، لأنّ من حقّ النّاس أن يهذوا.💜✨

➖شوبنهاور

- ﺟﻠﺲ ﺭﺟﻼﻥ ضريران ﻋﻠﻰ ﻃﺮﻳﻖ زوجة أحد الملوك ﻟﻤﻌﺮﻓﺘﻬﻤﺎ ﺑﻜﺮﻣﻬﺎ…
ﻓﻜﺎﻥ ﺃﺣﺪﻫﻤﺎ ﻳﻘﻮﻝ:
"ﺍﻟﻠﻬﻢ ﺍﺭﺯﻗﻨﻲ ﻣﻦ ﻓﻀﻠﻚ"
ﻭﻛﺎﻥ ﺍﻵﺧﺮ ﻳﻘﻮﻝ:
"ﺍﻟﻠﻬﻢ ﺍﺭﺯﻗﻨﻲ ﻣﻦ ﻓﻀﻞ زوجة الملك"
ﻭﻛﺎﻧﺖ زوجة الملك ﺗﻌﻠﻢ ﺫﻟﻚ ﻣﻨﻬﻤﺎ ﻭﺗﺴﻤﻊ،
ﻓﻜﺎﻧﺖ ﺗﺮﺳﻞ ﻟﻤﻦ ﻃﻠﺐ "ﻓﻀﻞ ﺍﻟﻠﻪ" ﺩﺭﻫﻤﻴﻦ.
ﻭترسل ﻟﻤﻦ ﻃﻠﺐ "ﻓﻀﻠﻬﺎ" ﺩﺟﺎﺟﺔ ﻣﺸﻮﻳّﺔ ﻓﻲ ﺟﻮﻓﻬﺎ ﻋﺸﺮﺓ ﺩﻧﺎﻧﻴﺮ.
فكان ﺻﺎﺣﺐ ﺍﻟﺪﺟﺎﺟﺔ ﻳﺒﻴﻊ ﺩﺟﺎﺟﺘﻪ ﻟﺼﺎﺣﺐ ﺍﻟﺪﺭﻫﻤﻴﻦ، ﺑﺪﺭﻫﻤﻴﻦ ﻛﻞّ ﻳﻮﻡ ، ﻭﻫﻮ ﻻ ﻳﻌﻠﻢ ﻣﺎ ﻓﻲ ﺟﻮﻓﻬﺎ ﻣﻦ ﺩﻧﺎﻧﻴﺮ، ﻭﺃﻗﺎﻡ ﻋﻠﻰ ﺫﻟﻚ ﻋﺸﺮﺓ ﺃﻳﺎﻡ ﻣﺘﻮﺍلية.
ﺛﻢ ﺃﻗﺒﻠﺖ زوجة الملك ﻋﻠﻴﻬﻤﺎ ﻭسألت طالب ﻓﻀﻠﻬﺎ:
ﺃﻣﺎ ﺃﻏﻨﺎﻙ ﻓﻀﻠﻨﺎ؟
ﻗﺎﻝ: ﻭﻣﺎ ﻫﻮ؟
ﻗﺎﻟﺖ؛ مئة ﺩﻳﻨﺎﺭ ﻓﻲ ﻋﺸﺮﺓ ﺃﻳﺎﻡ. ﻗﺎﻝ: ﻻ ، ﺑﻞ الدﺟﺎﺟﺔ ﻛﻨﺖ ﺃﺑﻴﻌﻬﺎ ﻟﺼﺎﺣﺒﻲ ﺑﺪﺭﻫﻤﻴﻦ!
فضحكت وقاﻟﺖ:
"طلبت ﻣﻦ ﻓﻀﻠﻨﺎ ﻓﺤﺮمك ﺍﻟﻠﻪ، ﻭﺫﺍﻙ ﻃﻠﺐ ﻣﻦ ﻓﻀﻞ ﺍﻟﻠﻪ ﻓﺄﻋﻄﺎﻩ ﺍﻟﻠﻪ ﻭﺃﻏﻨﺎﻩ" ❤️🌸

- يصفونه بطبيب الغلابة ، يعالج الفقراء منذ 50 سنة مجانًا ، يصطف المئات امام عيادته يوميًا ويعالجهم، لا يملك سيارة ولا هاتف خلوي وبيته متهالك ومع ذلك استمر بعمله الخيري وكان يردد ( عاهدت الله ألا آخذ قرشًا واحدًا من فقير وسأبقى في عبادتي أساعد الفقراء إلى أن يتوفاني الله )

‏و اليوم توفاه الله فادعو له بالرحمة ..💙🌸

‏ إذا أردت أن تعرف حقيقة إنسان، فأعطه مالاً أو سلطة .. 👑✨


• مثل إنجليزي