Message From: 126583

طيب مشكلة التسويف اولا بتجي لانو عقلنا بكون عايزنا دايما نكون مرتاحين فلما يحس اننا قررنا نعمل حاجه معناها حنطلع من حيز الراحة وحنبزل جهد فبقوم بجيب لينا احلا حاجات نحنا بنحبها بذكرنا وبكرنا بي احاسيسنا ف الحظه ديك طبعا نحنا بنختار اننا م نتعب وبنوعد نفسنا اننا بكرة نكسر الدنيا ونقرا اكتر😅 دي المشكلة 👍

طيب الحل اننا نغش عقلنا😅 طيب كيف ؟؟ ونحسسو اننا م حنتعب وده بكون بي اننا نحدد اول شي عايزين نقرا كم ساعه .. مثلا ساعتين اكون بعد كل نص ساعه اكون في مكافاة وهي مثلا لعبة بنحبها او غنيه او اي شي نحنا بنحبو بس م يكون فيس او واتس لانو لو بدينا م حنقيف اما كده عقلنا حيركز وحينتظر المكافاة وشوية شوية بتعود لانو الحاجه حتبقي روتين وبي كده حتبقا عادة يوميا ساعتين لحدي م تتثبت تاني نذيا شوية شوية لحدي نصل للحاجه العايزنها
صعبة ف البداية بس عايزة صبر واصرار وعزيمه😍

Message From: 118884

eat your frogs first
تلميذك دا كان بشكي لي من مشكلتو مع التسويف الماقادر يتخلص منها وهي سبب ضيقو☹️
-طيب حصل سألتو نفسكم نحن ليه بنسوف من الاساس؟
-لأ ابدا😣
-طيب ركزوا معاي! نحن بنسوف لما يكون عندنا مهام او حاجات كتييره مفروض ننجزها وامورنا جايطه وماعندنا خطه واضحه وماعارفين بنبدا من وين ولا وين!
دماغنا بحاول دايما يبعدنا عن اي شي فيهو خطر او الم بالنسبه لينا وعندو طرق واساليب كتيرن جدا عشان ينجز المهمه دي وبتختلف الاساليب باختلاف مُسبب الالم.. فمثلا في الدراسه اذا عندنا شيت او مرجع مفروض نقراهو(ودي حاجه طبعا ممله ومحتاجه مجهود زهني وتعب) فدا حيثتحث وينشط مناطق الألم في دماغنا{لانو مفروض نحن نقرا حتى لو القرايه صعبه وممله }ودماغنا طبعا الكلام دا مابنفع معاهو فبيترعب لانو عايز يكون مرتاح في{ الزومبي موود}zombie mood زي مابسموهو المتخصصين😂😂 فبحاول يتهرب من الالم دا باي طريقة بانو يشتت انتباهنا مثلا (تمسك الجوال وتتصفح السوشال ميديا او تحس انك جعان فتقوم تاكل او تشرب اوتحضر التلفزيون ..الخ) المهم تعمل اي حاجه غير انك تقرا!
فدا طبعا حيقلل الالم او يروحو مؤقتا بس وتاني حيرجع ليك نفس الاحساس واقوى كمان لانو مازال سبب الالم موجود ومااتحل🙂
-يعني الزول حيكون داير في حلقه مفرغه
يفكر في القرايه->يتوجع->يهرب من التفكير مؤقتا->يرجع تألم تاني☹️
-بالضبط كده..وحيفضل يعاني والمشكله انو التسويف حيبقى عاده وزي الادمان كمان لانها بتديك متعه لحظيه! وكل ماالزمن يمر كل ماالعاده بقت اقوى والاقلاع عنها بقى اصعب
-طيب والعلاج شنو😢
-خطوات مفروض الزول يتبعها وحده وحده كالاتي:

-رتب افكارك وخططك وحاجاتك المفروض تنجزها واكتبها في ورقه او journal planner (تطبيق في جوالك)

- قسم المهام الكبيره لمهام اصغر منها وابدا اشتغل عليها حبه حبه

-ياريت تكون واقعي وماتضغط على روحك شديد وتخت حاجات كتيره شديد ومستحيله😐الاهم فالمهم

-ياحبذا لو عملت الحركه دي بليل وانت ماشي تنوم(عشان خلال النوم دماغك بكون في ال diffuse mood وحيقدر يشتغل على المهام الدخلتها ليهو دي ويرتبها ليك وماتاخد جزء من ذاكره العملworking memory حقتك اثناء يومك)

-نبدا بالمهام الصعبه اول مثلا المواد او الشيتات او الدروس الصعبه الانت مابتطيقها نهائي وهارب منها دي😬😬 وكل مابدينا الصباح بدري كل ماكان تركيزنا فل واستيعابنا فل وانجازنا اكتر وزي مابقولوا
Eat your frogs First in the morning 🐸🐸

-لازم ننتبه للمشتتات والمُلهيات ونبعد عنها قدر مانقدر{مثلا نقعد في محل هادي!.. نقفل اشعارات السوشال ميديا! نقفل الجوال خالص لو استدعى الامر!}😕

-عشان ننجز اكتر وفي نفس الوقت نحس بالمتعه ونقلل من المشتتات نستعمل ال pomodoro technique الشرحناها المره الفاتت
-نحاول نركز على ال prosses ما ال products.. بمعنى ماتقول انا الليله حخلص chapter من المرجع او حخلص الماده المعينه لكن قول لنفسك انا حدرس مثلا اربعه او خمسه ساعات وانجز فيها!

-لازم نكافئ نفسنا بعد انجاز كل مهمه من المهام اي مكافئه بحاجه نحن بنحبها مهما كانت بسيطه ان شاء الله كبايه قهوه ظابطه🤤🤤(الحاجه دي مهمه شديد شديد شديد وهي البتخلينا ننبسط ونحس باننا فعلا عملنا حاجه وبتدينا طاقه نكمل بيها باقي مهام اليوم)

-خلي دايما عندك خطط بديله او خطط استدراكيه في حال انك لسه مواصل في التسويف لانو في الاخر No one is perfect
وطبيعي جدا نتعثر ونلاقي صعوبه في التخلص من التسويف لكن لازم مانستسلم ونواصل.. لانو عمليه التعلم عمليه مستمره مدى الحياه ومابتقيف والتسويف عائق وتحدي كبير جدا جدا لازم نعرف نتعامل معاهو والا العواقب حتكون وخيمه!

Message From: 126630

السلام عليكم
اقتراح جميل كنت ولا أزال أرى أن مفتاح إنجاز المهمات الصعبة هو: ادخلوا عليهم الباب فإذا دخلتموه فإنكم غالبون !
‏نبقى كثيرًا مترددين في تيه التثاقل وتأنيب الضمير وحمل الهم وضوائق تراكم الأعمال، وليس بيننا وبين تحصيل المطالب -بعد توفيق الله- سوى المصابرة الأولى على مُرِّ البدايات.*💛🕊
منقول

- مشاركاتكم جميلة شديد ..🥺♥️

❤️

EAT THAT FROG

الكتاب بتكلم عن مشكلة ال procrastination أو التسويف والكسل وتأجيل الحاجات المهمه المفروض تعملها وبديك techniques بسيطة تعملها لحل المشكلة

أكيد كلنا سألنا نفسنا دا شنو الاسم الغريب دا..!! 😅😅

الكاتب هنا شبه أصعب مهمة بالنسبة ليك عايز تعملها وهي عبارة عن مهمة مؤثرة جدا في حياتك بالضفدع..!!
ودا كناية عن مثل بيقول..
( إذا كان عليك أكل ضفدعين فبدأ بالأبشع أولا)
فالكاتب بقوليك إذا انتهيت من المهمه الصعبة دي فالباقي حيبقاليك ساهل 💪

كلنا قبل كدا زبطنا المنبه عشان نصحى قبل ساعتين من الجامعة ونقرا شوية.. ولمن يضرب المنبه نعمل ليهو snooze ونقول 5 دقايق وحنقوم ونستمر كدا لحدي ما نصحى مخلوعين مع زمن الجامعة ونمشي الجامعة ونقول خلاص بكرة حنقرا..
وبكره في بكره الى ما لانهاية..!!
طيب البحصل شنو في مخنا بالزبط ؟؟🤔

مخنا بي طبيعتو كسلان وبكون عايز يكون مرتاح.. فلمن يلقاك قررتا تعمل حاجه وفيها مجهود وتفكير حيحاول يذكرك بالحاجات الزابطة وملهية بالنسبة ليك..مثلا لو عايز تذاكر حتلقى مخك بقوليك..
- ياخي ماااا تديها كباية قهوة كدا حتى تجي تقرا ☕

- ياخي مااا تديها نومة ساعتين كدا وتصحى تقرا 💤

دا بالزبط الموضوع الحاصل في أي حاجه بنأجلها في حياتنا وحنلقى إنو بنضحي بي حياة ناجحة على المدى البعيد قصاد متعة لحظية أو زي ما بسميها الكاتب (مسكن لحظي)

طيب الحل شنو؟؟

الكاتب هنا ادانا مجموعة من ال techniques الممكن نستخدمها عشان نتفادى مشكلة التسويف..

1 - Write down your gols

جيب ورقة وقلم واكتب 10 أهداف عايز تحققهم.. راجع القائمة تاني واختار اكتر هدف مؤثر بالنسبة ليك (الضفدع).. مهما كان الهدف دا اكتبو في ورقة براهو وحدد موعد نهائي لي تحقيقه وبعد داك أبدا أبني خطتك لي تحقيق الهدف

2 - Plan every day in advance

كل يوم أعمل قائمة أكتب فيها كل مهامك بتاعت بكرة ودا حيوفر عليك وقت كبير جدا انك تفكر في خلال اليوم عايز تعمل شنو.. رتب الأولويات بي طريقة ABCDE Method.. بحيث أنك تدي كل مهمة وزن حسب أهميتها وحتلقو شرح ال methodفي الصورة تحت 👇

3 - Practice creative procrastination

ودي معناها إنك تتعمد التسويف في المهام الماليها داعي.. أعمل قائمة بالمهام دي وأبدا فورا في التسويف فيها.. مثلا أجل إنك تفتح التلفزيون تشوف مسلسل.. أو أجل إنك تضرب لي صحبك العارفو حيمسك بيك زمن طويل في التلفون..!!

والكاتب هنا ذكر كلمة مهمة في إدارة الوقت وهي كلمة (لا)..!! 🚫

في ناس بتتحرج إنها تقول الكلمة دي في حين إنو ممكن تعطله عن حاجه مهمة بالنسبة ليهو!!

قول (لا) بكل ذوق واحترام أو أجل الحاجة دي بعد تخلص من شغلك.. درب نفسك تقول (لا) لي أي شي ممكن يعطلك..

4 - Prepare before you begin

ودي معناها جهز مكتبك وجيب أي حاجه محتاجها لي تنفيذ مهامك بدل كل شوية تقوم وتجيب حاجه وتشتت نفسك..

اقفل السوشال ميديا مثلا وأبعد عن أي حاجه ممكن تفقدك تركيزك وانتا شغال..

5 - Slice and dice the task

ودي معناها انو تقسم المهمه.. يعني مثلا لو عندك مادة فيها theory كتييير ومادة تانيه ساهلة وبسيطة.. أبدا قسم مادة ال theory لي أجزاء كل جزء 30 دقيقة وبعدها أخد بريك وابدا ال 30 دقيقة التانية وأخد تاني بريك وواصل على الأساس دا..

6 - Put the pressure on your self

ودي لخصها الكاتب في إنها القدرة على تحديد الوقت اللازم لإنجاز المهمة..

الكاتب قاليك أي وقت حددتو لإنجاز مهمة زيد عليهو 20% ودا حيكون ال deadline النهائي بتاعك.

كدا إنتا ختيت نظام ذاتي للضغط على نفسك بفرض عليك إنك تستمر وما تكسل من إنجاز مهامك.

7 - Motivate your self into action

ودي قصد منها الكاتب إنو يكون التحفيز حاجه محيطة بيك خلال يومك.. بي إنك تقرا قصص ناس ناجحين مثلا أو بي أي طريقة تعجبك..

يعني باختصار :
Keep motivation as a daily task in your life

وفي النهاية بتمنى الناس تكون استفادت ❤️🙏

سلا م عليكم 💚

بخصوص مشكلة التسويف " انا بقدر اقدم ليكم ورشة مجانية بطرق علاجية واقعية وساهلة جدا ومضمونة"

انا محمد عمر طالب علم نفس وبقدم محتوي نفسي وورش 💚☺️

بكيت فسقطت دمعتي على السند 🥺🧡

‏لكني تذكرت قاعدة أساسية أخرى تقول: لا تحاول أن تقاوم التغييرات التي تعترض سبيلك، بل دع الحياة تعيش فيك، ولا تقلق إذا قلبت حياتك رأسًا على عقب، فكيف يمكنك أن تعرف أن الجانب الذي اعتدت عليه أفضل من الجانب الذي سيأتي؟💜✨

‏مرّ القطارُ سريعاً
مرّ بي
وأنا مثلَ المحطّةِ
لا أدري، أودّعُ أم أستقبلَ الناس
مرّ القطارُ سريعاً
مرّ بي
وأنا ما زلتُ أنتظر.

➖محمود درويش

صباح الخير يا جماعة 😍💛✨
أها شوفو اليوم المناسب معاكم عشان محمد هيقدم ليكم ورشة مجانية في موضوع التسويف دا ..😃🌸

• على منهاج النُّبُوَّة | ٨٨
إنَّ الله أمرني أن أقرأ عليك!


- تخيَّلْ أن يُقال لكَ: قد قال مديرُكَ أنك موظف رائع، لا شكَّ أنك ستفرح، أما إذا قيل لكَ أن الوزير قالَ عنك أنك بارع في مجالك ومن أهل الاختصاص، فلا شكَّ أنك ستمتلئ رضىً وتفخر بنفسك! أما لو قيل لكَ أن الملكَ أو الرئيس ذكرَ اسمكَ في مجلسه لرُبما نبتتْ لكَ أجنحة وشعرتَ أنَّ هذه الدنيا كلها لا تتسع لفرحك! والآن تخيَّلْ، تخيَّلْ فقط أن يُقال لكَ إنَّ الله تعالى قد ذكرَ اسمكَ!
ما أردتُ منك أن تتخيله قد حدث لأحدهم فعلاً! استدعى النبيُّ صلَّى الله عليه وسلَّم أُبيَّ بن كعبٍ وقال له: إنَّ الله أمرني أن أقرأ عليكَ "لم يكن الذين كفروا"
فقال أُبيُّ: وسمَّاني لكَ؟
فقال له النبيُّ صلَّى الله عليه وسلَّم: نعم، سمَّاكَ لي!
فجعلَ أُبيُّ يبكي، وكان حتى آخر لحظات عمره يقول: أنا الذي سمَّاني ربي!

لماذا أُبيُّ بن كعبٍ تحديداً وأبو بكر وعثمان وعلي أفضلُ منه؟
هذا لأن أُبيَّ بن كعبٍ كان أقرأ الصَّحابة لكتاب الله، لهذا كان من الطبيعي أن أبا بكرٍ لما أراد جمع المصحف بعد حروب الرِّدة أن يجعل أُبَيَّاً من ضمن اللجنة التي أُوكِل إليها جمعه. وعندما أراد عثمان أن يجمع القرآن الجَمعة النهائية التي هي عليها اليوم أن يجعل أُبيَّاً في لجنة جمعه!
إنَّ هذه الدنيا اختصاص بالدرجة الأولى، أبو بكر أفضل من أُبي بن كعب بالجُملة ولكن أُبيَّاً أُعطيَ حظاً من القرآن لم يُعطه أبو بكر!
وعُمر أفضل من خالد بالجُملة ولكن خالداً أعلم من عُمر بالحرب!
وعُثمان بن عفان أفضل من معاذ بن جبلٍ بالجُملة ولكنَّ مُعاذاً أعلم بالحلال والحرام من عثمان!
وعليُّ بن أبي طالب أفضل من أبي هُريرة بالجُملة ولكن أبا هريرة أكثر حفظاً للحديث من علي!
وهذا الإسلام العظيم بلغَ ذروة مجده وقوته لأنه كان يضع الرجل المناسب في مكانه المناسب، أي بحسب المجال الذي هو بارع فيه، لم يكن عند النبي شكٌّ أن أبا بكر أفضل من خالد، ولكنه وضع خالداً على رأس الجيش لأنَّ خالداً أعرفُ من أبي بكر بأُمور الحرب! وعندما قال النبيُّ صلَّى الله عليه وسلَّم لأبي ذر: يا أبا ذر إني أراك ضعيفاً، وإني أحبُّ لكَ ما أُحبُّ لنفسي، لا تأمَّرَنَّ على اثنين، ولا تولَّينَ مالَ يتم! لم يَذُمَّ أبا ذرٍّ أو يتهمه في دينه، الأمر له علاقة بشخصية أبي ذر، وتركيبته النفسية وطبعه ليس إلا! فقد كان أبو ذر صاحب منطق ورأساً في الزهد والصدق والعلم والعمل قوِّالاً بالحق لا تأخذه في الله لومة لائم، وقد قال النبيُّ صلَّى الله عليه وسلَّم عنه: "ما أظلَّتِ الخضراءُ ولا أقلَّتِ الغبراءُ من رجل أصدق لهجةً من أبي ذر"!

إنَّ الذي يُصلي الصلوات الخمس في المسجد رجل مبارك ومحترم، ولكن هذا لا يعني أنه يصلح أن يكون وزيراً ويتولَّى شؤون العامة!
والذي يحفظُ القرآن عن ظهر قلب، رجل نقي تقي، ولكن هذا لا يعني أنه يصلحُ أن يكون قائداً للجيش!
التقوى والأخلاق والصلاح صفات مطلوبة في الناس بغض النظر عن أي منصب يتولونه، ولكن ابحثْ أولاً عن براعة الأشخاص وخبرتهم بالعمل الذي تريدُ أن تُحملهم مسؤوليته، ثم بعدها فاَضِلْ بينهم بالتقوى والصلاح والسعي إلى المساجد، أما أن يُعطى التقيُّ عملاً لا دراية له به فهو ظلم له وللناس!




- أدهم شرقاوي

- ‏يقولُ ابن الجوزي :
‏رأيتُ عجوزاً تتوضأ قبل الظهر بدقائق
‏فسألتها : هل أذَّنَ
‏فقالتْ : أنا أذهبُ إلى الله قبل أن يُناديني ❤️

‏أن تمُوت من أجل الاحتِجاج، فالأمر يستحِق ، أن تصمُت من أجل كلمة لا يُمكِن قولها ، فالأمر يستحِق
ولكن تذكَّر ، أقوى احتِجاج، أشجع إخلاص يكمُن في أن تعِيش وتتكلَّم


- شو تينغ💛

لا أدرِي لماذا لا يطيرُ العِباد إلى ربهُم على أجنِحة من الشَّوق بدَل أن يُساقوا إليه بسِياطٍ من الرهبَة؟
إن الجهل بالله وبدينهُ هو علّة هذا الشعُور البارِد ، أو هذا الشعور النافِر -بالتعبير الصحِيح- مع أن البشر لن يجدُوا أبرّ بهم ولا أحنَى عليهم من الله عزّ وجَل ، وبره وحنُوه غير مشوبَين بغرضٍ مَا بل هما من آثارِ كماله الأعلى وذاته المُنزَّهة.


- محمد الغزالي💛

لستُ أدرِي كم رُوحاً لدي
أنا أتغيَّر كل لحظَة ، ‏دائِماً
أشعرُ بأني غرِيب ، ‏لم يسبُق أبدَاً أن التَقيتُ بنفسِي
أو وَجدتُها!


‏- فرناندوا بيسوا💛

- مساء مساء يا جماعة ..😍🥰😘
إن شاء الله بكرا الساعة 6 صباحاً هتكون الورشة بتاعت التخلص من التسويف مع محمد عمر ..💛✨
- ياريت الناس المهتمة بالموضوع تكون متواجدة لأنو الشاب الظريف دا هيكون متواجد لفترة محدودة في القناة عشان يجاوب على استفساراتكم و أسئلتكم ..📬💌



#شير_عشان_غيرك_يستفيد ♥️🍃✨

شكرا جدو 💙😁

ان شاء الله نكون قدر الخدمة 💙💪