👆👆👆💛💛💛💛💛💛🌸🌸

في مقُولة مدهشَة #لجلال_الدين_الرومي بيقول فيها :
{ما تبحَث عنهُ يبحَث عَنك}
وبالتالي طالما إنو البوست دا وصل ليك فاعتبرها إشارة خير

#إذا_كنت•••
- حاسي إنو 24 ساعة ما مكفياك؟
- شايف الناس بتنجز وإنت لسه واقف في مكانَك؟ ، عايز تعرف كيف الناس دي وصلت لهنا؟
- حياتك جايطة وما عارف تنظمها كيف؟
- طلبات الناس ومسؤلياتهم كترت عليك؟
- عايز تبدأ تتغير بالجد بس ما عارف تبدأ من وين؟

كل التساؤلات دي وغيرها حتلقى إجابتها عند ناس عاشوا التجربة دي وحابين يتشاركوها معاكم
الفكرة ما ورشَة وخلاص ، ولا شغل ناس تنمية بشرية ، وإنما حل لمشكلة بنعاني منها كلنا ؛ حنتناقش فيها سوا وحنحاول نصل لحلول مع بعض في الأسئلة والإستفسارات عقب إنتهاء كل جزئية من الورشة
ما فات علينا إنو الورش الأونلاين أسعارها خرافية عشان كدا خفّضنا ليكم رسوم الورشة دي عشااان تعم الفايدة ونصل لأكبر عدد ممكن {ودا هدفنا}
تعال إستفيد وحتفيد غيرك كمان ، قول لي كيف؟
رسوم الورشة الحتدفعهَا حتمشي للأعمال الخيرية تبع الجمعية وللناس المحتاجة (عصفورين بحجر ، علم تنتفع به ، وصدقة في ميزان حسناتك)🌱

#رسوم_الورشة💰 :
 50 جنية فقط لا غير
( بدل ما تروح في خدمة نت وحالات واتس وحوامة بدون هدف في الفيس وتويتر تعال روحها في حاجة تفيدك)

● #للإنضمام_والتسجيل📲
تواصلوا معنا على الأرقام التالية (مكالمات ، واتساب) :
للتسجيل والإستفسار (مكالمات +واتس) :
0116661102
 0991036103
0963047079

💛💛حنعلن عن تاريخ ووقت الورشَة مباشرةً لكل زول سجّل ، بعد إكتمال العدد المطلوب💛💛

● #والمفاجأة🎉 :
- كل واحد حيجيب معاه 5 أشخاص للورشة حيحضرها مجاناً

سارع بالتسجيل قبل إكتمال العدد
💡وإتذكر دايماً إنو وقتك ياهو عمرك ، فهل فكرت حتخليهو يروح؟
#الشير_فرض_حب💛
#إعلام_مغيرون🌍



●

أونلاين عبر الواتساب💛

(التسجيل ما زال مفتوحاً)
#موعد_الورشة⏰🌼
التاريخ : يوم الأربعاء 29 يوليو 2020
الوقت : تبدأ الساعة 4 إلى 8ونص
(الورشة حتكون على جولتين )💛

●

سلام من الله يغشاكم
إنتو عارفين إنه نحنا ف أكتر أيام مباركة! و عارفين إنه العمل فيها أحب إلى الله و عارفين إنه أحّب الأعمال إلى الله سرور تدخِله على قلب مسلم !و طبعاً حافظين حديث الرسول صلى الله عليه وسلم: " أنا و كافل اليتيم كهاتين ف الجنة"
آل تكافل عاملين مشروع فرحة العيد" للناس الما عارفة هو عبارة عن مشروع بتتجمع فيه الملابس و التبرعات للأيتام التي تكِفلها و يشتروا ليهم أُضحية"

*المبلغ المطلوب: 75 ألف جنيه " ل فرحة 3 أسر"*
رقم الإستفسارات: 0962999932

أرقام التبرعات:
ZAIN: 0962999932
SUDANI: 0123884893
MTN: 0995664797

العاوز رقم حساب البنك يرسل لي ف الرقم ده 0962999932

وَقالَ تَعَالَى: {وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ} [آل عمران: 133].

م تستصغرو الجنيه يا جماعة
الحسنة ب عشرة، يعني لو حولت جنيه هتكون ليك عشره امثالها جنينهين يعني عشرين حسنه أتخيل معاي حسناتك بتضاعف و أنت مرتاح و ربنا بيبدل سيئاتك حسنات هل ح نفوت الأجر العظيم ده يا جماعة!!
*لعل ضحكاتهم تنجينا يوم الوقوف على الصراط يوم القيامة*
يلا شوف رصيدك كم وحول لينا كل اللي بتقدر عليه.

*#منظمة_ تكافل_ الخيرية*
*#مشروع_ فرحة_ العيد_2020*
*#تحدي المجمع الطبي السودان*

بعضُ الرَّسَائِل، نتمنَّى لَو نستَطِيع احتضَانَها، كَما تحتَضنُ قلوبَنا.

- إِسرَاء ترحينِي💜✨

مش مهم الحاجه تعدي أو لا، المهم إنك تلاقي حد ماسك إيدك و بيعديها معاك.💜✨

ساعة استجابة اذكرونا معاكم في دعواتكم.🥺💜

‏- صلّ على النبي ومررها.. 💜✨

أحــيوا سنة التـكبير 🧡

• السلام عليكم 💚✨
أسعد الله مساءكم بكل خير ، كيف حالكم إن شاء الله طيبين ؟! ♥️🌸
قبل فترة سألتني وحدة من متابعات مكتبتي عن مشكلة التسويف ، وكيف الزول يقدر يتغلب عليها 💔🤷🏻‍♂ ، الصراحة لقيت ما عندي رد لأني بعاني من نفس المشكلة للأسف .. 😅
التسويف و تأجيل الأعمال ، و بكرا ها أعمل و نخليها للأسبوع الجاي و هكذا ..
عاوزين نتناقش في الموضوع و نشوف حلول عملية ليه ، بالذات الناس الكانت عندها المشكلة و اتغلبت عليها ..😍
- رسلوا بأريحية على صراحة :
https://t.me/b7bot?start=7htQB
- أو في معرفي الشخصي : @OsmanGedo 💛✨

Message From: 126558

عايزه اقول حل لمشكله التسويف
طيب يلا انا عندي نفس المشكله بس شنو قلتا افكر لي في حاجه ما تخليني ارجع في كلمتي ابدا جاتني فكره انو احلف على نفسي لكن ما بحلف ساي لو حاجه بقدر اعملها ١٠٠٪ بحلف
ما بقدر اعملها بسكت عشان ما ادخل في موضوع كفاره وكدا
وكدا الأمور اتظبطت معاي حبه حبه واسه الحمدلله بقيت نشيطه شويه 😂💘

Message From: 126559

دماغنا بفهم إنو الحاجة اللي بنأجل فيها شي مؤلم و علشان يتخلص من الشعور دا يلجأ للتسويف ،،، ف ممكن نسأل نفسنا ليه اصلا نحنا بنعمل الحاجة اللي حاليا شغالين فيها " الدافع" و دا بحل جزء من المشكلة، و حتى احيانا الدافع رغم إنو منطقي ما بحفزنا كفايه علشان نحل المشكلة دي ففي طريقة البومدور تايم اللي هي تقسم الشغل على فترات بسيطة "25 دقيقة مثلا" و تعمل رست و تاني تواصل و الطريقة دي فعالة جدا جدا والله لأنها بتخليك تتغلب على هاجس البدايات و بعد كدا بتنطلق.
برضو من الحلول الجربتها في التسويف إني ادخل نفسي مع مجموعة متحمسة لفكرة أو مشروع و ملتزمين و الحاجة دي ساعدتني شديد.

- كلام جميل جدا ..🥺❤️
يلا يا جماعة الناس تتفاعل شوية و تخلي الكسل ..😢

Message From: 97990

#حتكلم الليلة عن التأجيل أو التسويف
‏(Procrastination)

ليه لما نكون مفروض نعمل حاجة مهمة شديد بنلقى روحنا بنتجنبها😔؟ البيحصل شنو والحلول ممكن تكون شنو؟
#كلنا لمن يكون عندنا شي مهم مفروض نعمله (قراية-مشروع) في مخنا في قرد 🐒" كدا بيقوم بيمسك الدركسون بتاعنا ويودينا نعمل شي تاني بدل "الشي المهم وبنفضل على الحالة دي لغاية ما يكون فاضل يوم ولا يومين أو حتى كم ساعة من الامتحان او التسليم لحدي ما القرد دا يفك الدركسون 😦ونقدروا نبدا...
طيب ليه بيطلع لينا القرد دا؟ 👈🐒

#البحصل انه لما يكون قدامنا مهمة غير مريحة او ممتعة 😫كالقراية مثلا, مراكز الالم عندنا بتولع وبتنادي لينا القرد دا 👈🐒يسوقنا بعيد من المهمة البايخة دي ونقوم نمسك التلفون أو غيره عشان يجينا إحساس مؤقت بالراحة..
#ولمن نهمل قرايتنا, المشكلة أنه الضمير ما بريحك!☹️

#التأجيل او التسويف(procrastination) دا عادة من العادات الكعبة العند أغلبنا.😞😞
والعلماء بيقارنوه بي الإدمان في موضوع الrelief والإرتياح المؤقت البيوفرو لينا بعيد عن واقعنا الممل.. بخلينا نطلع بي أعذار سطحيا بنمنطقها في مخنا عشان ما نعمل الحاجة الشايلين همها دي. 😔
#زي انك تقول ياخ الوقت لسه بدري, كان بديت أسى حانسى المعلومات قبل الإمتحان.وغيرها.!!
شعور طبيعي انه ما يكون نفسنا نقرا او نعمل شي ممل.. لكن كيفية تعاملنا مع الشعور دا هو البيفرق فعلا..

#فهل يا ترى في حل؟🤔
وكيف ممكن نعالج المشكلة دي؟🤷‍♂️

💢#أول شي لازم اوضح ليكم انو في عنصرين في معادلة المهمات الصعبة المفروض نعملها.
• . في حاجة إسمها المنهج (Process) وهي الزمن البيمشي اثناء ما أنا بعمل في الحاجة.
• وحاجة اسمها المنتج (Product) وهو الحاجة العايز أنجزها زي القراية ولا المشروع ولا essay ولا أي شي
. #الفكرة انها انحنا نركز في المنهج فقط.
ونقسم المنتج لي مناهج نركز عليها ونغش بيها على مخنا عشان ما يطلع لينا القرد 👈🐒
#طيب كيف؟ 🤔
#يعني بدل ما أقول انا عايز أقرا الليلة خمسة شباتر (فصول) ودي حاجة مخيفة لمراكز الالم لانو ما عارفين ديل حيخلصو في كم؟ حنقعد نقرا لي متين ووروروووك ونخاف والقرد يجي يسوق... 👈🐒

💢#نقوم نقول احنا حنقرا لمدة 25 دقيقة بعدين حناخد بريك.. ونبدا نقرا ونركز في الوقت دا وناخد بعدين البريك.. الفكرة انه نخلي مخنا يستمتع بال(منهج) لانها 25 دقيقة بس وفي بعدها بريك والزمن بجري سريع..
عدنا البريك نعمل تاني 25 دقيقة وناخد بريك.. بنعمل في المهمة الصعبة ديك لكن.. لسبب ما الموضوع ماشي كويس. ليه؟؟

🔹#لانو تركيزنا ما على قدامنا كم صفحة ونخلص ولسه كم شابتر! لا تركيزنا انو نتم ال25 دقيقة بس.. ودا بيرجعنا لي موضوع الطماطماية.. في نهاية الثمانييات في إيطالي إسمه فرانشسكو سيريلي اخترع طريقة لإدارة الوقت اسمها (technique Pomodoro )بومودورو يعني طماطمة بالايطالي.. وفكرتها انه إستخدم المؤقت بتاع المطبخ وزبطو على 25 دقيقة وبدا شغل علي أي شي داير يركز فيهو.. قراية, واجب, شغل الخ.
في خلال الوقت دا تركز بي كل حواسك على المهمة القدامك وتخلي تلفونك بعييييد وتقعد في مكان هاديء المهم 25 دقيقة تديها حقها بالتمام والكمال ودي حاجة بسيطة لانو مخنا ما بيقدر يركز فترات طويلة لكن 25 دقيقة مقدور عليها جدا.

📍#وبعدها تاخد بريك 5 دقايق اتمشى,فيو شوف تلفونك اعمل اي شي.
لمن نركز على (المنهج) بدلا عن (المنتج) بندي روحنا فرصة انه ما نحكم على روحنا.. يا ربي باقي لي كتير؟ المادة دي ليه طويلة كدا ياخي؟ والتعذيب الذهني البخوفنا كلو مافي. 25 دقيقة يا معلم! طيب لمن نسرح (واكيد حنسرح) نعمل شنو؟

📌#خلو جمبكم ورقة فاضية أكتبو فيها السرحةدي. مثلا جاتكم خارجية يا ربي نيوتن طوله كم؟بدل ما تبقى خفيف وتوش تمشي تفتش. اكتبها في الورقة وفي البريك اعمل الخارجيات الجاتك كلها لانو لو ماكتبتها حتفضل سارحة بيك.. لمن تكتبها ومخك عارفك حتشوفها بعدين بسكت منك.. وحاولو تقللوا الإلهائات!!.
مع الوقت العب في الزمن يعني اقرا 45 دقيقة وريح ربع ساعة.. 50 دقيقة وريح 20 دقيقة لحدي ما تلقى زمن مناسب معاك ما بتزهج فيو وبتنجز فيو اكتر شغل.. ومع الوقت بكون هدفك مثلا الليلة تعمل اربعة دورات Pomodoro قبل ما تنوم وكدا نسينا اصلا الحاجة البتخوفنا من البداية وبتخلينا نماطل.. مراكز الالم ساكتة والقرد 👈🐒اتقاعد خلاص.. مريح.. الدورة بتاعت Pomdodor بتكون 4 قعدات بتاعت 25 دقيقة و5 دقايق بريك.. في نهاية الدورة حتاخدو بريك طويل وبعدين ممكن تبدوا تاني..

#انا جربت الحاجة دي واتغيرت حياتي بالكامل والله وبقيت بنجز حاجات كتييرة كنت مؤجلها. لكن بدل ما اديكم الحل واسكت لما تفهموا القصة كلها الموضوع بيرسخ اكتر وبتمى التوفيق لي كل زول ممتحن او مزنوق في مشروع
‏.. !!💪💙You Can Do It
..

#عايزنك_تتعلم

#تغيير_واقع_التعليم_في_السودان

Message From: 89386

حاولت طرق كتيرة عشان اعالجه بس اكتر وحدة ساعدتني ، انه اخت فكرة عملي للشئ المطلوب حاليا افضل من الراحة الوهمية الملاينة قلق ، التسويف دائما بجي من انو ورانا وقت نعمل الحاجة العايزانها ، فاذا فكرنا و مرنا عقولنا ع انه التسويف في الشئ حيضرنا و يعدي الوقت بقلق بدون فائدة و احتمال كمان في الاخر ما نعمل الشئ المطلوب بالطريقة المناسبة ، فاذا عملنا الشئ حاليا حننجز و كمان نبعد القلق و ترتاح نفسيتنا و ممكن نتحفز اكتر ننجز المزيد ،، الطريقة بسيطة جدا محتاجة تغير فهم و تمرين كم مرة و بعدها بتظبط و اكتر شي مع الناس البتخاف من القلق

Message From: 99375

مساء الخير
وأنا بعاني منو شديد 😭، بفضل في حالة تأجيل تأجيل لي كتير من أموري لحدي م تكتم و أضايق في الزمن وأضطر أعملها لكن م بنجزها بالصورة المطلوبة😭في حين إنو كان ممكن أعملها بكل أريحيةلو عملتها من بدري
ف دي مشاركتي🙊
متابعة وفي إنتظار الحلول

Message From: 126596

انا صراحةةةة بعاني جددددا من الحاجه دي
و ببدأ حاجاتي ف زمن متأخر و سبحان الله
بنجزها و بتكون مرضيه نوعا ما لكن انا متاكدة
لو بديت قبل ح تكون زابطههه شديد يا ريت
اقدر اتخلص من الحاجه دي

Message From: 126583

طيب مشكلة التسويف اولا بتجي لانو عقلنا بكون عايزنا دايما نكون مرتاحين فلما يحس اننا قررنا نعمل حاجه معناها حنطلع من حيز الراحة وحنبزل جهد فبقوم بجيب لينا احلا حاجات نحنا بنحبها بذكرنا وبكرنا بي احاسيسنا ف الحظه ديك طبعا نحنا بنختار اننا م نتعب وبنوعد نفسنا اننا بكرة نكسر الدنيا ونقرا اكتر😅 دي المشكلة 👍

طيب الحل اننا نغش عقلنا😅 طيب كيف ؟؟ ونحسسو اننا م حنتعب وده بكون بي اننا نحدد اول شي عايزين نقرا كم ساعه .. مثلا ساعتين اكون بعد كل نص ساعه اكون في مكافاة وهي مثلا لعبة بنحبها او غنيه او اي شي نحنا بنحبو بس م يكون فيس او واتس لانو لو بدينا م حنقيف اما كده عقلنا حيركز وحينتظر المكافاة وشوية شوية بتعود لانو الحاجه حتبقي روتين وبي كده حتبقا عادة يوميا ساعتين لحدي م تتثبت تاني نذيا شوية شوية لحدي نصل للحاجه العايزنها
صعبة ف البداية بس عايزة صبر واصرار وعزيمه😍

Message From: 118884

eat your frogs first
تلميذك دا كان بشكي لي من مشكلتو مع التسويف الماقادر يتخلص منها وهي سبب ضيقو☹️
-طيب حصل سألتو نفسكم نحن ليه بنسوف من الاساس؟
-لأ ابدا😣
-طيب ركزوا معاي! نحن بنسوف لما يكون عندنا مهام او حاجات كتييره مفروض ننجزها وامورنا جايطه وماعندنا خطه واضحه وماعارفين بنبدا من وين ولا وين!
دماغنا بحاول دايما يبعدنا عن اي شي فيهو خطر او الم بالنسبه لينا وعندو طرق واساليب كتيرن جدا عشان ينجز المهمه دي وبتختلف الاساليب باختلاف مُسبب الالم.. فمثلا في الدراسه اذا عندنا شيت او مرجع مفروض نقراهو(ودي حاجه طبعا ممله ومحتاجه مجهود زهني وتعب) فدا حيثتحث وينشط مناطق الألم في دماغنا{لانو مفروض نحن نقرا حتى لو القرايه صعبه وممله }ودماغنا طبعا الكلام دا مابنفع معاهو فبيترعب لانو عايز يكون مرتاح في{ الزومبي موود}zombie mood زي مابسموهو المتخصصين😂😂 فبحاول يتهرب من الالم دا باي طريقة بانو يشتت انتباهنا مثلا (تمسك الجوال وتتصفح السوشال ميديا او تحس انك جعان فتقوم تاكل او تشرب اوتحضر التلفزيون ..الخ) المهم تعمل اي حاجه غير انك تقرا!
فدا طبعا حيقلل الالم او يروحو مؤقتا بس وتاني حيرجع ليك نفس الاحساس واقوى كمان لانو مازال سبب الالم موجود ومااتحل🙂
-يعني الزول حيكون داير في حلقه مفرغه
يفكر في القرايه->يتوجع->يهرب من التفكير مؤقتا->يرجع تألم تاني☹️
-بالضبط كده..وحيفضل يعاني والمشكله انو التسويف حيبقى عاده وزي الادمان كمان لانها بتديك متعه لحظيه! وكل ماالزمن يمر كل ماالعاده بقت اقوى والاقلاع عنها بقى اصعب
-طيب والعلاج شنو😢
-خطوات مفروض الزول يتبعها وحده وحده كالاتي:

-رتب افكارك وخططك وحاجاتك المفروض تنجزها واكتبها في ورقه او journal planner (تطبيق في جوالك)

- قسم المهام الكبيره لمهام اصغر منها وابدا اشتغل عليها حبه حبه

-ياريت تكون واقعي وماتضغط على روحك شديد وتخت حاجات كتيره شديد ومستحيله😐الاهم فالمهم

-ياحبذا لو عملت الحركه دي بليل وانت ماشي تنوم(عشان خلال النوم دماغك بكون في ال diffuse mood وحيقدر يشتغل على المهام الدخلتها ليهو دي ويرتبها ليك وماتاخد جزء من ذاكره العملworking memory حقتك اثناء يومك)

-نبدا بالمهام الصعبه اول مثلا المواد او الشيتات او الدروس الصعبه الانت مابتطيقها نهائي وهارب منها دي😬😬 وكل مابدينا الصباح بدري كل ماكان تركيزنا فل واستيعابنا فل وانجازنا اكتر وزي مابقولوا
Eat your frogs First in the morning 🐸🐸

-لازم ننتبه للمشتتات والمُلهيات ونبعد عنها قدر مانقدر{مثلا نقعد في محل هادي!.. نقفل اشعارات السوشال ميديا! نقفل الجوال خالص لو استدعى الامر!}😕

-عشان ننجز اكتر وفي نفس الوقت نحس بالمتعه ونقلل من المشتتات نستعمل ال pomodoro technique الشرحناها المره الفاتت
-نحاول نركز على ال prosses ما ال products.. بمعنى ماتقول انا الليله حخلص chapter من المرجع او حخلص الماده المعينه لكن قول لنفسك انا حدرس مثلا اربعه او خمسه ساعات وانجز فيها!

-لازم نكافئ نفسنا بعد انجاز كل مهمه من المهام اي مكافئه بحاجه نحن بنحبها مهما كانت بسيطه ان شاء الله كبايه قهوه ظابطه🤤🤤(الحاجه دي مهمه شديد شديد شديد وهي البتخلينا ننبسط ونحس باننا فعلا عملنا حاجه وبتدينا طاقه نكمل بيها باقي مهام اليوم)

-خلي دايما عندك خطط بديله او خطط استدراكيه في حال انك لسه مواصل في التسويف لانو في الاخر No one is perfect
وطبيعي جدا نتعثر ونلاقي صعوبه في التخلص من التسويف لكن لازم مانستسلم ونواصل.. لانو عمليه التعلم عمليه مستمره مدى الحياه ومابتقيف والتسويف عائق وتحدي كبير جدا جدا لازم نعرف نتعامل معاهو والا العواقب حتكون وخيمه!