كتاب #لأنك_الله لـ #علي_الفيفي 🌺

إقرئِي..
لكَي لا
يُبهِرُكِ
الغزَل الرَّخِيص
المُلقَى
في الشَّوارع💛




●

#كيف_أكتسب_عادة_القراءة؟☕📚

النَاس البحبو الكُتب فعلاً وقرايتهَا جُزء من روتينهُم اليومِي (محبّااااات ياخي💕)
في ناس تانيَة حابه إنها تكتسِب العادَة دي .. بس كتير يجوا يقولوا ليك مثلاً:
- أنا كلُ ما ببدأ كتاب جدِيد بمِل منو وبزهج وما بتمُو
- وكتيرَات البيجوني يقولوا لي ممكن ترشِّحي لينا كُتب نقراهَا ، أو ورينَا أسماء كتُب عجبتك أو...إلخ
•النقطة الأولى
دي حاجة طبيعية جداً والسّبب الرئيسي فيها مَا إنتَ .. وإنما لأنو نوعية الكُتب الإنتَ بتقراها مملّة فعلاً ، أو إنك بتقرأ كتُب هي في الحقيقة محتواهَا ما بتعنيِك بشئ ولا مُرتبطَة بأيِّ حاجة في حياتك فبالتالي حتكون النتيجَة إنك تزهَج منّها وما تواصِل

• النقطة التانيَة
ما تخلي زول يحدّد ليك ذوقك في الكتُب
فتش برَاك وأقرأ قدُر ما الله يقدِّرَك ..
ما تقرأ أي كتَاب لمجرّد إنو الكاتِب حقو مشهور أو لأنو الأكثَر مبيعاً أو أو...
أقرأ عشان إنتَ عايز تقرأ .. عشَان عايِز تتغيّر
وإتذكّر الكتَاب الزابِط في نظرَك قد يكون عادي بالنسبة لزول تاني .. عشان كده غالباً الأفكار المُسبقة المتداولة عن أي كتاب منتشِر بتكون مبنية على وِجهات نظَر شخصية بحته!

•••

بالنسّبة لي .. أترَف اللّحظات هي لمَن أقرأ عنوان كِتاب يجزبنِي بدون أفكار سابقَة من أي زول .. ألقى كِتاب رهِيب كدا بالصُدفة
حتى أرهَب الكُتب القريتها فِي حياتِي بكتشِف لاحقاً إنو الكاتِب بتاعها عندو بالكتيِر كتابين تلاتة وأحياناً واحد بَس اللي هو الوقعت عليهو ده..
|فور إني واي...
دي نصَايح جرّبتها أنا شخصياً -وما بالضرورة تنفع معاك برضُو- بس حتديِك فكرة تعمّل الـplan بتاعتك بَراك وتحبّب لنفسك موضوع الإطلاع الذاتي ده📝🌸

● طيب عشّان أتحمّس للقِراية وأبقيها روتِين وعادَة -وبالمناسبة دي ألطَف عادَة ممكن تدمنهَا- في مقولة مشهورة لأنطون تشيخوف بقول فيها: "من الجيَّد أن تقرأ ، أكتسِب عادة القِراءة ، فسَيحين الوقت الذي تعرِف فيه قيمة هذه العادة"
رسَّخ فكرة إنك تكون قارِئ في رأسك .. إتقبلهَا نفسياً وأعرِف الهدف الإنتَ عايز تقرأ عشانُو كويِّس (أكسب ثقافة ، أعرف معلومات ، أطلع من قوقعَة تفكيري ، ...إلخ) وفتّش كُتب تخدِم هدَفك ده

● أقرأ خارِج ميُولك .. يعنِي مثلاً لو بتحِب كُتب التنميَة البشرِية حاوِل توسِّع نطاقَك شوَية وتقرأ كتُب علم نفس مثلاً ، أو كتُب مذكرات ، أو كتب علّمية ، أدبية...إلخ
القِراءة أصلاً توسِيع مدَارِك وطالمَا إنتَ مُنكَّب على نوع معيّن بس فسعة تفكيرَك حتكُون على قدُر النوع دَه
أنا واحدَة من النّاس الكانوا بيكرهُوا الرّوايات جِداً كنتَ بحس إنو ما فيهم فايدَة بس والله العظِيم المعلُومات الإنضَافت لي عن طريق الرّوايات ما لقيتهَا فِي كتُب كتير

● أعمَل خطّة على حسَب قدرتَك (وإلتزم بيها) ، خليها سنوِية ، شهرية ، إسبوعية ، يومية...إلخ اللَّهُم تكون simple ومرِيحة مثَلاً :
- حأقرأ 100 كتَاب خلال السّنة دِي
- أو كلّ شهَر حأخلِّص كتابين
- أو حأخصِّص وقت للإطلاع الذاتِي 20-30..إلخ دقيقة في اليوم وهكذَا
شخصياً شغالَة بالخطّة السنوية (100كتاب في السنة) والحمدُ لله من أكتوبَر الفات لإكتوبر دَه تميِت 100 كتاب فِعلاً وبديت من جدِيد

● خلِي عندَك طقوسك الخاصّة ، هيئ جَوَّك
في ناس بتحِب تشرب coffe أو tea من بَاب المزَاج
ممكن تسّمع music هادئة بتحبهَا ، أقعُد في مكان هادِئ..إلخ .. المُهِم أربُط القراءة دِي بعادات تانيَة بتحبّها وحتحبهَا معاهُم

● بكُون ألطَف لو خصّصت ليك نُوتة صغيرة كدَا للكُتب بس ، تكتب فيها إسم كلّ كتاب قريتو أول بأول ولو حابِي تكتب معاهو معلومَات تانية (مثلاً إسم الكاتب ، وريڤيو من وجهة نظرَك إنتَ ، ملحوظات ، أو إقتباسَات حبيتها في الكتاب..إلخ) ، والله حتتحفّز بصورة ما عادِية بعد سنتين تلاتَة كدَا ممكن تلقى نفسك قريت كميَة معتَبرة من الكُتب

● خليِك مواكِب للفعاليات المتعلّقة بالكُتب معرض الكتاب مثلاً (قلبي معااه😭💔) .. تابع صفحات كُتّابَك الحبيتهم وألهمُوك على السوشال ميديَا عشان تعرِف إصداراتهُم أول بأول وتعرف الريفيو الحقيقي لأي كتَاب من الكاتِب حقو شخصياً
صاحِب ناس بتقرأ كُتب حيفزُوك شديد

● شارِك الكتُب الألهمتَك مع قُرّاء تانيين
شارِك أفكارَك ووجهة نظَرك في الكُتب دِي على حساباتَك في مواقِع التواصُل الإجتماعِي في القروبَات البتهتَم بالقُراء والكُتب وحتلقَى ناس رهيبين شدِيد قروا نفس الكُتب دي وممكِن تتناقش معاهُم وقَد يصبحُوا أصدقَاءك يوماً ما -ما حتندَم علي معرفتهُم أبداً- وصدَق إيرفنغ ستون لمن قال:
(لا توجَد علاقات أسرَع وأرسخ من تلكَ التي تتشكّل بين أُناس يحبُون الكُتب نفسهَا)

● كلّنا بنمِل من البوستات الطويلة..
والكتب دِي تحديداً موضوع ممكن أرغي فيهو للأبد😂
عشان كدا cut للمشهد
آخيراً..
الإقتباسات..الإقتباسات ياااخوانا😌🌸
دي أرهَب حاجة في الموضُوع كلُّو
كلكُم جرّبتوا إحساس تقرُوا كتاب/رواية وتلقوا في نصّ

ها كدا سطُر ولا نَصّ بيمثلكُم تماماً (صح👈👉)
خصّص في الإستديو بتاعَك ملَف -سميهُو بالإسم البيعجبك- وأحفظ فيهُو كلّ الإقتباسات الحسيتها مسّتك في الصّميم .. (إذا قرايتك pdf) ، أو حيِّز في مذكرَة الهاتِف لو بتقرأ كُتب ورقِية (يا بختك😢) .. ديل براهُم عبارة عن بوستات ، تغريدات ، حالات واتس جاهزَة .. وبتشبهَك شدِيد

أختِم ليكُم بكلام قالتُو الكاتِبة الكويتيَة(الراقية شديد) بُثينة العيسَى :
إن قدرتي على القِراءة .. على تخصيص وقتٍ للقراءة هي المؤشر الذي أعتمده لتقييم "جَودة الحياة" ، لأننا إذا فقدنا هذا الحق ، الحق في الجلُوس بصمتٍ والقراءة
ستبدو الحياة مثل ركضٍ مؤبد على عجلةِ هامِستَر.
#يلا_نقرأ📚🌸
#مريم_الشيخ💛


•

- ‏يا صديقي إن قلوب الناس مُكتظة بأمور يجهلُها حتى أعز الأقرباء.. فَمُر هيناً .💜✨

جلال الدين الرومي

"أقيموهُ صلاةً فإن لم تستطيعوا فـ إستغفاراً"..

- قيام الليل 💜🌸

النهوض مبكراً
هو ما يجعل المرء مكتئباً😪

صباحكم خالي من الدوام ومعكرات المزاج💭🌸

حدث في مثل هذا اليوم
21 أكتوبر / تشرين الأول

في مثل هذا اليوم من العام 2011 م تُوفي أنيس منصور بعد 87 سنة قضاها على ظهر هذا الكوكب، تركَ خلالها أكثر من مئة كتاب، ومئات الأقوال الجميلة التي عاشتْ أكثر منه، وهذه بعضها:

- يسود السلام عندما تتغلب قوة الحُب على حُب القوة!
- الحياة مثل البصل، قشرة تحت قشرة، ولا شيء في النهاية إلا الدموع!
- محاولتك التفاهم مع امرأة تبكي أشبه بمحاولتك تقليب صحيفة أثناء عاصفة!
- يجب أن لا ينتمي الشعب للحكومة، وإنما الحكومة هي التي يجب أن تنتمي للشعب!
- فتاة اليوم إذا تزيَّنتْ فَتَنَتْ، وإذا ابتسمتْ سَحَرتْ، وإذا طبَخَتْ قتلتْ!
- إذا كنتَ ستُصدِّق كل ما تقرأ فلا تقرأ!
- سوف يبقى الفشل مُراً إذا لم تبتلعه!
- نصف ما نحلم به كان من الممكن أن نحصل عليه لو أننا لم نضيع الوقت بالأحلام!
- أن تموت أسداً خير من أن تعيش كلباً!
- علم النفس يطلب من المرأة أن تكون رجلاً مشوهاً!
- كثير من الناس يحترمهم الناس لأنهم لا يعرفونهم!
- قل أي شيء أصدقك إلا أن تقول النقود ليس لها قيمة!
- ليس هناك أبشع من الإهمال إلا تفاهة الاعتذار!
- بعد أن تصبح غنياً سيظهر لك أقرباء لم ترهم في حياتك!
- لا أعرف متى ظهر التصفيق في التاريخ، وأغلب الظن أنه ظهرَ عندما ظهر الكذب أيضاً!
- راتب أعظم أستاذ جامعي أقل من راتب أسوأ مدرب كرة قدم!

أدهم شرقاوي