🟡الشّهيد أحمد عبد الله أبو نجا⚫️

بلغ من العمر 26 عامًا، وكان أحمد من سكان رفح الجنينة، معروفًا بطيبة قلبه، وحبه للجميع، ورغبته الدائمة في مساعدة الناس. شاب خلوق، يحافظ على صلاته منذ الصغر، وكان حريصًا دائمًا على رضا والديه. كان كثير الحديث عن شوقه لوالديه وإخوته في مصر، وكان يجهز للسفر للقائهم، لكن قدر الله سبق، فسافر إلى الدار الآخرة.

تاريخ الاستشهاد: 2025/3/19

#شهداء_غزة

🟡الشّهيد عبد العزيز رزق سليمان زعرب⚫️

بلغ من العمر 54 عامًا، كتب إبن اخيه في رسالة لمنصتنا:

"بكون عمي حبيبي، راح بدري كتير كان أحنّ حد وعطول بيضحك بيشتغل نجّار إله بصمة بكل بيت وكل حد سمع بخبر استشهاده دعى له من قلبه."

كنّا طالعين من رفح بتاريخ 23/3 بعد العصر شردنا من الموت لأماكن حكولنا إنها آمنة. حبيبي ما كان بده يطلع وحكالنا: “ليش بدكوا تطلعوا؟ إحنا شاردين من موت لموت.” كان بيضحك، ويومها راح مشي من رفح لخانيونس وصل بأقل من ساعة ونص كانت الملائكة بتطير فيه لنصيبه. بتاريخ 24 الفجر تسحرنا وقام يتوضى وصار يضحك مع العيلة ويحكيلنا: “فش إشي، والأخبار منيحة، والصبح بس يطلع النهار بدنا نرجع عَرفح.”، ما طلع عليه النهار. بعد نص ساعة تم استهدافنا استهداف مباشر للسيارة (سيارة عمي الثاني) اللي كانت جنب خيمتنا.

استشهد عمي الحبيب، وكان مصلّي وصايم، ومسبحته بإيده، واتشهّد ثلاث مرات، ومن بعدها ما صحى ولا حكى شي، وبالعصر وصل خبر استشهاده. ربنا اختاره من بينّا، كنّا 17 شخص، ووجهه كان زي البدر، وريحته مسك.

تاريخ الاستشهاد: 2025/3/24

#شهداء_غزة

🟡الشّهيد أحمد سميح أبو زريق⚫️

بلغ من العمر 19 عامًا، كان شخصًا مرحًا، يحب التصوير والمغامرات، شابًا مُعافرًا، يحمل حلم السفر وتحقيق أحلامه، وكان يحب شخصية الشرطي، مهذّب، خلوق، رقيق القلب، ونقي السريرة، استُشهد قبل عيد ميلاده العشرين بفترة قصيرة.

تاريخ الاستشهاد: 2024/4/7

#شهداء_غزة

🟡الشّهيد رامي عون اليازجي⚫️

كتبت ابنته في رسالة لمنصتنا:

"في بداية الحرب، كان طول الوقت خايف علينا من القصف والرعب اللي كنا نعيشه. لما أعلنوا إن الهدنة رح تبدأ بكرة الساعة سبعة، فرحنا وفكرنا إنها ما رح ترجع. بابا كان رايح يشوف إذا بيتنا لسه موجود، وكان بدّه يجيبلنا أواعي لأنه الجو كان برد، وإحنا نزحنا بالصيف. بابا راح، وما رجع. وإحنا لحد هلأ بردانين، لأنه راح دفء بيتنا، ودفء روحه."

تاريخ الاستشهاد: 2023/11/24

#شهداء_غزة