የደናቁርት የደም ነጋዴዎች ፖተሊካ ማለት በተከበረው ሃይማኖት ስም ሲያሻቸው የሃይማኖት አባት መስለው ወደ ሞት ይቀሰቅሳሉ።በዚኛው አልሳካ ሲላቸው ቅድስት ቤተክርስቲያንን በማቃጠል እና በጭካኔ አማኞቿን ገድለው ቪዲዮ ቀርፀው ፎቶ አንስተው በማህበራዊ ሚዲያ በማስተላለፍ የዳስ ጣል ሞሾ ያስወርዳሉ።ይህም አልሳካ ካለ ቦታው በተለየ፣ጭካኔው በጠነከረ መልኩ ድጋሜ ጨካኝ እና ዘግናኝ ድርጊታቸውን ፈፅመው በአስለቃሾቹ በኩል እንዲህ ሆነ እንደዛ ተደረገ ያስብላሉ።

ለነዚህ ደናቁርት፣የደም ነጋዴዎች፣ቅዠታሞች ትልቁ መፍህቴ  እና መድሃኒት ጅሉ ከከንፈር መጠጣ ወጥቶ በነዚህ ገዳይ ላይ በጋራ መነሳት እና መነሳት ብቻ ነው።

አንተ፣አንች፣እናንተ፣እኛ ስንነሳ ሁለት ጠንካራ ጉልበት አለን።

1ኛው የእኛ የጋራ የሆነው ጉልበት ሲሆን፤ሌላኛው የመንግስት ጠንካራ ጉልበት ተደምሮ የአጭር እና የረጅም ጊዜ ውጤቱ የገዳይን እድሜ በአጭር ጊዜ ማሳጠር፣የንፁሃን ወገኖቻችን ህይወት በዘለቂታው መታደግ ነው።

ለዚህ ቁርጠኛ አቋም ካለ ገና ሳትነሳ በጋራ ለሞቆም ብቻ ስታስብ የወገንህ ገዳይ ብን ብሎ ይጠፋል።ምክናየቱም የገዳዩ ጉልበት ያለው ከሞኙ ከንፈር መጣጭ ስስ ልብ ላይ በመሆኑ ነው።በዚህ ደካማ ጎን ገዳይ እየገደለን እስከመቼ እንዲቆይ ይፈቀድለት ???

አንዳንድ ሞኝ መንግስት የዜጎችን ደህንነት መጠበቅ ግዴታው ነው ብለው ይሞግታሉ።ሀሳቡ ትክክል ቢሆንም የመንግስት ጉልበት ያለው ከህዝቡ ነው።ህዝብ ከመንግስት ጎን ቁሞ ለየትኛውም የጭካኔ ጩኸት ጆሮ ሳይሰጥ ከፊት ከኃላ የሚሆነውን የመንግስት ደጀንነት ይዞ ተመሳሳይ ድርጊት በጨካኞች እንዳይፈፀም ለመንግስት ተጨማሪ አቅም ሆነን ስንገኝ መንግስት የመንግስት ስራውን ይሰራል።

ሃቁ ይሄው ነው።

በነጭ ልብስ ላይ ጥቁር ነጥብ ፍለጋ፡- ኢትዮጵያ ያሸነፈችበት የምርጫው ተቃርኖ
*****

በአንድ በኩል ዓለም አቀፍ ታዛቢዎች፣ ተቋማት እና የዲፕሎማሲው ማህበረሰብ የኢትዮጵያን ምርጫ ሰላማዊነትና ታሪካዊ ስኬት በይፋ እየመሰከሩ፣ በሌላ በኩል ደግሞ ጥቂት ኃይሎች ይህንን በጠራራ ፀሐይ የታየ እውነት ለመቀበል ሲያንገራግሩ መመልከት የዘመናችን ትልቁ የፖለቲካ ፓራዶክስ ሆኖ ብቅ ብሏል።

ይህ ተቃርኖ የመነጨው የምርጫው ሂደት ጉድለት ኖሮት ሳይሆን፣ እነዚህ ኃይሎች ከጅምሩ የገነቡት የፖለቲካ ስሌት እና የስነ-ልቦና መዋቅር የኢትዮጵያን እውነት ለመቀበል ዝግጁ ስላልሆነ ነው።

ከለር ብላይንድነስ፡ ከነጭ ልብስ ላይ ጥቁር ነጥብ መፈለግ

እነዚህ ምርጫውን ለማጣጣል እና ጥላሸት ለመቀባት የሚሞክሩ ኃይሎች፣ ኢትዮጵያ ምንም ብታሳካ፣ የቱንም ያህል ከፍታ ላይ ብትወጣ እውነቱን ለመቀበል በተፈጥሮአቸው ፈቃደኛ ያልሆኑ ናቸው።

ችግራቸው ያለው ከምርጫው የህግ ማዕቀፍ ወይም አፈፃፀም ጋር ሳይሆን፣ በቀጥታ "ከኢትዮጵያ ማሸነፍ" ጋር ነው። እነዚህ አካላት ፖለቲካዊ የሆነ የ"ቀለም እውርነት" (Color Blindness) የተጠናወታቸው፣ የብርሃን ፀዳል ፈፅሞ የማይታያቸው ናቸው።

ኢትዮጵያ እንደ ሀገር የቱንም ያህል ነጭ፣ ንፁህ እና የሚያንፀባርቅ የድል ልብስ ብትለብስ፣ የእነርሱ አይን የሚያርፈው እና ሌንሳቸው አጉልቶ የሚያሳያቸው በዚያ ሰፊ ነጭ ልብስ ላይ ያረፈችውን አንዲት ጥቁር ነጥብ ብቻ ነው።

ብርሃን ባለበት ቦታ ሁሉ ጨለማን አጥብቀው የሚሹ፣ ከስኬት ይልቅ ውድቀትን፣ ከሰላም ይልቅ ትርምስን የሚያልሙ የጨለምተኝነት አባዜ የተጠናወታቸው ናቸው።

በኢትዮጵያ ፍርስራሽ ላይ ቤት የመገንባት ቅዠት የዚህ ፓራዶክስ ዋነኛ መነሻ የጥቅም ስሌት ነው።

እነዚህ ኃይሎች ኢትዮጵያ ስታሸንፍ፣ ምርጫዋን በስኬት ስታጠናቅቅ፣ እና ማዕከላዊ መንግስቷን በህዝብ አመኔታ (Legitimacy) ስታፀና፣ የረጅም ጊዜ ስትራቴጂካዊ ጥቅማችን ይነካል ብለው በፅኑ ያምናሉ።

ጠንካራ እና የተረጋጋች ኢትዮጵያ ለእነሱ ስጋት ናት። ሀገር በፅኑ የህዝብ መሰረት ላይ ስትቆም፣ የነርሱ የመጠምዘዝ፣ ጣልቃ የመግባት እና ፍላጎታቸውን በኢትዮጵያ ጫንቃ ላይ የማስፈፀም አቅም በእጅጉ ይዳከማል።

በመሆኑም፣ በኢትዮጵያ አለመረጋጋት፣ መዳከም እና መከፋፈል ላይ የራሳቸውን የጂኦ-ፖለቲካዊ፣ የቀጠናዊ ወይም የግል ጥቅም "ቤት" ለመገንባት የሚቋምጡ ሐሳውያን ናቸው።

ለእነሱ የኢትዮጵያ መፍረስ የራሳቸውን ለ መገንባት ዋስትና ተደርጎ ስለሚወሰድ፣ ይህ ምርጫ በስኬት እንዳይጠናቀቅ ሌሊት ከቀን ሲዶልቱ፣ ሲያሴሩ እና ፕሮፓጋንዳ ሲረጩ ከርመዋል ።

የህዝቡ እልህ፣ ፅናት እና የተኮላሸው ሴራ

ምርጫው በስኬት እንዳይጠናቀቅ፣ ሀገሪቱ ወደ ትርምስ እንድትገባ፣ እና የህገ-መንግስት ቀውስ እንዲፈጠር የተሸረበው ሴራ እጅግ ዘርፈ ብዙ ነበር።

ሆኖም፣ ይህንን የጥፋት ድር የበጣጠሰ የውጭ ኃይሎች ጫና ወይም የፖለቲካ ልሂቃን ንግግር ሳይሆን፣ የኢትዮጵያ ህዝብ የማይበገር ፅናት እና ኃይለኛ "እልህ" ነው።

ህዝቡ እነዚህ ኃይሎች ለሀገሩ የቆፈሩትን የጥፋት ጉድጓድ ተመልክቶ፣ በከፍተኛ የሀገር ፍቅር እና እልህ ተነሳሽነት ማዕበል ሆኖ ወጣ።

በጨለማ፣ በለሊት፣ ብርድና ውሽንፍር ሳይበግረው በረጅም ሰልፍ የተገኘው አዛውንት፣ እናት፣ ነፍሰ ጡር እና ወጣት፣ ምርጫውን ማሳካት የብሔራዊ ህልውና ጉዳይ መሆኑን በተግባር አሳይቷል።

ይህ ህዝባዊ ቁርጠኝነት፣ ምርጫውን ለማክሸፍ የተነሱትን ኃይሎች ሴራ ከማምከኑም በላይ፣ መደበቂያ እስኪያጡ ድረስ አንገት አስደፍቷቸዋል፤ በሚያሳፍር ሁኔታም አዋርዷቸዋል። ህዝቡ በድምፁ "ሀገሬን አላስነካም!" የሚል ጠንካራ መልዕክትም አስተላልፏል።

ከመስካሪዎች በላይ የሆነው የማይደፈጠጠው የህዝብ እውነት

በዚህ ታሪካዊ የምርጫ ሂደት ውስጥ መዘንጋት የሌለበት ትልቁ ሐቅ፣ ከመስካሪዎች እና ከዓለም አቀፍ ታዛቢዎች ዕውቅና በላይ የህዝቡ እውነት ህያው እና ገናና ሆኖ መውጣቱ ነው። ታዛቢዎችና ዓለም አቀፍ ተቋማት የምርጫውን ስኬት መመስከራቸው የዲፕሎማሲያዊ ድል ቢሆንም፣ የኢትዮጵያን አሸናፊነት በኮንክሪት መሰረት ላይ ያረጋገጠው ግን በሚሊዮኖች የሚቆጠረው የኢትዮጵያ ህዝብ ያሳየው ተጨባጭ እውነት ነው።

የህዝብን ድምፅ፣ ፍላጎት እና እውነት በማንኛውም የፕሮፓጋንዳ ማሽን፣ በከለር ብላይንድነት በተለከፈ የሚዲያ ዘገባ ወይም የውሸት ትርክት መደፍጠጥ ፈፅሞ አይቻልም። ታዛቢዎች የሚመሰክሩት ህዝቡ የሰራውን እውነት እንጂ አዲስ ነገር ፈጥረው አይደለም። የህዝቡ እውነት እንደ ንጋት ፀሐይ ፍንትው ብሎ የወጣ፣ በምንም ዓይነት የሐሰት ደመና ሊጋረድ የማይችል ብርሃን ነው።

በአጠቃላይ ኢትዮጵያ አሸንፋለች! ይህ ድል የጥቂት ሐሳውያንን የጨለማ ምኞት የቀደደ፣ ህዝብ በነቂስ ወጥቶ ሀገሩን ያዳነበት ታላቅ የብርሃን ድል ነው።

እነዚያ ከነጭ ልብስ ላይ ጥቁር ነጥብ ለሚፈልጉ፣ ጨለምተኝነት ለተጠናወታቸው እና በኢትዮጵያ ፍርስራሽ ላይ ቤታቸውን ለመገንባት ለሚቋምጡ ኃይሎች፣ የህዝቡ ፅናት እና በካርዱ የሰጠው ምላሽ የመጨረሻው የሽንፈት ፅዋ ሆኖባቸዋል።

አንዳንዶች እውነቱን መቀበል ቢያቅታቸውም፣ ፓራዶክሱ የሚነግረን አንድ ቋሚ ሐቅ አለ፤የህዝብን እውነት በእጅመዳፍ መሸፈንም ሆነ በማባበያ ቃላት መደፍጠጥ አይቻልም። ኢትዮጵያ በልጆቿ ፅናትና እልህ፣ ህልውናዋን አፅንታ፣ የጠላቶቿን ሴራ አክሽፋ እና ብሔራዊ ጥቅሟን አስከብራ አሸናፊ ሆናለች።

አብቹ እንቅጩን ተናገሩ