هَالفترة كُلش I'm tired .

قسم بالله واحد مالة خلك حتى يتنفس

كل تاخيره فيها خيره أطمئن لتدبيره .

تدرون شي بية طبع محلو بس احبه
هو الاختفاء المفاچئ من انزعچ من شي
اختفي عن الانظار وانعزل عن كل شي
حتى اهلي واصدقائي وناسي يجيني احساس
الابتعاد عن الكل اواجه حزني وحدي لان تجيني لحظات اكون عصبية ومحد يتحمل عصبيتي
واخاف اجرحهم بكلمات ما اكون اقصدها وهنا الاعتذار مراح يخليهم ينسون هل كلمات
فـ الجأ لعزلتي ولغرفتي واعرف هنا الكل حـ يلومني ويكول هل شي غلط لكن بوقتها ما اكدر اسمع اي صوت حتى صوت الهوى ومادام هل شي احبه ويريحني دائما راح اتجهه نحوه♥️.

نفسيتي محتاجة بوكي ورد طبيعي لون احمر ومكتوب بيها الدنيا تروحلج فدوة وجوا مكتوب احبج♥️

الامراض مستحيل تفگني حتظل ملازمتني طول حياتي وماعرف الى متى حظل اخذ علاج وانمنع عن اشياء نفسي بيهـا وشلون حعيش ويا هل مرض بالذات بس ماكول غير الحمدلله ع كل حال واكيد الله كاتبلي بهل مرض خير❤️‍🩹.

تعب الدنيا كله بية

بس هم مراح استسلم وراح احارب من جديد وارجع طاقتي وشغفي واكمل بالشي الي اريد اوصله رغم تعبي ومرضي وفقدان حيلي فـ اكيد ميلوك علية الاستسلام بهل سهوله ومريت باشياء اصعب من هل شغله

فـ راح تعدي مثل كل مرة

تعدي حَبيبي هذا الشي بسيط بالنسبة لصار وياج وانتِ قوية ، ميخالف ع التعب دا تحسي وروحج للي تنطفىء بفترة من الزمن بس اعرف لو مهما يصير غدير راح تبقى قوية ماتخلي شيء يقوى عليها ، أقدر هسة وضعج وتعبج وضرفج بس أني وياج لا تنسين والله وياج راح تعدين هالفترا وترجعين أحسن من قبل روحج الحلوا للي دوم تشجع نفسها ع السعي
راح تعدي وتحضن نفسها تكول أني كدها وتخطيت
راح تَعدي وترجع بخير ، تتعب روحج اني وياج اسندج بروحي لو جاسج التعب .

هواي دا اشوف ترند "فكرة الزواج مخيفة "
وبـ كُل ريلز يكون مضمن كلمات مثلًا أن گان مايسمع "اغاني ، مايهديني أغنية ، مايحب أغنيتي المفضلة " وبعد وبعد هواي گلام
زين ليش مَ شوفون موضوع الزواج من غير نظرة ؟
مثلاً تخيلوا فكرة زواج مو مُخيفة !
تخيلوا يطلع يُحب لآل البيت ويحُب كربلاء ،ماايسمع اغاني مايهديج ذنوب
عنده معلومات عن الدين راح تفيد اطفالكم بالمستقبل تنبني عائلة محُبة وصالحة
يحُب نتناقش بأمور سويه
ينصحج وقت غلطة ، يحثج ع الصلاة وتأديتها بوقتها
يأدي وياج الصلوات المستحبة ويا كل هذا يختمة بطريق الأمه
شگد حلو من يكون اختيارج هيج شخص !
وشگد راح ترتاحين بحياتج ويا والله ح يوفقكم
الاغاني عمرها مَ كانت مصدر طمئنان للشخص
ولا الفلوس تجيب الراحة اذا انتِ مَ عرفتي تختارين
حاولوا تشوفون الاشياء من كُل الجوانب وافرزوا بين الصح والخطأ
فكرة الزواج أبد مو مُخيفة ، ويا الانسان الصح .