إلى حبيب عمري ورفيق دربي إلى من شاركني الحزن قبل الفرح، وكان لي الأمان قبل أن يكون الحب أكتب لك اليوم كلمات من قلبي لأعبر لك عما لا تسعه الكلمات، فانتَ الانسان الذي اخترته شريكاً لحياتي، والذي اريد أن اكمل معه العمر خطوة خطوة وقلباً بقلب. أريد أن اكون لك صديقة صادقة قبل أن أكون حبيبة، صالحه تسندك في هذه الحياة اقف الى جانبك في ايام الضعف واحتويك في لحظات التعب والانكسار اواسيك في حزنك، واشاركك فرحك، وأكون شريكة روحك قبل أن أكون شريكة اسمك اوعدك أن اكون الامان الذي تطمئن اليه، والقلب الذي لا يتغير مهما تغيرت الظروف أن احبك بكل مافيك بطموحك وأحلامك وبضعفك بدايه سنه جديده واحنه سوه بل هو بدايه عمر جديد اسأل اللّٰه ان يحفظك لي وأن يجعلني لك خير وان يجمعنا 🤍

وجان يرجع التليجرام ♥

مشتاقلهاا حيل مو شوية ، مشتاقلهاا بكل لحضة وبكل مكان أمر بي أحس طيفها يمر كدامي ويضحكني حتى وأنا حزين ، مشتاقلها لأن هي مو بس إنسانة بحياتي؟ هي چانت راحتي وضحكتي ونفسي اللي أتنفسه لأن يومي بدونهاا ماله معنى وكل شي حوالي يصير باهت بدون لون!! مشتاقلهاا لأن كل كلمةة جانت تحجيها بعدني أسمعهاا بأذاتي كأنماا هسه تحجي وياي . مشتاقلهاا لأن حتى الزعل وياهاا جان حلوو لأن بي إحساس حب ، مشتاقلهاا لأن كل الذكريات اللي بينه تصير دتنعادد براسي وأناا ماكدر اوكفهاا ، مشتاقلهاا لأن بينه اسرار وضحكات ودموع محد يعرفها غيرها ، مشتاقلهاا لأن اريد اشوفهاا بس لحضة وحدة حتى لو ما تحجي وياي حتى لو بس تمر كدامي وتروح أضل مبتسم وراهاا . مشتاقلهاا لأن گلبي بعده متعلق بيها رغم كلشي رغم الفراق والوجع رغم الوقت اللي ديمشي وأنا بعدني بمكاني ، مشتاقلهاا لأن مو بس احبهاا لاا؟ هي سكنت بيه وصارت جزء مني ماكدر انساهاا  مشتاقلها حيل وشكد متتصور مشتاقلها بكل ثانيه وبكل دقيقه وبكل ساعه وبكل لحظه هيه مموجوده بيها مشتاق لكلامها ولصوتها مشتاق لكلشي يوحي الها جان وجودها يمي يكفي انو يشبعني لسنوات طويله جنت احس بالامان يمها احس اني اسعد بشر بالدنيا جان يبين عليه شكد نفسيتي مرتاحه وشكد بالي مرتاح من جانت يمي يكولون مبين من وجهك شكد مرتاح ولا مبين عليك انت تعبان اكولهم غير النور يشع بدنياي؟ مشتاقلها حيل اتمنى بس لو ساعه وحده ابقى حاضنها وبدون منسولف بس اضل اتلمس بوجها اباوع بعيونها حرمتني منها وراحت وعافتني ضايع ومتشتت

يسولف كلبي مايسكت...ترا بيك
وعيني عالدرب تنطر...ترا بيك
وادري الصوج مو بيه...ترا بيك
ياخذني الكلب غصبن علي

مثل ما گالها علي رشم
وياي طبعك يشبه أوضاع العراق
خير للغربة وعلى أهله يصير نار

ما يمشن عَلي مشيتهِن مَجبور"
والضاهر مُحِب وإذبَح دمُعي أنذور
ولا عُبرن، عليه وحالي حَال الناس!
اعرفهُم حَمام شلون إگول صگور .
وَلو جرحِي انفضح ميستره ثوب الحَال .
يسإلوني وگِلت لا عَالشمس ، مَشرور .
وُمرت جِثتك چناز بيه اليل!
صِرت اني السِدر ، والمَاي ، والگافور"
وَلا نفسي دِنت حَطلي الطُمع ماعون
كَلي إخذ شتريد وُگلت لا مَشكُور
ما دَور بعَد مَحصول بلبستان .
لإن شِفت الحرَامي مصاحُب الناطور"

الندم درس يعلمك ان المشاعر غاليه ولازم تصرفها للي يستاهلها بس والمبالغه في التقدير هي غلطة الطيبين اللي قلوبهم تسبق عقولهم لكنها تبنيك من جديد وتخليك تعرف ترسم حدود واضحه لكل شخص بحياتك واهم شي تعلمته ان مكانتك عند نفسك هي الاساس واي شخص ثاني يجي بعدها لان اللي يحبك بصدق ما يخليك تندم على محبتك له ابدا....؟

أنتَ غنوة روحَي من يلتمُ حـزنها ♥️