ها يَگلبي .. العايفك عايش عزيز
وأنت ذَليت ورخصت لخاطره ..
خوفي منك والجرح باچر يطيب
وهم ترد وتگول أحبه وعاذره ..

آنه مو يوميه أعلمك
هاي نار وهذا مآي .

أعتقد مَليت مِني ..
وصَرت عَندك مو ضَرورِي
أنه أسف لأن يَمك
بَالغت حَيل بَشعُوري.

هآي آخر أيام السنة ، ما إلك نيّة تشوفنه ؟

دمع النواظر يكت .. والروح ما متعَوّده
يا صاح كِل شي سهل ، ويهون كِل شي عدا
" هجرك " ثگيلاً عليّ ، بس أنت ثگل النده .

أكثر من الشفته من عندي شتريد ؟
تغلط وياي وأحبك من جديد ..

اتمنى تفهمني ..
باقين هسه سوه مو حُب .. عطف مني

الروح لأهل الروح حنت ..

تعال الحگ عله البيّه ..
تره الملوية موش بگدي ملوية .

گالولي متأذي بحَياته ،
شبَچاني ؟! ناويلك شماتة .

شجرة بمگبره فَيكم ولا بي خير .

ما ننكر فضل ، ما ننسى خذلان
وشم .. بگلوبنه تبقى المواقف .

مدري انه ذكي مدري انت مو وآعي
مدري أطباعك أختلفن عن أطباعي
مدري أنت سهل ، مدري انه أعرف الناس
مدري أنت ومَحبتك مالكم داعي ..!

كلشي ولا تجيني بيوم ندمـان ..
اخليك أعله جيتَك هاي ندمان .

ما چنت وياي واضح .. واهتمامك چذبة چان
الله لا ينطي اربعينك ، لاحگيني بكل مكان ..
"أربعينك بالشكل مو بالامان."

كل عام وانه جرح ما ينشفي بغيرك ..
كل عام وانه اختنگ وابچي بتصاويرك

كل عيد أريدك تجي .. ويخيبن ضنوني

من الليل اكض الدرب وانطر لحد الصبح
"عبالي عندك گلب ، ما يگدر بدوني"

چم عيد مر وخلص وذيج اعله نفس الدرب ..
تنتظرك عيوني

( كل عام وانت بضحك وانه الحزن لوني )

أطلعت مني بطلاع الروح
مثل هلهولة النهوة ..

وعينك مانويت انطيك
انت سلاح بطلابة
خذوك من ايدي بالگوّه

وره وجهك
حرام أن چان فات العيني شي يسوه
وأحچي بدون ما باوع بعين الناس

انه المو عيونك عندي مو حلوه

وما لحگت اشوفك زين
تجيني شويه ب احلامي
انه تمنيت لو رسام
وأگعدك ساعة كدامي

شسوي لعيني وتعوفك
بيتك سولة اجدامي

الموت الـ بالحبل مرات يتأخر
ردت باسوارك إعدامي

يمكن أحنه ملتقين .. العلاقة ببالي أكبر
يمكن أنتَ الچنت أحبه بعالم الذر

اقتربلي شوية ممكن ..
من بعيد تبوگ روحي ، ومن قريب تبوگني اكثر .

ليش من الگاك احس الگاع تصغر
وليش من الگاك ، الگه آمالي تكبر !

أنت وآحد بس أحسك جاي تكثر .

سيَّرتك أعله الروح كِل ظني تنسَر ..
سگف البنيته ويآك ، بَس غَيّمت خَر !

ما تغفى عيني وتقبل تنام
وبراسي هوسة .. زيارة أيمام
شاب وبعدني بأول الطيش
مو مالت أطلع من الأسلام