اي والله گعدة عِتب وياك رايد
بس كُون أريدك حيل ضَايج
حَتى بعَتبنا نروح زَايد
يخلَص حَچينا عَلى الگلايد
آخ بلَهاتي النار كَبرة
عفت بعشرتك خوش عثرة
جوا الضلع بسمار ذكرى
ما تنسي اللچمات خضرة
ذاك الحچي الماريد اطلعه
خليني ساكت من تسمعه
سم بلهاتك ماتجرعه
تخلص حياتك دمعة دمعة
حيرة غدر بالعين شايف
ترجف شجاك شبيك خايف
ادري من الأول بيك عايف
اشمعنى ظهره الماي طايف
متغير عليّ مو الأولي وياي
افگ ريجي الرسايل كلها تهديد
عليمن نتعب نربيك وتروح
خسرتك وانتَهت مرتين ماريد
انطيتك فوگ حجمك بالغت بيك
فعل ماضي وبقن ذكرى المواعيد
الشعر مو باب رزقي لخاطرك چان
ذهب جوا النصوغه شلون ما اريد
جازفت بسمعتي بعشرتي وياك
هملت اسمي ودست فوگ التقاليد
مو نفس العمر بس چنت اداريك
ماحسستك بفرق المواليد
البالك بعيده انساها متصير
فرزنت النواية والظاهر شتريد
گشاية بنهر والجاري مجنون
ببلم تقنعني اصعد حلمك بعيد؟؟
چان الملح زايد وبالغت بي
علاقتنا من اكثره احسبها تزيد
وأخذهن هذني الك ماتفيدني روح
اعتذاراتك ورا السويته متفيد
حسبالك گبل وأفتحلك الباب؟؟
ماتدري زعلك ليلة العيد

لـ-نور اللامي-

شِفِت مايك گلت خليني عطشان
كرهت الماي من كثر اليشربون
العليَّ صاير ابد ما صار بأنسان
ولا صارت گبل ياناس بالكون
اجيت اشرب لگيت الماي عطشان
يركض على على السراب ويه اليركضون
اذا ضنك اردلَك انت غلطان
يادَمعه رِضَت تِرجع للعيون

لـ-سَمير صبيح-

منو مثلي الثلج امنه بچف الصيف
وگله يدير باله تلوحه الحرورة
ومنو مثلي على نيته شلون طير الهور
اجى بلهفة وحنين وماحظى بهوره
ومنو مثلي سكت شاف الزرع مبيوگ
ودره البوگات كلها ببيت ناطوره
ولو روحي بنفسها كل شيء تريد تگول
وأعض شفتي وأگلها الگاع محظورة
على بختچ يروحي مالي حيل الروج
شراعي التعب والدفه مكسورة
وولا ساحل بقى وأدري الصخر ميطوف
حتى اتعب وأدور صخرة مشمورة
وعتبنا على الصبر ياروح
مو عتبنا على العين
اذا ميصير سد الدمعة معذورة

لـ-سَمير صبيح-

مامرتاح..
عيوني تستحي بس الدموع وكاح
مامرتاح، منك، مني، من العدل، من المات، من الجاي، من الراح
ما مرتاح

لـ-كاضـم اسماعيل الگاطع-

لَمحِتلك الف مَرة..
لَمحِتلك الف مَرة وأنتَ تُعرف غَايتي..
تُعرف غَايتي وما طَاوَعِتني
وسولفتلَك.. سولفِتلك سَالفة عاشِگ خَجول
وأنتَ تُعرف هوَ آني وماعُرفته وخَجلِتني وسولفِتلي على الحرب، والموت، والدم، والضحايا
وكِلمة المحتاجها ما سمعتني
وكل شيء گلتلي وكلمة المَيت عَليَّ عانَدِت روحَك عَليها وعانَدتني
بينَن كِلهن عَليك..
وأنتفَض وجهَك بوجهي وصَيحتني.

لـ-جبـار رَشـيد-

لهَسة صواب زَعلَك حَار بينا
وطَبيب الطَيّب السَل.. حَار بينا!!
عِفتنا وأحنى لأجلك حاربينا اهَلنا ولا گِلِت فَشلة وخطية!!
وبچَتف مَخلوع وأنتَ طَارحتني!!
امس ايدك بسدية طارحتني
ياريت امي بشهرها وطارحتني
ولا اعيش اشوفك خنت بيه
وشعلامك زمزم عيونك
ياريته بوكِت يبچي بي المزَعلَك
بچيت وگلبي مِن عِرجه جَريت
وشِطِت شوطَة يِتيم بمغرِبية!!
اما نَاوي تبَطل الزَعل ياهيل تَرِف، ياعود عَنبر مِسك؟؟
وعَلي مِن چِنت بالكاروك ياهِل
وأنا مناغاك يلعَب لِعب بيه
وصَدى صوتَك يدِگ بالراس ويرَان
بعَقلي وگلبي مِن فَرگاك..
حَرب صَدام ثمَن سنين وإيران رِضت
وأنتَ على زعلك ذلك بيه؟؟
وتَرا عِيونَك دِوا لخُلگي
ونومي شحيح وطيفَك يغرَب وأنومي
هناية امك لاهية بشعرك
وأنا امي كِل ليلة بضريح تبات بيه
هوَ اجى يطگني..
وأخوته حاج بينا
وأسمعك يگول ما الك.. حاجَة بينا؟؟!!
وخِزرني وسِيف صَارَن.. حاجبينه
وصِرت مِثل الصَنم من هَد عَليَّ!!

لـ-محَمَد ثامِر-

بَعدَك ولا جَاي أعرُف أهوَى
أني وفي مو انتَ تسوا
تعامِلني چن لاگيني لَگوة
وأنا اغلى من شيجي ببالك
عند يا عصب بالراس شيمة
يمحي التفاصيل القديمة
ياصنم طولَك بأيدي مِن صَب
ما الك ذَنب

لـ-عَلي مَهدي-

من جَرَبِت اعِدلَك عَايَنِت للساس
ومبَينَة النَتيجَة وچِنِت ضامِنها
أعوَج مِن أساسَك وأني أعِدلَك جَاي؟؟
اللي يزرَع بگاع صَبخَه شينتِظُر مِنهَا؟؟

لـ-شاڪر التميمي-

ما تِجين؟؟
شضَل بَعَد مِن العُمُر يالماتِجين؟؟
راحَت الدنيا بأهَلها
واحنى باچر رايحين
لا گَعَدنا وَلا حِچينا
ولا أديچ أتشابِكَن مَرة وِيه أدينا
ولا رَبيع المَر عَلينا
وچَم خَريف أحتِرگَت بسَد ألسِنين
ماتِجين؟؟
مَرَت ايام ولَيالي وما أجيتي
ولا نِشَدتي شلونه وچَنِچ نِسيتي!!
ولانِسى ومَر بشَواطيچ الحَنين
ما تِجين؟؟
اليّحِب لازِم يمُر مَرة بحَبيبه
وألمفارگ هَم يهِزه الشوگ لأحبابه ويجيبه
وأنتِ ماچَنِچ حَبيبه؟؟
ولا كِسَر گَلبِچ عَذاب العاشِگين
ماتِجين؟؟
شضَل بَعَد وألمَن بَعَد تِتأمِلين؟؟
إنتِحرَت ألنَجمة بسِمانا
وأنذِبَح زاجِل هَوانا
وأعلَن البُلبُل حِداده
وطائِر النَورَس حَزين
ماتِجين؟؟
شغَايضِچ مننا؟؟
وعَلينا بَلا سَبب تتزَعِلين!!
سِنين مَرَن وأحنى لِيچ مِناطِرين
وخَايفين..
تمُر عَليچ حچاية مِن شماتنا وتِتغَيرين
نِستِحي نعاتِب نِجيچ
ونِدري بيچ مِن العَتَب ما تِستِحين
ماتِجين؟؟
عِدنا شوگ المِشتِهيچ
وعِدنا خاطُر مِشتِريچ
مزاعلَتنا؟؟
ولِيش من عِدنا العِشِگ ما تِشتِرين؟؟
ماتِجين؟؟..

ياروحي الأيده بجمر مو مثل اللي ايده
بماي بفنجاني تقرا وقرت..
ضيم، ومآسي، وتعب!!
گلتلها هذا المضى..
گلتلي هذا الجاي!!
وصحراء تگضي البقى..
بس العطش والشمس، ما تلگه بيها فياي
گلتلها هذا البشر
بصرخة بديت العمر
وبصرخات من ينتهي ومحد يروح وياي..

لـ-سمير صبيح-

عِـندّي سُـؤال..
لَيه أحِـس إنَك تَبي فرقاي دَايم؟؟
ولَيه أحِس إنَك تَبي غَيري وهَايم؟؟
ولَيه أحِن ولَيه أظِن ولَيه جوّنا ماطِر وغَايّم؟؟
-جزء من اغنية عبادي الجوهر-

الحوت الازرق عبر من الابره ويه ايمن 😂

حقيقي

افكر بيك يا روحي....ولانام
ولا غمض جفن عيني...ولا نام
احب بس اگعد كبالك ولا انام
بعيد وشوفتك حسره عليه