“Teachers For Change” Workshop Series

“ခေတ်အသစ်အတွက် ဆရာများ” အလုပ်ရုံဆွေးနွေးပွဲ

ခေတ်စနစ်အသစ်သို့ ချည်းကပ်ရာတွင် ဆရာ၊ ဆရာမများ၏ အခန်းကဏ္ဍသည် လွန်စွာကြီးမားလှသည်။ ဆရာ/ဆရာမများသည် ပညာရေးစနစ်မှတဆင့် လူငယ်များနှင့် လူ့အဖွဲ့အစည်းတခုလုံး၏ စဉ်းစားတွေးခေါ်မှု၊ ပြုမှုကျင့်ကြံမှု၊ တန်ဖိုးထားမှုများကို လွှမ်းမိုးနိုင်စွမ်း အားကြီးလှသည်။

နွေဦးတော်လှန်ရေးအစပိုင်းတွင် အကြမ်းမဖက်အာဏာဖီဆန်ရေးလှုပ်ရှားမှုများ၊ အာဏာသိမ်းဆန့်ကျင်ရေးဆန္ဒပြပွဲများတွင် ဆရာ၊ဆရာများ၊ ပညာရေးဝန်ထမ်းများ၏ တက်ကြွစွာပါဝင်မှုများရှိခဲ့သည်။ ထို့ကဲ့သို့ တိုက်ရိုက်လုပ်ဆောင်ချက်များတွင် ပါဝင်ခဲ့သော်လည်း လက်နက်ကိုင်လမ်းစဉ် အားကောင်းလာသည့်နောက်ပိုင်းတွင်မူ ဆရာ/ဆရာမများ၏ အခန်းကဏ္ဍသည် တစတစ မှေးမှိန်လာသည်။

ကြားကာလပညာရေး၊ ဖက်ဒရယ်ပညာရေးစသဖြင့် ဖော်ဆောင်ကြသော်လည်း ၎င်းတို့မှာ ပြီးခဲ့သည့် ပညာရေးစနစ်ဟောင်းကို ပြန်လည်ဆင်ခြင်ခြင်း၊ အတွေးအခေါ်ချည်းကပ်မှုအသစ်များဖော်ထုတ်ခြင်းထက် လက်ရှိလစ်ဟာနေသော ပညာရေးအကြပ်အတည်းကို ကာမိရန်နှင့် စင်ပြိုင်အစိုးရတစ်ရပ်၏ အုပ်ချုပ်နိုင်စွမ်းကို ထောက်ခံဖော်ပြနိုင်ရန်သာ ရေတိုအစီအစဉ်များဖြင့် လုပ်ဆောင်ခဲ့ကြရသည်။ ထို့ပြင် စစ်ကျွန်ပညာရေးကို ဆန့်ကျင်သော လှုပ်ရှားမှုများကို ကျောင်းသားလူငယ်အစုအဖွဲ့များမှ ဖော်ဆောင်ကြသော်လည်း ၎င်းတို့မှာ တုံ့ပြန်ရေး/တိုက်ဖျက်ရေးနေရာတွင် ရပ်တန့်ခဲ့ခြင်းကြောင့် အသစ်တည်ဆောက်မှုအပိုင်းတွင် သိသိသာသာ တိုးတက်မှုမရှိခဲ့ပေ။

ဆယ်စုနှစ်များစွာ အာဏာရှင်စနစ်ဖြင့် နေလာရသည့် မြန်မာ့လူ့အဖွဲ့အစည်းတွင် ပညာရေးစနစ်သည် အာဏာရှင်အတွေးအခေါ်များ၊ အပြုအမူများ ဖြန့်ဝေရာ ဝါဒဖြန့်ချိရေးအသွင်ဖြစ်ခဲ့သည်။ လူငယ်ကျောင်းသားများနှင့် လူ့အဖွဲ့အစည်းကို အကြမ်းဖက်သည့် ပညာရေးစနစ်ဖြစ်ခဲ့သည်။ ဤနေရာတွင် အကြမ်းဖက်ခြင်းသည် ရုပ်ပိုင်းဆိုင်ရာ ထိခိုက်မှုသက်သက် မဟုတ်ချေ။ စိတ်နှလုံး၊ အတွေးအခေါ်၊ လူသားချင်းဆက်နွယ်ပက်သက်မှုစသဖြင့် ရှုထောင့်အသီးသီးမှ အနိုင်ထက်စီးဖိနှိပ်မှုများ၊ ထိခိုက်နာကျင်မှုစေမှုများ၊ လူသားဖြစ်မှုမှ လျော့ချခြင်းများ အားလုံးပါဝင်သည်။

ဆရာ၊ဆရာများသည် ဤကဲ့သို့ ဖိနှိပ်အကြမ်းဖက်သည့်ပညာရေးစနစ်ယန္တရားထဲတွင် အဖိနှိပ်ခံဖြစ်ခဲ့ရသလို ဤစနစ်၏အယူအဆများကို ပြန်လည်ဖြန့်ဝေတည်ဆောက်ခဲ့ရာတွင်လည်း ပါဝင်ခဲ့ရသည်။ ဤအခြင်းအရာများကို ပြန်လည်ဆင်ခြင်နိုင်ရန်၊ ပြောင်းလဲသင်ယူရန်နှင့် ပညာရေးမှတဆင့် လူ့အဖွဲ့အစည်းသစ် တည်ဆောက်နိုင်ရန် ရှေးရှုကာ Freedom Fighter မှ ယခု “Teachers For Change” Workshop Series ကို စီစဉ်ထားပါသည်။

▪️ဤအလုပ်ရုံဆွေးနွေးပွဲတွင် -

၁) ပညာရေး၏ဖိနှိပ်မှုကို ဆန်းစစ်ခြင်း ၊ ဆရာ/ဆရာမများ၏ အခန်းကဏ္ဍကို သုံးသပ်ခြင်း

၂) ကုစားသင့်မြတ်ရေးတရားမျှတမှု (Restorative Justice) ကို စာသင်ခန်းတွင် အသုံးပြုကာ ပဋိပက္ခများကို ဖြေရှင်းစေခြင်း

၃) သမိုင်းဆိုင်ရာဖိနှိပ်မှုများကို ဖော်ထုတ်ခြင်း၊ ဗမာလူမျိုးကြီးဝါဒကို ပြန်လည်ကုစားမည့် အစီအစဉ်များရေးဆွဲခြင်း

၄) ကျားမတန်းတူရေး။ လူမျိုးရေး၊ ဘာသာရေးအမုန်းတရားများကို ကုစားရန် စုပေါင်းအဖြေရှာခြင်း စသည့် အစီအစဉ်များ ပါဝင်ပါသည်။

▪️ဤ Workshop Series သည်ဆွေးနွေးရုံသက်သက်မဟုတ်ဘဲ နောက်ဆက်တွဲအနေဖြင့် ရေရှည်ချိတ်ဆက်မှုများ၊ အပြန်အလှန်ပံ့ပိုးသင်ယူများဖြစ်ပေါ်ကာ ပိုမိုကျယ်ပြန့်သော ပညာရေးပုံစံသစ်တည်ဆောက်ရေး လှုပ်ရှားမှုတရပ် ပေါ်ပေါက်လာစေရန် ရည်ရွယ်သည်။

📌ပါဝင်သင့်သူများ

ပညာရေး အထူးသဖြင့် အခြေခံပညာရေးတွင် ပါဝင်လုပ်ဆောင်နေသည့် ဆရာ/ဆရာများ၊ လုပ်အားပေးဆရာ/ဆရာမများအတွက် အထူးရည်ရွယ်ပါသည်။ တိုးတက်သောလူ့အဖွဲ့အစည်းသို့ တက်လှမ်းရာတွင် ပညာရေးအခန်းကဏ္ဍမှ ပါဝင်လုပ်ဆောင်လိုသည့် ဆရာ/ဆရာမများအတွက် ဖြစ်ပါသည်။

📌ပြုလုပ်မည့်နေ့ - ဧပြီ ၂၂၊ ၂၃၊ ၂၄၊ ၂၅ (လေးရက်)

📌အချိန် - မနက် ၉ နာရီ မှ ၁၁ နာရီ မြန်မာချိန်

📌သင်တန်းကြေး- အခမဲ့ ( (မိမိတို့ ဆန္ဒရှိသလောက် Freedom Fighter အဖွဲ့သို့ ရန်ပုံငွေထည့်ဝင်နိုင်ပါသည်)

📌ပြုလုပ်မည့်နေရာ - Online (Zoom)

📌စာရင်းသွင်းရန် - https://forms.gle/ATEQLvp9uXLxkEcC6

📌(ဖောင်ပိတ်ချိန် - ဧပြီ ၁၇ ညနေ ခြောက်နာရီ)


▪️Facilitators များ

▪️ကိုရဲထက်

(ကိုရဲထက်သည် Freedom Fighter အဖွဲ၏ တည်ထောင်သူတဦးဖြစ်ပြီး လက်ရှိတွင် ဥက္ကဌရာထူး တာဝန်ယူထားသည်။ FFM အဖွဲတည်ထောင်ချိန်မှစ၍ အကြမ်းမဖက်စည်းရုံးရေးမှူးသင်တန်းများ၊ အလုပ်ရုံဆွေးနွေးပွဲများကို ပို့ချခဲ့သည်။ အကြမ်းမဖက်လူထုလှုပ်ရှားမှုဆိုင်ရာ မဟာဗျူဟာများကို တော်လှန်ရေးအစုအဖွဲ့များအား အကြံပေးလျက်ရှိသလို တော်လှန်ရေးဆိုင်ရာ ဝေဖန်သုံးသပ်စာများကိုလည်း ရေးသားလျက်ရှိသည်။)

▪️ကိုမြင့်ထွန်း

(ကိုမြင့်ထွန်းသည် Freedom Fighter အဖွဲ့၏ သင်ကြားရေးတာဝန်ခံဖြစ်သည်။ သင်ကြားရေးနယ်ပယ်တွင် လုပ်ကိုင်လျက်ရှိပြီး ဘာသာရေးနှင့် လူမှုဝန်းကျင် ယဉ်ကျေးမှုဖြစ်စဉ်များကို စိတ်ဝင်စားလေ့လာနေသူ တစ်ဦးဖြစ်သည်။ ဒီဘိတ်သင်တန်းများ ပြုလုပ်ခြင်းနှင့် ကျောင်းသားလူငယ်များအကြား သမိုင်းဆွေးနွေးမှုများနှင့် စိတ်ပိုင်းဆိုင်ရာ

တွေးခေါ်ဆင်ခြင်မှု မြှင့်တင်ရေးသင်တန်းများကို သင်ကြားဆွေးနွေးမှုများ ပြုလုပ်လျှက်ရှိသည်။)

▪️ မ Lizzy

(မ Lizzy သည် Freedom Fighter ၏ အဖွဲဝင်တစ်ဦး ဖြစ်ပြီး ဂျန်ဒါ နှင့် ဖီမစ်နင်ဇင် နှင့်ပတ်သက်၍ စိတ်ဝင်စားကာ လေ့လာနေသူတစ်ဦးဖြစ်သည်။ ပြည်သူ့ကျန်းမာရေး၊ လူငယ်နှင့် မျိုးဆက်ပွါးကျန်းမာရေး နယ်ပယ်တွင် သင်တန်းများပိုချခြင်း၊ အသိပညာမြှင့်တင်ရေးများ ဆွေးနွေးပြုလုပ်လျက်ရှိသည်။)

#Teachers4Change
#Education4Liberation_WorkhshopSeries

"အကြမ်းမဖက်လမ်းစဉ် အခြေခံနားလည်မှု" သင်တန်း

အပါတ်စဉ် ၂

အကြမ်းမဖက်လမ်းစဉ် (Nonviolence) ဟုဆိုလိုက်လျှင် အများစုက ဆန္ဒပြခြင်း၊ သို့မဟုတ် သပိတ်မှောက်ခြင်း စသည့်နည်းနာများကိုသာ မြင်ကြသည်။ သို့သော် အကြမ်းမဖက်လမ်းစဉ်သည် နည်းနာသက်သက်ထက် နက်ရှိုင်းသည့် အတွေးအခေါ် အယူအဆနောက်ခံများ လိုအပ်သလို တဖက်တွင်လည်း မဟာဗျူဟာကျကျ ချိတ်ဆက်ပြင်ဆင်ဖို့လိုအပ်သည်။ နွေဦးတော်လှန်ရေးတွင် ထိုအချက်များကို သိမြင်မှုအားနည်းခဲ့သည်။ ထို့ကဲ့သို့ အတွင်းကျကျ သိရှိပြင်ဆင်မှုအားနည်းခြင်းကြောင့် တော်လှန်ရေးအစတွင် လူထုလှုပ်ရှားမှုများ အားကောင်းခဲ့သော်လည်း ရေရှည်လမ်းစဉ်အဖြစ် ပြောင်းလဲနိုင်ခြင်း မရှိခဲ့ပေ။

ပြီးခဲ့သည့် နွေဦးတော်လှန်ရေးတလျှောက် လက်နက်ကိုင်လမ်းစဉ်အပေါ် မျှော်လင့်ယုံကြည်မှုများပြားခဲ့သော်လည်း တစ်ဖက်တွင် လက်နက်ကိုင်လမ်းစဉ်၏ ဘေးထွက်ဆိုးကျိုးများ၊ ပြင်ပအင်အားကြီးနိုင်ငံများအပေါ် မှီခိုရမှုနှင့် ကာလတိုအတွင်းအဆုံးအဖြတ်မြင်ရရန် မလွယ်ကူမှုများကို သိမြင်ပြောဆိုမှုများ တစတစများပြားလာနေသည်။ ထို့ကြောင့် ဤကဲ့သို့သောအချိန်တွင် မြန်မာလူ့အဖွဲ့အစည်းသစ်တည်ဆောက်ဖို့ရာ ထိရောက်ခိုင်မာသည့် တော်လှန်ရေးလမ်းစဉ်တရပ် ရှာဖွေလျှောက်လှမ်းရန် အရေးတကြီးလိုအပ်နေသည်။

အကြမ်းမဖက်လမ်းစဉ်သည် ပြည်သူများကိုယ်တိုင်ပါဝင်နိုင်ခြင်းကြောင့် ဒီမိုကရေစီစနစ်ရရှိရန် အားသာချက်များစွာရှိသလို လက်နက်ကိုင်လမ်းစဉ်နှင့်နှိုင်းယှဉ်ပါက အသေအပျောက်နှင့် ဘေးထွက်ဆိုးကျိုး ပိုမိုနည်းပါးလှသည်။ ထို့ကြောင့် တော်လှန်ရေးလမ်းစဉ်တရပ်ကို စနစ်တကျ လေ့လာပြီး ကိုယ်တိုင်ကိုယ်ကျ ပါဝင်လုပ်ဆောင်လိုသူများအတွက် အကြမ်းမဖက်လမ်းစဉ်အခြေခံနားလည်မှု သင်တန်းအား Freedom Fighter မှ ဖွင့်လှစ်သွားမည်ဖြစ်ပါသည်။

📌ဤသင်တန်းတွင်

၁) နိုင်ငံရေးအာဏာကို လေ့လာခြင်း

၂) အကြမ်းမဖက်လမ်းစဉ်ဦးဆောင်သူများ၏ အတွေးအခေါ်ဒဿနများကို နှိုင်းယှဉ်ခြင်း

၃) အကြမ်းမဖက်လမ်းစဉ် မဟာဗျူဟာချမှတ်ခြင်း

၃) မိမိကိုယ်ကို သိမြင်ခြင်းနှင့် အတွင်းပြောင်းလဲခြင်း

၄) နိုင်ငံရေးအယူအဆနှင့် လူထုလှုပ်ရှားမှုအချိတ်အဆက်

၅) Freedom Fighter အဖွဲ့၏ အတွေးအခေါ် နှင့် လေ့လာဆန်းစစ်ချက်များကို ဆွေးနွေးသွားပါမည်။

📌သင်တန်းအချိန် - အပါတ်စဉ် တနင်္ဂနွေ မနက် ၉-၁၁ နာရီ

📌စတင်မည့်နေ့ရက် - မေလ ၁၁ ရက်နေ့

📌သင်တန်းကာလ - ဆယ်ပါတ်

📌သင်တန်းကြေး - အခမဲ့

📌သင်တန်းလျှောက်ထားရန် (ဖောင်ပိတ်ချိန် - မေ ၈ ရက်နေ့)

https://forms.gle/g56rfhLgqp51MfBx9

📌တက်ရောက်ရန် လိုအပ်ချက်
တက်ရောက်မည့်သူများအနေဖြင့် အင်တာနက်ရရှိပြီး Zoom နဲ့ Telegram အသုံးပြုနိုင်ရန် လိုအပ်သည်။

📌သင်ကြားပို့ချမည့်သူများ

▪️ကိုရဲထက်

(ကိုရဲထက်သည် Freedom Fighter အဖွဲ၏ တည်ထောင်သူတဦးဖြစ်ပြီး လက်ရှိတွင် ဥက္ကဌရာထူး တာဝန်ယူထားသည်။ FFM အဖွဲတည်ထောင်ချိန်မှစ၍ အကြမ်းမဖက်စည်းရုံးရေးမှူးသင်တန်းများ၊ အလုပ်ရုံဆွေးနွေးပွဲများကို ပို့ချခဲ့သည်။ အကြမ်းမဖက်လူထုလှုပ်ရှားမှုဆိုင်ရာ မဟာဗျူဟာများကို တော်လှန်ရေးအစုအဖွဲ့များအား အကြံပေးလျက်ရှိသလို တော်လှန်ရေးဆိုင်ရာ ဝေဖန်သုံးသပ်စာများကိုလည်း ရေးသားလျက်ရှိသည်။)

▪️ကိုမြင့်ထွန်း

(ကိုမြင့်ထွန်းသည် Freedom Fighter အဖွဲ့၏ သင်ကြားရေးတာဝန်ခံဖြစ်သည်။ ဘာသာရေးနှင့် လူမှုဝန်းကျင် ယဉ်ကျေးမှုဖြစ်စဉ်များကို စိတ်ဝင်စားလေ့လာနေသူ တစ်ဦးဖြစ်သည်။ ဒီဘိတ်သင်တန်းများ ပြုလုပ်ခြင်းနှင့် ကျောင်းသားလူငယ်များအကြား သမိုင်းဆွေးနွေးမှုများနှင့် စိတ်ပိုင်းဆိုင်ရာ တွေးခေါ်ဆင်ခြင်မှု မြှင့်တင်ရေးသင်တန်းများကို သင်ကြားဆွေးနွေးမှုများ ပြုလုပ်လျှက်ရှိသည်။)

ဤသင်တန်းကို တက်ရောက်ခြင်းအားဖြင့် မိမိတယောက်ချင်းအပြောင်းအလဲမှ စတင်၍ လူထုလှုပ်ရှားမှုအရွေ့များအထိ ပါဝင်ဖော်ဆောင်နိုင်မည်ဖြစ်ပါသည်။ ဤသင်တန်းအား အရပ်ဘက်/လူငယ်/ကျောင်းသား အဖွဲ့အစည်းများတွင် ပါဝင်လုပ်ဆောင်နေသူများ၊ ရပ်ရွာအခြေပြုလူထုလှုပ်ရှားစည်းရုံးမှုများကို ဖော်ဆောင်လိုသူများ၊ အမျိုးသမီးတန်းတူရေးအတွက် လှုပ်ရှားနေသူများ၊ မိမိတို့၏ အသိပညာနှင့် စိတ်ပိုင်းဆိုင်ရာတည်ဆောက်မှုကို အခြေခံပြီး လူ့အဖွဲ့အစည်းအား ပြောင်းလဲတည်ဆောက်လိုသူများ၊ တော်လှန်ရေး/နိုင်ငံရေးကိစ္စရပ်များတွင် စိတ်ဝင်တစားပါဝင်လိုသူများ တက်ရောက်ရန် အထူးတိုက်တွန်းလိုပါတယ်။

#Nonviolence_Essentials
#Batch2
#Freedom_Fighter

ဗုဒ္ဓဘာသာ ပြုပြင်ပြောင်းလဲရေးအတွက် တထောင့်တနေရာမှ ပါဝင်လိုပါသလား။

Freedom Fighter ကနေ ပြုလုပ်သွားမယ့် ဗုဒ္ဓဘာသာပြုပြင်ပြောင်းလဲမှုလေ့လာရေးအဖွဲ့ (Buddhist Reform Study Group) မှာ ပါဝင်ဖို့ ဖိတ်ခေါ်လိုက်ပါတယ်။
______

▪️နောက်ခံ

မြန်မာလူ့အဖွဲ့အစည်းတွင် ဗုဒ္ဓဘာသာကိုးကွယ်သူအများစုရှိကြသည့်အားလျော်စွာ ဗုဒ္ဓဘာသာ၏ လွှမ်းမိုးမှုများမှာ အလွန်ပင်အားကြီးလှသည်။ ဘာသာရေးကိုးကွယ်ယုံကြည်မှုသက်သက်မဟုတ်ဘဲ စာပေ၊ ယဉ်ကျေးမှု၊ ဓလေ့ထုံးစံ၊ အတွေးအခေါ်မှသည် နိုင်ငံရေးစနစ်များအထိ ဗုဒ္ဓဘာသာ၏ လွှမ်းမိုးမှုကိုခံရသည်။

တပိုင်းတစပွင့်လင်းလာသည့် ၂၀၁၁ - ၂၀၂၀ ကာလများတွင် မြန်မာနိုင်ငံ၌ စီးပွားရေးတိုးတက်မှုများ၊ နည်းပညာတိုးတက်မှုများကို မျက်ဝါးထင်ထင်တွေ့ရှိခဲ့ရသည်။ ထိုအခြေအနေများတွင် ရှေးရိုးဆန်လှသည့် ထေရဝါဒအနေဖြင့် လူငယ်များ၊ ပညာတတ်များအပေါ် လွှမ်းမိုးနိုင်မှု လျော့ကျခဲ့သည်။ ဤကဲ့သို့ ပြည်သူအများ၏ထောက်ခံမှုကျဆင်းလာသည့်အပေါ် တုံ့ပြန်မှုဆန်သော အမျိုးသားရေးလှုပ်ရှားမှုများ၊ မွတ်စလင်မုန်းတီးရေးလှုပ်ရှားမှုများဖြင့် ကျားကန်ရန်ကြိုးစားခဲ့သော်လည်း အကြမ်းဖက်မှုများသာ ဖြစ်ပေါ်စေခဲ့သည်။ တချို့သော ဘုန်းကြီးသံဃာများဆိုလျှင် နိုင်ငံတိုးတက်ပွင့်လင်းလာပါက ဘာသာကွယ်ပျောက်မည်ဟုပင် ကျယ်ကျယ်လောင်လောင်ပြောဆိုခဲ့ကြသည်။

ထိုအဖြစ်အပျက်များ၏ အရင်းခံအခြေအနေကို ဆန်းစစ်ကြည့်လျှင် အလွတ်ကျက်အသေမှတ်စနစ်ဖြင့် ပုံသွင်းခံထားရသည့် ဘာသာရေးအဖွဲ့အစည်းများအနေဖြင့် တိုးတက်လာသည့် ခေတ်ကာလအပေါ် ပြောင်းလဲပြင်ဆင်ရန် စဉ်းစားတွေးခေါ်မှုများ လုံလုံလောက်လောက်မရှိခြင်းပင်ဖြစ်ရာ တုံ့ပြန်ရေးဆန်လှသည့် ရှေးရိုးစွဲဘာသာရေးလမ်းကြောင်းကို ပိုမိုအားကောင်းစေသည့်အပြင် အာဏာစက်အပေါ် မှီခိုရမှုလည်း ပိုမိုများပြားစေခဲ့သည်။

နွေဦးတော်လှန်ရေးဖြစ်ပေါ်လာသည့်နောက်ပိုင်း ဗုဒ္ဓဘာသာအဖွဲ့အစည်းများ အထူးသဖြင့် သံဃာအဖွဲ့အစည်းများ၏ အာဏာရှင်များနှင့် ပလဲပနံသင့်မှုများ၊ ရေပေါ်ဆီဆန်မှုများ၊ အပြောနှင့်အလုပ်မညီမှုများအပေါ် ပြည်သူလူထုက သိသိသာသာ မေးခွန်းထုတ်လာကြသည်။ သို့သော်လည်း ပုဂ္ဂိုလ်ရေးဆိုင်ရာတိုက်ခိုက်မှုသာများနေပြီး စနစ်ဆိုင်ရာပြုပြင်ပြောင်းလဲမှုအပေါ် အဖြေရှာစဉ်းစားနိုင်မှုအားနည်းနေသေးသည်။

သို့ဖြစ်ရာ လက်ရှိ မြန်မာ့လူ့အဖွဲ့အစည်းအတွင်း၌ ဗုဒ္ဓဘာသာကို ပြုပြင်ပြောင်းလဲလိုသည့် သံဃာများ၊ လူငယ်များ၊ လေ့လာသူများစုပေါင်းကာ ဗုဒ္ဓအဆုံးအမများကို မျက်မှောက်ကမ္ဘာအတွက် အကျိုးပြုနိုင်သည့် လမ်းကြောင်းများရှာဖွေဖော်ထုတ်နိုင်ရန်ရည်ရွယ်ပြီး Freedom Fighter မှ ဗုဒ္ဓဘာသာပြုပြင်ပြောင်းလဲမှုလေ့လာရေးအဖွဲ့ (Buddhist Reform Study Group) ကိုဖွဲ့စည်းသွားမည် ဖြစ်ပါသည်။
____

▪️Freedom Fighter အဖွဲ့၏ ရည်ရွယ်ချက်

ပြည်တွင်းပြည်ပ ငြိမ်းချမ်းရေးနှင့် တိုးတက်မှုကို ရှေးရှုသည့် ဘာသာရေးကဏ္ဍပြုပြင်ပြောင်းလဲရေး ဖော်ဆောင်ရန်
______

▪️Buddhist Reform Study Group ဦးတည်ချက်များ

၁။ ဗုဒ္ဓဘာသာအခြေပြု ဖိနှိပ်မှုများ၊ အကြမ်းဖက်မှုများ၊ အာဏာအလွဲစားသုံးမှုများ၏ အကြောင်းအရင်းခံကို ဆန်းစစ်ရှာဖွေရန်

၂။ ပြောင်းလဲပြင်ဆင်ရန်လိုအပ်နေသည့် ဗုဒ္ဓဘာသာ ဓလေ့၊ စနစ်၊ အယူအဆများကို ဝေဖန်ဆန်းစစ်ရန်

၃။ မြန်မာ့လူ့အဖွဲ့အစည်းအတွက်သာမက ကမ္ဘာ့လူသားများအတွက်ပါ အကျိုးဖြစ်ထွန်းစေမည့် ဗုဒ္ဓအဆုံးအမများကို ဖော်ထုတ်ရန်
_______

📌အဖွဲ့ဝင်များအနေဖြင့် ဦးစွာသုံးလပါဝင်ရန် သတ်မှတ်ထားသည်။ ကနဦးကာလအတွင်း လုပ်ဆောင်ရမည့်အရာများမှာ -

၁။ မိမိတို့ ဦးစားပေးလေ့လာလိုသည့် အခန်းကဏ္ဍကို သတ်မှတ်ပြီး ဝေဖန်ရေး၊ တိုက်တွန်းချက် ဆောင်းပါးစာတမ်းငယ်ရေးသားရန်

၂။ မိမိတို့ ရေးသားထားသည့် စာတမ်းငယ်ကို တခြားအဖွဲ့ဝင်များအား ရှင်းလင်းပြီး အပြန်အလှန် အကြံပြုချက်ရယူရန်

၃။ မိမိတို့လေ့လာနေသည့် အကြောင်းအရာအပေါ် အများပြည်သူပါဝင်နိုင်သည့် ဒိုင်ယာလောခ့်Session တခုပြုလုပ်ရန် (Optional)

၄။ အဖွဲ့ဝင်များကိုယ်စီရေးသားထားသော စာတမ်းငယ်များကို စုစည်းကာ ဗုဒ္ဓဘာသာပြုပြင်ပြောင်းလဲရေး စာတမ်းငယ်ပေါင်းချုပ် (ပထမအကြိမ်) ထုတ်ဝေရန်

၅။ အဖွဲ့ဝင်များသဘောတူညီချက်ဖြင့် ရှေ့လုပ်ငန်းစဉ်များချမှတ်ရန်

(အဖွဲ့ဝင်များအနေဖြင့် ကနဦးကာလနောက်ပိုင်းတွင် ဆက်လက်ပါဝင်ခြင်းရှိ/မရှိကို မိမိတို့ဆန္ဒအရ ဆုံးဖြတ်နိုင်သည်)
_______

📌လျှောက်ထားရန် (ဖောင်ပိတ်ချိန် ဇွန်လ ၁၀ရက်နေ့)

https://forms.gle/bpAHCARxgLp86VYp6

📌ဇွန်လ ၁၅ မတိုင်ခင် ပြန်လည်ဆက်သွယ်သွားပါမည်။

#Buddhist_reform_study_group
#freedom_fighter_myanmar

📌Freedom Fighter မှ Buddhism Reform နှင့် ပက်သက်ပြီး ရေးသားလုပ်ဆောင်ခဲ့သည်များ

သံဃာများ နိုင်ငံရေးတွင် ပါဝင်သင့်သလော။ လေးမျက်နှာ စကားဝိုင်း
https://drive.google.com/file/d/1meAdYkevTgLiiUSzZpnUlWOdhYkdeFvy/view?usp=sharing

“သံဃာတော်များ နိုင်ငံရေးတွင် ပါဝင်သင့်သလော” အရှင်ဝိသုဒ္ဓဝံသ (ပန်ဝါ)
https://web.facebook.com/share/p/1HbQ7mqVto/

ရဟန်းနှင့် နိုင်ငံရေ
https://web.facebook.com/share/p/1EfPJm6Gzj/

အကြမ်းမဖက်တော်လှန်ရေးနှင့် ဗုဒ္ဓဘာသာပြုပြင်ပြောင်းလဲရေး
https://web.facebook.com/share/p/15E4sTsayg/

ယိုင်နဲ့နဲ့ သာသနာကို ဓမ္မနှင့်အညီ တည့်မတ်ပြုပြင်စေလို
https://web.facebook.com/share/p/12HxyJCyeep/

“ဗုဒ္ဓဘာသာတော်လှန်ရေး” ဘာကြောင့်လိုအပ်သလဲ
https://web.facebook.com/share/p/1Bgkc3o47R/

မေတ္တာဖြင့်သာ စည်းရုံးပါ။

https://freedomfightermm.org/2022/10/spreadthelove/

အာဏာရှင်စနစ်နှင့် ဗုဒ္ဓဘာသာအနာဂတ်စကားဝိုင်း

https://www.youtube.com/watch?time_continue=6&v=ylCsndIqXiI&embeds_referring_euri=https%3A%2F%2Ffreedomfightermm.org%2F&embeds_referring_origin=https%3A%2F%2Ffreedomfightermm.org

မဟာဝံသကျမ်းပုစ္ဆာ အဖြေရှာ
https://web.facebook.com/share/p/1BtcEjs6kP/

ဗုဒ္ဓသာသနာကို စောင့်ရှောက်ဖို့ ဘယ်သူတွေမှာ တာဝန်ရှိသလဲ
https://freedomfightermm.org/2023/05/%e1%80%97%e1%80%af%e1%80%92%e1%80%b9%e1%80%93%e1%80%9e%e1%80%ac%e1%80%9e%e1%80%94%e1%80%ac%e1%80%80%e1%80%ad%e1%80%af-%e1%80%85%e1%80%b1%e1%80%ac%e1%80%84%e1%80%b7%e1%80%ba%e1%80%9b%e1%80%be%e1%80%b1/

"ရွေးကောက်ပွဲဆန့်ကျင်ရေးသည် တော်လှန်ရေးမဟုတ်၊ တုံ့ပြန်ရေးသာဖြစ်သည်။"
(စစ်ကောင်စီမှ ယခုနှစ်ကုန်တွင် ပြုလုပ်မည်ဟု ကြေညာထားသည့် ရွေးကောက်ပွဲအပေါ် Freedom Fighter အဖွဲ့၏ သဘောထား ထုတ်ပြန်ခြင်း)
_____________________________________________________
စစ်ကောင်စီအနေနှင့် အတိုက်အခံအင်အားစုများအပေါ် ဖိနှိပ်ထားမှု၊ နိုင်ငံရေးအကျဉ်းသားများအပေါ် မတရားဖမ်းဆီးထားမှုများ မရပ်တန့်သရွေ့ ၎င်းတို့ပြုလုပ်မည့် ရွေးကောက်ပွဲသည် လွတ်လပ်ပြီး တရားမျှတသည့် ရွေးကောက်ပွဲဖြစ်လာမည်မဟုတ်ကြောင်း ရှင်းလင်းလှသည်။
ထို့အတွက်ကြောင့် အတိုက်အခံ ဒီမိုကရေစီအင်အားစုများ၏ ရွေးကောက်ပွဲ၏ တရားဝင်မှုကို နိုင်ငံရေးနည်းအားဖြင့် မေးခွန်းထုတ်ခြင်း၊ အတိုက်အခံအင်အားစုများအပေါ် စစ်ကောင်စီ၏ ဖိနှိပ်မှုများ ရပ်တန့်ပြီး အားလုံးပါဝင်နိုင်သည့် နိုင်ငံရေးလမ်းကြောင်းပေါ်ထွက်စေရန် ကြိုးစားအားထုတ်ခြင်းများကို ထောက်ခံကြိုဆိုပါသည်။ သို့ရာတွင် ရွေးကောက်ပွဲဆန့်ကျင်ရေး တနည်းအားဖြင့် ရွေးကောက်ပွဲ မဖြစ်မြောက်ရေးကို ဦးတည်သည့် စည်းရုံးလှုပ်ရှားမှု၊ ကြိုးစားအားထုတ်မှုများသည် တော်လှန်ရေးအတွက် ကောင်းကျိုးထက် ဆိုးကျိုးပိုများမည်ဖြစ်ကြောင်း အောက်ဖော်ပြပါအချက်များကိုရှေးရှု၍ သုံးသပ်လိုပါသည်။

၁။ စစ်အုပ်စုမှ စီစဉ်နေသည့် ရွေးကောက်ပွဲသည် ချို့ယွင်းချက်များစွာ ရှိနေသည့်တိုင် အထမြောက်ခဲ့ပါက စစ်ကောင်စီ အထူးသဖြင့် ကာကွယ်ရေးဦးစီးချုပ်၏ အာဏာအလုံးစုံ ဆုပ်ကိုင်ထားမှုကို ရပ်တန့်ကာ အာဏာခွဲဝေမှု ပုံစံအသစ်တခုသို့ ပြောင်းလဲရလိမ့်မည်။ ယင်းမှသည် စစ်အုပ်ချုပ်ရေးနှင့် တခြားသော တင်းကြပ်မှုများကို ဖြေလျှော့လာနိုင်ပြီး ထိုမှတဆင့် ပြိုကွဲချိနဲ့နေသည့် အရပ်ဘက်လူမှုအဖွဲ့အစည်းများ ပြန်လည်တည်ဆောက်ရန်နှင့် နိုင်ငံရေးလမ်းကြောင်းများပေါ်ထွက်ရန် လမ်းစဖြစ်လာနိုင်သည်။

၂။ မြန်မာပြည်တွင်းရှိပြည်သူများအနေဖြင့် ပြည်တွင်းစစ်မီးကြောင့် ဖိနှိပ်မှုများ​၊ အကြမ်းဖက်မှုများ၊ အတင်းအကြပ်စစ်သားစုဆောင်းမှုများ၊ ဆင်းရဲမွဲတေမှုများမှသည် သဘာဝဘေးအန္တရာယ်အမျိုးမျိုးအထိ ဒုက္ခမျိုးစုံခံစားရကာ အထွေထွေအကြပ်အတည်းသို့ ရောက်ရှိနေရသည်။ ကျန်းမာရေးနှင့် ပညာရေးစသည့် ကဏ္ဍများမှာလည်း ပျက်ယွင်းလျက်ရှိရာ ထိုအကျိုးဆက်များကို မြန်မာ့လူ့အဖွဲ့အစည်းအနေနှင့် ဆယ်စုနှစ်များစွာ ခံစားကြရဦးမည်ဖြစ်သည်။​ ထို့ကြောင့် လက်ရှိတွင် ပြည်သူများအတွက် အသက်ရှုပေါက်လိုအပ်နေသည်ကို အလေးအနက်ဆင်ခြင်ပြီး အမြစ်ဖြတ်ချေမှုန်းရေး၊ ပိတ်ဆို့တားဆီးရေး၊ အလုံးစုံ​ရပ်တန့်ရေးစသည့် တုံ့ပြန်ရေးလမ်းစဉ်များကို ပြန်လည်သုံးသပ်ပြီး မည်သည့်နည်းလမ်းက ပြည်သူလူထုအတွက် ထိခိုက်မှုအနည်းဆုံးနှင့် အကျိုးရလဒ်အများဆုံးဖြစ်မည်ဟူသည့် မဟာဗျူဟာမြောက်လမ်းစဉ်ကို ခေါင်းအေးအေးနှင့် စဉ်းစားကြရန် တိုက်တွန်းပါသည်။ ပြည်သူနှင့် လူ့အဖွဲ့အစည်းအားကောင်းမှသာ တော်လှန်ရေး သို့မဟုတ် အနာဂတ်သစ်ကို တည်ဆောက်နိုင်မှာဖြစ်ပြီး လူ့အဖွဲ့အစည်းအခြေ ပျက်ယွင်းချိနဲ့နေပါက နိုင်ငံလည်းမရှိ၊ အနာဂတ်လည်းမရှိသည့်အခြေအနေသို့ ရောက်ရှိသွားနိုင်သည်ကို လေးလေးနက်နက်ဆင်ခြင်ရန် လိုအပ်လှသည်။

၃။ ရွေးကောက်ပွဲသည် စစ်ကောင်စီ သို့မဟုတ် စစ်ခေါင်းဆောင်များအတွက် ပြည်တွင်းပြည်ပ ထောက်ခံမှု သို့မဟုတ် တရားဝင်မှု ရရှိစေနိုင်သဖြင့် အတိုက်အခံအင်အားစုများက ရွေးကောက်ပွဲအောင်မြင်ရန် မလိုလားကြောင်း နားလည်ထားပါသည်။ ထိုကိစ္စကို များစွာ စိုးရိမ်ထိတ်လန့်ရင် မလိုအပ်ကြောင်း တင်ပြလိုသည်။ ထောက်ခံမှုဟုဆိုရာတွင် ပြည်တွင်း နှင့် ပြည်ပ ဟူ၍ နှစ်မျိုးခွဲမြင်နိုင်သည်။ ယခုအခါ​ ပြည်ပနိုင်ငံများဖြစ်သည့် တရုတ်၊ ရုရှား၊ အိန္ဒိယစသောအင်အားကြီးနိုင်ငံများသည် စစ်ကောင်စီအား ပေါ်ပေါ်ထင်ထင်ထောက်ခံလျက်ရှိပြီး တခြားသော အာဆီယံအိမ်နီးချင်းနိုင်ငံများသည်လည်း မစွက်ဖက်ရေးမူအရ ထိရောက်သော လုပ်ဆောင်ချက်များ မဆောင်ရွက်နိုင်သည်ကို ပြည်သူများအသိပင်ဖြစ်သည်။ ​အမေရိကန်အပါအဝင်​ အနောက်နိုင်ငံများနှင့် UN တို့သည်လည်း လူသားချင်းစာနာထောက်ထားမှုအကူအညီများသာ ပေးအပ်လိုပြီး နွေဦးတော်လှန်ရေး၏ ပင်မလမ်းကြောင်းဖြစ်သည့် လက်နက်ကိုင်လမ်းစဉ်အပေါ် ပါဝင်လိုခြင်းမရှိသည်မှာ အထင်အရှားပင်ဖြစ်သည်။ ထို့အတွက်ကြောင့် ပြည်ပထောက်ခံမှုမှာ အစဉ်အဆက် အားနည်းလှသည်ဖြစ်ရာ တော်လှန်ရေး၏ အဆုံးအဖြတ် အနေအထား မဟုတ်ကြောင်း သိသာနေသည်။

၄။ အကယ်၍​ ရွေးကောက်ပွဲပြုလုပ်ခဲ့မည်ဆိုပါက စစ်ကောင်စီဘက်မှ “အကျိုးလို၍ ညောင်ရေလောင်း”သော ဖြေလျှော့မှုတချို့ကို မြင်ရနိုင်ပါသည်။ သို့သော်လည်း ထို့အတွက်ကြောင့် ပြည်သူများက စစ်ကောင်စီအား ပြောင်းလဲထောက်ခံလိမ့်မည်ဟု တွက်ဆခြင်းသည် ပြည်သူလူထုကို အထင်သေးစော်ကားခြင်းသာဖြစ်သည်။ သမိုင်းအဆက်ဆက် ရွေးကောက်ပွဲတိုင်းတွင် အတိုက်အခံအင်အားစုများ လွတ်လပ်စွာ ပါဝင်နိုင်သည့်အချိန်တိုင်း ပြည်သူများမှ ၎င်းတို့အား တခဲနက်ထောက်ခံအားပေးခဲ့သည်သာဖြစ်သည်။ အထူးသဖြင့် ပြီးခဲ့သည့်လေးနှစ်တာကာလအတွင်း တွေ့ကြုရခဲ့သော ဖိနှိပ်မှုများ၊ ထိခိုက်နာကျင်ရမှုများအတွက် ပြည်သူလူထု၏ စစ်မှန်သည့်အပြောင်းအလဲတခုအား ဖော်ဆောင်လိုသည့်စိတ်ဆန္ဒကို ရွေးကောက်ပွဲဖြင့် လှည့်စားနိုင်မည်မဟုတ်ချေ။

၅။​ ပြည်သူလူထုဘက်မှ စစ်ကောင်စီကို ပြောင်းလဲထောက်ခံခြင်းထက် ပို၍ဖြစ်နိုင်ချေရှိသည်မှာ လမ်းစဉ်ခိုင်ခိုင်မာမာမရှိသော တော်လှန်ရေးဦးဆောင်သူများအပေါ် ယုံကြည်မှုပျက်ပြားပြီး တော်လှန်ရေးအား စိတ်ပျက်အားလျော့သွားခြင်းသာ ဖြစ်နိုင်သည်။ သို့ဖြစ်ရာ လုပ်မည်၊ မလုပ်မည် မသေချာသေးသည့် ရွေးကောက်ပွဲအား ဆန့်ကျင်ဖို့အတွက် တန်ဖိုးရှိသော အချိန်များ၊​ ရင်းမြစ်များ အသုံးပြုခြင်းထက် မိမိတို့ ယုံကြည်သည့် တော်လှန်ရေးလမ်းစဉ်ကိုသာ အခိုင်အမာလျှောက်လှမ်းရန်နှင့် ပြောင်းလဲနိုင်သည့်အခင်းအကျင်းများအတွက် ကြိုတင်ပြင်ဆင်ကာ ပြည်သူလူထုအား စည်းရုံးလမ်းပြပြီး ဖက်ဒရယ်ဒီမိုကရေစီပန်းတိုင်အရောက် မဟာဗျူဟာကျကျ ချီတက်ရန်သာ တိုက်တွန်းလိုသည်။
၆။ အထူးသဖြင့် အကြမ်းဖက်မှုနှင့် လက်နက်အင်အားသုံးသည့် ရွေးကောက်ပွဲဆန့်ကျင်ရေးလှုပ်ရှားမှုများကြောင့် ရွေးကောက်ပွဲအား တားဆီးနိုင်ခဲ့ပင်လျှင် တော်လှန်ရေးအတွက် အကျိုးတစုံတရာရှိမည်မဟုတ်ပါ။ တဦးတည်းအာဏာချုပ်ကိုင်မှု အမြစ်တွယ်နေသော စစ်အာဏာရှင်စနစ်ကို အားဖြည့်ပေးခြင်းသာဖြစ်ပြီး ခနော်ခနဲ့သာရှိသည့် နိုင်ငံတကာထောက်ခံမှုလည်း ကျဆင်းသွားနိုင်သည်ဖြစ်ရာ ထိုအချက်များကိုသတိပြု၍ ယင်းကဲ့သို့ အကြမ်းဖက်နည်းဖြင့် ရွေးကောက်ပွဲဆန့်ကျင်ရေးများ မလုပ်မိစေရန် တော်လှန်ရေးအင်အားစုများအကြား မူဝါဒ ပြတ်သားစွာ ချမှတ်ထားရန် တိုက်တွန်းပါသည်။

၇။ ရွေးကောက်ပွဲကို ဆန့်ကျင်လျက်ရှိသော နိုင်ငံရေးအင်အားစုများ၊​ အရပ်ဘက်အဖွဲ့အစည်းများ၊ တက်ကြွလှုပ်ရှားသူများ၊​ သတင်းမီဒီယာများအနေဖြင့် ယခုသုံးသပ်ချက်အပေါ် မတူညီသော အမြင်များရှိကြပါလိမ့်မည်။​ ဤကဲ့သို့ အမြင်ရှုထောင့်မတူကွဲပြားခြင်းသည်ပင် ဒီမိုကရေစီယဉ်ကျေးမှုဖြစ်လေရာ အဆက်အဆံဖြတ်တောက်ခြင်း၊​ ဖယ်ကျဉ်ခြင်း ၊ တံဆိပ်ကပ်ခြင်းများကို ရှောင်ရှားပြီး မတူညီသော အမြင်များအပေါ် ဒီဘိတ် ဒိုင်ယာလောခ့်များ ပြုလုပ်ကာ အဖြေရှာ ညှိနှိုင်းကြရန် တိုက်တွန်းအပ်ပါသည်။

▪️ Freedom Fighter Myanmar

ထုတ်ပြန်ချက် အပြည့်အစုံဖတ်ရန်

"အကြမ်းမဖက်လမ်းစဉ် အခြေခံနားလည်မှု" သင်တန်း

အပါတ်စဉ် ၃
______

အကြမ်းမဖက်လမ်းစဉ် (Nonviolence) ဟုဆိုလိုက်လျှင် အများစုက ဆန္ဒပြခြင်း၊ သို့မဟုတ် သပိတ်မှောက်ခြင်း စသည့်နည်းနာများကိုသာ မြင်ကြသည်။ သို့သော် အကြမ်းမဖက်လမ်းစဉ်သည် နည်းနာသက်သက်ထက် နက်ရှိုင်းသည့် အတွေးအခေါ် အယူအဆနောက်ခံများ လိုအပ်သလို တဖက်တွင်လည်း မဟာဗျူဟာကျကျ ချိတ်ဆက်ပြင်ဆင်ဖို့လိုအပ်သည်။ နွေဦးတော်လှန်ရေးတွင် ထိုအချက်များကို သိမြင်မှုအားနည်းခဲ့သည်။ ထို့ကဲ့သို့ အတွင်းကျကျ သိရှိပြင်ဆင်မှုအားနည်းခြင်းကြောင့် တော်လှန်ရေးအစတွင် လူထုလှုပ်ရှားမှုများ အားကောင်းခဲ့သော်လည်း ရေရှည်လမ်းစဉ်အဖြစ် ပြောင်းလဲနိုင်ခြင်း မရှိခဲ့ပေ။

ပြီးခဲ့သည့် နွေဦးတော်လှန်ရေးတလျှောက် လက်နက်ကိုင်လမ်းစဉ်အပေါ် မျှော်လင့်ယုံကြည်မှုများပြားခဲ့သော်လည်း တစ်ဖက်တွင် လက်နက်ကိုင်လမ်းစဉ်၏ ဘေးထွက်ဆိုးကျိုးများ၊ ပြင်ပအင်အားကြီးနိုင်ငံများအပေါ် မှီခိုရမှုနှင့် ကာလတိုအတွင်းအဆုံးအဖြတ်မြင်ရရန် မလွယ်ကူမှုများကို သိမြင်ပြောဆိုမှုများ တစတစများပြားလာနေသည်။ ထို့ကြောင့် ဤကဲ့သို့သောအချိန်တွင် မြန်မာလူ့အဖွဲ့အစည်းသစ်တည်ဆောက်ဖို့ရာ ထိရောက်ခိုင်မာသည့် တော်လှန်ရေးလမ်းစဉ်တရပ် ရှာဖွေလျှောက်လှမ်းရန် အရေးတကြီးလိုအပ်နေသည်။

အကြမ်းမဖက်လမ်းစဉ်သည် ပြည်သူများကိုယ်တိုင်ပါဝင်နိုင်ခြင်းကြောင့် ဒီမိုကရေစီစနစ်ရရှိရန် အားသာချက်များစွာရှိသလို လက်နက်ကိုင်လမ်းစဉ်နှင့်နှိုင်းယှဉ်ပါက အသေအပျောက်နှင့် ဘေးထွက်ဆိုးကျိုး ပိုမိုနည်းပါးလှသည်။ ထို့ကြောင့် တော်လှန်ရေးလမ်းစဉ်တရပ်ကို စနစ်တကျ လေ့လာပြီး ကိုယ်တိုင်ကိုယ်ကျ ပါဝင်လုပ်ဆောင်လိုသူများအတွက် အကြမ်းမဖက်လမ်းစဉ်အခြေခံနားလည်မှု သင်တန်း (အပါတ်စဉ် ၃) အား Freedom Fighter မှ ဖွင့်လှစ်သွားမည်ဖြစ်ပါသည်။
______

📌ဤသင်တန်းတွင်

၁) နိုင်ငံရေးအာဏာကို လေ့လာခြင်း

၂) အကြမ်းမဖက်လမ်းစဉ်ဦးဆောင်သူများ၏ အတွေးအခေါ်ဒဿနများကို နှိုင်းယှဉ်ခြင်း

၃) အကြမ်းမဖက်လမ်းစဉ် မဟာဗျူဟာချမှတ်ခြင်း

၃) မိမိကိုယ်ကို သိမြင်ခြင်းနှင့် အတွင်းပြောင်းလဲခြင်း

၄) နိုင်ငံရေးအယူအဆနှင့် လူထုလှုပ်ရှားမှုအချိတ်အဆက်

၅) Freedom Fighter အဖွဲ့၏ အတွေးအခေါ် နှင့် လေ့လာဆန်းစစ်ချက်များကို ဆွေးနွေးသွားပါမည်။
_________

📌သင်တန်းအချိန် - အပါတ်စဉ် စနေ မနက် ၉-၁၁ နာရီ

📌စတင်မည့်နေ့ရက် - ဇူလိုင် ၂၆ ရက်နေ့

📌သင်တန်းကာလ - ဆယ်ပါတ်

📌သင်တန်းကြေး - အခမဲ့ (မိမိတို့ ဆန္ဒရှိသလောက် Freedom Fighter အဖွဲ့သို့ ရန်ပုံငွေထည့်ဝင်နိုင်ပါသည်)

📌သင်တန်းလျှောက်ထားရန် (ဖောင်ပိတ်ချိန် - ဇူလိုင် ၂၄ ရက်နေ့)

https://forms.gle/g56rfhLgqp51MfBx9

📌တက်ရောက်ရန် လိုအပ်ချက်

တက်ရောက်မည့်သူများအနေဖြင့် အင်တာနက်ရရှိပြီး Zoom နဲ့ Telegram အသုံးပြုနိုင်ရန် လိုအပ်သည်။
_________

📌သင်ကြားပို့ချမည့်သူများ

▪️ကိုရဲထက်

(ကိုရဲထက်သည် Freedom Fighter အဖွဲ၏ တည်ထောင်သူတဦးဖြစ်ပြီး လက်ရှိတွင် ဥက္ကဌရာထူး တာဝန်ယူထားသည်။ FFM အဖွဲတည်ထောင်ချိန်မှစ၍ အကြမ်းမဖက်စည်းရုံးရေးမှူးသင်တန်းများ၊ အလုပ်ရုံဆွေးနွေးပွဲများကို ပို့ချခဲ့သည်။ အကြမ်းမဖက်လူထုလှုပ်ရှားမှုဆိုင်ရာ မဟာဗျူဟာများကို တော်လှန်ရေးအစုအဖွဲ့များအား အကြံပေးလျက်ရှိသလို တော်လှန်ရေးဆိုင်ရာ ဝေဖန်သုံးသပ်စာများကိုလည်း ရေးသားလျက်ရှိသည်။)

▪️ကိုမြင့်ထွန်း

(ကိုမြင့်ထွန်းသည် Freedom Fighter အဖွဲ့၏ သင်ကြားရေးတာဝန်ခံဖြစ်သည်။ ဘာသာရေးနှင့် လူမှုဝန်းကျင် ယဉ်ကျေးမှုဖြစ်စဉ်များကို စိတ်ဝင်စားလေ့လာနေသူ တစ်ဦးဖြစ်သည်။ ဒီဘိတ်သင်တန်းများ ပြုလုပ်ခြင်းနှင့် ကျောင်းသားလူငယ်များအကြား သမိုင်းဆွေးနွေးမှုများနှင့် စိတ်ပိုင်းဆိုင်ရာ တွေးခေါ်ဆင်ခြင်မှု မြှင့်တင်ရေးသင်တန်းများကို သင်ကြားဆွေးနွေးမှုများ ပြုလုပ်လျက်ရှိသည်။)

🔹ဤသင်တန်းကို တက်ရောက်ခြင်းအားဖြင့် မိမိတယောက်ချင်းအပြောင်းအလဲမှ စတင်၍ လူထုလှုပ်ရှားမှုအရွေ့များအထိ ပါဝင်ဖော်ဆောင်နိုင်မည်ဖြစ်ပါသည်။ ဤသင်တန်းအား အရပ်ဘက်/လူငယ်/ကျောင်းသား အဖွဲ့အစည်းများတွင် ပါဝင်လုပ်ဆောင်နေသူများ၊ ရပ်ရွာအခြေပြုလူထုလှုပ်ရှားစည်းရုံးမှုများကို ဖော်ဆောင်လိုသူများ၊ အမျိုးသမီးတန်းတူရေးအတွက် လှုပ်ရှားနေသူများ၊ မိမိတို့၏ အသိပညာနှင့် စိတ်ပိုင်းဆိုင်ရာတည်ဆောက်မှုကို အခြေခံပြီး လူ့အဖွဲ့အစည်းအား ပြောင်းလဲတည်ဆောက်လိုသူများ၊ တော်လှန်ရေး/နိုင်ငံရေးကိစ္စရပ်များတွင် စိတ်ဝင်တစားပါဝင်လိုသူများ တက်ရောက်ရန် အထူးတိုက်တွန်းလိုပါတယ်။

#Nonviolence_Essentials
#Batch3
#Freedom_Fighter

"Freedom Fighter Book Club"
လူအဖွဲ့အစည်းကို ပြောင်းလဲတော်လှန်ဖို့ လုပ်ဆောင်နေကြသည့် တက်ကြွလှုပ်ရှားသူများ တနည်းအားဖြင့် Freedom Fighter များအနေနှင့် မိမိကိုယ်တိုင်လည်း ကိုယ်ရည်ကိုယ်သွေးတိုးတက်မြင့်မားအောင် စဉ်ဆက်မပြတ်တည်ဆောက်နေဖို့လိုအပ်သလို ထိုသို့တည်ဆောက်နိုင်ဖို့အတွက် စိတ်ဓာတ်ခွန်အားဖြည့်ဆည်းပေးနိုင်မည့် ရပ်ဝန်းတခုလည်း လိုအပ်ပေသည်။ ယင်းအတွက် Freedom Fighter Book Club ကို စတင်လိုက်ခြင်းဖြစ်သည်။ Freedom Fighter Book Club သည် တပါတ်လျှင်တကြိမ် အွန်လိုင်းတွင်တွေ့ဆုံကာ ကြိုတင်ဖတ်ရှုထားသည့် စာအုပ်/စာတမ်းများအပေါ် မိမိတို့၏ အတွေးအမြင်များ၊ ခံစားချက်များကို ဝေမျှလေ့လာကြမည့် နေရာတခုဖြစ်သည်။
ပထမဆုံးဖတ်ရှုမည့်စာအုပ်အဖြစ် “Active Hope : တက်ကြွသောမျှော်လင့်ချက်” စာအုပ်ကို ရွေးချယ်ထားပါသည်။ “Active Hope” စာအုပ်မှာ မကြာသေးခင်က ကွယ်လွန်ခဲ့သော ဂေဟစနစ်အရေးလှုပ်ရှားသူ ဆရာမကြီး ဂျိုအင်နာမေစီ​ နှင့် စိတ်ပညာရှင်/တက်ကြွလှုပ်ရှားသူ ခရစ်ဂျွန်စတုန်းတို့၏ ၂၀၁၂ တွင်ထွက်ရှိခဲ့သည့်စာအုပ်ဖြစ်သည်။ ရှုပ်ထွေးလှသည့် ကမ္ဘာ့ရေးရာ ဂေဟအကြပ်အတည်းများကိုရင်ဆိုင်ရာတွင် စိတ်ပျက်အားလျော့မသွားဘဲ တက်ကြွသော မျှော်လင့်ချက်ဖြင့် ပါဝင်နိုင်စေရန်အကြုံပြုချက်များနှင့် လက်တွေ့ကျင့်စဉ်များကို ရေးသားထားသည်။ မြန်မာဘာသာသို့ Myanmar Youth Project မှ ၂၀၂၃ တွင်ပြန်ဆိုခဲ့သည်။
▪️Freedom Fighter Book Club
📌ပြုလုပ်မည့်အချိန် - အပါတ်စဉ် တနင်္ဂလာနေ့ ည ၇ နာရီ (မြန်မာချိန်)
📌ပြုလုပ်မည့်နေရာ - Zoom
📌ပါဝင်သင့်သူများ - Freedom Fighter သင်တန်းသားဟောင်းများ ၊​ လူမှုနိုင်ငံရေးအပြောင်းအလဲကို ဖော်ဆောင်နေသူများ ၊ တက်ကြွလှုပ်ရှားသူများ
📌စတင်မည့်နေ့ - သြဂုတ် ၁၈ ရက်
📌ဖောင်ပိတ်ချိန် - သြဂုတ် ၁၅ ရက်
▪️လျှောက်ထားရန် -
https://docs.google.com/forms/d/e/1FAIpQLSf2bA4oPce9L2qlUcKLVMus9cj0s51jBc3MyFSzSLcBGzKuPQ/viewform?usp=dialog
▪️MYP အကြောင်း
https://workthatreconnects.org/active-hope-in-myanmar/
▪️Book Download
(Myanmar) https://drive.google.com/.../1rllst2pV3hugB6N27BQ.../view...
(English) https://drive.google.com/.../12T6Q0nm5q-F7nhv_B.../view...
#book_club
#active_hope
#freedom_fighter_myanmar

"ကလောင်စွဲပြီး ခေတ်စနစ်အသစ်ကို ဖန်တီးပါ။"

(ဘာသာပြန် အလုပ်ရုံဆွေးနွေးပွဲ)​
________

ဘာသာပြန်ခြင်းသည် ကလောင်စွမ်းဖြင့် လူ့အဖွဲ့အစည်းတွင် လိုအပ်နေသော အသိပညာ၊ အတွေးအခေါ်များကို ဖြည့်ဆည်းပေးနိုင်သည့် နည်းလမ်းတခုဖြစ်ပါသည်။ ဘာသာပြန်လုပ်ငန်းသည် Freedom Fighter ၏ပင်မလုပ်ဆောင်ချက်တခုဖြစ်သလို ဘာသာပြန်လုပ်ငန်းအားကောင်းရေးကိုလည်း ရေရှည်မဟာဗျူဟာတရပ်အဖြစ် ထားရှိပါသည်။ သို့ဖြစ်ရာ တက်သစ်စဘာသာပြန်ကလောင်သစ်များ ပေါ်ထွက်လာစေရန် ဘာသာပြန်အလုပ်ရုံဆွေးနွေးပွဲကို ပြုလုပ်သွားမည်ဖြစ်သည်။

ဤ Workshop တွင် Freedom Fighter ၏ ဘာသာပြန်အဖွဲ့ တည်းဖြတ်သူများက ဘာသာပြန်လုပ်ငန်းနှင့်ပတ်သက်သည့် သမိုင်းကြောင်းများ၊ နည်းနိဿယျများ၊ စည်းမျဉ်းများနှင့် ၎င်းတို့၏ အတွေ့အကြုံများ၊ စိန်ခေါ်မှုများကိုစုံစုံလင်လင် ဆွေးနွေးဖလှယ်သွားကြမည်ဖြစ်သည်။ ထို့ပြင် ဘာသာပြန်စာရေးဆရာများ၏ ဘာသာပြန်လက်ရာများနှင့် မူရင်းလက်ရာများကို နှိုင်းယှဉ်လေ့လာခြင်း၊ ကိုယ်တိုင်ဘာသာပြန်ဆိုလေ့ကျင့်ခြင်းများလည်း လုပ်ဆောင်သွားမည်ဖြစ်သည်။

Workshop ပြီးဆုံးလျှင် ဘာသာပြန်ခြင်းအတွက် အခြေခံကောင်းများ ရရှိသွားမှာဖြစ်သလို ဆက်လက်လုပ်ဆောင်ဖို့ အဆက်အသွယ်နဲ့ ပံ့ပိုးမှုများလည်းရရှိသွားမည်ဖြစ်သည်။ ဆန္ဒရှိပါက Freedom Fighter ဘာသာပြန်အဖွဲ့သို့လည်း ဝင်ရောက်လုပ်ကိုင်နိုင်ပါသည်။
______

📌အချိန် - အပတ်စဉ် တနင်္ဂနွေနေ့ ည ၇ - ၉ နာရီ (ရက်သတ္တပတ် ၄ ပတ်)

📌စတင်မည့်ရက် - စက်တင်ဘာလ ၇ ရက်နေ့

📌ဖောင်ပိတ်ချိန် - ၃ - ၉ -၂၀၂၅

📌လျှောက်ထားရန် - https://forms.gle/Rt8iLFEqb3ZpoucB6

#Translation_workshop
#freedomfighter

“ဒိုင်ယာလောခ့်ဖြင့် သမိုင်းကို ကုစားခြင်း”
“Healing History Through Dialogue” Workshop
(Freedom Fighter Myanmar နှင့် EngageMedia တို့ ပူးပေါင်းစီစဉ်သည်)
___________________________
သမိုင်းသည် အတိတ်တွင်ဖြစ်ခဲ့သည့် ကိစ္စများဟု ယေဘုယျနားလည်ကြသော်လည်း အတိတ်သက်သက်မဟုတ်၊ အတိတ်နှင့် ပစ္စုပ္ပန်အကြား ချိတ်ဆက်ပေးသည့် ဆက်စပ်မှုဖြစ်သည်။ မိမိတို့၏ အစုအဖွဲ့အလိုက် ဖြတ်သန်းမှုအတွေ့အကြုံများနှင့် သင်ခန်းစာများကို သမိုင်းမှ ပြန်လည်ကောက်ယူကြသည်။ သမိုင်းမှတ်ဉာဏ်သည် အစုအဖွဲ့များ၏ အမှတ်သရုပ်ဖန်တီးရာတွင် အခြေခံပါဝင်ပစ္စည်းဖြစ်သကဲ့သို့ အစုအဖွဲ့အလိုက် စဉ်းစားတွေးခေါ်မှုအပေါ်တွင်လည်း များစွာလွှမ်းမိုးမှုရှိသည်။
မြန်မာနိုင်ငံ၌ လက်ရှိဖြစ်ပျက်နေသော အုပ်စုတခုနဲ့တခုကြားက ပဋိပက္ခများ၊ ထိခိုက်နာကျင်မှုများ၊​ ယုံကြည်ချက်ပျက်ံယွင်းမှုများတွင်လည်း သမိုင်းသည် အခြေခံအကြောင်းအရာတခုဖြစ်သည်။​ သမိုင်းဇာတ်ကြောင်းကို တစုတဖွဲ့တည်းက လက်ဝါးကြီးအုပ်လိုမှု၊ တဖက်သတ် ဇာတ်ကြောင်းဖော်မှု၊ စုံလင်ကွဲပြားစွာ တည်ရှိမှုနှင့်ရှုမြင်မှုများကို မျက်ကွယ်ပြုမှုများကြောင့် သမိုင်းကြောင်းဆိုင်ရာ မကျေနပ်မှုများ၊ ဒါဏ်ရာများသည် အချိန်ကြာသည်နှင့်အမျှ ပို၍နက်ရှိုင်းလာလေသည်။
သို့ဖြစ်ရာ ယင်းကဲ့သို့သော သမိုင်းကြောင်းဆိုင်ရာ ပဋိပက္ခများကို ကုစားဖြေရှင်းရန်၊ ပိုမိုတရားမျှတသည့် သမိုင်းကြောင်းဆိုင်ရာ လေ့လာမှုများဖြစ်ပေါ်လာရန် ဒိုင်ယာလောခ့်ရပ်ဝန်းများ အရေးတကြီး လိုအပ်နေပြီဖြစ်သည်။ ထို့ကြောင့် သမိုင်းကို ကုစားလိုသည့် လူငယ်များ၊​​ရပ်ရွာခေါင်းဆောင်များ၊ သင်ကြားပို့ချသူများနှင့်အတူ ဒိုင်ယာလောခ့်ရပ်ဝန်းများ ဖန်တီးနိုင်ရန်အတွက် ယခု ​အလုပ်ရုံဆွေးနွေးပွဲကို Freedom Fighter Myanmar အဖွဲ့နှင့် EngageMedia တို့ပူးပေါင်းကာ စီစဉ်ဆောင်ရွက်လိုက်ခြင်းဖြစ်ပါသည်။
___________________________
◾ပါဝင်သင့်သူများ
ပညာရေး၊ နိုင်ငံရေး၊ သမိုင်းရေးရာ စိတ်ဝင်စားသူများ
ဒိုင်ယာလော့ခ်နည်းလမ်းဖြင့် သမိုင်းကို ကုစားအဖြေရှာလိုသူများ
ငြိမ်းချမ်းရေးနှင့် ပဋိပက္ခအဖြေရှာရေးတွင် ပါဝင်လိုသူ လူငယ်များ ၊ ရပ်ရွာအဖွဲ့အစည်းများ
(အသက်သုံးဆယ်အောက် လူငယ်များကို ဦးစားပေးလက်ခံသွားပါမည်။)
◾ရရှိသွားမည့်အရည်အချင်းများ
သမိုင်းဆိုင်ရာတွေးခေါ်မှုအရည်အချင်းများ
သမိုင်းကြောင်းဆိုင်ရာ တရားမျှတမှုရှာဖွေခြင်း
ဒိုင်ယာလောခ့်ရပ်ဝန်းတည်ဆောက်ခြင်း
စီစဉ်ပံ့ပိုးခြင်း (Facilitation)
အစီအစဉ်ရေးဆွဲခြင်း (Project Planning)
◾ရန်ပုံငွေအခွင့်အလမ်း
ပါဝင်သူများထဲမှ ဒိုင်ယာလောခ့်ရပ်ဝန်းအစီအစဉ်တခုကို ကိုယ်တိုင်လက်တွေ့အကောင်အထည် ဖော်လုပ်ဆောင်နိုင်ရန် ကနဦးရန်ပုံငွေ ထောက်ပံ့ပေးသည့် အစီအစဉ်ပါရှိပါသည်။ D4SD Programကို အောက်ပါ Linkတွင် အသေးစိတ် ဝင်ရောက်ဖတ်ရှုနိုင်ပါသည်။ https://shorturl.at/67FW4
__________________________
📌ပြုလုပ်မည့်နေရာ - Online (Telegram ၊ Zoom)
📌အချိန် - Sep 20, 21, 23 (Week 1), Sep 27, 28, 30 (Week 2), and Oct 4, 5, 7 (Week 3) 2:00 - 4:00 PM Myanmar Time
📌Workshop အစီအစဉ်အသေးစိတ်
https://drive.google.com/file/d/1FLOJffJZx0EgEkjRhG4OQkK2a58PHRxu/view?usp=sharing

_________________________
◾စီစဉ်သည့် အဖွဲ့အကြောင်း
Freedom Fighter Myanmar
Freedom Fighter Myanmar သည် ပြည်သူလူထု၏ပူးပေါင်းပါဝင်မှုမှတဆင့် အပြောင်းအလဲများလုပ်ဆောင်နိုင်ရန်အတွက် အကြမ်းမဖက်လှုပ်ရှားမှု အယူအဆနှင့် မဟာဗျူဟာများကို သင်ကြားပို့ချနေသည့်အဖွဲ့အစည်းတခုဖြစ်ပါသည်။ ၂၀၂၂ မှ စတင်၍ မတူညီသည့်အမြင်များအား လွတ်လပ်ပွင့်လင်းစွာ ဆွေးနွေးနိုင်သော လေးမျက်နှာဒိုင်ယာလောခ့် အစီအစဉ်များကိုလည်း စီစဉ်ခဲ့ပါသည်။ လက်ရှိတွင် သမိုင်းသင်ကြားမှုမှတဆင့် ငြိမ်းချမ်းရေးနှင့် တရားမျှတမှုကို ဖော်ဆောင်နိုင်ရန်အတွက် သုတေသနများ လုပ်ဆောင်နေပါသည်။​ https://freedomfightermm.org/
EngageMedia
EngageMedia သည် ဒစ်ဂျစ်တယ်အခွင့်အရေး၊ Open Source Movement နှင့် Social Issue Documentary တို့ကို မြှင့်တင်ပေးသည့် အဖွဲ့အစည်းတခုဖြစ်သည်။ www.engagemedia.org
📌Application Form (Deadline - September 12 11:59 PM MM Time)
Link - https://airtable.com/appBKKoZLlW6qVI6z/paguEGMl7RwSALshy/form

#healing_history_through_dialogue_workshop
#freedom_fighter_myanmer
#engagemedia

ကလောင်စွမ်းဖြင့် အလင်းခေတ်အား တည်ဆောက်ပါ။

အလင်းခေတ်မဂ္ဂဇင်း အတွဲ (၂)၊ အမှတ် (၂) အတွက် စာမူများဖိတ်ခေါ်ခြင်း
_________

မြန်မာပြည်သူများအနေနှင့် အမျိုးမျိုးသောပဋိပက္ခများကြောင့် အမှောင်ထုဒုက္ခနွံအတွင်းသို့ ကျွံဝင်နစ်မြုပ်နေခဲ့သည်မှာ နှစ်ပရိစ္ဆေဒ တာရှည်လာခဲ့ပြီဖြစ်သော်လည်း လွတ်မြောက်ဖို့ရာအတွက်မူ အမှောင်ထုကို အမှောင်ထုနှင့်တိုက်ထုတ်နေသည်ဖြစ်ရကား အမှောင်ထုသာပိုမိုသိပ်သည်းလာ၍ အလင်းမှာ ရေးရေးမျှမမြင်ရသေးပေ။ အလင်းခေတ်မဂ္ဂဇင်းမှာမူ ထိုကဲ့သို့သော အလုပ်လည်းမဖြစ်၊ ပို၍သာဆိုးညစ်လာစေသော အယူအဆအတွေးအခေါ်များအား စွန့်ခွာပယ်ရှားကာ လက်တွေ့ကျအကျိုးများနိုင်သည့် အတွေးသစ်၊ အမြင်သစ်၊ အယူအဆသစ်များဖြင့် လင်းချင်းတောက်ပသော အနာဂတ်သစ်ဆီသို့ ပြည်သူလူထုအားသယ်ယူပို့ဆောင်ပေးနေသည့် လှေငယ်ယာဉ်တစင်းဖြစ်သည်နှင့်အညီ စဉ်ဆက်မပြတ် လှော်ခတ်ခရီးဆက်လာခဲ့သည်မှာ ယခုအခါ အတွဲ (၂) အမှတ်(၂) ဟူသော မိုင်တိုင်အကွာအဝေးအထိရောက်ရှိလာခဲ့ပြီဖြစ်သည်။ သို့ဖြစ်၍ ကျန်ရှိနေသေးသော အနာဂတ်ခရီးလမ်းအား ဆက်လက်ချီတက်ဖို့ရာ မိတ်ဆွေတို့၏ကလောင်စွမ်းဖြင့် ကူညီလှော်ခတ်ပေးနိုင်ပါကြောင်း သတင်းစကား ပါးလိုက်ရပါသည်။

အလင်းခေတ်မဂ္ဂဇင်း အတွဲ (၂) အမှတ် (၂) တွင် အောက်ပါအကြောင်းအရာများကို ဦးစားပေးဖော်ပြသွားမည်ဖြစ်၍ စာမူပေးပို့သူများအနေနှင့် ထိုအကြောင်းအရာများအပေါ်အခြေတည်ကာ (ကိုယ်ပိုင်ရေး/ဘာသာပြန်) ကဗျာ၊ အက်ဆေး၊ ဆောင်းပါး၊ ဝတ္ထုတို စသဖြင့် မိမိအားသန်ရာကဏ္ဍအလိုက်ရေးသားပေးပို့နိုင်ပါသည်။

◾ရွေးကောက်ပွဲအလွန် မြန်မာ့လူ့အဖွဲ့အစည်းအတွက် အကြံပြုချက်များ

◾စီးပွားရေး၊ ပညာရေး၊ ဘာသာရေးကဏ္ဍ ပြုပြင်ပြောင်းလဲရန် လူမှုဓလေ့၊ လူမှုစနစ် ဝေဖန်ဆန်းစစ်မှုများ

◾ပြည်သူများ ကိုယ်ထူကိုယ်ထ ပါဝင်နိုင်သည့် ကွန်မြူနတီလုပ်ဆောင်ချက်များ

◾ပြည်သူများ၊ လူငယ်များ တွေ့ကြုံခံစားနေရသည့် လူမှုဒုက္ခများနှင့် ရုန်းကန်လှုပ်ရှားဆောင်ရွက်နေမှုများ

◾အများအမြင်နှင့် ကွဲပြားခြားနားသည့် ဆန်းသစ်သည့် အမြင်များ

📌စာမူပေးပို့ရန် -

alinkhit.mm@protonmail.com

#စာမူဖိတ်ခေါ်ခြင်း
#အလင်းခေတ်
#freedom_fighter_myanmer

ကုစားသင့်မြတ်ရေး တရားမျှတမှုကို မျက်မှောက်ကာလမှာ ဘယ်လိုဖော်ဆောင်နိုင်မလဲ

(အလုပ်ရုံဆွေးနွေးပွဲ)
_______

လက်ရှိမြန်မာနိုင်ငံဟာ ကမ္ဘာပေါ်မှာ ပြည်တွင်းစစ်အပြင်းထန်ဆုံးနိုင်ငံတခုဖြစ်ပါတယ်။ စစ်ပွဲပဋိပက္ခကြောင့် ထိခိုက်နစ်နာရသူတွ အများအပြားရှိနေတဲ့အပြင် ဥပဒေစိုးမိုးမှုကင်းမဲ့တာကြောင့်လည်း ရာဇဝတ်မှုတွေဟာ တနေ့တခြား ပိုမိုများပြားလာနေပါတယ်။ တဖက်မှာလည်း ဒီလို ဥပဒေမဲ့မတရားမှုတွေ အများအပြားတွေ့ကြုံနေရတဲ့အတွက် မြန်မာ့လူ့အဖွဲ့အစည်းအနေနဲ့ တရားမျှတမှု ရှာဖွေတည်ဆောက်ဖို့ စိတ်ဆန္ဒပြင်းပြနေကြပါတယ်။

လူ့အခွင့်အရေးသမားတွေနဲ့ တက်ကြွလှုပ်ရှားသူတွေကတော့ ဒီကိစ္စတွေကို ဖြေရှင်းကုစားဖို့အတွက် အသွင်ကူးပြောင်းရေးတရားမျှတမှု (Transitional Justice)ဖော်ဆောင်ရေးလုပ်ငန်းစဉ်တွေ လုပ်ဆောင်နေကြတာရှိပါတယ်။ ဒါပေမယ့် လက်ရှိ TJ ဆိုင်ရာ လုပ်ဆောင်မှုအများစုဟာ အာဏာပိုင်တွေ၊ နိုင်ငံတကာအဖွဲ့အစည်းတွေဘက်ကနေ နောက်တချိန်မှာအရေးယူနိုင်ဖို့သာ အာရုံစိုက်နေကြတာဖြစ်ပြီး ကွန်မြူနတီနဲ့ ထိခိုက်သူတွေကိုတော့ အချက်အလက်စုဆောင်းရာ ရင်းမြစ်အဖြစ်ပဲ ရှုမြင်ကြပါတယ်။

ဒီလိုမျိုး လိပ်ခဲတည်းလည်း ဖြစ်နေတဲ့အခြေအနေကို ကျော်လွန်ပြီး တရားမျှတမှုကို လက်တွေ့အချိန်ကတည်းက စတင်ဖော်ဆောင်နိုင်ဖို့အတွက် ယခုအလုပ်ရုံဆွေးနွေးပွဲကို စီစဉ်လိုက်ခြင်းဖြစ်ပါတယ်။ ဒီအလုပ်ရုံဆွေးနွေးပွဲမှာတော့ ကုစားသင့်မြတ်ရေးတရားမျှတမှု(Restorative Justice) ရဲ့ အခြေခံအယူအဆတွေအပါအဝင် ကွန်မြူနတီအနေနဲ့ တရားမျှတမှုဖော်ဆောင်ဖို့ ဘယ်လိုပါဝင်နိုင်မလဲ၊ ကုစားနိုင်ဖို့အတွက် ဘယ်လိုလုပ်ဆောင်ချက်တွေစတင်လုပ်ဆောင်နိုင်မလဲ စတဲ့အကြောင်းအရာတွေကို ဆွေးနွေးအဖြေရှာသွားမှာဖြစ်ပါတယ်။

📌တက်ရောက်သင့်သူများ

▪️Transitional Justice ဖော်ဆောင်ရေး လေ့လာလှုပ်ရှားနေသူများ

▪️လူ့အခွင့်အရေးချိုးဖောက်ခံရမှုများကို မှတ်တမ်းတင် စာရင်းပြုစုသူများ

▪️ကုစားသင့်မြတ်ရေးတရားမျှတမှုဖော်ဆောင်လိုသည့် တက်ကြွလှုပ်ရှားသူများ၊ ကွန်မြူနတီခေါင်းဆောင်များ

📌ပြုလုပ်မည့်နေ့ရက် - စက်တင်ဘာ ၂၅၊ ၂၆ ၊ အောက်တို ၂ ၊ ၃ မြန်မာချိန် ၃ နာရီမှ ၅ နာရီ

📌ပြုလုပ်မည့်နေရာ - Zoom

📌Ticket Fees - မြန်မာငွေ သုံးသောင်း သို့မဟုတ် ထိုင်းဘတ် ၃၀၀

📌လျှောက်ထားရန် - (ဖောင်ပိတ်ချိန် - စက်တင်ဘာ ၂၁ ၊ ၂၀၂၅)

https://docs.google.com/forms/d/e/1FAIpQLSfRmwlEwM7mPxbbcygvn1Tn05DvYqXAzSTA8sKcPgRsR7d3LA/viewform?usp=header

#RestorativeJustice
#workshop
#freedom_fighter_myanmar