"တော်လှန်ရေးဘယ်လိုအဆုံးသတ်မလဲ?"
လေးမျက်နှာစကားဝိုင်း ဖိတ်ကြားလွှာ
၂၀၂၁ စစ်အာဏာသိမ်းမှုက မကြာခင်ရက်ပိုင်းအတွင်း ၃နှစ်ပြည့်ပါတော့မယ်။ အာဏာသိမ်းမှု နောက်ပိုင်းပေါ်ပေါက်လာခဲ့တဲ့ နွေဦးတော်လှန်ရေးကလည်း ၂ပတ် ၁နှစ် နေရင်အောင်မြင်မယ် ဆိုတာကနေ ၃နှစ်ပြည့်ပါတော့မယ်။ နွေဦးတော်လှန်ရေးဟာ လူထုလှုပ်ရှုားမှု ၊လူထုပါဝင်မှု အားအကောင်းဆုံး တော်လှန်ရေးတရပ် ဆိုလည်းမမှားပါဘူး။

၂၀၂၃ နှစ်ကုန်ခါနီးမှာ စတင်လာတဲ့ ၁၀၂၇ စစ်ဆင်ရေးနဲ့အတူ စစ်တပ်ရဲ့ ပျက်ဆီးနေတဲ့ အခြေအနေကို တွေ့မြင်ရခဲ့ပါတယ်။ မြန်မာစစ်တပ်ရဲ့ အခြေအနေတွေက တအိအိနဲ့ ပြိုကျနေပြီလို့ စစ်ရေးသုံးသပ်သူတွေ ပြောဆိုလာတာလည်းရှိပါတယ်။ စစ်ရေးအရ အဘက်ဘက်က ရှုံးနိမ့်နေတဲ့စစ်ကောင်စီကလည်း ရွေးကောက်ပွဲ လုပ်ဖို့ပြင်ဆင်နေတာတွေလည်း တွေ့မြင်နေရပါတယ်။

တော်လှန်ရေးကြာလာတာနဲ့အမျှ ပြည်သူတွေဟာ ပိုပြီးကြပ်တည်းလာကြပါတယ်။ စစ်ကောင်စီရဲ့ ဖိနှိပ်မှု၊ ကုန်ဈေးနှုန်းမြင့်တက်မှုတွေအပြင် စစ်ဘေးရှောင်နေရတာတွေလည်း ယခင်ထက်ပိုများလာပါတယ်။ တဖက်မှာလည်း ပြည်သူတွေအနေနဲ့ စစ်တပ်ပြုတ်ကျပြီး တော်လှန်ရေး အမြန်ဆုံး အဆုံးသတ်ဖို့ကိုလည်း မျှော်လင့်နေကြပါတယ်။ ဒီတပတ်လေးမျက်နှာ စကားဝိုင်းမှာတော့

-တော်လှန်ရေး ဘယ်လိုအပြီးသတ်မယ်လို မျှော်မှန်းထားကြလဲ?
-ဘယ်အရာတွေက တော်လှန်ရေးအပြီးသတ်ဖို အဓိကအဆုံးအဖြတ်ဖြစ်မလဲ?
-ဒီလိုမျိုးအပြီးသတ်ဖို့ အချိန်ဘယ်လောက်ကြာမြင့်မယ်လို မျှော်မှန်းထားကြသလဲ?
စတာတွေကို ဆွေးနွေးသွားပါမယ်။ စိတ်ဝင်စားသူမည်သူမဆို ပါဝင်ဆွေးနွေးဖို့ ဖိတ်ခေါ်ပါတယ်။

နေ့ရက် - ၃၁ - ၁ - ၂၀၂၄ ဗုဒ္ဓဟူးနေ့၊ ည ၇ နာရီ
Zoom ID – 853 1327 5291 (Password မလိုပါ)
Zoom link — https://us02web.zoom.us/j/85313275291

"တော်လှန်ရေးဘယ်လိုအဆုံးသတ်မလဲ?"လေးမျက်နှာစကားဝိုင်း
ဆွေးနွေးပွဲ အသံဖိုင် နားဆင်နိုင်ပါပြီ

"အကြမ်းမဖက်တိုက်ပွဲလက်စွဲ" စာအုပ်မိတ်ဆက်ပွဲ ဖိတ်ကြားလွှာ

Freedom Fighter Myanmar သည် အကြမ်းမဖက်လူထုလှုပ်ရှားမှုဆိုင်ရာသင်တန်းများ၊ စကားဝိုင်း ဆွေးနွေးပွဲများအပြင် တော်လှန်ရေးကို အထောက်အကူပြုနိုင်သည့် စာအုပ်စာပေများကိုလည်း ဘာသာပြန်ရေး သားဖြန့်ချိလျှက်ရှိပါသည်။ ယခုလည်း “အကြမ်းမဖက်တိုက်ပွဲလက်စွဲ” ဆိုသည့် စာအုပ်ကို ဘာသာပြန် ထုတ်ဝေလိုက်ပြီဖြစ်ပါသည်။

မတ်လအတွင်း ဘာသာပြန်ထုတ်ဝေခဲ့သော ဤ “အကြမ်းမဖက်တိုက်ပွဲလက်စွဲ” စာအုပ် မိတ်ဆက်ပွဲအခမ်းအနားကို အောက်ပါအစီအစဉ်အတိုင်းပြုလုပ်သွားရန် စီစဉ်ထားပါသဖြင့် အကြမ်းမဖက်လှုပ်ရှားမှုများကို စည်းရုံးဖော်ဆောင်နေသူများ၊ တက်ကြွလှုပ်ရှားသူများ၊ အရပ်ဘက်အဖွဲ့အစည်းများနှင့် စိတ်ဝင်စားသူများ တက်ရောက်ပါရန် ဖိတ်ကြားလိုက်ပါသည်။

နေ့ရက် - မတ် (၃၀) (စနေနေ့)
အချိန် - မြန်မာအချိန် မနက် (၁၀) နာရီမှ (၁၁) နာရီခွဲ

Zoom Meeting Link
Time: Mar 30, 2024 10:00 AM Rangoon
https://us02web.zoom.us/j/82646043924
Meeting ID: 826 4604 3924

“အကြမ်းမဖက်တိုက်ပွဲလက်စွဲ” စာအုပ် Download ရယူရန်
https://drive.google.com/file/d/1bnd_OWkxnINAB1MtDz4qKBlLq2nukQOj/view

စာအုပ်မိတ်ဆက်ပွဲ စတင်ပါပြီ

“ဗမာသမိုင်းထောင်ချောက်ကြီး” စာတမ်းအပေါ် ဆန်းစစ်သုံးသပ်ခြင်း
လေးမျက်နှာစကားဝိုင်း

မကြာသေးခင်က “ဗမာသမိုင်းထောင်ချောက်ကြီး”ခေါင်းစဉ်ချီထားတဲ့ စာတမ်းတခုအွန်လိုင်းထက်မှာ ထွက်ပေါ်လာပြီး အမြင်အမျိုးမျိုး ဆွေးနွေးပြောဆိုကြပါတယ်။ ဒီစာတမ်းကိုရေးသားသူကတော့ NLD ရဲ့ CEC အဖွဲဝင် ဦးဟံသာမြင့်ဖြစ်ပါတယ်။ ဒီစာတမ်းက ၄၂ မျက်နှာရှိပြီး NLD ပါတီရဲ့ အာဏာသိမ်းမှုအပေါ် ပြင်ဆင်ဦးဆောင်နိုင်စွမ်းမရှိတာကနေ ဗမာလူမျိုးကြီးဝါဒရဲ့ အန္တရာယ်တွေကို သမိုင်းဖြစ်ရပ်အမျိုးမျိုးကနေ စာရေးသူအနေနဲ့ ကောက်နုတ်တင်ပြထားတာဖြစ်ပါတယ်။

ဒီစာတမ်းမှာပါတဲ့အချက်အလက်တွေကို အမြင်ချင်းဖလှယ်ကာ သုံးသပ်ဆွေးနွေးနိုင်ဖို့ အခုအပတ် လေးမျက်နှာစကားဝိုင်းမှာတော့ ဒီစာတမ်းကို ဆွေးနွေးသွားကြမှာဖြစ်ပါတယ်။

တက်ရောက်သူများအနေဖြင့် ဒီစာတမ်းကို တတ်နိုင်သမျှ ကြိုတင်ဖတ်ရှုလာပြီး ဆန်းစစ်ဆင်ခြင်လိုသည့်အကြောင်းအရာများ၊ သဘောကျထောက်ခံသည့်အရာ သိုမဟုတ် ကွဲလွဲမေးခွန်းထုတ်လိုသည်များကို လေးမျက်နှာစကားဝိုင်းတွင်မျှဝေဆွေးနွေးဖို့ ဖိတ်ခေါ်လိုက်ပါတယ်။

စာတမ်းဖတ်ရှုရန်
https://drive.google.com/file/d/1E520toFOegiZ1T-304xdG3hIC8CWVO7g/view?usp=sharing

စိတ်ဝင်စားသူမည်သူမဆို ပါဝင်ဆွေးနွေးဖို့ ဖိတ်ခေါ်ပါတယ်။

နေ့ရက် - ၁၀ - ၄ - ၂၀၂၄ ဗုဒ္ဓဟူးနေ့၊ ည ၇ နာရီ
Zoom ID – 883 5951 7090 (Password မလိုပါ)
Zoom link — https://us02web.zoom.us/j/88359517090

၁။ ဒီဘိတ်နှင့် ဒိုင်ယာလော့ခ်ယဉ်ကျေးမှုအား တည်ဆောက်ခြင်း

လွတ်လပ်မျှတသောလူ့အဖွဲ့အစည်းတရပ်တည်ဆောက်ရာတွင် ဒီဘိတ်နှင့် ဒိုင်ယာလော့ခ်ယဉ်ကျေးမှု သည် အခရာကျသောအခန်းကဏ္ဍအဖြစ် မပါမဖြစ်ပါရှိလေသည်။ မြန်မာနိုင်ငံ၌ ယခုကဲ့သို့ ပဋိပက္ခအမျိုးစုံဖြစ်ပွားနေရခြင်း၏ အကြောင်းအရင်းများစွာထဲတွင် ဒီဘိတ်နှင့်ဒိုင်ယာလော့ခ်ယဉ်ကျေးမှု အားနည်းခြင်းသည်လည်း တစိတ်တပိုင်းပါဝင်လျှက်ရှိသည်။ သို့ဖြစ်ရာ Freedom Fighter အဖွဲ့သည် ဒီဘိတ်နှင့် ဒိုင်ယာလော့ခ်ယဉ်ကျေးမှု ဖွဲ့ဖြိုးအားကောင်းလာစေရန်အတွက် စဉ်ဆက်မပြတ်ကြိုးစားဆောင်ရွက်ခဲ့သည်။ အပတ်စဉ် ဗုဒ္ဓဟူးနေ့တိုင်းတွင် “လေးမျက်နှာ”ဟူသောခေါင်းစဉ်ဖြင့် တော်လှန်ရေး၌ ဝိဝါဒဖြစ်စရာအကြောင်း အရာများ၊ အဖြေရှာသင့်သည့်ပြဿနာများကို မည်သူမဆိုလွတ်လပ်စွာပါဝင်ဆွေးနွေးနိုင်အောင် စီစဉ်ခဲ့သည်။ ထို့အပြင် တော်လှန်ရေးနှင့်သက်ဆိုင်သည့် နယ်ပယ်အသီးသီးမှ Public Figureများကို ဖိတ်ကြား၍လည်း ဒီဘိတ်ပွဲများကို အလျင်းသင့်သလိုစီစဉ်ဆောင်ရွက်ခဲ့သည်။

၂။ တော်လှန်ရေးအထောက်အကူပြု စာအုပ်၊စာပေ၊စာတမ်းများ ရေးသားထုတ်ဝေခြင်း

ခေတ်တခုကိုပုံဖော်ရာတွင် (သို့မဟုတ်) လူ့အဖွဲ့အစည်းအသစ်တခုကို တည်ဆောက်ရာတွင် စာအုပ်စာပေ၏အခန်းကဏ္ဍကို ချန်လှပ်ထားခဲ့၍မရပေ။ ထို့အပြင် နွေဦးတော်လှန်ရေးသည် ရုပ်ဝတ္ထုတော်လှန်ရေးသပ်သပ်မဟုတ်၊ အတွေးအခေါ်တော်လှန်ရေးတရပ်ကိုပါ ဆင်နွှဲနေခြင်းဖြစ်သည်။ သို့ဖြစ်ရာ အာဏာရှင်စနစ်ဆိုးကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ ထောက်ပံ့အားပေးနေသော အတွေးအခေါ်အမှားများ၊ အယူအဆအလွဲများကို သုတ်သင်ရှင်းလင်း၍ လွတ်လပ်မျှတသော အတွေးအခေါ် အယူအဆအသစ်များဖြင့် အစားထိုးပစ်ဖို့ အထူးလိုအပ်ပေသည်။ Freedom Fighter အနေနှင့် ထိုသို့သော အတွေးအခေါ်အယူအဆအသစ်များ အားကောင်းခိုင်မာစေရန်အတွက် စာအုပ်၊စာပေ၊စာတမ်း၊ဆောင်းပါးများ မှတဆင့် တူးဆွထုတ်ဖော်ခဲ့သည်။ Facebook Page နှင့် Websiteတွင် ဆောင်းပါးများရေးသားခြင်း၊ စာအုပ်များဘာသာပြန်ထုတ်ဝေခြင်းကို စဉ်ဆက်မပြတ်လုပ်ကိုင်ဆောင်ရွက်ခဲ့သည်။

၃။ လူထုစည်းရုံးရေးသင်တန်းများဖွင့်လှစ်ခြင်း

တော်လှန်ရေးဟူသည် လူ့အဖွဲ့အစည်းတရပ်လုံး၏ ညီညွတ်ခိုင်မာသောစုပေါင်းအားဖြင့် လုပ်ကိုင်ဆောင်ရွက်မှသာ အောင်မြင်မှုပန်းတိုင်သို့ ရောက်ရှိနိုင်မည်ဖြစ်သည်။ သို့ဖြစ်ရာ စစ်မှန်သောအသိပညာ ဗဟုသုတများကို အခြေခံကာ လူထုအားမှန်မှန်ကန်ကန်စည်းရုံတတ်ဖို့ အလွန်အရေးကြီးပေသည်။ Freedom Fighter သည် ထိုကဲ့သို့ လူထုကိုမှန်မှန်ကန်ကန်စည်းရုံးနိုင်သော စည်းရုံးရေးသမားများပေါ်ပေါက်လာရေး အတွက်လည်း စည်းရုံးရေးမှုး(ကေဒါ)သင်တန်းများကို စဉ်ဆက်မပြတ်ဖွင့်လှစ်ခဲ့သည်။

Freedom Fighter (၃) နှစ်အလွန်

Freedom Fighter ၏ (၃)နှစ်တာကာလများတွင် အခြားသောအဖွဲ့အစည်းများကို အကြံပေးခြင်း၊ စကားဝိုင်းများကို ချိတ်ဆက်ပံ့ပိုးခြင်း၊ သင်တန်းပေးခြင်းစသည့် နောက်ကွယ်မှပံ့ပိုးပေးမှုနှင့် ဝေဖန်အကြံပေးမှုများကို ဇောင်းပေးလုပ်ဆောင်ခဲ့ပါသည်။ သို့ရာတွင် လက်ရှိတော်လှန်ရေးအနေအထားသည် လက်နက်ကိုင်လမ်းစဉ် အထူးသဖြင့် နိုင်ငံရေးအယူအဆချိတ်ဆက်မှုနည်းသည့် နိုင်သူအုပ်ချုပ်စတမ်း စစ်ဗဟိုပြုအနေအထားသို့ ရောက်ရှိနေသည်မှာ အထူးစိုးရိမ်ဖွယ်ရာဖြစ်သည်။ ၎င်းအပြင် အကြမ်းမဖက်လမ်းစဉ်ကို ဦးဆောင်လမ်းပြစည်းရုံးနိုင်မည့် အဖွဲ့အစည်းများလည်း ပိုမိုအားနည်းလာပြီး အများစုမှာ လက်နက်ကိုင်လမ်းစဉ်အား ထောက်ပံ့ဖို့အတွက်သာ အခြေအနေဆိုက်ရောက်နေသည်ကို သတိပြုမိပါသည်။ ထိုကဲ့သို့ အခြေအနေမှ နိုးထရုန်းထွက်ရန်နှင့် လူ့အဖွဲ့အစည်းအသစ်အတွက် အတွေးအခေါ်ဦးဆောင်သည့် အကြမ်းမဖက် လူထုလှုပ်ရှားမှုများ ပေါ်ထွက်လာစေရန် Freedom Fighter အနေဖြင့် အလင်းခေတ်လှုပ်ရှားမှုကို မဟာဗျူဟာချမှတ်ကာ ရှေ့ဆက်လုပ်ဆောင်သွားမည်ဖြစ်သည်။

“အလင်းခေတ်လှုပ်ရှားမှု”

“အလင်းခေတ်”သည် မြန်မာနိုင်ငံတွင် ပြည်သူအများစုတွေ့ကြုံနေရသည့် နိုင်ငံရေး၊ စစ်ရေးပဋိပက္ခများ၊ လူမျိုးရေး၊ဘာသာရေးပြဿနာများမှသည် တဦးချင်းစီ၏ အနာဂတ်မျှော်လင့်ချက်နှင့် ဖြစ်တည်မှုတန်ဖိုးများ ကျဆင်းလာမှုဟူသည့် အမှောင်ထုကို အတွေးအခေါ်၊ ဥာဏ်ပညာနှင့် လူထုအင်အား အသုံးပြုကာ ဖောက်ထွက်မည့် လှုပ်ရှားမှုဖြစ်သည်။ လက်ရှိဖြစ်ပေါ်နေသည့် အာဏာရှင်စနစ်၊ စစ်ဝါဒ၊ အကြမ်းဖက်ခြင်းဓလေ့စရိုက်များကို အကြမ်းမဖက်လမ်းစဉ်ဖြင့် ကုစားပြောင်းလဲသွားမည်ဖြစ်သည်။ ထို့အပြင် “အဖြူအမည်း” “ငါနဲ့မတူရင် ရန်သူ” စသဖြင့် ပြင်းထန်မာကျောသည့် ဂိုဏ်းဂဏဖွဲ့ နိုင်ငံရေးယဉ်ကျေးမှုနှင့် လူအုပ်ကြီးဓလေ့ကိုပါ ပြောင်းလဲသွားစေရန် အားစိုက်ထုတ်သွားမည်ဖြစ်သည်။ ပြည်သူလူထုအား မိမိတို့၏ ဖြစ်တည်မှုနှင့် ပြောင်းလဲသက်ရောက်နိုင်စွမ်းများကို ကိုယ်တိုင်ရှာဖွေဆန်းစစ်စေပြီး အလယ်အလတ်လမ်းဖြင့် အာဏာရှင်အား ဆန့်ကျင်တော်လှန်နိုင်စေရန် ရည်ရွယ်ပါသည်။

Freedom Fighter သည် “အလင်းခေတ်လှုပ်ရှားမှု”အပေါ် ထားရှိသော အယူအဆနှင့် မဟာဗျူဟာကို ၂၀၂၄ ခုနှစ်အတွင်း ထုတ်ပြန်သွားမည်ဖြစ်သည်။ ၎င်းမတိုင်ခင် အလင်းခေတ်လှုပ်ရှားမှုရှေ့ပြေးအနေဖြင့် အလင်းခေတ် မဂ္ဂဇင်းနှင့် အလင်းခေတ် ကေဒါသင်တန်းများကို ဖွင့်လှစ်သွားမည်ဖြစ်သည်။ “အလင်းခေတ်မဂ္ဂဇင်း”သည် ပုံမှန်သမားရိုးကျ

မီဒီယာများတွင် တွေ့မြင်ရလေ့မရှိသည့် အနာဂတ်လူ့အဖွဲ့အစည်းအတွက် ဆန်းသစ်သော စဉ်းစားချက်များ၊ သာမာန်ပြည်သူများ၏ နေ့စဉ်ဘဝမှသည် ပြောင်းလဲလုပ်ဆောင်ရန် စည်းရုံးတိုက်တွန်းမှုများကို ထည့်သွင်းသွားမည်ဖြစ်သည်။ မဂ္ဂဇင်းကို ယခုမေလတွင် စတင်ထုတ်ဝေသွားမည်ဖြစ်ပြီး သုံးလတကြိမ် ထုတ်ဝေသွားရန် စီစဉ်ထားသည်။ “အလင်းခေတ်ကေဒါသင်တန်း”များမှာမူ မူလကပြုလုပ်လျက်ရှိသည့် ကေဒါသင်တန်းများကို အဆင်မြှင့်တင်ကာ တစ်နှစ်သင်တန်းများအဖြစ် ပြောင်းလဲဖွင့်လှစ်သွားမည်ဖြစ်သည်။ အယူအဆများကို ပိုမိုနှံ့စပ်သိမြင်ကာ လူ့အဖွဲ့အစည်းကို ရေရှည်အစီအစဉ်များဖြင့် တစိုက်မတ်မတ် ပြောင်းလဲတည်ဆောက်နိုင်ရန် စိတ်ဆန္ဒထက်သန်သည့် စည်းရုံးရေးမှူများအတွက် လိုအပ်သည့်အသိပညာနှင့် လုပ်ဆောင်နိုင်စွမ်းများကို အလင်းခေတ်ကေဒါသင်တန်းမှ ပြုစုပျိုးထောင်သွားနိုင်ရန် ရည်မှန်းသည်။

ပြီးခဲ့သည့် သုံးနှစ်တာအတွင်း Freedom Fighter ၏လုပ်ဆောင်ချက်များကို အားပေးလေ့လာသူများ၊ သင်တန်းသားဟောင်းများ၊ စာမူပေးပို့ကြသူများ၊ အကြံပေးသူများနှင့် လူအား၊ ငွေအား အသွင်အမျိုးမျိုးဖြင့် ပံ့ပိုးပါဝင်ခဲ့ကြသူများအားလုံးကို အသိအမှတ်ပြုကျေးဇူးတင်ရှိကာ ဆက်လက်ပြီး Freedom Fighter Myanmar အဖွဲ့နှင့် ပူးပေါင်းပါဝင်မှုများကို အရှိန်တိုးမြှင့်လုပ်ဆောင်ကြဖို့ ဖိတ်ခေါ်ကြိုဆိုလိုက်ပါသည်။

မိဘပြည်သူများအားလုံး စိတ်ရောကိုယ်ပါ အေးချမ်းကြပါစေကြောင်း၊ အမှောင်ကိုခွင်းပြီး အလင်းခေတ်ကို ကိုယ်တိုင်ကိုယ်ကျ ပါဝင်ဖော်ဆောင်နိုင်ပါစေကြောင်း ဆုမွန်ကောင်းတောင်းလိုက်ပါသည်။

ကိုသော်ဒီ
ပြန်ကြားရေးတာဝန်ခံ
freedomfightermm@gmail.com

အလင်းခေတ် စည်းရုံးရေးမှူး ကေဒါသင်တန်း
အပါတ်စဉ် -၁

အလင်းခေတ် စည်းရုံးရေးမှူး ကေဒါသင်တန်း
အပါတ်စဉ် -၁

Freedom Fighter Myanmar- FFM အဖွဲ့အနေဖြင့် ပြီးခဲ့သည့် သုံးနှစ်အတွင်း စည်းရုံးရေးမှူး ကေဒါသင်တန်းများကို ဖွင့်လှစ်ခဲ့သည်မှာ အပါတ်စဉ် ၇ ရှိခဲ့ပါပြီ။ ယခုအခါ ပိုမိုထိရောက်သော ရေရှည်စည်းရုံးလှုပ်ရှားမှုများကို ပါဝင်ဦးဆောင်နိုင်ရန်၊ စုဖွဲ့လုပ်ဆောင်မှုပုံစံများ အားကောင်းလာစေရန် အတွက် အလင်းခေတ်စည်းရုံးရေးမှူး ကေဒါသင်တန်းအဖြစ် အဆင့်မြှင့်တင်ကာ ဖွင့်လှစ်သွားမည်ဖြစ်သည်။

အသစ်ဖွင့်လှစ်သော အလင်းခေတ် ကေဒါသင်တန်းသည် အချိန်အားဖြင့် တစ်နှစ်ကြာမြင့်မည်ဖြစ်ပြီး သင်တန်းအမျိုးအစား ၈ ခုထည့်သွင်းထားသည်။ သင်တန်းသည် FFM ၏ အလင်းခေတ်အယူအဆကို အခြေခံကာ အကြမ်းမဖက် အလယ်အလတ်လမ်းစဉ်နှင့် ဆက်နွယ်သည့် အတွေးအခေါ်များ၊ လက်တွေ့စည်းရုံးဆက်သွယ်မှုဆိုင်ရာ အတတ်ပညာများကို တပါတည်းယှဉ်တွဲလေ့လာသွားရမည်ဖြစ်သည်။

အလင်းခေတ် စည်းရုံးရေးမှူး သင်တန်းအပါတ်စဉ် ၁ တွင်

🔹Semester 1 (ဇူလိုင် - အောက်တိုဘာ ၊ ၂၀၂၄)

၁။ Nonviolence Principles and Internal Revolution - အကြမ်းမဖက်အခြေခံစံနှုန်းများနှင့် အတွင်းတော်လှန်ရေး

၂။ Political Ideology & Democracy - နိုင်ငံရေးအတွေးအခေါ်များနှင့် ဒီမိုကရေစီ

၃။ Debate Skills Training - ဒီဘိတ်အရည်အချင်း

၄။ Translation Skills Training - ဘာသာပြန်အရည်အချင်း

🔹Semester 2 (ဇန်နဝါရီ - မေ၊ ၂၀၂၅)

၅။ Communication - ဆက်သွယ်ပြောဆိုမှု

၆။ Critical Pedagogy - ဝေဖန်ဆန်းစစ် ပညာရေး

၇။ Nonviolence Mobilization - အကြမ်းမဖက် လှုံ့ဆော်စည်းရုံးခြင်း

၈။ Writing - စာရေးသားခြင်း များကို ထည့်သွင်းထားရန် စီစဉ်ထားပါသည်။

📌သင်တန်းတက်ရောက်ရန် အခြေခံရှိရမည့် အရည်အချင်းများ

▪️အကြမ်းမဖက် အလယ်အလတ်လမ်းစဉ်ကို စိတ်ပါဝင်စား လေ့လာလိုသူ၊ လက်တွေ့အသုံးချလိုသူ

▪️လူ့အဖွဲ့အစည်းအပြောင်းအလဲများကို ပါဝင်ဆောင်ရွက်ရန် စိတ်ဆန္ဒပြင်းပြသူ

▪️ရေတိုခံပြင်းမှုကြောင့်သာမဟုတ်ဘဲ ရေရှည်အပြောင်းအလဲတွင် မိမိကိုယ်တိုင် တစိုက်မတ်မတ် ပါဝင်ဆောင်ရွက်လိုသူ

▪️စာဖတ်အားကောင်းသူ (အခြေခံအင်္ဂလိပ်စာ ဖတ်နိုင်စွမ်းရှိရန် လိုအပ်သည်)

📌သင်တန်းအချိန် - အပါတ်စဉ် စနေ ၊ တနင်္ဂနွေ မနက် ၉ နာရီ - ၁၁ နာရီ (မြန်မာချိန်)

📌တပါတ်လေ့လာရမည့်အချိန် - နာရီ ၂၀

📌သင်တန်းပြုလုပ်မည့်နေရာ - Zoom Online Meeting

📌သင်တန်းကြေး - ငါးသိန်းကျပ်
(*သင်တန်းကြေး ကင်းလွတ်ခွင့် လျှောက်ထားနိုင်ပါသည်)

🔹အလင်းခေတ် ကေဒါသင်တန်းနောက်ခံအယူအဆများနှင့် စီစဉ်ထားမှုကို လေ့လာရန် (သင်တန်း Concept Note)

https://drive.google.com/file/d/1UrVyLIwqqBHs10w7dYQrh4q3_QDxXlOT/view?usp=sharing

🔹သင်တန်းလျှောက်ထားရန်ဖောင် -
https://docs.google.com/forms/d/e/1FAIpQLSfznQHYaH6HXK0FKLO8xN0Y9_dcRwZyeyDsIrYSe9jHjoOI8Q/viewform?usp=sf_link

ဖောင်ပိတ်ရက် - ဇွန် ၁၀ ရက်နေ့ ၊ ညနေ ငါးနာရီ မြန်မာချိန်

ဆန်ကာတင်ရွေးချယ်ခြင်းခံရသူများကို ဇွန်လ ၁၅-၂၅ အကြားတွင် အင်တာဗျူးခေါ်ယူသွားမည်ဖြစ်သည်။

☎️သင်တန်းနဲ့ပက်သက်ပြီး မေးမြန်းလိုသည်များရှိပါက Freedom Figther Page Message Box သို့မဟုတ် freedomfighter.yh@protonmail.com သို့ ဆက်သွယ်နိုင်ပါသည်။

#FreedomFighter
#AlinnKhit_CadreTraining

၂။ အလင်းခေတ်ကေဒါသင်တန်းအားမိတ်ဆက်ခြင်း။

Freedom Fighter Myanmar- FFM အဖွဲ့အနေဖြင့် ပြီးခဲ့သည့် သုံးနှစ်အတွင်း စည်းရုံးရေးမှူး ကေဒါသင်တန်းများကို ဖွင့်လှစ်ခဲ့သည်မှာ အပါတ်စဉ် ၇ ရှိခဲ့ပါပြီ။ ယခုအခါ ပိုမိုထိရောက်သော ရေရှည်စည်းရုံးလှုပ်ရှားမှုများကို ပါဝင်ဦးဆောင်နိုင်ရန်၊ စုဖွဲ့လုပ်ဆောင်မှုပုံစံများ အားကောင်းလာစေရန် အတွက် အလင်းခေတ်စည်းရုံးရေးမှူး ကေဒါသင်တန်းအဖြစ် အဆင့်မြှင့်တင်ကာ ဖွင့်လှစ်သွားမည်ဖြစ်သည်။ အသစ်ဖွင့်လှစ်သော အလင်းခေတ် ကေဒါသင်တန်းသည် အချိန်အားဖြင့် တစ်နှစ်ကြာမြင့်မည်ဖြစ်ပြီး သင်တန်းအမျိုးအစား ၈ ခုထည့်သွင်းထားသည်။ သင်တန်းသည် FFM ၏ အလင်းခေတ်အယူအဆကို အခြေခံကာ အကြမ်းမဖက် အလယ်အလတ်လမ်းစဉ်နှင့် ဆက်နွယ်သည့် အတွေးအခေါ်များ၊ လက်တွေ့စည်းရုံးဆက်သွယ်မှုဆိုင်ရာ အတတ်ပညာများကို တပါတည်းယှဉ်တွဲလေ့လာသွားရမည်ဖြစ်သည်။

📌အသေးစိတ်ဖတ်ရန်

https://www.facebook.com/share/p/VyXNgkjcqFbkHVqm/?mibextid=oFDknk

၃။ အလင်းခေတ်မဂ္ဂဇင်းအားပြင်ဆင်ခြင်း။

ပြီးခဲ့သည့် နွေဦးတော်လှန်ရေးသုံးနှစ်တာကာလတွင် တော်လှန်ရေးစာစဉ်အများအပြားထွက် ရှိခဲ့ကြသည်။ သိုသော်ငြားလည်း တော်လှန်ရေးစာစဉ်အများစုသည် နိုင်ငံရေးဖြစ်စဉ်ကိုသာ ဦးတည်ကြပြီး လူ့အဖွဲအစည်းကို အခြေမှ ကိုင်လှုပ်ပြောင်းလဲစေမည့် အတွေးအခေါ်နှင့် လှုပ်ရှားမှုများအကြောင်း ဆွေးနွေးမှုနည်းကြသည်။ အထူးသဖြင့် လက်နက်ကိုင်အဖွဲအစည်းနှင့် နိုင်ငံရေးဦးဆောင်အဖွဲအစည်းများ အကြောင်းကိုသာပြောဆိုကြပြီး အနာဂတ်လူ့အဖွဲအစည်းသစ်အတွက် စဉ်းစားချက်များနှင့် သာမာန်ပြည်သူများ၏ နေ့စဉ်ဘဝကျင့်ကြံမှုများကို ဆက်စပ်ရှင်းလင်းနိုင်မှု နည်းပါးလှသည်။ ဤကွက်လပ်များကို တထောင့်တနေရာမှ ဖြည့်ဆည်းနိုင်ရန် အလင်းခေတ် မဂ္ဂဇင်းကို FFM မှ မကြာမီအချိန်မှစတင်ကာ ပုံမှန်ထုတ်ဝေသွားမည်ဖြစ်သည်။

📌အသေးစိတ်ဖတ်ရန်

https://www.facebook.com/share/p/gNfeuVmuLbSSf7Vg/?mibextid=oFDknk

၄။ ပညာရေးနှင့်ပတ်သတ်သည့်သင်တန်းများပို့ချခြင်း။

ကြားကာလပညာရေးကျောင်းတစ်ကျောင်းမှ ကျောင်းသား/ကျောင်းသူများ၊ ဆရာ/ဆရာမများနှင့် တွေ့ဆုံကာ သင်ကြားရေးနှင့်ပတ်သက်သည့် ဆွေးနွေးပွဲ၊ သင်တန်းနဲ့ Workshop များ လုပ်ဆောင်ခဲ့သည်။ ကျောင်းသင်ရိုးညွှန်းတမ်းနှင့်သက်ဆိုင်သော အကြောင်းအရာများအပြင် ပညာရေးနှင့်ပတ်သတ်သည့် အယူအဆများ၊ ယခုကဲ့သို့ ခက်ခဲသောအချိန်များအားဖြတ်သန်းနိုင်ဖို လိုအပ်သည့်စိတ်ခွန်အား‌အကြောင်းများကို ဆွေးနွေးခဲ့ပါသည်။ ထို့ပြင် အပြန်အလှန်ဆွေးနွေးပြောဆိုခြင်းဖြင့် ညှိနှိင်းအဖြေရှာကြသည့် စကားဝိုင်းယဉ်ကျေးမှုကို ကျောင်းသူ/ကျောင်းသားများရင်းနှီးလာအောင် သင်ကြားမှုပုံစံအသစ်များသုံးကာ သင်တန်းများ ဖွင့်လှစ်ခဲ့သည်။

၅။ လေးမျက်နှာစကားဝိုင်းများ ကျင်းပခြင်း

Freedom Fighter အဖွဲ့သည် တော်လှန်ရေးအတွင်း ဝိဝါဒဖြစ်စရာ၊ အငြင်းပွားစရာများကို ဆွေးနွေးအဖြေရှာနိုင်ရန် လေးမျက်နှာစကားဝိုင်းများကို ပုံမှန်ပြုလုပ်ခဲ့သည်။ မေလအတွင်း၌လည်း “NUCC ပြင်ဆင်မှာလား၊ အသစ်ဖွဲ့စည်းမှာလား” ဟူသော ခေါင်းစဉ်ဖြင့် တော်လှန်ရေးကာလ နိုင်ငံရေးဦးဆောင်မှုပြဿနာကိုလည်းကောင်း၊ “ကြားကာလပညာရေး ဘယ်လိုရှေ့ဆက်ကြမလဲ”ခေါင်းစဉ်ဖြင့် လက်တလောရင်ဆိုင်နေရဲ့သည့် ပညာရေးပြဿနာကိုလည်းကောင်း လေးမျက်နှာစကားဝိုင်းများပြုလုပ်၍ ဆွေးနွေးတိုင်ပင်အဖြေရှာခဲ့ကြသည်။

📌စကားဝိုင်းမှတ်တမ်းအသံဖိုင်များနားထောင်ရန်နှင့် ဝင်ရောက်ဆွေးနွေးရန်

https://t.me/+CLlD5wR4PgEyMDc9

#Freedomfighter
#Monthlyupdates
#May

“အလင်းခေတ်မဂ္ဂဇင်း” ထွက်ပြီ

▪️Freedom Fighter အဖွဲ့သည် အလင်းခေတ်လှုပ်ရှားမှု၏ ကဏ္ဍတရပ်အနေနှင့် “အလင်းခေတ်”မဂ္ဂဇင်းကို သုံးလတစ်ကြိမ် ထုတ်ဝေမည့်အကြောင်း ရှေးမဆွကတည်းက မိတ်ဆက်အသိပေးခဲ့ပြီးဖြစ်ရာ ယခုအခါ ပထမဆုံးအကြိမ်မြောက် ထွက်ရှိလာခဲ့ပြီဖြစ်သည်။ အလင်းခေတ်မဂ္ဂဇင်းအား တော်လှန်ရေးမဂ္ဂဇင်း ဖြစ်သည်နှင့်အညီ အာဏာရှင်အားဆန့်ကျင်တော်လှန်ရေးအပြင် မြန်မာ့လူ့အဖွဲ့အစည်းတွင် ကျပ်ခိုးစွဲသလို စွဲကပ်နေသော အယူအဆဆိုးများနှင့် စနစ်ဆိုးများကိုလည်း တော်လှန်ချေဖျက်ပစ်ရန်အတွက်ရည်ရွယ်ကာ ထုတ်ဝေလိုက်ခြင်းဖြစ်သည်။ ဤမဂ္ဂဇင်းတွင် (၁) လူ့အဖွဲ့အစည်းသစ်အတွက်စဉ်းစားချက်များ (၂) ပြည်သူများ၏ အခန်းကဏ္ဍ (၃) အလယ်အလတ်လမ်းစဉ်ဟူသော အဓိကအာဘော်သုံးရပ်အား မဏ္ဍိုင်ထားကာ လွတ်လပ်မျှတသောအနာဂတ်သစ်ကို ပုံဖော်ထုဆစ်ထားသည်။

▪️“အလင်းခေတ်”သည် တော်လှန်ရေးဆိုင်ရာစာပေများအား တင်ပြထားသည်ဆိုသော်ငြားလည်း မဂ္ဂဇင်းတို့၏ အင်္ဂါရပ်နှင့်အညီ ကဗျာ၊ အက်ဆေး၊ ဝတ္ထုတို၊ ဆောင်းပါး၊ ဘာသာပြန်၊ အင်တာဗျူး စသဖြင့် သုတ၊ရသစုံလင်စွာဖြင့် အလေးအပေါ့ဟန်ချက်ညီညီ ပေါင်းစည်းတင်ပြထားခြင်းဖြစ်သည်။ အလင်းခတ်မဂ္ဂဇင်းကို ဖတ်ရှုခြင်းအားဖြင့် မြန်မာနိုင်ငံတွင် လက်ရှိဖြစ်ပွားလျှက်ရှိသော နိုင်ငံရေး၊ လူမှုရေး၊ ဘာသာရေးပဋိပက္ခများ၏ မူလဇစ်မြစ်ကို နက်နက်ရှိုင်းရှိုင်းသိမြင်နားလည်နိုင်မည်ဖြစ်သည့်အပြင် ၎င်းပဋိပက္ခများအား ကုစားရန်အတွက် အပြုတ်တိုက်လမ်းစဉ်ကဲ့သို့ လူနည်းစုသာပါဝင်နိုင်သော ထွက်ပေါက်မဲ့တလမ်းသွားဆေးမြီးတိုကုထုံးများအစား ပြည်သူလူထုတရပ်လုံးပါဝင်နိုင်သည့် အောက်ခြေမှစ ပြုပြင်ပြောင်းလဲရေးဆိုင်ရာ နည်းလမ်းများကို လက်တွေ့အသုံးချနိုင်မည်ဖြစ်သည်။

…………………………………………………………………………

စာအုပ်အမည် - “အလင်းခေတ်”မဂ္ဂဇင်း အတွဲ (၁)၊ အမှတ် (၁)

စာမျက်နှာ - ၉၂

တန်ဖိုး - အခမဲ့

ထုတ်ဝေသည့်ခုနှစ် - ၂၀၂၄ ခုနှစ် ဇူလိုင်လ

စာအုပ် download link ;

https://drive.google.com/file/d/1ZXTcypxBpBaAON6-P2PNRzW8761O95w9/view?usp=sharing

အလင်းခေတ် ကေဒါသင်တန်း : Single Module Course

“Debate To Democracy”

“ဒီဘိတ်မှသည် ဒီမိုကရေစီသို့ ”

အလင်းခေတ် ကေဒါသင်တန်းအစီအစဉ်သည် Freedom Fighter Myanmar အဖွဲ့၏ ပင်မရပ်တည်ကိုင်စွဲသည့် အကြမ်းမဖက် အလယ်အလတ်လမ်းစဉ်ကို ကျွမ်းကျင်စွာ သိမြင်နားလည်ပြီး ပြန်လည်ဖြန့်ဝေနိုင်မည့် စည်းရုံးရေးမှူးကေဒါများအဖြစ် ထွက်ပေါ်လာစေရန် ရည်ရွယ်ပါသည်။ သင်တန်းများတွင် အနာဂတ်လူ့အဖွဲ့အစည်းသစ် တည်ဆောက်ရေးအတွက် လိုအပ်မည့် အတွေးအမြင်များနှင့် လက်တွေ့လုပ်ဆောင်နိုင်စွမ်း နှစ်မျိုးစလုံး မျှတအောင် နယ်ပယ်ရှုထောင့် အမျိုးမျိုးမှ ပါဝင်သွားရန် စီစဉ်ထားသည်။

ဒီဘိတ် ဟူသည် ဒီမိုက‌ရက်တစ်ယဉ်ကျေးမှု၏ ထောက်တိုင်တစ်ခု ဖြစ်သည့်အားလျှော်စွာ မြန်မာ့လူ့အဖွဲ့အစည်းအတွင်း ရှင်သန်ပြန့်ပွားရန် လိုအပ်နေသော အရာတစ်ခုလည်း ဖြစ်ပေသည်။ ကျွန်ုပ်တို့လူ့အဖွဲ့အစည်းသည် ပြဿနာများ၊ အမြင်မတူညီမှုများအား ဒီဘိတ်နည်းနာများနှင့် အယူအဆများကို အသုံးပြု၍ ဖြေရှင်းနိုင်သော စကားဝိုင်းယဉ်ကျေးမှုများ ထွန်းကားလာရန် လိုအပ်နေပေသည်။ ထို့ပြင် ဝေဖန်နိုင်သော၊ ဝေဖန်မှုကို လက်ခံနိုင်သော ယဉ်ကျေးမှုများလည်း ယခုကာလတွင် ပို၍ လိုအပ်နေပေသည်။ ထို့ကြောင့် ယခုဖွင့်လှစ်သော Debate to Democracy သင်တန်းတွင် ဒီဘိတ်၏ အခြေခံသဘောသဘာဝ၊ အယူအဆများကို မိတ်ဆက်ပေးကာ ဒီမိုကရေစီယဉ်ကျေးမှု လက်တွေ့ကျင့်သုံးနိုင်ရန် ရည်ရွယ်ထားပါသည်။

🔹ဒီဘိတ်၏ အခန်းကဏ္ဍ

ဒီဘိတ်ဟူသည် မတူညီသော အမြင်များ၊ ရပ်တည်ချက်များကို ထိပ်တိုက်တွေ့ဆုံ ငြင်းခုံခြင်းပင်ဖြစ်သည်။ ထိုသို့ ကျေကျေလည်လည် တွေ့ဆုံငြင်းခုံခြင်းဖြင့် မလိုလားအပ်သော ပဋိပက္ခများကို ရှောင်လွှားနိုင်သည့်အပြင် ပြဿနာတစ်ရပ်ကိုလည်း ပိုမိုရှင်းလင်းစွာ ရှုမြင်နိုင်လာပေသည်။ ထိုအကျိုးကျေးဇူးတို့ကို သိမြင်သဖြင့် ဒီမိုကရေစီစနစ်ကို လက်ခံကျင့်သုံးကြသော နိုင်ငံများတွင် စာသင်ခန်းမှစ၍ လွှတ်တော်ထဲအထိ ဒီဘိတ်ကို ကျယ်ကျယ်ပြန့်ပြန့် အသုံးပြုနေကြသည်မှာ ကြာမြင့်လှပြီဖြစ်သည်။ တစ်ဦးတစ်ယောက်ချင်းစီအနေဖြင့်ကြည့်လျှင် ဒီဘိတ်သည် ယုတ္တိကျမှု၊ ကျိုးကြောင်းညီညွတ်မှု၊ သက်သေအချက်အလက် ခိုင်မာမှုတို့ကို တောင်းဆိုသည်ဖြစ်ရာ ဒီဘိတ်ကို လေ့ကျင့်ခြင်းဖြင့် စဉ်းစားဆင်ခြင်မှု အရည်အချင်းများ တိုးတက်လာနိုင်ပေသည်။ ထို့ပြင် စကားပြောဆိုရာတွင်လည်း တိကျရှင်းလင်းမှု၊ ဆွဲဆောင်နိုင်မှု စသော အရည်အချင်းများကိုလည်း တိုးတက်စေရာ ပြောဆိုဆက်ဆံရေးအရည်အချင်းများကိုလည်း အထောက်အကူဖြစ်စေနိုင်သည်။ လူ့အဖွဲ့အစည်းအနေနှင့်ကြည့်လျှင်လည်း အမြင်မတူမှုများကို ပွင့်ပွင့်လင်းလင်း ဆွေးနွေးခြင်းဖြင့် အမြင်မကြည်လင်မှုနှင့် ရန်ညှိုးဖွဲ့မှုများကို အတိုင်းအတာတစ်ခုအထိ လျော့ချနိုင်ပေမည်။ နိုင်ငံရေးစနစ်တွင်လည်း ဒီဘိတ်ကို ကျယ်ပြန့်စွာ အသုံးချခြင်းဖြင့် နိုင်ငံရေးသမားများ၏ စဉ်းစားတွေးခေါ်မှုနှင့် အရည်အချင်းကို ပြည်သူများ သိရှိလေ့လာနိုင်‌ပေမည်။

🔹သင်တန်းပုံစံ

ဤသင်တန်းတွင် ဒီဘိတ်ယဉ်ကျေးမှု၏ အခြေခံသဘောတရားများကို ဆွေးနွေးမည့်အပြင် သင်တန်းသားများကိုယ်တိုင် ဒီဘိတ်ပြုလုပ်နိုင်ရန် လက်တွေ့လေ့ကျင့်မှုများဖြင့် လေ့ကျင့်သွားမည်ဖြစ်ပါသည်။

🔹ရည်ရွယ်ချက်

▪️ဒီဘိတ်အတတ်ပညာ၏ နည်းစနစ်များနှင့် သဘောတရားများကို လေ့လာကျွမ်းကျင်၍ ကိုယ်တိုင်ဒီဘိတ်ပြုလုပ်နိုင်သူများ ပေါ်ထွက်လာနိုင်ရန်

▪️ဒီဘိတ်ယဉ်ကျေးမှုကို လက်တွေ့ကျင့်သုံးဖြန့်ဝေခြင်းဖြင့် အရပ်ဘက် လူမှုအသိုင်းအဝန်း၏ နိုင်ငံရေးတွင် ပါဝင်နိုင်မှုကို မြှင့်တင်ရန်နှင့် ဒီမိုကရက်တစ်အလေ့အထများ ထွန်းကားလာစေရန်

▪️မြန်မာ့လူမှုအဖွဲ့အစည်း၏ လက်ရှိကြုံတွေ့နေရသော ပြဿနာများအား ဒီဘိတ်ယဉ်ကျေးမှုကို အသုံးပြု၍ ဆွေးနွေးအဖြေရှာနိုင်ရန်

သင်တန်းပို့ချမည့်သူ -

ကိုမြင့်ထွန်းသည် Freedom Fighter Myanmar အဖွဲ့၏ သင်ကြားရေးတာဝန်ခံဖြစ်သည်။ ဘာသာရေးနှင့် လူမှုဝန်းကျင် ယဉ်ကျေးမှုဖြစ်စဉ်များကို စိတ်ဝင်စားလေ့လာနေသူ တစ်ဦးဖြစ်သည်။ ဒီဘိတ်သင်တန်းများ ပြုလုပ်ခြင်းနှင့် ကျောင်းသားလူငယ်များအကြား သမိုင်းဆွေးနွေးမှုများနှင့် စိတ်ပိုင်းဆိုင်ရာ တွေးခေါ်ဆင်ခြင်မှု မြှင့်တင်ရေးသင်တန်းများကို သင်ကြားဆွေးနွေးမှုများ ပြုလုပ်လျှက်ရှိသည်။

📌အချိန်စာရင်း

▪️သင်တန်းစတင်ဖွင့်လှစ်မည့်နေ့ - ဇူလိုင် ၂၁ ရက်နေ့

▪️သင်တန်းအချိန် - အပါတ်စဉ် တနင်္ဂနွေ မနက် ၁၀ နာရီမှ ၁၂ နာရီ (မြန်မာချိန်)

▪️သင်တန်းကာလ - ၉ ပါတ်

▪️သင်တန်းကြေး - အခမဲ့

📌စည်းကမ်းချက်များ

သင်တန်းချိန်များအား မပျက်မကွက် တက်ရောက်ရန်
အကြောင်းအမျိုးမျိုးကြောင့် သင်တန်းပျက်ကွက်ရပါက သက်ဆိုင်ရာ သင်တန်းတာဝန်ခံထံ အကြောင်းကြားရန်
ဒီဘိတ်လေ့ကျင့်မှုများတွင် ပါဝင်ပြောဆိုရန်

📌လျှောက်ထားရန် ( ဖောင်ပိတ်ချိန် - ဇူလိုင် ၁၆ ရက်နေ့ ညနေ ၆ နာရီ မြန်မာချိန်)

https://docs.google.com/forms/d/e/1FAIpQLSepKu48vo9RJmnOvFRzfBl0efdj-sEzAEYVc9SZ9n6qTQBiNQ/viewform?usp=sf_link

အလင်းခေတ် ကေဒါသင်တန်း : Single Module Course

“Nonviolence Principles and Internal Revolution"

"အကြမ်းမဖက် အခြေခံစံနှုန်းများနှင့် ကိုယ်တွင်းတော်လှန်ရေး”

အလင်းခေတ် ကေဒါသင်တန်းအစီအစဉ်သည် Freedom Fighter Myanmar အဖွဲ့၏ ပင်မရပ်တည်ကိုင်စွဲသော အကြမ်းမဖက် အလယ်အလတ်လမ်းစဉ်ကို ကျွမ်းကျင်စွာ သိမြင်နားလည်ပြီး ပြန်လည်ဖြန့်ဝေနိုင်မည့် စည်းရုံးရေးမှူးကေဒါများ ထွက်ပေါ်လာစေရန် ရည်ရွယ်ပါသည်။ သင်တန်းများတွင် အနာဂတ်လူ့အဖွဲ့အစည်းသစ် တည်ဆောက်ရေးအတွက် လိုအပ်မည့် အတွေးအမြင်များနှင့် လက်တွေ့လုပ်ဆောင်နိုင်စွမ်း နှစ်မျိုးစလုံး မျှတအောင် နယ်ပယ်ရှုထောင့်အမျိုးမျိုးမှ ပါဝင်သွားရန် စီစဉ်ထားသည်။

ယခု “အကြမ်းမဖက် အခြေခံစံနှုန်းများနှင့် ကိုယ်တွင်းတော်လှန်ရေး” သင်တန်းတွင်မူ အကြမ်းမဖက်လမ်းစဉ်၏ အခြေခံဖြစ်သည့် စိတ်ပိုင်းဆိုင်ရာတည်ဆောက်မှုအတွက် အယူအဆသီအိုရီများအပြင် လက်တွေ့ကျင့်ကြံ အားထုတ်မှုများကို ကိုယ်တိုင်လုပ်ဆောင် လေ့ကျင့်သွားရန် စီစဉ်ထားသည်။ အကြမ်းမဖက် ခေါင်းဆောင်များ၏ အတွေးအခေါ်များ၊ အလယ်အလတ်လမ်းစဉ်နှင့် Restorative Justice အယူအဆများကို ဆွေးနွေးသုံးသပ်ကာ တပြိုင်နက်တည်းတွင် မိမိတို့၏ ကိုယ်ပိုင်ဖြတ်သန်းမှုနှင့် အတွင်းတည်ရှိမှုအား ပြန်လည်ဆန်းစစ်သွားမည့် အလုပ်ရုံဆွေးနွေးပွဲအမျိုးအစား သင်တန်းဖြစ်သည်။

🔹ရည်ရွယ်ချက်

i) အကြမ်းမဖက်လှုပ်ရှားမှု အခြေခံအယူအဆများကို ဆန်းစစ်နားလည်နိုင်ရန် ၊ ဆက်လက်လေ့လာနိုင်ရန်

ii) မိမိကိုယ်ကို ပိုမိုသိမြင်နားလည်ပြီး အတွင်းတော်လှန်ရေးလုပ်ငန်းစဉ်များကို လေ့ကျင့်လုပ်ဆောင်နိုင်စေရန်

iii) အကြမ်းမဖက်လမ်းစဉ်အယူအဆများကို ဆက်လက်လေ့လာနိုင်ရန်နှင့် ပြန်လည်မျှဝေပေးနိုင်ရန်

သင်ကြားပို့ချမည့်သူ -

ရဲထက်သည် Freedom Fighter Myanmar အဖွဲ့၏ တည်ထောင်သူတဦးဖြစ်ပြီး လက်ရှိတွင် ဥက္ကဌရာထူးဖြင့် တာဝန်ယူထားသည်။ FFM အဖွဲ့တည်ထောက်ချိန်မှစ၍ အကြမ်းမဖက်စည်းရုံးရေးမှူးသင်တန်းများ၊ အလုပ်ရုံဆွေးနွေးပွဲများကို ပို့ချခဲ့သည်။ အကြမ်းမဖက်လူထုလှုပ်ရှားမှုဆိုင်ရာ မဟာဗျူဟာများကို တော်လှန်ရေးအစုအဖွဲ့များအား အကြံပေးလျက်ရှိသလို တော်လှန်ရေးဆိုင်ရာ ဝေဖန်သုံးသပ်စာများကိုလည်း ရေးသားလျက်ရှိသည်။

📌သင်တန်းခေါင်းစဉ်များ

၁။ မိမိကိုယ့်ကို ဆန်းစစ်ခြင်း (Self-awareness)

၂။ လူထုအင်အား (People Power)

၃။ အလယ်အလတ်လမ်းစဉ် (Middle Way)

၄။ သစ်စဂွာဟ (Satyagraha)

၅။ အကြောက်တရားမှ လွတ်မြောက်ခြင်း (Freedom From Fear)

၆။ ကုစားမှုရှေးရှုသည့် လှုပ်ရှားမှု (Healing Resistance)

၇။ တက်ကြွနိုးထ မျှော်လင့်ခြင်း (Active Hope)

၈။ ပြန်လည်ပေါင်းစည်းမှု ရှေးရှုသည့် တရားမျှတမှု ( Restorative Justice)

📌အချိန်စာရင်း

▪️သင်တန်းစတင်ဖွင့်လှစ်မည့်နေ့ - ဇူလိုင် ၂၀ ရက်နေ့

▪️သင်တန်းအချိန် - အပါတ်စဉ် စနေ မနက် ၁၀ နာရီမှ ၁၂ နာရီ (မြန်မာချိန်)

▪️သင်တန်းကာလ - ၉ ပါတ်

▪️သင်တန်းကြေး - အခမဲ့

▪️အခြေခံလိုအပ်ချက်များ

▪️အင်တာနက်ရရှိပြီး Zoom သို့ ဝင်ရောက်ဆွေးနွေးနိုင်သူဖြစ်ရမည်။
အကြမ်းမဖက်လမ်းစဉ်အပေါ် စိတ်ဝင်စားမှုနှင့် ပါဝင်ဆောင်ရွက်လိုစိတ် ထက်သန်သူဖြစ်ရမည်။

▪️လျှောက်ထားရန် ( ဖောင်ပိတ်ချိန် - ဇူလိုင် ၁၆ ရက်နေ့ ညနေ ၆ နာရီ မြန်မာချိန်)
https://docs.google.com/forms/d/e/1FAIpQLSe0woFXIGUEzE09Eyuhc8zgfgMvNVyspfcZ5-P7L-Rg6ITCXA/viewform?usp=sf_link