نخوة للنبي صلى الله عليه وآله

نخوة بالزهراء ياجد الحسين
وبكسر أضلاعها وسقط الجنين

جيت أدق بابك وأريد منك جواب
أنت باب المكرمه يوم الحساب
وبينك وبين الله ماكو من حجاب
نخوة يامولاي يابو قلب الحنين

قاسمه باللي ضلعها هشموه
ونبتت المسمار ذاك اللي أركزوه
وطيحة المحسن بقوة سقطوه
لاتخيبني والشيعة أجمعين

جيت متوسله وبيكم أعتقد
يارسول الله حبيبي المدد
بقل هو الله الواحد الأحد
على بابك جيت سيد المرسلين

يانبي الأمه بحبك للبتول
تعطي كل مهموم وهمه ليه تزول
وتشفع إلينا باليوم المهول
وتهدي البنيات وياها البنين

آه واويلاه جيت بحسرتي
حاشا تردها إليه طلبتي
وأنت باب الجود وبيدك حاجتي
قاسمه عليك بأضلاع الحسين

جيت خجلانه من كثر الطلب
بس محنتكم كبيرة للمحب
ماأعتقد بيكم تحلوا كل صعب
وأنتم طيبين الأصل يالطاهرين

يارسول الله جيت لحضرتك
رايده منك توجه نظرتك
وتعطي كل مشتاق حق زيارتك
صك لزيارة ياجد الطيبين

أشتقنا نقعد عندك بذاك الحرم
إن شاء الله بوالزهراء منك ما أنحرم
وزور بالروضه ألضلعها منهشم
ماجيت مولاي ومشتاقه من سنين

والدينا والديش إلى الجنة ونعيم الآخره

*🎤 نخوه لنبي الرحمه (ص)*

*جيت للماتم أنادي الهادي*

*يارسول الله عطني امرادي*

────⊱◈◈◈⊰────

جيت للماتم أنادي المصطفى
أصيح يالمختار ودمعي أذرفه
الفرج بيدك ومنك الشفه
يارسول الله مدينه الأيادي

────⊱◈◈◈⊰────

جيت للماتم وقلبي ملتهب
برسول الله ياربي إستجب
لا تردني ياإلهي ابها الطلب
ودمعي بخدي تشوفه بادي

────⊱◈◈◈⊰────

أندب المختار والزهره فاطمه
هالدعا يوصل إلى سابع سما
كشفوا الليله هاي الموزمه
بردي يازهره بعجل افّادي

────⊱◈◈◈⊰────

نخوه يامولاي وأنت المؤتمن
بالغريب حسين وخيّه الحسن
يارسول الله فكنه من المحن
عاين الحالي وشوف اشسادي

────⊱◈◈◈⊰────

يانبي الله الحاجه اقضوها
مرضى عدنا بالعجل شافوها
والشباب من الخطر حفظوها
تحفظ الشبان ويّه اولادي

────⊱◈◈◈⊰────

جيت أصرخ يانبي الرحمه
يارسول الله وسيْد الامه
فرج الشده ينور الظلمه
والنخاكم فايز بيوم المعادي

────⊱◈◈◈⊰────

جيت مهمومه ودمعي أهمله
أطلب الحاجه يراعي المرجله
بالذبيح الظل محد غسله
وظل ثلثة أيام ابحر الوادي

────⊱◈◈◈⊰────

أنخه الهادي وجميع الساده
كل محب يبلغ الليله امراده
ابجاه من صار الترب وساده
وبيتامى كربله وزين لعبادي

────⊱◈◈◈⊰────

*🖋️ تأليف خادمة أهل البيت ( ع )*
*🧕🏻أم محمد الخواجه صفيه التحو*
*❌ شرعاً لا اجيز حذف الإسم*

قناة أسرار الزهراء ( ع )

https://t.me/joinchat/AAAAAE-ZdXduKSDzlMq9kg

الفاتحه إلى روح والدي الحاج جاسم طاهر التحو ووالدتي الحاجه مريم التحو وأخي الدكتور أحمد التحو وجميع المؤمنين والمؤمنات

*💙 قناتي تلغرام قصائد حسينية لا أجيز حذف رابط القناة أنشر تؤجر*

https://t.me/+wo1wU4ys12M3ZGVk

توسل بالنبي

نخوة للنبي محمد صلى الله عليه و آله .
على طور ( على حسين الحزن كله على حسين )
........

نبينا نبينا
نريد مراد كلنا توسلينا
نبينا نبينا
بمحمد ننتخي يشفع إلينا
..__
محمد محمد
يا وجه الله الذي ما خاب من جاك
محمد محمد
بحب حسين وبشانه طلبناك
محمد محمد
ياقلب الرحمة يالمبسوطة يمناك
.______

بدمعنا بدمعنا
ندق الباب و الحالة عصية
وضعنا وضعنا
محتارين و الدمعة جرية
أملنا أملنا
نريد الغوث تدفع هالبلية
____
ياهادي ياهادي
حبيب الله وإلك أعلى مكانة
مرادي مرادي
همنا ينجلي و يرفع دعانا
ننادي ننادي
و حوايجنا طرحناها أمانة
____
الوسيلة الوسيلة
محمد وآله من الله الوسيلة
يشيله يشيله
هم القلب واحمالي الثقيله
دخيله دخيله
بجاه حسين و بضلع البتوله
_____

يتاما يتاما
وأنت الوالد الحاني علينا
يتاما يتاما
بقلب الزهرة جينا توسلينا
يتاما يتاما
يا جد المهدي فرج لولينا

__

دلال علي
1438
نعي لاستشهاد النبي محمد ص
....

بويه يبعد الروح خير البريه
منهو بعد عيناك ينغر عليّه
............
غايب بعد فرقاك نور المدينه
والدنيا أمست تشتكي بعدك حزينه
وجور وظلم ياحيف خيّم علينه
قبلك يليت اليوم تلفيني المنيّه
............
بعدك ينور العين حلّت مصيبه
بنتك بعد فرقاك أمست غريبه
دمعتها بالآهات عالخد سكيبه
تنحب يبو إبراهيم صبح ومسيّه
............
فوق الوجن مدرار يجري دمعها
باتت بليّا روح مدري اشوضعها
وفوق البچي والآه كسروا ضلعها
لاقت بعد عيناك جور وأذيّه
............
بس ما لفاك الموت جات الأعادي
هجمت على دارك يبعد أهلي يهادي
من هالفعل مجروح بويه فؤادي
ما راعت العدوان فينا الوصيّه
............
فوق الوجن ياحيف لطمه تجيني
وبفعلة العدوان مصيوبه عيني
وفوق الترب مطروح يبقى جنيني
محسن يبعد الروح فوق الوطيّه
............
حيدر أمير الناس فخر العباده
سيف لإله الكون رب السياده
وقوم الغدر قادوه وسفه ابنجاده
فارس بدر ينقاد والله رزيّه
.....

محمد عبدالله الحدب
المدينة المنورة
١٤٣٦/٢/٢٨هـ
◾❤️❤️❤️❤️❤️❤️❤️
نخوة للنبي
🖊
داخله دخيل على خير البشر..
بفاطمه الزهره ومحزوز النحر.
〰〰〰〰
جايه الماتم واريد الغايه..زيارة للمظلوم وارفع رايه.
وواسي الزهره مع المشايه..انا مشتاقه واعتب عالقدر.
〰〰〰
نظره يالمختار بهاي المسيه..لاترد الليله اجفوفي خليه.
تجبر الخاطر وتزيح البليه..بجاه الزهره وخدها المنسطر.
〰〰〰
جايه بهمي وقلبي منفطر..اجبر افادي مليت الصبر.
اريد هاليله ينزاح الكدر.. وتكشف اهمومي بجاه ام الخدر.
〰〰〰
اطلب امن الله ومن عندك مدد..رحمة الباري امامي والعمد.
منهظم قلبي ولاعندي جلد..تدري بالحاجه وعندك الخبر.
〰〰〰
اه بيه واه تدري بعلتي..
بوالكرم انت وعندك شكوتي.
احضرلي يامولاي وانا بحفرتي..بجاه المظلوم مهدوم القبر.
〰〰
سيدي اهل الحوايج يطلبوك..
واقفين الساع بأسمك يندبوك.
رافعين اجفوفهم جو يسألوك..
احضر للشيعه ابيوم الحشر.
〰〰〰〰
🖋ام محمد العيسى

في استشهاد النبي (ص)

 طور : على الآه يا هاجر ما صبرتي

------

*على افراق ابوالقاسم نبينا*
*ننوحاً مع الزهره الحزينه*
*على افراقك يغالي هالدمع بادي*
*على مصابك يا بوابراهيم يالهادي*
*ننوحاً مع الزهره الحزينه*

----------

على افراقك يغالي القلب مجروح
ونساعد فاطمه الزهره على النوح
ودمعنه مرهم إلها وبلسم الروح
ونعزي المرتضى والمات مذبوح

ودمعنه يهل من دم على الخد
ونواسيچ يا بضعة محمد

اوليل انهار ذايب بويه افادي
على مصابك يا بوابراهيم يالهادي
ننوحاً مع الزهره الحزينه
على افراق ابوالقاسم نبينا

----------

او ناده اعلى الوصي حامي الحميه
تدنه واسمع الهاي الوصيه
يحيدر عينك اعله الهاشميه
تراهي قرّبت مني المنيه

أوصيك يحيدر حامي الجار
عليها يشبو الحطب بالنار

وهي تصرخ يا فضه الها وتنادي
على مصابك يا بوابراهيم يالهادي
ننوحاً مع الزهره الحزينه
على افراق ابوالقاسم نبينا

----------

او مابين الحسن يودعه ولحسين 
عرق ويلي جبينه وغمض العين
وتصيح الزهره آ يمشيد الدين
يحيدر بالابو يفجعنه هالبين

ومحرابه ظل من بعده خالي
والأطفال غدت تبچي اقبالي

أومن عدها يوالي القلب صادي
على مصابك يا بوابراهيم يالهادي
ننوحاً مع الزهره الحزينه
على افراق ابوالقاسم نبينا

----------

يبوالحمله ابهيده من تغسلوه
وفي وسط القبر اشلون تخلوه
والوفّاد يسألوني ويريدوه
يبوالحمله بعجل ليه درجعوه

ماهو چان نبي الرحمه للأمه
وبعد عينه السما والدنيا ظلمه

ولجل فقده أنشرت اعلام لحدادي
على مصابك يا بوابراهيم يالهادي
ننوحاً مع الزهره الحزينه
على افراق ابوالقاسم نبينا

----------

😭💔 _*بعد ابوها*_


_*بعد ابوها .... بعد ابوها*_
_*فاطمه الزهره اهضموها ... بعد ابوها*_

✒️📚✒️________________

اه ياذيج الجلاله والشرف
والخدر ذاك المعلمه الأبد مثله ما نوصف
البيه جم نوه الهادي وانعرف
عمر ست اشهر ابابه يتله بالآيه وكف
واية اليقره اعرفوها
بعلي وفاطم فسروها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

هذا شانه بيت فاطم بلمجد
وإله تشهد كل انسها بالجلاله منفرد
وبيها هم جبريل يخدم جالعبد
والملايك فوق صاعد فوج لربوعه الكصد
والعتبته عظموها
والوية عزه ارفعوها
والعتبته عظموها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

المصطفى باب الزجيه قال بابي
والحجاب الحاط بيها كايل ابنصه احجابي
والأمر هاليغضب إلها بيه اغضابي
ولمن وصه حين موته عترتي كال وكتابي
وهالمعاني اللي وعوها
عجب بعده ضيعوها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

اه ياساعة النار اشها المصيبه
الزاجيه بالخدر جانت لن على الباب الحريبه
وبابها عالبعد يسعر بيه لهيبه
وتسمع الذاك اليهدد راحت الصوته تجيبه
وحين من خلفه اسمعوها
عمد بالباب اعصروها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

وصاحت ابحركه يحيدر ماتجيني
وابلسان الحال نادت هالعدو وصكط جنيني
وصدت الفضه ونادتها ادركيني
بالعجل سرعي تعالي وفوك صدرج سنديني
الوصي وفضه مالفوها
ايصير بالضجه نسوها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒________________

تالي فضه جات ليها كاصده
وغايبه لنها الزهره وعالتراب اموسده
والجنين الصكط جثته امدده
وشاهدت ذيج المصيبه وشاهدت ذاك السده
وصفحة الباب الثنوها
والضلوع الهشموها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

وبس توعت كالت إلها وين حيدر
جاوبتها انه يزهره شفت بيه الكوم تفتر
وشفت حبل الجتفه وامسى امسير
سمعت وكامت ابهمه لجن من الضعف تعثر
وردو إلها ولوعوها
وعينها بلطمه طفوها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

واضعفت ليها الزجيه هالمصايب
وأثرت بالجبد منها اصدوع منها الكلب ذايب
ضلت اتعالج مرضها وليه اتغالب
اووصل ذاك الحتف يومه من اثر ذيج النوايب
اووصل ذاك الحتف يومه من أثر ذيج النوايب
وحسن وحسين امن اجوها
على القبله شاهدوها

✒️📚✒️________________

بساعة التغسيل حيدر يجري دمعه
حين شاف العين حمره وشاف ذاك الضلع صدعه
وهيه جامت عنه تخفي لايفجعه
لجن ومت الغسل شاهد وانكشف هالصدر وضعه
وذكر حين الضايكوها
بالهجوم اوروعوها

*بعد ابوها .... بعد ابوها*
*فاطمه الزهره اهضموها ... بعد ابوها*

وحين ذاك الغسل كمل له بتمامه
ناده للتوديع كوموا وجاته اتحن اليتامه
الحزن وصط الكلب والدمع العلامه
وعالزجيه هوت تبجي وعالصدر طاحت ايتامه
ايدين مدت عاينوها
على اولاد الودعوها

*بعد ابوها .... بعد ابوها*
*فاطمه الزهره اهضموها ... بعد ابوها*

✒️📚✒️________________

نسالكم الدعاء وبرائة الذمه ان وجدا اخطاء اثناء نقل القصيده
خادمه لخدمة الزهره وابنائها عليهم السلام
*خادمتكم أمينه تسألكم الدعاء* 🌹🍃
لا اجيز حذف اسمي

الرادود .. السيد محمد المكي
الشاعر سماحة العلامه السيد محمد علي العلي

https://youtu.be/ZLUKBXJqaXg

ياحبيب الله 😭💔


_*وداعاً ياحبيب الله ونبيه*_
_*وداعا صاحت الزهره الزجيه*_

🔳🔻______

✅محمد يامحمد بالسلامه
عقب عينك صرت من اليتامه
عفت بين الصقور ازغر حمامه
واجه الليل وعلن ساعة ضلامه
بعدك ولا اشوف درب المشيته
قلبي امن الوداع بويه لويته
يالرايح اوياك عمري خذيته
وداعاً .... ياابو النفس الأبيه
وداعا .... صاحت الزهره الزجيه

🔳🔻______

✅يكون ايصير ويخلوني ادفنك
بنص قلبي واحس ابعيد عنك
ينبض البيه عايش وانه منك
هم مثلك فلا املنه حزنك
شيصبر الروح يالفارقتها
يالرايح اوياك جا ماخذتها
جلمةهله ليش ميته عفتها
وداعاً .... يالعفتني شلون بيه
وداعا .... صاحت الزهره الزجيه

🔳🔻______

✅يانور الله النزل ضوالي داري
عفتني بحسرتي وبروحي ناري
اموتن لو اضل حيره بقراري
برحيلك بويه اعلنت انكساري
ياوالدي وين يالدللتني
ماضل بعد حيل من فارقتني
سعفه انه بجفاك وارجف عفتني
وداعاً .... حايره وصفق بديه
وداعا .... صاحت الزهره الزجيه

🔳🔻______

يجد اولادي يالعيشني خيرك
الهوا يخنق لآن مابي عبيرك
امن افراقك يابويه ارد استجيرك
امن ادفنك ياهو ليضل عندي غيرك
مثل امك اعليك قلبي وبنينك
مومالت اوداع روحي الحنينه
يجور الزمن راح بعدك علينه
وداعاً .... وفقدك امبين عليه
وداعا .... صاحت الزهره الزجيه

🔳🔻______

وداعاً ياحبيبي وغمض العين
صفه بينك اوبيني يحكم البين
نعم اي نلتقي عند رايت الدين
بالطف نلتقي عد نحر الحسين
نحضر للحسين ونشربه الماي
اتعبنه العظام المطشره هواي
من الشمس كون انصير إله فياي
وداعاً .... نلتقي عند السبيه
وداعا .... صاحت الزهره الزجيه

🔳🔻______

نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل القصيـــــده
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي

الرادود .... مصطفى السوداني
الشاعر ... عباس هابيل الزينبي

القصيدة : يا رسول الامة
الرادود : علي الساعدي
الشاعر : تحسين الخفاجي
..........................................
تبجي المصابي . والدمعه بالعين
ولمصابك اليوم . ضل يبجي الحسين
يا رسول الامه
..........................................
جنت كل لحضه يجدي تشتم بحري
ينكطع راسي يجدي بكربله تدري
ليش كل ما باوعتلي دمعتك تجري
جنت تحس بالمثلث يوصل الظهري

كل ما شلتني . تبجي عليه
تكلهم تسحكه . عشره اعوجيه
يا رسول الامه
..........................................
أنحب وأبجي المصابك جدي خليني
طلشي من بعدك يجدي صار ياذيني
قلبي ما ينطيني أعوفك لحضه تدريني
شابك اعله النعش واصرخ جدي حاجيني

إنتَ دوه الروح . ما أكدر أنساك
والغسلك كون . غسلني وياك
يا رسول الامه
..........................................
يا قلب ليش اليفارك تكثر أحزانه
الغالي من يفكد عزيزه يروح لمجانه
صرت من بعد الجفوني ورده ذبلانه
هذا أول ميت إنتَ يبجي دفانه

يالحدر التراب . مشتاك أشوفك
أتمنى ترجع . وألزم جفوفك
يا رسول الامه
..........................................
انه من كثر المحنه حار بالملكه
والعزيز اعليه كلش لازم تشبكه
مختنك والعيني عكبك وصلت الحركه
دور بدلالي غيرك أبد ما تلكه

هالليله يا ناس . سافر حبيبي
وشلون أبطل . نوحي ونحيبي
يا رسول الامه
..........................................
انه جدي حسين إبنك صحت اريدنك
جنت أنسه همومي كلها من أشوفنك
جدي أطيح اعليك مره ومره ألزمنك
مثل ما أنتَ تشمني كمت أشمنك

هوَ يجي الليل . وتمر صورهم
اشكد ورى الباب . كمت أنتظرهم
يا رسول الامه
..........................................

فاركتني 😭💔


_*فارقتني ياغالي فارقتني*_
_*شيبتني الليالي شيبتني*_
_*شقد عثرت ابخيالي من عفتني*_
_*من عفتني ...... من عفتني*_

🔶🔻______

أفإن مات محمد ترجع ايام الجهل
صرح القران بيها والأمر هذا حصل
الدنيه وقفت كلها ضدي جني مو خير العمل
لو يشيل اهمومي يذبل ينكسر ظهر الجبل
ماكو ناصر نصرني .. ماكو ناصر
دهري غادر كسرني ..دهري غادر
حتى صبري هجرني من عفتني
من عفتني ...... من عفتني

🔶🔻______

هذي اول صدمه جانت حقي ياطاها انسلب
اجمع القران أني وغيري يجمع بالحطب
القاضي كل ايامه شرده يحرق البابي وثب
احترقت اجفوف الزجيه من جمر ذلك اللهب
يزطه يضرب اديها .. سوطه يضرب
دمعتي اتصب عليها .. دمعتي اتصب
وبذني اسمع بجيها من عفتني
من عفتني ....... من عفتني

🔶🔻______

ابداري شفت النار هجمت تحرق ابجنة عدن
الباب صارت جمر يجوي وطاحت اعله ام الحسن
احترقت امتون الزجيه والضلوع اتكسرن
الحسن شال الباب عنها يبجي واجفوفه انجون
حسين شفته اجاها .. حسين شفته
يبجي سكته ضناها .. يبجي سكته
فوق التراب لقاها من عفتني
من عفتني .... من عفتني

🔶🔻______

لزم اصفاحي بديه امدنك ومحني الظهر
واسمعت كسرةضلعها بذني ياخير البشر
صاحت الحقلي يبويه ضلعي بالباب انكسر
عقب عينك عيني شافت فاطمه خدها انسطر
عذبوها الزجيه .. عذبوها
جتفوها اديه .. جتفوها
مارعتنه الرعيه من عفتني
من عفتني ...... من عفتني

🔶🔻______

يامحمد من غيابك الدهر عايش غريب
البير شيب من سوالف قلبي ماعندي صحيب
ومنعوا اعليك الزجيه تبجي واتديم النحيب
لا فدك لا حرمه ظلت عدنه بعدك يالحبيب
ابوجهي واضح عذابي .. ابوجهي واضح
دمعي شارح مصابي .. دمعي شارح
من غيابك غيابي .. من عفتني
من عفتني ....... من عفتني

🔶🔻______

نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل القصيـــــده
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي

الرادود .... محمد الجنامي
الشاعر ... علاء عبد الحسين الكربلائي

القصيدة : ليتني
الرادود : حمزة ملا علي
الشاعر : علي البحراني
----
ليتني.. عند مثوى المصطفى.. أحفرُ القبرَ
ليتني.. عند بيت المرتضى احرسُ الزهرا
واويلاه.. ثم واويلاه ٦
----
لو چنت حاضر يشيعي بهالقضية
تروح للمختار لو بنته الزچيه
اهناك جثمان النبي وحده رميه
القوم عافوا بالدفن خير البريه
اهناك فاطم جالسه بدمعة جريه
والعدا تهجم عليها بكل أذيه

حيدرُ.. هل يواري نعشهُ.. أم يواسيها؟
حيدرٌ.. فوض الأمر إلى حكم باريها
سيفُ الدين.. حار في مثواه
واويلاه ثم واويلاه
---
واويلاه.. ثم واويلاه ٦
---
آنا أتمنى أحضرت طه محمد
ساعة التشييع أحمل نعشه واصعد
وأمشي خلف جنازته والدمعة بالخد
واحظى ياناس بشرف تشييع أحمد
ما أخلي المرتضى والباري يشهد
كالغريب اويا النعش ماعنده مقصد

هكذا.. يحملُ النعشَ الحوى.. المصحفَ الطاهر
هكذا.. وعليٌ حائرٌ دونما ناصر
والأرواح.. بالأسى تنعاه
واويلاه.. ثم واويلاه
----
وآنا أتمنى احضرت دار أم أبوها
أدفع العدوان لمن يعصروها
أمسك اسياط العدا لا يضربوها
وأنزع المسمار بس لا يسقطوها
هذي بنت المصطفى وايعذبوها
آنا ماعندي وصيه لو اجوها

فاطمٌ.. سرُّ قلبِ المصطفى.. والهدى الأكبر
فاطمٌ.. كيف ترمي حملها ولمَ تُعصَر؟
بالآلام.. تشتكي لله
واويلاه.. ثم واويلاه
----
واويلاه.. ثم واويلاه ٦
-----
كان حاضر نفترض صاحب الغيبة
شنهو يفعل سيدي بهذي المصيبة
يساعد الكرار بالجثة الغريبة
لو يطفي النار بالدار اللهيبة
يترك الهادي ولا واحد يجيبه
لو يخلي الزهرا ملطومة وصويبه

سيدي.. هل تُلاقي المصطفى.. حالهُ يُحزن
سيدي.. أم تُلاقي فاطمة تُسقِطُ المحسن
خلفَ الباب.. جدُّه ناداه
واويلاه.. ثم واويلاه
----
واويلاه.. ثم واويلاه ٦
----
آنا شيعي واعتبر هذا جوابي
باب دار أم الحسن يا شيعة بابي
كان أحضر فاطمة والها عذابي
حتى وي دم الطفل يجري خضابي
اشلون من عاف النبي اسمه صحابي
فاطمة يبقى لمصيبتها مصابي

جرحُنا.. من مآسي فاطمٍ.. بينَ جنبيها
جرحُنا من سوادٍ داكنٍ فوق خدّيها
يومُ الدار.. كيف لي أنساه
واويلاه.. ثم واويلاه
---
واويلاه.. ثم واويلاه ٦
----

https://youtu.be/jDio6pccYHU?si=BAeGpDGheUMxYpVS

القصيدة: رايح وَين
الرادود: محمد الجنامي
الشاعر: فاضل مقدم
~~~~
ليل افراگ ياذيني
اتهاجر ليش حاچيني
رايح وين دليني .. يالغالي

ليلة وداعك يا حبيبي و ما نشف دمعي
لا لا تخليني غريبه و بالحزن انعي
~~~~~~~~~
✅من وحي الدمع والنوح/ الدنيا اختنگت ابعبره
على افراش الأجل طٰه و (يمه فاطمه الزهره)٢
⬆️~تشوفه اينازع ابروحه: وحيل اوصافه متغيره
تدري الليله والدها يخلص بالحزن عمره

محتاره و غريبه
تجرحها المصيبه
للوالد كئيبه٢

سهم الموت يرميها
ابغربه و نار يخليها
و المظلوم يدريها .. مظلومه

سهم الموت يرميها
ابغربه و نار يخليها
و المظلوم يدريها .. مظلومه


و اتنادي حگي من حنيني يختلف وضعي
لا لا تخليني غريبه و بالحزن انعي
~~~~~~~~~
✅تگله مهجتي ذابت يبويه وذابت اشموعي
افتح عينك بعيني وسكن خوفتي وروعي
⬆️أمسح بيدي ادموعك وانت تمسح ادموعي
و انا بس انظر عيونك وأنت تعاين اضلوعي

حاچيني ابحنينك
تربي الظلعي عينك
من فدوه السنينك٢

شوف الباب جدامك
تكثر ليش الآمك
احچي شصار لايامك .. يالهادي

حس گلبي من عظم الفجيعه و ظل إلك يدعي
لا لا تخليني غريبه و بالحزن انعي
~~~~~~~~~
✅لزم ايد الطهر بيده رسول الله ويحاچيها
يگلها الليله اودعنچ وقصة حزن ارويها
السبب من انظر اضلوعچ يبويه وچنت اصد ليها
خلف الباب تتكسر يا فاطمه ادريها

وربسمار الفجيعه
ابضلعچ يالوديعه
ياعظم الفجيعه

باب الدار ايدفعونه
والكرار يچتفونه
والمحسن ايسگطونه .. بالعتبه

لو طب عليچ ابن الدعيه استرجعي و رجعي
لا لا تخليني غريبه و بالحزن انعي
~~~~~~~~~
وأخبرچ يالوديعه اليوم وأدري تهمل عيونچ
الصحبه الظلموا الكرار يافاطمه ايظلمونچ
يبويه بسوطهم تدرين يهجمون ويضربونچ
ونص وجهچ يصير ازرگ لون بويه يسطرونچ

عالعتبه تطيحين
ويا فضه تصيحين
و لاطفالچ تنوحين

زينب نار تچويها
يم حسين خليها
باچر ضيم يلفيها .. بوداعج

عگبچ تظل بين النهر بين الخيم تسعي
لا لا تخليني غريبه و بالحزن انعي
~~~~~~~~~
يبويه الحسره والونه الزينب والهضم والنوح
عگب عينچ غريبه تصير و تظل دنياها بس اجروح
اشد موقف بطف الموت يوم العاشر من تروح
للتل والعزيز حسين تشوفه اعله الأرض مذبوح

اتنادي وتدمع العين
طايح يالولي وين
وعله وجه الثرى حسين

دمه ايسيل من نحره
حافر خيل وبصدره
روحي هناك يالزهره .. لأيتامچ

گعدي ابكتر جسم الولي والونته اسمعي
لا لا تخليني غريبه و بالحزن انعي
~~~~~~~~~

https://youtu.be/2ADCOUdz4N8

في وداع نبي الرحمة
على طور ( فاطمة أرضي عليا للرادود محمد الجنامي).

يارسول الله المسيه ..أنعى والدمعة جريه
ويا كل دمعه أنادي ..نظرة بالرحمه عليا
ةةة◼◼◼◼◼
الدمع مني جرى ..بهمومي حايرة
ذنوبي الثّقلت كفه الميزان
أهيم بعلتي ..ما تهدأ ونتي
نظرة لقبتك هي دوا اللهفان

وقفت الليلة بذنوبي على بابك
يا باب الرحمه فاجعني مصابك
وغفران الذنب يبدأ بجوابك وعلى بابك ..على بابك

يا نبي الرحمه نخيتك ..وبقلب مكسور أجيتك
بالزجية توسليتك ..أنت بس ترضى عليا
◼◼◼◼◼
رسول الله بحزن .. على فراشه يون
يعاين مهجة الروح الحزينة
بمشاعر هايمة ..عيوني فاطمة
بعد عيني تضيعي يالأمينة

أنا وصيت بالقُربى يا زهراء
بمودتهم أجيتي بعين حمراء
يتيمة وثاكلة وبالقلب جمرة يا زهراء ..يا زهراء

والمودة ما رعوها ..وعلى العين لطموها
أسخطوها واضربوها ..وأسخطوا رب البريه
◼◼◼◼◼
ضوا عيوني علي ...ومن بعدي الولي
بعد تدري يجرونك بالحبال
وبابك ينحرق ..على فاطم ينصفق
ويسقط محسن معفر بالرمال

بعد قلي شا أشد يا داحي الباب
تنظر فاطمة تدافع عالحجاب
لو تنظر حسين بحرّ التراب بلا ثياب.. بلا ثياب

يا علي شا أعظم مصيبة ..ما تدافع عالنجيبة
وزينبك تبقى غريبة ..والحسين على الوطيه
◼◼◼◼◼
وحبيبي الحسن ..جِرع مُرّ الزمن
سم او ظلم وبقبره اونين
وزينب يا علي ..تظل أبلا ولي
تشوف الأعوجية تدوس الحسين

يعاين زينب ودمعه يتهامى
ويرسم صورة مجروحه بكلامه
خيام محرّقة وفرت يتامى يتامى ..يتامى

زينب الحُرّة الأبية ..والعقيلة الهاشمية
يركبوها عالمطية ..وتدخل المجلس سبيه

🖋هبة الغاوي

على محمد واويلاه
على محمد واويلاه


هالليلة حيدر دمعته تسيل
عنه محمد قَرَّر يشيل
بالموت كُون يصير تبديل
عاف الحياة ومات وياه

*****************

أذّن المُوتَك صوت الآذان
قرآن راح وباقي قرآن
والزهره نصبت بيت الاحزان
والمثلك انت شلون تنساه

*****************

غابت شمس رب السماوات
سمعت محمد عالأرض مات
هيهات مثله يصير هيهات
رب العرش من نور سوّاه

*****************

والزهره صاحت يا ضِوَه العين
بُويه المِنيّة جَتّك منين
بعدك يغالي الحسن وحسين
أسود عليهم يوم فرقاه

*****************

هالليلة قلب حسين مجروح
من جسمه تطلع رادت الروح
من بعد جَدّه يموت مذبوح
وأملاك رب الكون تنعاه

*****************

والله الزمن بالناصب يدور
مشايه لازم نعتني نزور
يمَّك نقيم أحزان عاشور
ونصيح لك دربك مشيناه

*****************

أُوصَل لَك ورايَة علي وياي
شيعي وأغيض عداك وعداي
وياي يمشي المهدي مشاي
كل ما ندير الوجه نلقاه

*****************

هذا الزمن بالمهدي موعود
قائدنه واحنه شيعته جنود
ويانه يمشي ندري موجود
كل شيعي يدعي بفرج مولاه

*****************
علمنا حيدر هذا الإحساس
شيعة بنصرنا تفخر الناس
مرجعنا يبقى رفعة الراس
فتوة محمد هاي فتواه

الشاعر ناظم الحاشي

لحظة احتضار رسول الله الأعظم محمد صلى الله عليه و آله*
الطور *" اسمع عتابي "*
الشيخ علي البيابي

▪️▫️▪️▫️▪️▫️▪️▫️▪️▫️

يِرْشَح جَبِينَه - و مَدّد إِيْدينَه
رَاحِل نَبِينَه - و فَاطِم تِنُظْرَه

أَصْبَح يِنَازِع - يِجْرِي المَدَامِع
و بُو إِحْسِين إِيْطَالِع - و رَاسِه في حِجْرَه

سَاكِت بَلَا صوت - بِيْخَلِّي لِبْيُوت
اِلْغَالِي بِيْمُوت - لِمْصِيبَه كُبْرَه

رُوحُه بِتِطْلَع - شَايِل مَيِرْجَع
قَلْبَه تِقَطَّع - و الحَالَه قَشْرَه

*و إذا بالزهراء تخاطبه و هو ينازع* :

سَلِّم عَلَى أُمِّي - يَا بُويَه و أُمِّي
مِنْ صُغْرِي يِتْمِي - و الفَرْقَه مُرَّه

في دَاعَةَ اللَّه - أَمَّنْتُك اللَّه
يَا رَحْمَةَ اللَّه - حَسّرَه إِعْلَى حَسّرَه

▪️▫️▪️▫️▪️▫️▪️▫️▪️▫️

🖋️ *حليمة الأحمد*
" لا أجيز حذف الإسم أو تغييره أو طباعة القصيدة لبيعها "
( *الفاتحة لروح المرحوم خادم الحسين ملا محمد الأحمد و المرحومة خادمة الحسين الملاية بنت علي القمارة*).
٢٤ / ٢/ ١٤٤٣

‏https://t.me/joinchat/AAAAAFDAAyYeRRAqIgNiAA

||⚫️عنج غفن⚫️||



طور ملا عمار الكناني
يافاطمه يم الحسن
.
.
.

✅يافاطمه يم الحسن. اعيون النبي عنج غفن
دمعج ولا يبطل بعد. وراحن لياليج الصفن
———
يا طه بس من غمضت. بنتك تره ايطردونها
تسكن بعد دار الحزن. وابوابك ايسدونها
قالوا يأذينه البجي. ويحرقنه جمر اعيونها
بعدك ترى ام الحسن. باحقاد وايلوعونها

يافاطمه غاب القمر. ظلمه بعد كل العمر
حيدر علي لاجله يون. ابنص الگلب أَشعل جمر
———

✅يالهادي لو تدري اشجره. وتنظرهم ايشتمونها
بسياط غاليتك تره. اصحابك ايضربونها
ابعتبتها لموه الحطب. بالنار وايشعلونها
ولدارها اتعنوا غصب مقصدهم ايدخلونها

وابلا حجاب ام الحسن. دخلوه غصب ابلا اذن
بباب احتمت تطلب ستر . وهبت اعاصير الحزن
———-

✅لاذت ورا الباب احتمت. ياويلي بس عصررها
مسمار نِبْتوا بالصدر. واضلوها كسروها
بالباب عصروها ووسف . لاجنينها سقطوها
هذي الوديعه فاطمه. نهر الفرج يدروها

مصحف محمد فاطمه. كوثر يطفي الحاطمه
عگبك تراها يالنبي. دمعتها ظلت ساجمه
———-

✅ياطه بس انت رحت اوصيتك گطعوها
جثتك بگت عالمغتسل. ماهمهم وعافوها
ظلت ثلاثه امدده ولاحنوا ودفنوها
رفضوا ولاية حيدره. وبكل سبل منعوها

رحت وبعد شمسك طفت. وايامك الحلوه جفت
ضگتي المرار اويه الكدر . من والدج عينه غفت
————

طور القصيده:
https://youtu.be/G1ZRW110664


تمت بحمد الله تعالی
بقلم : بنت الشمري

✅حسين خليني اعله بابك غير بابك ما ادگ
انه بس وياک احسن ينعرف معنى العشگ
كون مو لجلک عليمن گلي گلبي يحترگ
اه يا دگات گلبي حسين اسمعه من يدگ


يا ابا عبدالله ... يا ابا عبدالله
حُــــــــســـين


من ادگن باب خير واعتنيله بحاجتي
انه اعرف ما يردني لون يسمع قصتي
ماابيعن ماي وجهي ولا اصبن دمعتي
اله يحسين اعله بابک كون اطلع حرگتي


يا ابا عبدالله ... يا ابا عبدالله
حُــــــــســـين


✅حسين كلي ذنوب اجيت ابمجلسک خليني اطب
كون ما تلزمني ايدک يعني اضيعن با الدرب
حسين دليني اعله بيتك وين مجلس منصب
ارد اطهر گلبي يمك بيدگ اطهر الگلب


يا ابا عبدالله ... يا ابا عبدالله
حُــــــــســـين


✅يا حبيب الماكو مثلک ساعة الوحشة ونس
من اجيبن طاري اسمك والله ترتاح النفس
يلچم كالساع گلبي بكربلاء لمن يحس
انته عرش الله مچانک ليش نايم بالشمس


يا ابا عبدالله ... يا ابا عبدالله
حُــــــــســـين


حسين بالفطره عرفته لا دراسه ولا علم
وانختم اسمه اعله گلبي وگلي شيزيح الختم
حسين منطيني كرامه وجاه منطيني واسم
يقدروني بالمجالس من اطبن وانخدم


اللهم صل على محمد وآل محمد

لطمية على النبي محمد ص طوررايح الغالي ▪

من يواسيني
من يعزيني نبياه
رايح الغالي
عزي ودلالي نبياه
💔💔💔
فاطمة نصبت عزاها بدار الاحزان
بعد موتك يانبينا اشعلوا النيران
عصروا الزهراء البتوله ودمها غدران
رايح الوالي
من هو يبرى لي
نبياه
💔💔💔
آه يانور المدينة اظلم الكون
عرش الله تزلزل وبكت لعيون
وفاطمة الزهراء تنادي بقلب محزون
بوية يامسموم
يا بحر العلوم
نبياه
💔💔💔
ضجة الاملاك يانور المدينة
سيد الكونين رايح من ايدينة
بعدك العدوان تتهجم علينا
انفطر قلبي
ما ادل دربي
نبياه
💔💔💔
تهجم عليّ القوم بوية بعد موتك
والمنابر خالية وتظلم بيوتك
رايح الجنة ياطه وغاب صوتك
شوف احوالي
تسقط الغالي
نبياه
💔💔💔
اني من بعدك يابوي يضربوني
داري وجوها بنار وروعوني
وقيدوا الكرارحيدر وانا شتموني
قوم عن لتراب
شوف خدي انصاب
نبياه
💔💔💔
شيعوا المختار الحلو الجهامه
فوق نعشه ياعلي حط لعمامه
وانا مفجوعه وتبكيه اليتامه
للقبر لا تروح
القلب مجروح
نبياه
💔💔💔
✍ام وعد
١٤٤١/٢/١٥
مأجورين
نسألكم الدعاء
لااجيزحذف الاسم
أو التغيير
………….


( ثوبان) شخصية من عشاق النبي محمد

🏴🏴🏴🏴🏴🏴🏴🏴🏴
😭😭😭😭😭😭😭😭😭
لطميه ( فاطمه يافاطمه ) لذكرى استشهاد مولاتنا الزهراء سلام الله عليها ✋
للحاج ملا 🎤 باسم الكربلائي
للشاعر / علي الخفاجي
◾️◾️◾️◾️◾️◾️◾️◾️◾️
والله لو نجري مدامعنا دماااا
ابد ماننسى مصيبة فاطمه ااا
فاطمه يافاطمه _ فاطمه يافاطمه _ فاطمه يافاطمه 2
◾️◾️◾️◾️◾️◾️◾️◾️◾️
هذا صوت امن الضماير يرتفع
يسأل التاريخ عن كسر الضلع 2
نبجي لمصاب البتول ابيا دمع 2
هاي نار وبالجوانح مضرمه
◾️◾️◾️◾️◾️◾️◾️◾️◾️
أشما تدور الدنيا ويمر الزمن 2
انصيح صيحة حيدر ابوجه الفتن 2
من خدمنا الزهره فصلنا الچفن 2
ثار نطلبها العصابه المجرمه 2
◾️◾️◾️◾️◾️◾️◾️◾️◾️
ننشد اصحاب المبادئ والعقووول
والضمير الطاهر الحر اشيگووول
اشلون زمره صوبت ضلع البتووول 4
مدت اچفوف الخيانه الآثمه ااا 2
◾️◾️◾️◾️◾️◾️◾️◾️◾️
قدمينا ارگابنا ونشعر قليييل
بالضلع متسعره نار المستحيييل 2
نسحگ الدنيا لو بينا تعيل 4
نبقى احرار وعمرنا انقدمه 2
◾️◾️◾️◾️◾️◾️◾️◾️◾️
نسأل المحجوب وانريد الجواااب 2
امل عدنا ايعود من بعد الغياااب 2
يامصاب الأشد من هذا المصاااب 2
كسر ضلع امه الزجيه ايألمه ااا
◾️◾️◾️◾️◾️◾️◾️◾️◾️
للمنايه اجروح عدنا تبتسم 2
عالطغاة اتثور لمن تنلجم 2
نكتب احروف الشهاده اعله النجم 2
وبدمانا انخوض اكبر ملحمه 2
◾️◾️◾️◾️◾️◾️◾️◾️◾️
احنا ماعشنا ابد مثل العبييد 4
1ماتنام اعيونا ولحظه تهيييد 2
بينا صوت ايصيح حي اعله الشهيييد 4
علگينا اوسامنا ابصدر السماااا 2
◾️◾️◾️◾️◾️◾️◾️◾️◾️
شيعه احنا وماتغيرنا السنييين 3
لو تگطعنا البواتر مانلييين 2
نكتب آيات المجد فوگ الجبييين 2
للشهاده انروح دفعاً سالمه ااا 2
◾️◾️◾️◾️◾️◾️◾️◾️◾️
نقلته لكم بمجهودها وتعبها / خادمة اهل البيت 🎤 ام محمد البخيتان ❤️
لا اجيز حذف اسمي من مكانه 🚫🚫
نسألكم الدعاء احبتي 🤲🤲

#حصريا 🔥💔😭

نعي خروج السيده زينب من كربلاء الى المدينه

اخت وتريد توادع اخوها شلون تودعه وترجع للديار الخاليه لرض المدينه شلون حالها 💔💔💔
كعدت يم الكبر وصاااااحت


يخويه مودع الله اليوم ماشين
ماتكعد تكوم ويانه يحسين
لرض المدينه تردنه يحنين

•───✧◐◐✧───•

يحسين خويه كوم ليه
لبيوتنه نرجع سويـه
وترجع ليالينه الزهيه

•───✧◐◐✧───•

حملي ثجيل يريد والي
وانتم على الغبره الغوالي
واختكم نحيله وهذا حالي

•───✧◐◐✧───•

ثلث تيام يمك ماشفتنـي
ولا كلت هايه عمت ابنـي
حنينه اخيتي وجايـتنـي

•───✧◐◐✧───•

دربنه طويل يريد شجعان
وانتم صفيتو حدر تربان
واختكم ترد والحيل تعبان

•───✧◐◐✧───•

شينسه عشرتي اويه العزيزين
ياروحي موتي ولا تظليـن
عليهم يكون اعميچ ياعين

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

لطمية لرجوع السبايا الى ديار الامام الحسين عليه السلام على طور بالعباس احلفنك يالحسين (اجيت اتسامر اوياكم)


اجيت اتسامر اوياكم     يالاحنان
وگلبي ايريد ملگاكم     يالاحنان


اجيت الداركم يهل الحميه
لنهه امكدره وظلمه وخليه
چانت عامره وبيكم زهيه
ماواحد گعد ينشد عليه
منكم ماردت كلشي     يالاحنان
اشوف اوجوهكم وامشي     يالاحنان
يگضي الحيل فرگاكم     يالاحنان
گلبي ايريد ملگاكم     يالاحنان


ماينراد فرگاكم گضاني
چنت بجالكم مرفوع شاني
تالي البين دولبني وسباني
اخذكم من اديه وماخذاني
ضل ديوانكم خالي     يالاحنان
چان بصيتكم عالي     يالاحنان
وين البين وداكم     يالاحنان
گلبي يريد ملگاكم     يالاحنان


وين البين وده ارسومكم وين
مشتاگ الگلب وتفرفح العين
هاي الدار ضلت بس حياطين
مو شهرين مرن چنهن اسنين
كل ضيم الدهر شفته      يالاحنان
كون بكربله ميته     يالاحنان
عدله اشلون بجفاكم     يالاحنان
گلبي يريد ملگاكم     يالاحنان


عدله اشلون مدري اشلون عدله
حملت المابشر يگدر يحمله
جمره اصوابكم بضلوعي خله
عنكم لو نشد وافد شگله
بالتربان شو نمتو     يالاحنان
اعاتبكم ولاگمتو     يالاحنان
ماارهم بلياكم     يالاحنان
گلبي ايريد ملگاكم     يالاحنان


ماارهم بلياكم تعرفون
ياريع الگلب ياشوف العيون
اجو خطاركم عنكم ينشدون
چا شحچي وشگلهم ترسو الكون
بالميدان والحومه      يالاحنان
عفت اهل الشيم نومه      يالاحنان
بالطف ضيعناكم     يالاحنان
وگلبي يريد ملگاكم     يالاحنان


✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر

قصيده لرجوع الى الديار
تقرأ فزاعيه رباط هوسه
ــــــــــــــــــــــــــــــــــــــــــــــ ــــــــــــــ
المستهل 👇👇👇

يادار المحنه /اليـــوم رديـــــنه
عفنه اخوانه وبالدمعه هالجينه
ــــــــــــــــــــــــــــــــــــــــــــــ
يــــادار الاهل رديـــنه بهموم
وياي عليل بس مايگدر يكوم
گومي عاونيني يختي كلثوم

(ها يابت امي /سنديني)
ــــــــــــــــــــــــــــــــــــــــــــــ
سنديني اطبن دار الحسين
ترى خلصان حيلي راح الحنين
ماتنشف عليه يادمعة العين

(يدموع عيوني / هماله)
ــــــــــــــــــــــــــــــــــــــــــــــ
اجت ام البنين تصيـــح ويلي
رديتي وحيده يــــمه دحجيلي
اخوانج ليش ماردو دحاجيــني

( من دون اخوانج/ رديتي)
ــــــــــــــــــــــــــــــــــــــــــــــ ــــــــــــــ
رديتي غريبه بدون وليـــــان
وين حسين وينه گمر عدنان
ادريـــهم اولادي كلش حنان

(وحيده شلون /يخلونج)
ــــــــــــــــــــــــــــــــــــــــــــــ ــــــــــــــ
شحجيلج ييمه حيـــــل مابيه
فارگت اخوتي وسموني مسبيه
اجيت الدارهم والعين معميه

(معميه عليهم /يعيوني)
ــــــــــــــــــــــــــــــــــــــــــــــ ــــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

قصيدة لرجوع السيدة زينب للمدينة ولقائها مع ام البنين عليهما السلام


يمة يازينب انشدچ    ياضــوة العـين

 شغير رسومچ ييمة    وماهو الحسين

عباس واخوانة اربعتهم    وفوا حليب الرضعتهم

--------------------------------------------------
احســــــين كَليلي اعلى حالة يالعـقيلة

تچوي الكَلب عدچ احــس ونة ثجيلة

بعيــــــونچ ايبات الســهر ما نمتي ليلة

شنهي الجرالة وسفرتة صارت طويلة

ظنيت وياكم اشوفة    واتنة الظعون

فركَاه تجرحلي دليلي    وتاخذ عيون

الحيود شنهي سالفتهم   وفوا حليب الرضعتهم

------------------------------------------------ 

شحچيلچ وابدي يطــــيبة ابيا مصــــيبة

العباس ما ظاكَ العــــذب طاهر حليبــــة 

كل اخوتي انچتلوا ظلم وانة غريــــــبة

وظليت مكسورة جنح صرت السليبة

بحبال مچتوفة واحشم   ويـن الاخوان

حادينا چتال اخـوتي   وحراس عدوان

عالغبرة اخوتي عايفتهم   وفواحليب الرضعتهم

------------------------------------------------ 

ربيــــت واسهرت اللــيالي اجر ليالي

يايمة ابن ام الحــــــسن تدرون غالي

يولادي توفــــون الربة چان ابتـــهالي

وافوا اخيهم مانســوا تعبي ودلالي

فدوة كَليـلي ييـمة   بكربلة اشصار

ماشفت طول العزيز   ابكَلبي النـار

اولادي كلهم فاديتهم    وفوا حليب الرضعتهم 

------------------------------------------------ 

يم الوفــة ما كَصــــروا ولـدچ يحــــرة 

هالكَد حليبچ بي وفة وعيــــون حمرة

العباس كافل محمــــلي مكَطوع نحرة

شحچيلچ حسينچ بقى مكسور ظهرة

تدرين ياكــل بالكَلب   يافكَد الاحــباب

وفراكَ خواني سهم   لب الكَلب صاب

واحد الواحد ودعتهم    وفوا حليب الرضعتهم 

------------------------------------------------ 

للدار طبيـــــتي ودليلي اعليچ مفجـوع

محفور بخــــدودچ شفت انهار الدموع

شفت القميص ادوهنت اشلون منزوع

آثــــار بي دم ولحــــم وتكسر اظــــلوع

اشلون داســــتة الحوافر   وين الاولاد

چا موش كَلتهم اخوكم    لب الفــــواد

لحسين كلهم ناذرتهم    وفوا حليب الرضعتهم 

------------------------------------------------ 

خافن تموتين من سولف شنهي وضعة

سهم البچــــبدة تحـيرت اشلون اطلعة

الخيل تـســحكَ عالصدر ويون اسمعة

ابن امي فاركَتة وبـــــقى بالعين دمعة

ودعتة وانة اعلى الهزل  والعين حمرة

والراس مرفــوع برمح   مكَطوع نحرة

مسبية اخوتي مفاركَتهم    وفوا حليب الرضعتهم

------------------------------------------------ 


أسألكم الدعاء    رائد الاسدي

لطمية لرجوع السبايا الى المدينة ( وين الاحباب )


وين الاحباب يزينب وين الاحباب
ليش رديتي وحيده ... لاحسين ولاعضيده
وين الاحباب يزينب وين الاحباب


رحتي وياهم اميره امخدره
تالي ماتالي رجعتي اميسره
وين ابو السجاد روح الطاهره
وين ليث الكون سبع الگنطره
گومچ عباس بيده ... لاحسين ولاعضيده
وين الاحباب يزينب وين الاحباب


گومچ عباس بيده الكربله
گال ترحين وتجين امدلله
ليش مهضومه رجعتي وناحله
والمحامل والهوادج مايله
ونتچ ونه شديده ... لاحسين ولاعضيده
وين الاحباب يزينب وين الاحباب


كلهه لوعات ومصايب ونتچ
وين خدرچ والدلال وهيبتچ
واگفه اعله الباب تهمل دمعتچ
والعليله اتنوح طلعت شافتچ
وين ابوي اتصيح اريده ... لاحسين ولاعضيده
وين الاحباب يزينب وين الاحباب



وين ابوي اتگول طلعت فاطمه
جاوبيتيهه وبچت عينچ دمه
سلبوا العدوان ثوبه وخاتمه
والضلوع امكسره ومهشمه
والسهم بات بوريده ... لاحسين ولاعضيده
وين الاحباب يزينب وين الاحباب


باتن بگلبه الحوافر والسهم
راسه مگطوع ويصد اعله الخيم
ماقبل سكنه تطيح وتنشتم
وين عمي اتصيح شيال العلم
خل يطفي النار بيده ... لاحسين ولاعضيده
وين الاحباب يزينب وين الاحباب

خل يطفي النار عن اثيابنه
ليش نايم مايهمه اعتابنه
لاجره ولاصار مثل امصابنه
اليوم ردينه المباني احبابنه
اوجوهم صارت بعيده ... لاحسين ولاعضيده
وين الاحباب يزينب وين الاحباب



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك