السلام عليكم …

ستوني طلعت من مشغل توتة وشفت شغلها مرتّب، وهاي النصائح إلكم:

للولد:
1- إخذ قبعة دائرية لأن المثلثة مال بنات.
2- إخذ الوشاح العادي أو الملكي لأن الأميركي مال بنات.
3- إخذ الروب الرسمي العادي لأن الخليجي والأميركي مال بنات بيه كسرات.

للدفعة ككل:
1- بالبداية تدزون الاستمارة مالتكم لممثلة شعبتكم تدققها وبعدها ترسلها ألي (يعني تتدقق مرتين تجنبًا لأي خطأ) يعني بإذن الله نسبة الخطأ راح تكون 0٪؜ لأن راح نبلغكم بكل الملاحظات اللازم تعدلوها

2- إكتب كل الملاحظات التريدها للخياطة (مثل بدون روب) أو (بس وشاح تريد) أو (تريد وشاحين) وهكذا.

3- رقمك/ج أهم شي حتى تتصل عليك الخياطة إذا احتاجت وتفهم منكم مباشرة.

4- النتائج احتمال الأسبوع الجاي كاملة وناقصها بس مصادقة مجلس الكلية فتجيب عربون 25 ألف يلا تبدي تشتغلك بدونه ما تشتغل وتتأخر، التسليم لممثل الشعبة، وإذا ما اجيت بيوم النتائج تدزلي 25 ألف عن طريق زين كاش أو ماستر الرافدين، حتى تبدي تشتغلك الخياطة.

5- تجي ببداية الدوام تاخذ القياسات علمود الروب لأن بالنتائج هوسة ما ترهم، فبالعطلة راح تشتغل الأوشحة والقبعات حتى يبقن بس الارواب بشهر واحد تكملهن بعد الدوام إن شاء الله.

6- قياس القبعة يناسب الكل، إلا إذا تحس نفسك قياس خاص مثل راسك صغير كلش او جبير كلش فقيسه بخيط وفيتة واكتب القياس كملاحظة بالاستمارة (دوران الرأس)

7- لغرض التنظيم والتسهيل راح اخلي كل شعبة ملفها أبحد وأدزه إلها حتى تالي من نستلم الزي يسهل علينا توزيعه لان كل شعبة ابحد

فهسه شراح تسوون؟
الولد من كل الشعب تدزون الي
البنات تدزون لضحى وزينب وهناء حسب شعبتكم … يدققوهن ثم يدزوهن الي ادققهن مرة ثانية حتى نتجنب أي خطأ

وإن شاء الله الجودة راح تعجبكم مقارنة بالسعر.

وكله خير إن شاء الله 💙

بالنسبة للبنات الطولهن من 156 وأقل يكتبون ملاحظة بالاستمارة (الطول كذا) حتى يكون إلهم مقاس وشاح مناسب لطولهم

أما إذا 157 ولغاية 190 فيجي عليه القياس الطبيعي الستاندر عادي

والوشاح راح يفتر ع الرقبة فماله علاقة بقياس الكتف

الخياطة راح تجي بيوم النتائج إن شاء الله

تشوفون نماذج من شغلها

+ اليريد تاخذ قياسه علمود الوشاح والقبعة يروح
(اختياري إذا تحب تاخذ أو لا)


أما بالنسبة لمقاسات الأرواب فبداية الكورس الأول تجي تاخذهن
(اجباري لازم كل الدفعة تاخذ)

العنده أطفال يريد يخيّطلهم زي تخرج يجيبهم بيوم النتائج حتى تاخذ الخياطة قياساتهم

+ يمليلهم استمارة خاصة ابحدهم

وبالنسبة للأسعار فحسب الأعمار، هي الخياطة تفهمكم تالي بالنتائج

(فقط بالنتائج تاخذ قياسات الأطفال ما تاخذه بغير وكت، لذلك جيبوهم وياكم).

اليختار نوع الوشاح الملكي خل يكتب بالملاحظات شلون يريد الخلف (مثلث بكصة عدلة أو بدون، بيضوي، خماسي)

وهسه أرسللكم الأنواع 👇

مثلث بدون كصة عدلة

الوشاح بي حفره ع الرقبه

مثلث بكصة عدلة

بيضوي

بيضوي چبير

خماسي

خماسي عريض

ولون الكركوشة تجي بلون التطريز مثل هاي يعني

لتسهيل الموضوع عليكم هاي استمارة وورد
تدخلون عليها وتعدلون حسب اختياراتكم
هلشي بيه فائدة إلنا وللخياطة، لا الخياطة تتعب وتفهم غلط ولا الطالب يتعب ويتأخر وينشلع گلبه إذا أكو خطأ

من تخلصون حفظوا الملف باسمكم

وأدناه فيديو يشرح إلكم بالتفصيل شلون تلموها.

(وأهم شي الملاحظات تكتبولها بيه الأشياء الخاصة حتى تفهم)

الما يريد روب لا يظلل ولا وحدة
واليريد وشاحين يظلل ثنين
واليريد بس وشاح يظلل بس الوشاح ويعوف الباقي ... وهكذا

وشوفوا الفيديو حتى تفهمون وإذا عدكم أي استفسار سألوني 👇

شرح بالفيديو لكيفية ملء الاستمارة

ملاحظة: اكتب بالملاحظات كلشي (مثل الوشاح إذا تريده بإطار، أو إذا مختار ملكي شنو تريده مثلث، بيضوي، خماسي؟ أو مثلا تنوّه أنك ما تريد روب أو تريد وشاحين أو ما تريد زي كامل بس وشاح وهكذا كل شخص واختياراته)

وبعد ما نكمل ملء الاستمارة تحفظها (باسمك) مثل هسه هاي الاستمارة تنحفظ باسم (حمزة أيوب) وبعدها ترسلها ألي (الولد) وترسليها لممثلة الشعبة (البنات) وأنا بالنهاية راح أدققهن كلهن مرتين حتى نتجنب أي خطأ

السلام عليكم أخوان ... الخياطة توتة تكول ما جاي ألحك أرد ع الكل.

فياريت العنده سؤال أو استفسار يدزه أليَّ وأنا جاي أجمع اسألتكم وأدزه إلها ...
لأن جاي تنحرج من عدكم.

ما يصير كلساع طالب مراسلها لأن هي تتعامل وي شخص واحد فقط يمثل الطلاب وأنا أوصللكم كلامها وأوصللها كلامكم واسألتكم ... وتالي من تخلّون أرقامكم هي راح تتصل بيكم إذا أحتاجت تفاصيل إضافية أو توضيح و...إلخ.

بعض الملاحظات من الخياطة توتة:

الكركوشة تجي بالطرف، واليريد بالنص يكتبها بملاحظة بالاستمارة.

الكرستال ما تشتغله الخياطة، فقط تطريز.

اليردون وشاح ثاني (غير لون أو غير خط أو تصميم) يحجزون ع المفرد حتى ما تصير خربطة.

احتمال هاي الأيام النتائج، فحضروا استماراتكم مالت زي التخرج + جيبوا وياكم 25 ألف عربون
لأن ما تشتغللكم بدون عربون

للتذكير: باجر تجي الخياطة تشوّفكم نماذج من شغلها لليحب يشوفهن أو عنده طفل يريد يفصّله أو سؤال يريد يسأله فباجر متوفرة الخياطة
(باجر ابلغكم بيا قاعة راح تتواجد فـ خل يكون عدكم نت).

+ لا تنسون تسلمون العربون عند ممثل الشعبة (25 ألف) لأن بدونه ما تشتغللكم زي التخرج.

وكل التوفيق إلكم بالنتائج 💙

أدري صار بيكم مغص من سمعتوا خبر إعلان النتائج

اخذولكم علچ مر وچاي وسلّموها بيد الله.

والله يوفقكم وما يضيع تعبكم 🤍