انتهى التصويت

الفائز بالتصويت بالأغلبية هو هذا الوشاح (وشاح يحمل شعار).

بواقع أكثر من 100 صوت (أكثر من نصف الدفعة)
وعدد المعترضين عليه هو أقل عدد مقارنةً بالبقية 33 طالب.
الأول عدد المعترضين (44)
الثالث أبو السنة عدد المعترضين (90) نصف الدفعة
الرابع أبو الكتابة عدد المعترضين (72)

مستحيل نكدر نجيب شي يرضاه الكل، لذلك أحنا نعتمد رأي الأغلبية، ومتوقع من أي شخص واعي راح يحترم رأي الأغلبية حتلو چان ما عاجبه هذا الشي راح يعتمده لأن أغلب الدفعة اختارته فما يبقى مُصر على رأيه ويكول محد يفرض عليّ، راح يكول ما دام الشي جماعي فالرأي الجماعي هو اليتنفذ مو الرأي الفردي ... وكلكم متعاونين ومرتبين إن شاء الله ما تصير أي مخالفة.

فرسميًا تم اعتماد هذا الوشاح

اليوم المفروض التصويت على المصوّر

راح نأجله لاشعار آخر لأن ماكو أحد جاي أشوفه مناسب، كل المشاهير وكل اللي صوّروا للدفع السابقة من اسأل الطلاب ينطوني عليهم هواي ملاحظات وسلبيات كارثية، فمو مال نجازف.

منها مثلاً هاي السلبيات:

1- التعامل سيء: وأنا عندي التعامل أولاً وفوك كلشي ما أريد أحد يضوّجكم بأي كلمة بهذا اليوم ولأي سبب كان.

2- الجودة: المشهورين الشفتهم هسه كلهم مو بالمستوى الأريده والأبحث عنه بالصورة والفيديو، خاصة أحنا دفعة جبيرة فالموضوع حساس إذا ما نجيب مصوّر مضبوط ما راح يرضينا.

3- التأخير: حسب ملاحظات الدفع القبلنا عدهم شكاوي هواي على هاي النقطة، يتأخر عليهم كلش يلا يوصل للكلية.

4- الألبوم: أنت كطالب متخرج عندك أهم شي يكون عندك ألبوم لصور تخرجك خاصة بيك، أكو مصوّر بدون ذكر اسماء لهسه ما مكمّل الألبومات وللعلم لدفعة صغيرة مسائي 50 طالب فما بالك إلنا أحنا 200 طالب ... للعلم هم مصوّرين من شهر الثاني ولهسه ما كامل فمتخيلين لعبان النفس! يعني راح يجون بالعطلة للكلية بس حتى يستلمون الألبوم مالتهم!
والمصوّر الثاني مكمّل الألبومات بس كلش مخرّب ومو بالمستوى المطلوب وأكو طلاب عجبهم بس هواي طلاب ما عجبهم لدرجة أكو طالب حتى صورة مغوشة مخليله، يعني يكول بربك هذا شغل مصوّر لو تصوير والدة؟!

5- الريلزات: أحنا كدفعة شنريد؟ نريد نسوي فعاليات بالتخرج لأن هي روح التخرج وحلاوته هاي الريلزات والفعاليات، أكو مصوّر لهسه ما دازلهم الريلزات ولهسه ما ناشرهن، فمتخيلين شلعان الگلب والجرجرة؟!
وأكو بيهم ناشرين الريلزات بس مو حلوة ...

6- المصورين الأستبعدهم: أستبعدت حاليًا المصوّرين هذول (فوكس، المؤتمن، علي الساعدي)
حيدر هاجر أكو مدحوه وبالمقابل هواي ذموه فجاي أبحث أكثر عنه واسأل أكثر وعلى الأغلب هم أستبعده لأن أكو شغلات رئيسية ... ما أكدر أحجي كلشي
(وما أكدر أذكر بالاسم سلبيات أي مصوّر بالعام لأن يعتبر قطع رزق) بس هذول مستبعدين ..

وأكو هواي غيرهم ما مشهورين هم بحثت عنهم وسألت وأستبعدتهم بس ذكرت هذول لأن أغلبكم تعرفوهم ...

فنتأنى أكثر ونبحث على راحتنا أحسن مما ننصدم تالي ما نريد نجازف هي مرة بالعمر، فخلوني على راحتي أبحث وإن شاء الله خير

اليوم راح نصوّت على موعد يوم التخرج تردونه بالكورس الأول لو بعطلة نصف السنة لو بأول أسبوع من الكورس الثاني

+ تقترحون اسم للدفعة، وأكثر اسماء تحصل لايكات نسوي بيها تصويت ونعتمدها
بس اهم شي تبدأ بـ
#CS_ ....

إلا إذا الاسم عربي براحتكم

قبل لا نبلش بتصويتات اليوم

تم اعتماد رسميًا الخياطة توتة هي راح تخيط للدفعة كلها (تقريبًا 150 طالب)

باقي الطلاب اليريدون يخيطون أبحدهم عند خياطين مختلفين راح أرسللكم بالرسالة الجاية التفاصيل الأختاريناها حتى تنطوها للخياط التردون تخيطون عنده ويسويلكم نفسها

هاي الشغلات تدزوها للخياط (إذا تخيطون أبحدكم مو يم توتة وي الدفعة) 👇

1- تم اعتماد درجة لون الوشاح هذه
2- تم اعتماد لون الخط هذا (الفضي).
3- تم اعتماد نوع الخط هذا (الطبيعي).

الجهة اليسرى من الوشاح:

تكون بهاي الطريقة تحمل شعار جامعة البصرة مع باقي التفاصيل

(شعار الكلية شفته ما ضبط، فنبقي شعار الجامعة)

الطالبات:
1- تم اعتماد لون الشال رصاصي.
2- تم اعتماد القميص الأبيض.

لون الكعب اختياري لكن يفضل أسود
••••••••••••••••••••

الطلاب:
1- تم اعتماد لون القاط أسود.
2- الحذاء اختياري لكن يفضل أسود

3- الرباط قيد المداولة ...
•••••••••••••••

وباقي الأشياء اختيارية من حيث اختيار نوع الوشاح والروب والقبعة وغيرها ...

بس رجاءً التزموا بالأشياء الجماعية مثل شعار الجامعة والقميص الأبيض للبنات والرباط الموحد للولد ... لأن بدونهن تطلع الصورة مخربطة إذا كل واحد شي

نزل التصويت على يوم التخرج

ادخل صوّت 👇
https://t.me/c/1582246716/53690

هاي الرسالة راح تكون فقط لاقتراحات اسم الدفعة

(تكتبون بتعليقات هاي الرسالة المقترح، وأي تعليق جانبي راح أحذفه)
وعوفوا هاي التعليقات (مثل دفعة خليها على الله، لو دفعة المغضوب عليهم، لو مدري شنو) لأن راح احذفها

وأكثر تعليقات تحصل لايكات راح نسوي بيناتهن تصويت وتختارون اسم الدفعة بالأغلبية

من تكتب الاسم اكتب وياه معناه وشرح عنه وليش لازم نختاره حتى الطلاب يعرفون شنو يختارون وعلى شنو يخلون لايك

فهسه المطلوب منكم
تكتبون بتعليقات هاي الرسالة مقترح الاسم ...
وأكثر الاسماء التحصل لايك نسوي بينهن تصويت.

هاي الرسالة راح تكون فقط للـ
1- الفعاليات النسويهن بالمرحلة الرابعة.
2- الريلزات والحركات النسويهن بيوم التخرج.
3- الترندات.
4- الأفكار والمخططات والاقتراحات
5- كلشي كلشي يخص نشاطات وفعاليات المرحلة الرابعة والتخرج.

فقط تدزون بتعليقات هاي الرسالة
رابط الفعالية والترند والريلز النسوّي مثله ... أو تحملون الفيديو/الصورة وتدزونه مباشرة.

أو تكتبونه كتابة إذا فكرة ما مطروقة


راح ادز أنا بالتعليق شغلات وإنحُ نفس النحو
(أي تعليق جانبي غير الفعاليات يُحذَف)

هاي الرسالة راح تبقى مثبتة على طوال العام ... كلما تشوفون شي حلو، كلما تخطر ببالكم فكرة، رجعوا كتبوه بتعليقات هاي الرسالة

نزل التصويت على اسم الدفعة وفق اقتراحاتكم وبناءً على أكثر 5 اسماء حصدن أكبر عدد لايكات

للتصويت: 👇
https://t.me/c/1582246716/53736

هاي الاستمارة دزتها الخياطة توتة حتى تملوها وتخلوها بملف PDF مسمى باسمكم وتدزوها أليَّ.

حضروا ملفاتكم مال زي التخرج من هسه كعدوا اختاروا ويومية رتبوا وعدّلوا على راحتكم منا للنتائج

بيوم النتائج تدزوهن ألي
كل شخص يدز ملف PDF بالأشياء اليريدها، ويسمّي الملف باسمه حتى ما نتخربط لأن هواي ملفات

ويكتب بالملف تفاصيل الزي اليريدهن
كتبوها بهاي الطريقة الموجدة بالاستمارة
(راح املء إلكم استمارة هسه حتى يكون عدكم كلشي واضح)


وأي إضافات ثانية وملاحظات اكتبها للخياطة بالملف حتى ما يصير أي خطأ، وأنا راح اراجع ملفاتكم واحد واحد حتى ما أخلّيكم تخطأون بشي ... لأن أي خطأ منكم انتم تتحملون مسؤوليته ... وإذا الخطأ منهم هم يتحملون المسؤولية ويعدلونه.

نموذج تملون مثله

في حال ردت الوشاح بإطار تكتبه يم نوع الوشاح
هيج:

نوع الوشاح: ملكي (بإطار)

وإذا ما تريده بإطار فتخيله مثل الصورة بس هيج

انتهت تصويتات يوم أمس

1- تم تحديد موعد صورة التخرّج
في الأسبوع الأول من الكورس الثاني
وفقًا لتصويت الأغلبية، يبقى بس اليوم بالضبط هذا نحدّده بعد ما ناخذ الموافقات الرسمية إن شاء الله.
.
2- تم تحديد هاشتاك واسم الدفعة وفقًا للتصويت ليكون:
#CS_Legacy

وهذا معناه (هنا).