Bilxiginnaan ummata Oromoo Karrayyuu lafarraa fixxee deebitee yeroo itti qoostu ilaalaa. Waan ummatni hundi beeku yeroo akkanatti soban waan biraa akkamitti amantu? t.me/FerhanAbdulselam

Bilxiginnaan guyyoota 2n dabran kana injifannoo arganne jettee lafa dhiitaa turtee mitii? Odeeffannoon an isin biraan gahaa ture ammoo akka TDF osoo hin lolin magaalota gadi dhiisaa turanidha. Amma ammoo eegaa. Akka haarawatti lolli cimaan eegalee jira. t.me/FerhanAbdulselam

OPDO’n baruma 2019 keessas bifa kanaan Wayyaanee faarsaa turte. Amma ammoo Nafxanyaa bor yoo Wayyaaneen deebites Wayyaanee faarsuuf qophiidha. Abbaa aangoo qabateef gombifuun ittiin bulmaata OPDO’ti. t.me/FerhanAbdulselam

Dhimmi amantii dhimma baay’ee miira namaa tuqudha. Kanaaf sadarkaa addunyaattis gaafa amantiin namaa tuqame dubbii mormii cimaa kaasu taha. Gama keenyattis yoo as deebine dhimmi amantii walii tuquu tokkummaa Oromoo miidha. Ummatni guddaan akka Oromoo ammoo yoo tokkummaa hin qabaanne baay’ee wal miidhuu mala. Diina isaa waloon irratti duuluu dhiisee wal gaarreffachuutti deebi’a. Kuni nuuf cabina fida. Kuni akka hin taaneef gaafa namni tokko ka’ee amantii namaa tuqu gosa isaa mara ykn naannoo inni keessaa dhufe bakka bu’a jennee fudhachuu hin qabnu. Namni tokko ofuma bakka bu’a. Tahullee, gaafa namni tokko ka’ee amantii namaa gaafa tuqe warri nama amantii namaa tuqe sana waliin amantii wal fakkaataa hordofu bahanii baleelleffachuun waan hedduuf tola. 1) Namni suni amantii sana bakka bu’ee akka amantii namaa hin tuqin nama gariif hubannoo kenna 2) Waan namni suni dubbate irraa akka gammachuu hin qabne ibsa. Dubbii akkanaa qabbaneessuuf fayyada. Hordoftoota amantiin isaa tuqameen ammoo callisaa jechuun ni ulfaata. Akkuma jalqaba irratti kaase dubbiin addunyaa irraattuu dubbii miira tuqu waan ta’eef. Garuu dubbiin akkanaa akka tokkummaa keenya irratti dhukkuba hin fidne maaloo namni Oromummaan akka waaru fedhii qabdan irraa of qusadhaa! Nuti rakkoo hedduu qabna. Sanarratti rakkoon biraa yoo dabalame baachuu dadhabuu malla. Tokkummaa fi obsaan galma geenya! Yoon dogongoreef dhiifama! Horaa bulaa! t.me/FerhanAbdulselam

Obbokeessi abbaa Gadaa Karrayyuu kan PP’n ajjeefte OMN irratti dubbachuun obboleessa isaa fi warra biroos waraanni PP akka ajjeese ifoomsee jira. t.me/FerhanAbdulselam

Abbaa Bokkuu (Abbaa Gadaa), Abbaa Duulaa nama korma Garaa hidhe Miseensota Tuuta Gadaa Michillee filanii Oromoo Karrayyuu irratti duguuggaa sanyii raawwatan. Hoggansa galaafatan. Akkuma mataa irraa Oromoo ajjeessuu eegalan Hacaaluu irraa kaasee hanga Hoggantoota Oromoo hidhuu fi Hoggantoota Qeerroo rashanuutti itti fufuun amma ammoo Hoggantoota Karrayyuu jumlaan galaafatan. t.me/FerhanAbdulselam

Waan Abbootii Gadaa Oromoo Karrayyuu irratti raawwate BBC’n akka armaan gaditti odeeffate.

"Humni mootummaa bakka tokkotti nama hin fixu jennee, nuti manneen hidhaa iddoo gara garaa iyyaafataa turre" jedha jiraataan obboleessi jalaa ajjeefame.

"... Erga aduun dimimmiftee toora sa'aatii 1 namoota kana kaasanii bakka lamatti qoodanii, namoota gurguddoo namoota bebbeekamoo fi warreen sirna Gadaa keessatti aangoo olaanoo qaban ajjeesan"

"...Bineensi qaama isaanii walakkaa nyaatee jira, allaattiin ija isaanii keessaa guurteetti"

"...Abbaan Gadaa Karrayyuu ajjeefaman Kadiir Hawaas namoota ajjeecha kana raawwatan keessaa kan beekan qabu: nagaa busuuf waliin hojjetaa hin turree, walgahii waliin taa'aa hin turree? jedhanii maqaa waamanii itti dubbataa turani"

t.me/FerhanAbdulselam

Hogganaan waraana TDF ummata Tigraayiif dhaamsa dabarse. Dhaamsi isaatis, guyyoota dabran kana gamaaggammii godhaniin bakkoota garii lola malee akka gadi dhiisan hime. Bakkoota isaan gadi dhiisan kana akka injifannootti Bilxiginnaan labsaa jiraachuu hubanne jedhe. Sababa kanaan piropogaandaa PP’n akka hamilee hin cabne jechuun dhaamee jira. Bakkoota gadi dhiisanis humnaan caalamanii osoo hin taane gamaaggammii godhaniin tarsiimoodhaaf tahuu hime. “Wanti ani amantii guutuun isiniif himu yeroo gabaabaa keessatti humna guutuun waraanatti seenee lolli kunis akka gabaabbatee yeroo gabaabaatti goolabnu goona” jechuun piropogaandaan PP yeroof qofa akka tahe dhaame. Odeeffannoo kana ergaa isaa cuunfee isin biraan gahe osoo yaada kiyya itti hin dabalin. t.me/FerhanAbdulselam

Wallagga Giddaa Ayyaanaatti hidhattootni Amaaraa ummata Oromoo 100’n lakkaa’aman ajjeesanii jiru. Akkuma duula Minilik jedhan san gocha Minilik caalchisanii duguuggaa sanyii Oromoo irratti raawwataa jiru. Bakkoota gariitti harkas muranii mukarratti fannisuus eegalanii jiru. Oromoon garaa jabaatee ka’ee falmatu malee duuti manatti jalaa hafaa hin jirtu! t.me/FerhanAbdulselam

Agumaa Baayyisaa (namicha amantii keenya arrabse), obboleettiin isaa Raggaatuu Baayyisaa niitii (haadha warraa) Birhaanuu Juulaati. Sababa saniin Birhaanuu Juulaa waliin walitti dhufeenya cimaa qabu. Akka tokkummaan Oromoo diiggamu ergamni addaa akka itti kenname irra geenyee jirra. Kana hubadhaa! t.me/FerhanAbdulselam

Lola kaabaa kanatti maaltu ta’aa jira? Haalli amma argaa jirru namoota hedduutti gaaffii ta’ee jira. Waraanni TDF magaalota hedduu gadi dhiisuu amaneera. Tarsiimoof akka godhan himu. Dabretsiyoon akka dubbatettis bara 1987 bifuma wal fakkaatuun Finfinnee jala geenyee haala tokko tokko mijeeffachuuf of duuba deebine jedhe. Haala deemaa jiru kanas loltoota gariitti bilbilee hubachuuf yaaleera. Akka isaan jedhanitti ajajaan of duuba deebi’an. Lolaan lafti qabatame akka hin jirretti dubbatu. Waraanni TDF gaafa daaraa tahe jedhame sanuu gaara keessaa yaa’ee yeroo muraasa keessatti Tigraay bilisoomsee naannoo Amaaraa fi Affaar seene akkamitti guyyoota muraasa keessatti kiilomeetira hammana gahu moo’atamee of duuba deebi’a jennee yoo of gaafannes deebiin dhugaa akka hin fakkaannedha. Gama biraatiin naannawa Abiyyi duula deema jedhe sana jaarsummaan jara jidduu deemamaa ture. Pirezidaantii Keeniyaa itti erganii turuun ni yaadatama. Achii as Abiyyi duula deema jedhe. Kanuma jidduu mootummootni gamtooman (UN) gargaarsi naannoo Tigraay irraa citee ture banamuu hime. Karaa Booleetiinis banamuu himan. Maaliif amma baname? Walii galtee dhoksaatu turee? Nutis naannoo Amaaraa fi Affaar gadi dhiifna isaanis gargaarsa gadi nuuf haa lakkisan kan jedhu jiraa? Amma kan argaa jirru guutumatti Affaar keessaa bahanii jiru. Naannoo Amaaraatis gara Kaaba Bahaatti daanga’anii jiru. Gargaarsa galfatanii erga galaa tolfatanii deebi’uufi moo? Ummatni harkatti beelofnaan dhaqqabuufi moo? Gaafii hedduutu deebii barbaada. Walumaa galatti iccitiitu jira. Kana walumaan hordofaa deemna! t.me/FerhanAbdulselam

“Akkuma Hitlar faarsuun seeraan nama gaafachiisu Minilik illee faarsuun seeraan biyya nama gaafachiiftu ijaarra” jedhee ture Eyasped Tesfaye. Sababa Minilik tuqeef jarri Nafxanyaa nuuf haa hidhamuu jedhanii iyyanii turan. Akkuma isaan jedhan hojii irra oolchaniif. Kunoo Eyasped har’a hidhamee jira. Biyya Minilik harmaaf harka Oromoo mure balaaleffachuun dhoorgaa taher faarsuun ammoo badhaafamaa nama godhu taate biyyi Itoophiyaa Abiyyi jalatti. Abiyyi sirna nafxanyaa ijaaraa jira yeroo jechaa turre warri hin galiniif amma beekaa ergamuuf yoo taate malee sirriitti hubatu jedheen amana. t.me/FerhanAbdulselam

Lolli TDF fi PP maalirra jira?

Gaafiif deebii Geetaachoo Raddaa haala ammaa ilaalchisee DW waliin godhe dhageeffadhe. Achi keessatti waa heddu hubachuun ni danda’ama. Sababni waraanni duuba deebi’eef tooftaa akkamiif akka tahes tuttuqeera.

1. Duula waraanatti ijoollee ofuu Abiyyi akka haaraatti eegale akkasumas artistootnii fi namootni bebbeekkamoon irratti hirmaatan dhiiga hedduu dhangalaasuu danda’a jedhanii amananii jiru. Kanaaf miiraan itti deemanii loluu irra mala ittiin wareega xiqqaan humna guddaa injifachuu isaan dandeessisu hordofuu akka filataniidha.

2. Akka haasaa Geetaachoo’tti Tigraay waraanuuf yaalii eegalanii turan. Sababa kanaan humni TDF nageenya Tigraay bifa amansiisaan eeguu waan qabuuf gara Tigraay’tti humni guddaan deebi’uu akka qabuudha yaadni Geetaachoo Raddaa. Yeroo ammaa biyyootni irra deebi’anii akka haaraatti Abiyyi gargaaruu eegalan jiru. Keessattuu dirooniin UAE fi Chaaynaa, meeshaalee hedduu Turkii fi biyyoota biroo irraa galfateera. Akkasumas, Eertiraan karaa Kaabaan Tigraay waraanuu eegaluu hin oolle. Haalotni kuni walitti dabalamanii miiraan deemuu osoo hin taane tooftaan itti qophaa’anii qolachuuf karoora baafatan fakkaata.

3. Jaarsummaan akka hin taane haasawa isaarraa ifa. Walii galtee dhokataa jennee kan yaadaa turre suni walii galteen dhokataa waan jiru hin fakkaatu haasaa isaarraa. Ulaagaa kaayatan irratti walii galuu akka hin dandeenyedha.

4. “Nuti Tigraayiin alatti bakki nuti goggognee irratti lubbuun keenya dabruu qaba jennee irratti cichinu hin jiru. Nuti bakka humni diinaa kuufame dhaqnee barbadeessuudha malee achitti mormi keenya muramuu qaba karoora jechu hin qabnu” jedhe.

5. Amma duras bifuma wal fakkaatuun waraanni TDF of duuba deebi’ee qophii barbaachisu erga godhee booda deebi’ee bakkoota gadi dhiise deebifachuu qofa osoo hin taane bakkoota dabalataa hedduu qabatee jira jedhe. Ammas kanumatu tahuuf jiraata jedhe.

t.me/FerhanAbdulselam

Oromoon qabsoo karaa hundaa geggeessuu qaba. Hiriiras bahuu fi waan danda’amu kamuu gochuun barbaachisaadha. Ummatni Tigraay hanga funyaaniitti hidhatanii qawween lolaa takkaa hiriiras addaan kutanii hin beekan. Namootni keenya tokko tokko amma booda hiriirri hin barbaachisu jedhu. Yaadni akkanaa akka ummatni abdii kutatu godha. Qabsoo keessatti kaayyoo qabsooftuuf hanga galmaan geessutti waan dandeessuun sosso’uudha. Yoo haalli ati keessa jirtu qawwee hidhattee akka loltuuf sii mijata tahe inni ammoo kan irra filatamaati. Gaafa qawwee hidhachuuf siif hin mijanne cal jettee taa’uu miti. Karaa dandeessu kamiinuu gumaachuudha. t.me/FerhanAbdulselam

TDF waraana Abiyyi kuma 80 daaraa goone jechaa jiru. Akkasumas Laallibalaa fi Gashinaa Abiyyi qabanne jedhee injifannoo labse guyyoota muraasa booda deeffatan. Jarri TDF tooftaaf duubatti deebine kan jedhan dhugaa fakkaataa jira. Waan deemaa jiru beekuun Oromoof waan fayyaduuf hordofuun gaarii. Lolli kaabaa siyaasaa biyya Itoophiyaa bira dabree siyaasaa gaanfa Afrikaa irratti dhiibbaa guddaa qaba. Kanaaf odeeffannoo gamasii hordofuun barbaachisaadha. t.me/FerhanAbdulselam

Namootni gariin waan nuti Wayyaanee deeggarru itti fakkaata. Nuti garuu dantaa/faayidaa Oromoo qofa deeggarra. Akkasumas Oromoon karoora nama cunqursuu waan hin qabneef cunqurfamaa kamiifuu ni mararfata. Kanumaaf gaafa Wayyaanee irratti qabsaa’aa turres takkaa ummata Tigraay dogongoraanis tuqnee hin beeknu. Hogganni Oromoos kanuma ummata gorsaa ture. Maqaleetti gaafa galanis dhiisee sirnicha sirreessuuf hawwaa ture malee Wayyaanee Maqaleetti jala dhaqee adamsuuf karoora hin qabu ture. Kan Maqaleetti jala dhaqee dubbii laaqqate warra kaleessa Oromoof hin qabsaa’in. Kan kaayyoo Oromootis hin beekne. Ummata Tigraay akka ummataatti farrajee kaabbaa Oromoo uffatee maqaa Oromootiin ummata tokko gabroomfachuuf hawwii qabu. Gaafa kuni tahe kaayyoon Oromoon kaleessa qabsaa’eef kana akka hin tahin warri kaleessa Oromoof qabsaa’aa ture hubannee dura dhaabbanne. Erga didanii lolatti seenanii boodas ummata taa’aa dhumu hin jiru waan taheef TDF jabaatee PP jilbiinfachiisaa jira. Abbaan fedheyyuu haa cabsuu cabina PP keessa bu’aa Oromoo guddaatu jira. Kana ana dabalatee Oromoon dantaa Oromootiif quuqamu kamuu itti amanu. Gama biraatiinis humna PP cabsaa jiru dura dhaabbachuun PP’f humna tahuudha. Umrii PP dheeressuudha. Kanaaf injifannoon TDF PP irratti galmeessu ummata PP’n cunqursaa jirtu kamiifuu dantaatu keessa jira. Kana yeroon jedhu TDF irratti irkannee bilisummaa eeguu qabna miti. WBO’nis jabaatee qabsaa’aa jira. Waan danda’amu kamuu gochuudha. PP harka harkaan daboo itti bahanii erga cabxee booda ummattootni cunqurfamoon haala kamiin akka Itoophiyaa keessatti waliin jiraachuu qaban addaan bahanii biyya of dandeessu ijaaratuus tahee waliin biyya tokko keessatti walii galteen jiraachuun murtii ummattootaati. Namootni shakkii adda addaatiin guutamanis yaadni isaanii kabajamee garuu hamma danda’ametti waliif ibsaa garuu yaada wayyabaa jala hiriiriin aadaa sirna dimokraasiiti. t.me/FerhanAbdulselam

Abiyyi marii biyyaalessaa haqaa geggeessa jedhee ani gama kootiin hin yaadu. Marii biyyooleessaatti Abiyyi ni amanaa? Hin amanu. Maaliif? Namni isarra beekkumsa qabu jira itti hin fakkaatu. Kanaafuu akkamitti yaada garee adda addaa irraa dhufu fudhata? Warra yaada isaatiin guute garee adda addaa fakkeessee marii biyyooleessa goona jechuu mala. Namootni sunneen yaada isaa fidanii dhufu. Kuni marii biyyaalessaa hin jedhamu. Ammas sababni inni marii biyyaalessaa haqaa hin barbaanneef sodaa lubbuu isaatiifi. Yoo mariin haqaa geggeeffame namootni akka Abiyyi biyya diigan kun ni geggeeffamu. Inni ammoo aangoo gadi lakkisuun lubbuu isaatiif wabii dhabuu akka tahetti amana. Hidhamuu mala jedhee sodaata. Kanaafuu bakkuma amma jiru turuu barbaada. Inni aangoo irra turuun diigumsa itti fufsiisuu jechuudha. Gabaabumatti mariin biyyaalessaa roga kamiinuu yoo ilaalle Abiyyi aangoo irraa kaafamu malee hin danda’amu! t.me/FerhanAbdulselam

OMN qilleensarraa bu’uu hubannee jirra. Qilleensa irratti deebisuuf tattaaffii godhaa jirra. Daqiiqaa muraasa booda qilleensa irratti ni deebifna jedheen abdii qaba. Qabsoon itti fufa! t.me/FerhanAbdulselam

Shakkiin qabnu akkuma jirutti ta’ee, yeroo ammaa akka PP fi TPLF agarsiisaa jiranitti marii biyyoolessaatiin rakkoo biyyattii mudate furuuf gamni lachuu ifatti dubbataa jiru. Dhiiga ilmaan hiyyeessaa dhangalaasuu dhaabanii mariin furuun gaarii. Garuu ammas sobaan tapha siyaasaa taphachaa lubbuu ilmaan hiyyeessaatiin qumaara taphachuu itti fufnaan rakkina irratti rakkina dabaluu malee humnaan biyya bulchuun abadan waan hin yaadamne. Ammoo marii biyyoolessaa keessatti rakkoon Oromoo yoo hundee irraa hin furamne rakkoon biyya Itoophiyaa hin furamu. Abbaan fedhe wal araaramee rakkoon Oromoo moggaatti qababamnaan rakkoon Itoophiyaa mudate ittuma fufa. Kuni dubbii ijoodha! t.me/FerhanAbdulselam

Akka Redwaan Huseen kaleessa Twitter isaa irratti ibsetti, mariin biyyoolessaa jedhamaa jiru marii addaa osoo hin taane isuma amma dura geggeessaa turan koree dhaabanii jabeessanii itti fufuu hime. Mariin kun waa’ee TPLF fi Shanee miti jedhe. Maaliif kana jedhe? Dheengadda ammoo miidiyaa mootummaa turkii AA (Anadolu Agency) irratti akka dubbatetti mariin biyyoolessaa hunda hammata jedhe. Akka namuu keessaa hin hafnetti dubbate. Garaagarummaa guyyaa tokkoo keessatti maaliif “waa’ee TPLF fi Shanee” miti jedhe? Jechi kun tapha siyaasaa ibsa. TPLF fi Shanee waliin hin mari’annus hin jenne. Waa’ee jaraa miti jechuun ammoo hiika akkasiitis ni kenna. Garuu yoo gurra qabaatan marii biyyoolessaa haqa qabeessa malee taphi siyaasaa rakkoo Itoophiyaa hin furu!! t.me/FerhanAbdulselam