ቀን ጥቅምት 13 2019 ዓ.ም የየካ ምድብ ችሎት የባለጉዳዮች መፀዳጃ ቤት አዲስ ግንባታ እና የለሚኩራ ምድብ ችሎት የህንፃ ቀለም ቅብ እና እድሳት ተከናወነ፡፡
የፌዴራል መጀመሪያ ደረጃ ፍርድ ቤት የባለጉዳዮችን የአገልግሎት ምቹነት ለማሻሻል በየካ ምድብ ችሎት ያከናወነው የመፀዳጃ ቤት ግንባታ ሥራ ተጠናቆ ስራ ጀመረ። በተመሳሳይ በለሚ ኩራ ምድብ ችሎት የቀለም ቅብ እና የእድሳት ሥራዎች በአብዛኛው ተጠናቀው ቀሪ ሥራዎችን የማጠናቀቅ እና ርክክብ የማከናወን ሂደት ላይ ይገኛል።
በየካ ምድብ ችሎት የተገነባው የባለጉዳዮች አዲስ መፀዳጃ ቤት ስድስት ክፍሎችን የያዘ ሲሆን የግንባታ ሥራው ተጠናቆ ስራ መጀመሩ በፍርድ ቤቱ ግቢ የሚስተዋለውን የመሠረተ ልማት እጥረት ለመቅረፍ እና ከባለጉዳዮች ጋር ተያይዞ ሲነሳ የነበረውን የመልካም አስተዳደር ችግር ለመፍታት እንዲሁም የተሻለ የአገልግሎት ምቹነት ለመፍጠር እንዲያግዝ የተገነባ ሲሆን በተጨማሪም በለሚ ኩራ ምድብ ችሎት የህንፃውን የቀለም ቅብ እና እድሳት ሥራ መከናወኑ የሥራ አካባቢውን ለማሻሻል እና ለአገልግሎት የተሻለ ሁኔታ ለመፍጠር ያለመ እንደሆነ አቶ ሰሎሞን ፈጠነ የፍርድ ቤቱ የግዥ እና ንብረት አስተዳደር ዳይሬክቶሬት ዳይሬክተር እና አቶ ተስፋዬ ከበደ የህንፃ አስተዳደር እና ጠቅላላ አገልግሎት ዳይሬክቶሬት ዳይሬክተር የፕሮጀክቶቹን አፈፃፀም በምድብ ችሎቶቹ በመገኘት በገመገሙበት ወቀት ተናግረዋል፡፡

ጥቅምት 17  ቀን 2019 ዓ.ም                  ለረጅም ዓመታት ላገለገሉ ሰራተኞች በባልደረቦቻው ሽኝት ተደረገ።
                               የፌዴራል መጀመሪያ ደረጃ ፍርድ ቤት  ከፍተኛ አመራሮች፣ ዳይሬክተሮች፣ ሬጅስትራሮች፣ የቡድን መሪዎች እና ሰራተኞች  በተገኙበት  ማክሰኞ  ጥቅምት  17 ቀን  2019  ዓ.ም ልደታ በሚገኘው  በዋናው መስሪያ ቤት አዳራሽ  ለረጅም ዓመታት ተቋሙን ከባለሙያነት እስከ ኃላፊነት  ላገለገሉ ሰራተኞችቀደም ብሎ በፍርድ ቤቱ እውቅና እና ሽልማት የተደረገላቸው ቢሆንም  በስራ ባልደረቦቻቸዎ  ዳግሞ  ሽኝት ተደረገላቸው።      
ሽኝት የተደረገላቸው   ሁለት የቀድሞ  ሴት ኃላፊ ሰራተኞች  ወይዘሮ ታደለች ጥላሁን ጋሼ  የበጀት እና ፋይናንስ ዳይሬክቶሬት ዳይሬክተር የነበሩትና ለ39 ዓመታት  ያገለገሉት  ሲሆኑ  ሌላኛዋ  ወይዘሮ እጅጋየሁ ካሴ አየለ   አስተባባሪ ሬጅስትራር በመሆን ባጠቃላይ  ለ42 ዓመታት ከ 7 ወራት በጥንካሬ ያገለገሉ ናቸው።                                                    በሽኝቱ ስለ ቀድሞ ኃላፊዎቹ እና የስራ ባልደረቦች በፍርድ ቤቱ አመራሮች እና  በባለሙያዎች  ስለ ጥንካሪያቸው፣ ተግባቦታቸው እና ኃላፊነታቸውን በተገቢው ለረጅም ዓመታት በአግባቡ ስለመወጣታቸው ተነግሯል። በመርሐግብሩ  የስጦታ ማበርከት  የተደረገ ሲሆን  ተሸኚዎቹም  የተሰማቸውን ስሜት አካፍለዋል።