የስሜት ልህቀት አገልግሎት እና አገልጋይነትን በማሳለጥ ለተቋም ስኬት ያለው ሚና። ጥቅምት 14 ቀን 2018 ዓ.ም የፌደራል የመጀመሪያ ደረጃ ፍርድ ቤት የህንፃ አስተዳደር እና ጠቅላላ አገልግሎት ዳይሬክቶሬት የአገልግሎት አሰጣጡን ቀልጣፋ፣ ግልፅ እና ደንበኛ ተኮር ለማድረግ ያለመ የውጤታማ የመግባባት ክህሎት ስልጠና ለክፍሉ ሰራተኞች ቅዳሜ ጥቅምት 14 ቀን 2019 ዓ.ም በቢሾፍቱ ከተማ ራያ ሆቴል ሰጠ።
ስልጠናውን ያስጀመሩት የፍርድ ቤቱ የህንፃ አስተዳደር እና ጠቅላላ አገልግሎት ዳይሬክቶሬት ዳይሬክተር አቶ ተስፋዬ ከበደ ሲሆኑ የተቋሙን ራዕይ እና ግብ ለማሳካት እንዲሁም የተቀላጠፈ አገልግሎት በመስጠት ተገልጋዩን ህብረተሰብ በላቀ ሁኔታ ለማርካት ውጤታማ የተግባቦት ክህሎትን ማሳደግ ወሳኝ መሆኑን ገልፀዋል።
አክለውም በ2018 በጀት ዓመት በአፈፃፀማችን የተሻለ ተብለን እውቅና ለማግኘታችን የሁላችሁም ርብርብ እና ጠንካራ ስራ በመሆኑ እንኳን ደስ አላችሁ በማለት ነገር ግን አሁንም ብዙ ጉድለቶች እና ክፍተቶች ስላሉብን እነሱን ለማሻሻል እና ለመቅረፍ በተገቢው የመረጃ ልውውጥ ላይ ተመስርተን በቅንጅት የተቋሙን አሰራር እና መልካም ገፅታ ይበልጥ ማጠናከር ላይ መስራት እንደሚገባ አስገንዝበዋል።

አቶ ሰሎሞን በዳዳ የኮሚኒኬሽን እና ስትራቴጂያዊ አጋርነት ዳይሬክቶሬት ዳይሬክተሩ የስሜት ልህቀት ከአገልግሎት እና አገልጋይነት ጋር ያለውን ትስስር ባብራሩበት ስልጠና ስሜቶቻችንን በአግባቡ በመለየት ለተግባቦታችን እንቅፋት የሆነውን ስሜት በመግታት እንዲሁም የሌሎችን ስሜት በመረዳት ለተገልጋዩ ተገቢውን ክብር በመስጠት መስራት እንደሚገባ አስገንዝበው ለዚህም አገልግሎት እና አገልጋይነትን ያላቸውን ትርጉም በአግባቡ ስለ መረዳት፤ የስሜት ብስለት ለአገልግሎት አሰጣጣችን የተሻለ መሆን ያለውን ድርሻ በአግባቡ ስለ መረዳት፤ በስራ ቦታ የሚያስፈልጉ መልካም አመለካከቶችን ስለ ማዳበር፤ ከተገልጋዮች እና ከስራ ባልደረቦች ጋር የሚኖረን ግንኙነት እና በየቀኑ በስራ ቦታችን ላይ ልንተገብራቸው ስለሚገቡ ተግባራት፣ የተገልጋዮችን ፍላጎት በአዎንታዊ መልኩ ስለ መረዳት እና ፈጣን ምላሽ ስለ መስጠት፤ ግጭቶችን በውይይት እና በመግባባት ስለ መፍታት በስልጠናው ከተዳሰሱት ዋና ዋና ርዕሶች ውስጥ ይገኙበታል። በስልጠናው አቶ ሰሎሞንበዳዳ አገልጋይነት የስራ መደብ ሳይሆን የልብ አመለካከት ስለሆነ አዕምሯችንን እና ልባችንን በተገቢው አገናኝተን ሁላችንም ለተሻለ ውጤት መስራት ይገባል ብለዋል።
በመርሃግብሩ በስራ ክፍሉ የተሻለ አፈፃፀም ላሳዮ እና መርሃግብሩን ላስተባበሩ ባለሙያዎች የተዘጋጀ ስጦታ የተሰጠ ሲሆን ይህን መሰል የአቅም ግንባታ የግንዛቤ ስልጠና እና ሰራተኞች በጋራ አዕምሯቸውን እና አካላቸውን በማዝናናት ለቀጣይ ተልዕኮ ብቁ የሚያደርግ መርሃግብር የሰራተኞችን ተነሳሽነት በመጨመር የተቋሙን የአገልግሎት ጥራት ወደ ላቀ ደረጃ ለማሸጋገር እና የተገልጋዩን እርካታ ለማረጋገጥ ለሚደረገው ጥረት አዎንታዊ አስተዋፅኦ እንዲኖረው ስለሚያደርግ ተጠናክሮ እንዲቀጥል ተገልፆል።

በየካ ምድብ ችሎት ለባለጉዳዮች የተገነባው መፀዳጃ ቤት በ3,999,000.29 ብር (ሶስት ሚሊየን ዘጠኝ መቶ ዘጠና ዘጠኝ ሺ ብር ከሃያ ዘጠኝ ሳንቲም) ወጪ የተጠናቀቀ ሲሆን በለሚኩራ ምድብ ችሎት የቀለም ቅብ የእድሳት ሥራውን ለማከነወን 3,330,429.99 ብር (ሶስት ሚሊየን ሶስት መቶ ሰላሳ ሺ አራት መቶ ሃያ ዘጠኝ ብር 99 ሳንቲም) ወጪ ተደርጓል።
በአጠቃላይ በተለያዩ ምድብ ችሎቶች እየተከናወኑ ያሉት የግንባታ፣ የእድሳት እና የመሠረተ ልማት ሥራዎች የፍርድ ቤቱን የአገልግሎት አቅም ለማሻሻል እና ለሰራተኞች እና ለባለጉዳዮች የተሻለ የሥራ አካባቢ ለመፍጠር የሚያግዙ መሆናቸው በኃላፊዎቹ ተብራርተዋል።