الخوف من أكتر المشاعر القاسية والمرعبة بيوصلك إنك تتخلى عن حد بتحبه لمجرد إنك حسيت بخوف سواء يسيبك أو يعيد لك مشاهد عيشتها قب كدا بيعيش شعور النهاية كل يوم كل دقيقة وكل ثانية بتعدي بيحتاج يتطمن إنه محبوب بالفعل والكلام.. الشخص ده هيتعبك لإنه بيحتاج مجهود لحد ما يتطمن لك لكن بعدها هتشوف كل الحلو اللي في الدنيا معاه لإنك بالنسبة له الوطن اللي محتويه والوطن واحد

‏صعب تبرر للناس شعور عشته بـ لحظة معينة وصعب جدا يشوف نظراتك للأمور بشكل اوضح قد ماحكيت وشرحت ماحدش هيفهمك بالكامل كل إنسان بيشوف الموضوع من نظرته وقناعته .. علشان كدا وفر طاقتك واكتفي بانك تكون رضي عن حالك وارسم حدودك مع الناس بالطريقة اللي شايفها صح

قاسي أوي إحساس إن العُمر مر وإننا فجأة كبرنا مسؤلياتنا زادت وأولياتنا أتغيرت بقينا بنشيل حزننا جوانا نبكي ونعاني في صمت نتظاهر بالقوة والسعادة في عز ضعفنا ورغم دا كله لسه جوانا طفل عايز يعيش حياته .. بييجي في بالي دايماً مقولة د / خالد توفيق وهو بيقول أود أن أبكي وأرتجف وألتصق بأحد الكبار ولكن الحقيقة القاسية هي أنني أحد الكبار !!

المشكلة إنك عارف إن الدُنيا مش مستاهلة وعارف إن الأيام بتنسي وفاهم إن الحزن بياخد وقته ويروح ومؤمن إن كل دا نصيب ومدرك إن هييجي وقت وربنا هيعوضك لكن رغم إدراكك دا وفهمك لكل الكلام دا إلا إنك برضو مش عارف تتجاوز الحاجات اللي مضايقاك ولا قادر أتنساها وحاسس إنك محاصر وكل همومك كاتمها على أنفاسك فهل هذه حياة ترضاها لنفسك..!

ماتطوِّلش في مكان مش شبهك..
فيه مقولة بتقول :
إذا كنت لا تنتمي إلى هنا فلا تبقي هنا
يعني لو ماحسّيتش بقيمتك وإن انت مش متقدّر ومبسوط في المكان اللي انت فيه ماتكملش أبدًا ولا تطوّل فيه عشان ماتنطفيش ودا حقيقه

في اقتباس بيقول" إن المرء يشعر بكل شيء في أعماقه يشعر بمن توقف عن حبه ومن ينتظر منه كلمة" يعني الإنسان مننا ببوصله إجابات هو منطقش بيها لازم الإنسان في الأوقات دي مهما المحبة كانت غالبة يصدق إحساسه.

جربت تسامح نفسك؟ جربت تهون على روحك وتحُط لنفسك مُبررات وتقول (عادي كنت لسه صغير ما كنتش فاهم الدنيا زي دلوقتي) مهم جدا إن الإنسان يطبطب على روحه ويوقف جلد نفسه على أخطاء الماضي إنت الدُنيا ما رحمتكش فما تبقاش إنتَ والدنيا على روحك هون على نفسك.

عمرك ما هترتاح وأنت عايز تعرف كل حاجة و تجيب آخرها ساعات اللي بنعرفه بيجيب آخرنا

انا عارف إن مش منطقي إننا نقطع علاقتنا بكل الناس لكن حقيقي التعامل مع الناس بقى متعب ومرهق جداً كمية قصص وكلام وقمص وجدال وناس تتدخل في خصوصياتك وناس تتهمك بدون وجه حق .. تخيل تبقي مطالب تجادل وتبرر وتشرح وتصالح وانت أساسا مستنزف الطاقة والطاقة اللي عندك يادوب تمشيك فبلاش تسمح لأي شخص مهما كان إنّه يضغط عليك ويستفزك بتصرفاته او كلماته ماتفضلش طول الوقت بتدافع عن نفسك وتبرر للي قدامك تصرفاتك وافعالك دا عبء نفسي وضغط محدش يستحمله ولا حتي يقبله علي نفسه انت في غني عن الشخص اللي محتاج علي كل حاجه تثبتله انك صادق وعندك حق وانك مش مقصر وان ليك اسبابك اللي بيحبك وبيقدرك وعارفك هيفهمك صح وهيلتمسلك الاعذار في عز ما الكل شايفك غلط او مقصر طالما عامل اللي عليك ومقصرتش متجيش علي نفسك ولا تحاول تبرر وتآكد وتصحح لاي حد مهما كان مين اللي قدامك

‏مرحلة الـ "مش عارف" أوحش مرحلة في الدنيا إنت مش عارف عايز إيه ولا المفروض تعمل إيه بس اللي هو إنت مش مستريح في وضعك الحالي بس مستمر فيه

قاعدة خليها في دماغك لحياتك كلها لو أنت لسة بتنبهر بحياة غيرك لأي سبب من الأسباب فأنت شخص طفولي وغير ناضج لإن الموازين الباطنية عادلة جداً ومش واجب على كل شخص تتكلم معاه يعرفك فقد ايه في حياته مقابل حصوله على شيء آخر
ركز في حياتك فقط وخليك على يقين إن ربنا عادل جداً واسعى في طريقك بنفس راضية فالحمدلله

حقيقه ما بقيتش أركز مع الناس اللي بتغيّر معاملتها معايا أو بتختفي من حياتي فجأة بطلت أشغِل بالي مين إتغير ومين بطل يسأل بقيت بدّي كل واحد القدر اللي يستحقه لو غبت عني مش هلومك ولو بطلت تسأل مش هزعل منك وطبعًا مش هعاتبك ودا مش عشان أنا شخص بياع ولكن من باب...؟!