مدني فـ آخر معاذيرك، أنا صمتك غدابي
الدقايق بعد وجهك ماتمر إلا ثقيله

مرخصٍ لك كل حي، وفاتح لجيتّك بابي
آه لو لاحت بروق الوسم في ضحكتك ليله!

لو تغربنا مسافات الهوى؟ كان إقترابي
فـ الشعور، وفـ المقام، وفـ القصيد، وفـ القبيله

مرَّني عامين بين إحساسي، ظِلّ إغترابي
وأنت طرقي عجول، وشاعرك راعي طويله

ياحبيبي، لو تضيق الأرض ماضاقت ثيابي
أترقّب جاذب العساس، همّال المخيله

ليه ضاعت كلمتي قبل أتمادى في جوابي!
ماقدرت أقول أحبك - كلمة أحبك قليله -

« والشجاع اللي يقولون فـ الهيّه شجاع
‏قدم رمشك —— يرفع إيديه وسلاحَه حدر ».

‏" يانصف عمر الحياة ومبتغى نصفّ دين
‏من عاش بك حاضره ماخاف مستقبله

‏يادعوةً مستجابه من حدا الوالدين
‏يافرحة اللي ضحك حظه وطاب عمله

‏مايَكفي العمر لو عشته معك مرتين
‏والعمر مرّه ولا يعتاض وانت أجمله"❣️

‏دايم المحبوب يحق له ما لا يحق لغيره بعباره
‏ بحته "كيفه يسوي اللي يبي "

‏غيرك من الناس علمنّاه يلعب بعيد
‏ولا أنت بالقلب تلعب مثل ماتشتهي

‏«فداك العمر و أيام الشباب ولمّة الاقراب
‏وسنينٍ تجي وتروح قبلك ماهيب محسوبه»

‏« تلامس شغاف القلب كلمه بدون شعور
‏مثل ما يلامس — بالعصا دربه الأعمى »

‏الشخص الصّبور ميزته إنه يعطيك ألف فرصة
‏ _ عيبهُ إنّه فرصته الأخيرة مُفاجأة_

"يا وجهٍ في مشاوِيره يعاف الشاعر المعوَاد
‏عسى يفدى عيونك ما كتبته فـ الشعر كله"

‏أمي دائمًا الطرف الأحنّ بجميع مواقفي
‏عسى حياااتي ماتخلى من وجود أمي
‏وتبقى دائمًا "سيدة وبطلة مواقفي"🤍

‏"البارح أحارب نعاسي عشان أسهر
‏واليوم أدوّر على الغفوه.. ولا ألقاها"

‏دللتني لين إنغمر فيني الترف و الدلال❤️.
‏- أُمي

‏ماني يمين الدرب ولا يساره
‏ - انا -
‏الدرب كُله من ادناه لا اقصاه
‏ ❤️

‏"مع غيرك أقسى مْن الحجر وأثقل من الطود
‏ومعاك النسانيس الخفيفة.. تمرجحني"

‏"على غيرك عما عين وجفا قلب وثقيل لسان
‏وعليك أنت الخطاوي تسبق أوّلها تواليها"

‏"يوم غيرك يبي منّي .. ولو ربع كلمة
‏كنت أسنّد عليك السالفة والقصيدة"

‏لا ياخذك بيّ الظن والشكّ والريبه
‏وأنا أسمى من على هالدنيا مرّك

‏أنا اللي لو أحتالت دنيَتك الغريبه
‏شرّعت حضني وقلت قلبي مقرّك

‏أحبك وأحبك لو هي علي ضريبه
‏مستعد أضم فيك خيرك وشرّك

‏تسألين تحبّني ؟ مدري جهل ولا لكاعه !
‏أبك أنا إللي شفت حبّة خالك و حبّيت خالك

‏أنتي النسوه و نون النسوه و واو الجماعه
‏أنتي إعجوبه ولا يعجب جمال إلا جمالك

‏عزالله أني ظلمت اسمي .. و ميقافي
‏و أخطيت في حق نفسي و الخطا وارد

‏هقيت فيك الهقاوي و أنت يا كافي
‏ما أبرد من أعذارك .. إلا وجهك البارد

‏من تربت في بيت حايفه الوداد
‏ما رضت جـور العرب يسلب رغدها .

‏MAMA❤️/
‏" يا ذراي اللي تذرّيت به يومي صغيره وكبيرة
‏يا بعد من هو مشى . . فوق حبات الثرى ".

‏من عقلي الفارط إلى قلبي الداج
‏عساي ما أنسى النافلة والفريضة

‏ أحتاج ما يحتاجه الشعر // وأحتاج
‏أشطب على احساسي ربيعه وقيضه

‏ياااااارب أبي مستقبل وقلب وعلاج
‏ أنا مريض ! وذكرياتي — مريضة

‏الثقه في النفس مثل الدرّه اللي فـ الخزينه
‏من ملكها في صعود ومن فقدها في تدني

‏في طرق خوض الحياه وفي طرق خوض المدينه
‏الندامه في التسرّع .. والسلامه في التاني

‏لا تذمون الزمن يالعالم اللي مبتلينه
‏دايم الانسان يبحث عن ذريعه للتجني

‏كل خيبة ظن مسؤولٍ بها ظني بـ عينه :
‏ليه الوم اللي مخيّب ظني ومالمت ظني ؟

‏النزيه يطالع يمينه .. ويلقاني يمينه
‏والحسود يجر مواله ويلقى له مغني

‏من عرفت العلم مالديت لاصحاب الضغينه
‏مالهم مني سوى مال المُحال من التمني

‏الحسد والحقد والكره المبرمج والغبينه
‏تاخذ من فواد راعيها .. ما تاخذ شي مني

- جابر بن علوش