Kitaaba Argaanoon kitaaba Kadhannaa Dubree Maariyaam Kan Hayyuun Itiyoophiyaa Abbaa Giyoorgiis Inni Gaassiccaa Barreesse Pdf buussaa kadhannaa gaggeessa.

# Dhukkubbii Fannoo 13n Gooftaan Keenya fudhate.
https://t.me/Hi21Mar share join
Dhukkubbii gooftaan keenya keessummeesse kudha sadi qofatti kan dhaabbatuu miti. Garuu Abboonni mana Kiristiyaanaa akkaata walitti dhiyeenya isaaniin lakkaa’uun gosa isaan 13 fiduun dhukkubbii fannoo 13 jechuun barsiisu.

1. ተአስሮ ድኅሪት (Gara duubattii hidhuu
2. ተስሕቦ በሐብል ( Haadaan ykn wadaroon harkisuu
3. ወዲቅ ውስተ ምድር ( Lafa irratti kufuu
4. ተከይዶ በእግረ አይሁድ ( Lukti Ayihudootaa irra dhaabbachuu
5. ተገፍዖ ማዕከለ ዓምድ ( Muka dalgee waliin hidhuu
6. ተጽፍዖ መልታሕት ( Kaballaan Rukutuu
7. ተቀሰፎ ዘባን ( Dugda Qacceen Rukutuu
8. ተኰርዖተ ርእስ ( Mataa isaa uleen dhahuu
9. አክሊለ ሦክ ( Gonfoo qoree Itti Kaawu
10. ፀዊረ መስቀል ( Fannoo Baachisuu
11. ተቀንዎ በቅንዎት Mismaarootan qabsiisuu ykn rukutuu
12. ተሰቅሎ በዕፅ( Fannoo irratti fanniffamuu
13. ሰሪበ ሐሞት ( Hadhooftuu obaasuu
# Hub. Namoonni tokko tokko hancufa kan irratti tufanii fi Leenginoos eeboon kan waraanees itti lakkaa’uun 15 taasisu. Garuu isaan lamaan kun hin lakkaa’aman. Sababni isaas:-
Hancufni itti tufamuun ni xureessa malee dhukkubbii hin qabu.
Leenginoos Reefa isaa yeroo waraanetti immoo reeffi gooftaa fooniin kan du'e waan ta'eef du'aatti dhukkubbiin waan hin dhagahmneef hin lakkaa'amu. Mismaaroonni Shanan gooftaan keenya ittiin rukutame bakka tokkotti lakkaawama.
Maddi barruu kanaa.
* Kitaaba Torbee Dhukkubbii
https://t.me/Hi21Mar share join.

፡Sirnoota Torbee Dhukkubbii Mana Kiristiyaanaa Ortoodoksii Tewaahidoo
Keessatti Raawwatamu.
B/Saa Guutamaa Makonniin
https://t.me/Hi21Mar share Join

Guyyoota Torbee Dhukkubbii
Guyyaa Wiixataa ሰኞ ዕለት
©B/saa Guutamaa M. ( Wolde Michael )
https://t.me/Hi21Mar Share join
Abaarsa Balasii
Qulqullina Mana Qulqullummaa
Seenaa Guyyaa Wiixataa . Maat. 21:12-22, 11:12-19, Luq. 19:45-46.
a.Abaarsa muka Balasii:-መርገመ በለስ
Torbee dhukkubbii keessaa guyyaan wiixata guyyaa hoosa’inaa galgala Bitaaniyaatti deebi’ee waan achii buleef guyyaa wiixataa bariidhan gooftaan keenyaa Iyyaasuus Kiristoos lammaffaa Biitaniyaa irraa gara Iyyeerusaaleem seeneedha. Bariidhan gara magaala yoo deebi’ee beela’e. Maat. 21:18. Iyyaasuus barii gara magaalaa yeroo deebi’uu ni beela’e gara balasii karaa cinaa jirtuu tokkoo argee gra ishee deemnan baala malee homaa irraa hin argannee bara baraaf firiin si irraa hin aragamiin jedheen balasiittiinis yeruma sana gogde. Maat. 21:18-19. Akka barumsa mana amantaatti hiikni isaa.
Tokkoos=- Balasiin fakkeenya cubbuuti. Cubbuun immoo Abbaa keenya Addaam fi haadha keenya Hewaaniif sababa du’aa waan ta’eef cubbuu dhaala ilmaan Addaam abbaa isaanii irraa dhaalan sana abaaree hanbisuu agarsiisa. Kanas wangeelli Maatewoos, << Yaa Yooseef ilma Daawit isheen hafuura qulqulluun waan ulfoofteef kaadhimaa kee Maariyaam fudhachuu hin sodaatiin, Isheen ilma ni deessi maqaa isaas Iyyaasuus jettee moggaafta innis saba isaa cubbuu irraa ni fayyisa>> Maat. 1:20, cubbuu dhaalaa Addaam fi qomoo isaa iraa akka fayyisuuf dhalatee jechuun akka ergamaan waaqayyoo Yooseefitti hime barreessera.
Tokkoos =- Balasiin firii hin qabnee fakkeenya amantoota firii hafuuraa hin dalagneedha. Amantootni gochaawwan hafuuraaa hin dalagnee bara baraaf cubbuun goganii ibiddaa bara baraatiif qophaa’uu isaanii fi waaqayyppf kan hin barbaachifnee akkasumaas mootummaa waaqayyoos kan hin dhaalle ta’uun fakkeeffama. Ifni mana amantaa duuka bu’aan qulqulluun Phaawuloos << Ani garuu hafuuraan gaggeeffama jiraadha malee fedha foonii hin raawwatinaa nan jedha >> Gal. 5:16 egra jedhee nu gorse boodaa hojiin hafuura kam kam akka ta’an immoo << ijji hojii hafuuraa immoo, jaalala, gammachuu, nagaa, obsa gaarummaa, amanamummaa, garraamummaa, of dhoowu dha, egaa seerri isa kanaan mormu hin jiru >> Gal. 5:22-23 jechuun erga nutti himees booda seerri isa daangeessu akka hin jiraannee barreesseera. Firiin immoo fakkeenya gaabbiiti. Namni cubbuun yeroo kufees gaafa gaabbii galee waaqayyoon dhiifama gaafate waaqayyoon cubbuu isaa dhiisee gara mana isaa fi mootummaa oisaa galchee quqlulloota waliin lakkaa’uu danda’a.
Cubbuun keessan akka haqamuuf gaabbii seena deebi’aa. Ho. Du. Bu. 3:19-20
Pheexiroosis, cubbuun keessan akka isiniif dhiifamuu gaabbii seenaa tokko tokkoo keessaniin maqaa Iyyaasuus Kiristoosiin cuuphamaa. Kennaa hafuura qulqulluus ni fudhattu. Ho. Du. Bu. 2:28.
Kanaaf firii gaabbiif ta’u raawwadhaa. Maat. 3:8.
b. Qulqullinaa Mana Qulqullummaa
Dabalataan guyyaa kana Iyyaasuus Kiristoos gara mana qulqullummaa seenee warroota mana qulqullummaa keessatti bittaa fi gurguttaa raawwatan ari’ee baasuun qulqulleesseera. Iyyaasuus ergasi mana qulqullummaatti ol-seenee warra mana qulqullummaa keessatti bitanii fi gurguran hunda gadi baase, gabaatoota warra horii calla gegeddaranii fi warra guggee gurgurani gadi garagalche>> Maat. 21:12 . Erga kana raawatee boodas kaayyoo mana isaa fi haala yeroo sana << Manni koo mana kadhannaa jedhamee barreeffameera, isiin garuu holqa hattuu isa gootan >> Maat. 21:13 jechuun itti himeen . Yeroo sanaaf Ayihudootaaf yoo ta’eyyuu yeroo kana amantootni mana waaqayyoo keessatti, waana hin taane, kanneen akka, jibba, haaloo, sabummaan, gosummaa, siyaasaa, wal qooqqoduuf, namoota hamachuuf, sagaagalummaa fi mana waaqayyootti faayida ofii duwaaf dhiyaachuu irraa akka of qusatanifiidha. Mana Kiristiyaanaa ykn mana qulqullummaa yoo jennuu;-
1:- Qaama keenyadha. 1Qor.3÷13-16. Qaama keenyaa daldala kanneen akka, dhugaatii, sagaagaluu, faashinoota addaa addaa, mallattoo addaa addaa irraa eegudha qabna. Yoo hin eegne ta'ee dhufaatii gooftaa 2ffaa irraatti qacceen Ayihodoota Mikuraab keessa baaste nus adda baasti.

2:- walitti qabama keenya. Maat. 18÷20. walitti qabamni keenyaa ykn waldaan keenyaa lapheedhan ta'uu qaba. Afaaniin wal hamachaa,  wal duubaa foon walii nyaachaa innoo akkaas, ishees akkas jechaa waliin adeemurraa qulqullaa'uu qabna. Qulqulluun Phaawuloos erga warraa Ibrootaa irraattis “ Tokko tokko biratti bartee akka ta’uuf nuti walitti qabamuu keenya hin dhiisnu” jechuun nu barsiise. Ibro. 10÷25
3:- Manni Waaqayyoo isa gamoo, dhoqqeerraa, muka irraa, dhagaa irraa ijaarameedha. Iddoo itti waaqayyoon waaqeffannuu fi soorata lubbuu keenyaa itti argannuudha. Maat. 21÷13. Nutis gocha Iyyaasuus guyyaa wiixataa kana mana qulqullummaa isaaf raawwate irraa barannee hafuurummaa fi qulqullummaa mana waaqayyoo keessa turuu qabna malee akka warra Ahihudoota daldalaaf, akka ijoollee luba Eelii sagaagalummaaf yoo deemnee waaqayyoon tarree qulqulloota keessa nu baasa.
ስምዐ ዚኣከ እሙን ፈድፈደ ለቤትከ ይደሉ ስብሐትከ እግዚኦ ለነዋኀ መዋዕል ›‹Ragaan kan kee baay’ee kan amanameedha. Yaa gooftaa hanga bara dheeraa mana keetiif qulqullummaan ni galaaf. Faar. 92:5
እስመ ቅንዓተ ቤትካ በልዓኒ ትዕይርቶሙ ለዕለ ይትኤየሩክ ወድቀ ላዕልየ ወቀፃእክዋ በፆም ለነፍስየ" መዝ፣ ፷፰፥፱_፲ { Mana keef hinaafuun na gube, arrabsoon ittiin si arrabsanis ana irra bu'e tsoomun koo lubbuu koo dhiphise. Faar. 68÷9-10}
Sirnoota mana amantaa keessatti gaggeeffaman, dubbisa, laallaba ykn misbaakii, wangeelaa fi sirna qulqulleessaa ykn serata qiddaasee guyyootaa fi sa’aatiin yeroo taa’an. {guyyaa wiixataa }
A:- Galgala Sa’aatii 1:00 irraatti
Dubbisa 1ffaa. Sofo. 1÷1-12
Laallaba= Faar. 27:7-8
Wangeela Yoh. 12:20-36
B:- Galgala Sa’aatii 3:00 irraatti
Dubbisa 1ffaa. Sofo. 1:14-18
Laallaba= Faar. 28:6-7
Wangeela Luq. 9:18-22
C:- Halkan Sa’aatii 6:00 irraatti
Dubbisa 1ffaa. Iyyo. 1:5-16
Laallaba= Faar. 29:1-2
Wangeela Maar. 8:27-31
D:- Halkan Sa’aatii 9:00 irraatti
Dubbisa 1ffaa. Mik. 2:3-11
Laallaba= Faar. 17:3-4
Wangeela Maar. 8:27-33
E:- Halkan sa’aatii 11:00 irraatti
Dubbisa 1ffaa. Miik. 3:1-4
Laallaba= Faar. 18:43-44
Wangeela Maat. 17:19-23
F:- Ganama sa’aatii 1:00 irraatti
Dubbisa 1ffaa. Se. Uum. 1:1-31
Dubbisa 2ffaa. Isa. 5:1-9
Dubbisa 3ffaa Siraak. 1:1-
Laallaba= Faar. 72:17-18
Wangeela Maar. 11:13-26
G:- Ganama Sa’aatii 3:00 irratti
Dubbisa 1ffaa. Isa. 5:21-30
Dubbisa 2ffaa. Iyyu. 2:21-32
Dubbisa 3ffaa. Iyyu. 3:1-21
Dubbisa 4ffaa. 9:12-19
Laallaba= Faar. 122:1-2
Wangeela Maat. 21:18-22
H:- Guyyaa Sa’aatii 6:00 irraatti
Dubbisa 1ffaa. Se. Ba. 32:7-15
Dubbisa 2ffaa. Xibab. 1:1-
Laallaba= Faar. 122:4-5
Wangeela Yoh. 2:13-17
I:- Guyyaa Sa’aatii 9:00 irraatti
Dubbisa 1ffaa. Se. Uum. 2:15-23
Dubbisa 2ffaa. Se. Uum. 3:1-24
Dubbisa 3ffaa. Isa. 40:1-8
Dubbisa 4ffaa. Fkn. 1:1-9
Laallaba= Faar. 65:5-6
Wangeela Maat. 21:23-27
J:- Guyyaa sa’aatii 11:00 irraatti
Dubbisa 1ffaa. Isa. 50:1-
Dubbisa 2ffaa. Isa. 26:2-20
Dubbisa 3ffaa. Siraak. 2:1-
Dubbisa 4ffaa. Hoos. 14:2-10
Laallaba= Faar. 13:23
Wangeela Yoh. 8:51-59
https://t.me/Hi21Mar share join
Wolde Michael Mekonen
21/08/2016

Moggaasa Guyyoota Torbee Dhukkubbii
Guyyaa Kibxataa፡- ዕለተ ማግሰኞ
©B/saa Guutamaa M. ( Wolde Michael )
https://t.me/Hi21Mar share join
Guyyaa gaaffii:-የጥያቄ ዕለት

Seenaan guyya kibxataa Maat. 21:23-25, Maar. 11:27-33, Luq. 20:1-8
Akka barumsa mana amantaattii Guyyoota torbee dhukkubbii keessaa guyyaan kibxataa guyyaa gaaffii jedhanmee beekkama. Guyyaa kanattii gooftaan keenyaa Iyyaasuus Kiristoos mana qulqullummaatti seenee uummata barsiisaa osoo jiru dureen lubboota, ummannii fi jaarsooliin gaafii ittiin dogongorsanii harkatti galfachuu barbaadan wan gaaffataniif. << Gara mana qulqullummaa seenee barsiisaa osoo jiru hayyoonni lubbootaa fi jaarsooliin uummataa gara isa dhiyaatanii, ‘Aangoo maaliin kana raawwata? Aangoo kanas eenyutuu siif kenne? >> jechuun gaaffatan. Maat. 21:23. Iyyaasuusis gaaffii isaanii gaaffiin yeroo deebisuuf << Cuuphaan Yohaannis eessaa dhuftee? Nama irraa moo samii irraa ? >> jechuun gaafate. Yeroo kana kaayyoo isaanii harkaa wal dhahuunwal mari’atanii << nama irraa yoo jenne namoonni hedduun Yohaannis akka raajiichaatti waan ilaalaniif dhagaan nu hin dhiisaan samii irraa dhuftee yoo jenne immoo maaliif amanuu dhabdaan? Nuun jedha, kanaaf cuuphaan Yohaannis gara kamii akka dhuftee hin beeknu jenna>> jechuun hin beeknuu yeroo jedhaniin gooftaan keenya Iyyaasuus Kiristoosiis << anis aangoo kamiin akkan dalaguu isinitti hin himu>> jedheen. Maat. 21:24-27. Maar. 11:27-33, Luq. 20:1-8. Kana gooftaa Iyyaasuus Kiristoos << anis aangoo kamiin akkan dalaguu isinitti hin himu>> jedhee deebii itti himuun dhabuun isaa kaayyoo isaanii irraatti hundaa’eetti. Jalqaba gaaffii hayyoota lubboota, jaarsoota uummataa fi barreesitoota kanneenii beekumsaaf osoo hin taanee qorumsaaf kan gaaffataniidha. Ayihudootni warra of agarsiisuuf seera Muusee jabeesanii fi ittin dhaadataniidha. Haala madaalaa namoota yeroo sanaatiin qabeenya fi beekumsaan warraa jalqaba irraa jiraatan keessaa isaan tokkoodha. Garuu Kiristoos ilmi waaqayyoo kennaa fi beekumsaan kan guddate fi isaanii ol ta’ee gaafa itti dhufuu isa jalatti gad deebi’uun waan itti ulfaateef, isa harka keessa galfachuuf gaaffii qorumsaan yakkuuf yaalanii turan. Garuu gooftaan yeroo baay’ee isaanumatti naanneesee harka bahaa ture. Har’as namoonni hedduun bultoo seexanaa ta’uun addunyaa keessatti fi mana waaqayyoo keessatti nu kuffisuu fi karaa irraa nu dabsuuf jechaa gaaffii qorumsaa adda addaa nu gaaffachaa jiru. Isaan sana haala Kiristoosiin ogummaan deebii deebisuu fi qabna. Hayyuun duuka bu’ootaa qulqulluun Pheexiroos << Waa’ee abdii isin keessa jiruuf, nama isin gaafatee deebii gahaa deebisuuf yeroo hundaa kan qophooftan ta’a>> 1phex. 3:15 jechuun barumsa gorsaa nuuf barreesse.

Sirnoota mana amantaa keessatti gaggeeffaman, dubbisa, laallaba ykn misbaakii, wangeelaa fi sirna qulqulleessaa ykn serata qiddaasee guyyootaa fi sa’aatiin yeroo taa’an. { Guyyaa Kibxataa }

A:- Galgala Sa’aatii 1:00 irraatti
Dubbisa 1ffaa. Zak. 1:1-6
Laallaba= . Faar. 62:1-2
Wangeela Luq. 13:23-30
B:- Galgala Sa’aatii 3:00 irraatti
Dubbisa Milk. 1:1-8
Laallaba= Faar. 13:3-4
Wangeela Luq. 13:31-35
C:- Halkan Sa’aatii 6:00 irraatti
Dubbisa 1ffaa. Hoos.4:15-19
Dubbisa 2ffaa Hoos. 5:1-7
Laallaba= Faar. 91:2-3
Wangeela Luq. 21:34-38
D:- Halkan Sa’aatii 9:00 irraatti
Dubbisa 1ffaa. Hoos. 10:12-15
Laallaba= Faar. 33:10-11
Wangeela Luq. 10:37-52
E:- Halkan sa’aatii 11:00 irraatti
Dubbisa Amo. 5:6-14
Laallaba= Faar. 122:4-5
Wangeela Maar.13:32-37
F:- Ganama sa’aatii 1:00 irraatti
Dubbisa 1ffaa. Se. Ba. 19:1-8
Dubbisa 2ffaa. Iyyo. 23:24-
Dubbisa 3ffaa. Isa. 1:21-34
Dubbisa 4ffaa. Hoos. 4:1-8
Laallaba= Faar. 35:4-5
Wangeela Maat. 26:1-6
G:- Ganama Sa’aatii 3:00 irratti
Dubbisa 1ffaa. Se. Ke. De. 8:11-19
Dubbisa 2ffaa. Siraak. 3:1-
Laallaba= Faar. 119:154-155
Wangeela Maat. 23:37-39
H:- Guyyaa Sa’aatii 6:00 irraatti

Dubbisa 1ffaa. Hizq. 21:3-17
Dubbisa 2ffaa. Siraak. 4:1-
Laallaba= Faar. 18:17-18
Wangeela Yoh. 8:12-20
I:- Guyyaa Sa’aatii 9:00 irraatti
Dubbisa 1ffaa. Se. Uum. 6:5-22
Dubbisa 2ffaa. Se. Uum. 6:21-24
Dubbisa 3ffaa. Se. Uum. 8:9-22
Dubbisa 4ffaa. Se. Uum. 9:1-7
Dubbisa 5ffaa. Fkn. 9:1-12
Dubbisa 6ffaa. Isa.40:9-31
Dubbisa 7ffaa. Daan. 6:2-28
Laallaba= Faar. 25:1-2
Wangeela Maat. 24:3-35
J:- Guyyaa sa’aatii 11:00 irraatti
Dubbisa 1ffaa. Isa. 29:5-21
Dubbisa 2ffaa. Isa. 28:16-26
Dubbisa 3ffaa. Fkn. 6:20-35
Laallaba= Faar. 45:6-7
Wangeela Maat. 25:14-46
** Dhiifamni Waaqayyoo Nu Waliin Yaa Ta'u
https://t.me/Hi21Mar share Join
Wolde Michael Mekonen
22/08/16

Guyyaa Roobii: ረቡዕ ዕለት።
© B/saa Guutamaa M. (Wolde Michael )
https://t.me/Hi21Mar Share join
Guyyaa Marii, Maat. 26÷3-4, Maar. 14÷1-2, Yoh. 11÷45-53.
Guyyaa imimmaanii, Maat. 26÷6-7, Maar. 14÷3-9, Yoh. 12÷1-8.
Guyyaa waliigaltee, Maat. 26÷14-16, Maar. 14÷1-11, Luq. 22÷3-6
a. Guyyaa Marii.
Seenaa Marii Ayihudootaa wangeelootaan, Maat. 26÷3-4, Maar. 14÷1-2, Yoh. 11÷45-53.
Guyyaa Roobii Ayihudootni tooftaa ittiin gooftaa Iyyaasuus Kiristoos qabanii ittiin ajjeesanii kan itti mari'ataniidha. Ayihudootni " Sindiriyeem " jedhamee beekamuu shangoo kan miseensa 72 haammate qabu. Shangoon kunneen harki caalu Saduuqoota, yoo ta'an muraasni barreesitootaa fi Fariisoota dha. Isaaniis guyyaa roobii kana mooraa hayyuu luboota Qayyaaffaa jedhamuu keessatti walgahuun Qabiinsa Iyyaasuus Kiristoos irraatti waliin mari'atan. " Kanaan booda hayyoonni lubootaa, barreessitoonni, jaarsooleen ummataa mooraa hayyuu luboota maqaan isaa Qayyaaffaa jedhamuu keessatti walgahan, Gooftaa keenya Iyyaasuus tooftaan qabanii ajjeesuuf mari'atan " Maat. 26÷3-4, Maar. 14÷1-2, Yoh. 11÷45-53.
Marii isaanii keessatti fuldurrii ayyaanaa Faasikaa waan ta'eef yeroo Kiristoosiin qabanii ummannii waa jeeqamaa kan jedhuu sodaan keessa isaanii guutee. Akkasumas nama Kiristoositti dhiyaatuu fi dabarsee isaaniif kennuu barbaachuuf ka'an.
Yeroo ammaa kana warroota waaqayyootti amanaan mana waaqayyoo keessa baasuuf seexanni namoota adda addaa irra bulee tooftaan kuffisuuf akka irraatti mari'atanii fi haala mijjeeffatan taasisa.
b. Guyyaa Imimmaanii
Seenaa guyyaa imimmaanii wangeelootaan , Maat. 26÷6-7, Maar. 14÷3-9, Yoh. 12÷1-8.
Guyyaa kana Iyyaasuus Bitaaniyaa mana Simi'oon lamimxichaa osoo jiruu dubartiin sagaagalummaan kuftee tokko cubbuun isheen dalagdee itti ulfaatee fi abiddaaf qophaa'uu ishee hubattee akkasumma waaqummaa Kiristoos beektee dhiifama akka godhuuf gara inni jiruu qajeelte. Gooftass mana Simi'oonitti argattee miila isaa irraattii kuftee boossee imimmaaniin miila isaa dhiqxe. Wangeela irraaytis " Iyyaasuus Bitaaniyaatti mana Simoon isa lamxaa'ee ture sana keessa jiraa iyyuu, dubartiin tokko urgooftuu dibataa gati-jabeessa shurrubbeetti qabattee gara isaa dhufte; isheenis utuma Iyyaasuus maaddiitti taa'ee jiruu, urgooftuu sana mataa isaa irratti naqxe" Maat. 26÷6-7, Maar. 14÷3-9, Yoh. 12÷1-8. Yeroo kana duuka bu'ootni "dubartiin kun hanga urgooftuu kana balleessitu osoo gurguramee rakkattootaaf kennamee " jechuun sagalee dhageessisan.Yeroo kana gooftaan " Dubartii kana maaliif dadhabsiistuu isheen anaaf waan gaarii raawwatteetti rakkattoonni yeroo hunda isiin bira turu yeroo feetan gargaartuu ana garuu yeroo hunda ana hin argatan " { Maat. 26÷9-11 } jechuun cubbuun ishee akka dhiiffameef ragaa bahee. Akkasumaa maqaan dubartii kana wangeela addunyaa irraatti laallabamuu hunda irraatti maqaan ishee ni ka'a jedheen. Yeroo kanatti:-
Cubbuu dalagnuuf booyichaa fi imimmaaniin gara waaqayyoo deebinee dhiifama waaqayyoo akka arganuuf.
Booyichaa fi wayyoo dhan gara koo deebi'aa. Iyyu. 2÷12
Isa durii yaadatanii boo'aa as in deebi'u; ani garuu isaan jajjabeessee, qarqara burqituu bishaanii irra isaan nan geggeessa; isaan karaa qajeelaa irra in adeemu malee, hin gufatan. Eerm. 31÷9
Yeroo nuti waan gaarii dalagnuu seexanni namoota irraa buluun waan gara garaa dubbachuu akka danda'anii fi nutiis dhageenyee akka kufuu hin dandeenyee nu barsiisa.
Dabalataan gooftaan " Rakkattoota yeroo hunda argattuu yeroo feetan gargaartuu ana garuu yeroo hundaa na argachuu hin dandeessan " { Maat. 26÷11 } jechuun xoofoo du'aa fulduraatti jiruu fi erga du'a moo'ee ka'ees guyyaa 40ffaatti gara samii akka bahuu fakkeenyan barsiisee. Kana jechuun isaa foon uffatee isaan jidduutti argamuu dhabuu malee hafuuraan miti.
Fooniin yoon isin bira jiraachuu dhaabaadhe iyyuu hafuuraan isin biran jira.Qol. 2÷5

Kunoo, ani immoo hamma dhuma baraatti guyyaa hundumaa isinii wajjin nan jira" Maat. 28÷19-20.
c. Guyyaa Waliigaltee : የስምምነት ዕለት
Seenaa guyyaa waligaltee wangeelootaan Maat. 26÷14-16, Maar. 14÷1-11, Luq. 22÷3-6
Guyyaa Roobii dabalataan guyyaa duukaa bu'oota keessaa Yihudaan Kiristoos Ayihudootaaf dabarsee kennuuf itti walii galeedha. Yihudaan yeroo duuka bu'oonni mana Simi'ooniitti dhimma urgooftuu dubartittii gaaffatan sanatti, yeroo Kiristoos yaada isaanii fudhachuu dideetti itti aaree ture. Yihudaan duuka bu'ootaaf qabduu maallaqaa waan tureef kan rakkattootaa fi mana qulqullummaaf walitti qabamee dhuunfaa isaaf oolchaa waan tureef kan urgooftuus akkasutti yaaade ture.Maat. 26÷9-12. Yeroo sanarraa eegalee Yihudaan gooftaatti haaloo qabatee Ayidootasf dabarsuu barbaadee. " Yommus warra kudha lamaan keessaa tokko, Yihudaa gara luboota warra angafootaa dhaqee, "Isa dabarsee yoon isiniitti kenne, maal anaaf laattu?" ittiin jedhe; isaan immoo meetii soddoma muraniif, Yihudaan yeroo sanaa jalqabee dabarsee isa kennuudhaaf fucha in barbaada ture" Maat. 26÷14-16, Maar. 14÷1-11, Luq. 22÷3-6. Kunis raajiin Yihudaaf dursee barreeffamee gahee raawwatamuu isaati.
Namni garaa kootii, inni ani amanadhe, inni buddeena koo nyaate illee ana dhiituuf miilla ol fudhate. Faar. 40÷9
Ani isaaniin, "Yoo isin duratti qajeelaa ta'ee mul'ateef, miindaa koo anaaf kennaa! Garuu yoo qajeelaa isinitti fakkaachuu dhabaate immoo haa hafu!" nan jedhe; achumaanis isaan miindaa koo meetii guroo soddoma anaaf kennan, Waaqayyo yommus, "Meeticha suphee-dhooftuutti darbadhu!" naan jedhe; miindaa isaan kun "Ulfina-qabeessa" jedhanii, anaaf muran meetii guroo soddomman sana fuudhee mana qulqullummaa keessatti suphe-dhooftuutti nan darbadhe. Zak. 11÷12-13
" Qooda gaarii, hamaa, qooda jaalalaas jibba anaaf in deebisan. Nama jal'aa isa irratti kaasi, mirga isaas hamajaajiin haa dhaabatu. Yaa'ii firdii keessaas yakkaa ta'ee gad haa ba'u, kadhanni isaa illee cubbuu isatti haa ta'u. Barri isaa haa gabaabbatu, hojii inni irra dhaabames kan biraa haa fudhatu. Ijoolleen isaa abbaan kan irra hin jirre haa ta'an, haati manaa isaas haadha hiyyeessaa haa taatu. ijoolleen isaa asii fi achi labanii haa kadhatan, mana isaanii isa diigamaa keessaa ba'anii waa haa barbaaddatan. Abbaan gatii wanta inni qabu hundumaa haa qabatu, wanta inni itti dadhabee argates warri ormaa haa saaman. Namni tokko illee gaarummaa isatti hin argisiisin, ijoollee isaa warra inni irraa du'eefis namni garaa hin laafin!. Ijoolleen ijoollee isaatii lafa irraa haa dhuman, maqaan isaanii dhaloota itti aanu keessaa haxaa'amee haa balleeffamu. Yakki abboota isaatii Waaqayyo duratti haa yaadatamu! Cubbuun haadha isaas haxaa'amee hin balleeffamin. Wanta kana keessaa tokko illee yeroo hundumaa Waaqayyo duraa hin dhabamin; seenaan namichaa garuu lafa irraa haa balleeffamu,.Namichoo isa gadadamaa, isa dhabaa ari'ee, isa garaan isaa na'ee abdii kutates ajjeesuu barbaade malee, gaarummaa itti argisiisuu hin yaadne" Faar. 108÷5-16
Inni abaarsa jaallate, abaarsi isa irra haa dhuftu Eebbatti hin gammanne, innis isattii haa fagaatu, Inni abaarsa akka wayyaatti uffate, abaarsichi akka bishaanii namummaa isaatti, akka dibataas lafee isaatti haa galu. Abaarsichi akka uffata inni ofitti maruu, akka sabbata inni yeroo hundumaa ittiin hidhatuu, isatti haa ta'u. Kun hundinuu gatii Waaqayyo biraa warra hamajaajii koo ta'aniif, warra jireenya koo irratti hamaa dubbataniifis kennamu haa ta'u" Faar. 108÷17-20
Yihudaa irraatti raajjiin raajamee gaafa raawwachuuf eegaluu guyyaa roobii akka gooftaa ardiif samii meetii 30,n akka geeddaruu hayyoota luboota waliin waliif gale.

Sirnoota mana amantaa keessatti gaggeeffaman, dubbisa, laallaba , wangeelaa fi sirna qulqulleessaa ykn serata qiddaasee guyyootaa fi sa’aatiin yeroo taa’an. { Guyyaa Roobii }

A:- Galgala Sa’aatii 1:00 irraatti
Dubbisa 1ffaa. Hizq. 22:18-22
Laallaba= Faar. 59:16-17
Wangeela Maat. 22:1-14
B:- Galgala Sa’aatii 3:00 irraatti
Dubbisa 1ffaa. Amo. 5:18-27
Laallaba= Faar. 65:4-5
Wangeela Maat. 24:36-51
C:- Halkan Sa’aatii 6:00 irraatti
Dubbisa 1ffaa. Eerm. 17:1-11
Laallaba= Faar. 102:1-2
Wangeela Maat. 25:1-13
D:- Halkan Sa’aatii 9:00 irraatti
Dubbisa 1ffaa. Hoos. 9;14-17
Laallaba= Faar. 22:20-21
Wangeela Maat. 23:29-36
E:- Halkan sa’aatii 11:00 irraatti
Dubbisa 1ffaa. Xibab. 5:1-
Laallaba= Faar. 57:1-2
Wangeela Yoh. 11:55-57
F:- Ganama sa’aatii 1:00 irraatti
Dubbisa 1ffaa. Se. Ba. 17:1-7
Dubbisa 2ffaa. Isa. 2:1-11
Dubbisa 3ffaa. Fkn. 3:1-15
Dubbisa 4ffaa. Hoos. 5:13-15
Laallaba= Faar. 83:5-6
Wangeela Maat. 23:29-36
G:- Ganama Sa’aatii 3:00 irratti
Dubbisa 1ffaa. Se. Ba. 13:17-22
Dubbisa 2ffaa. Siraak. 22:1
Laallaba= Faar. 4:6-7
Wangeela Luq. 22:1-6
H:- Guyyaa Sa’aatii 6:00 irraatti
Dubbisa 1ffaa. Se. Ba. 14:13-31
Dubbisa 2ffaa. Siraak. 23:1-
Laallaba= Faar. 4:5-6
Wangeela Luq. 7:36-50
I:- Guyyaa Sa’aatii 9:00 irraatti
Dubbisa 1ffaa. Se. Uum. 24:1-9
Dubbisa 2ffaa. Se. Lakk. 20:1-13
Dubbisa 3ffaa. Fkn. 1:10-33
Laallaba= Faar. 83:2-3
Wangeela Maat. 26:1-16
J:- Guyyaa sa’aatii 11:00 irraatti
Dubbisa 1ffaa. Isa. 58:1-14
Dubbisa 2ffaa. Isa. 59:1-8
Laallaba= Faar. 6:2-3
Wangeela Yoh. 12:7-36
*** Dhiifamni Waaqayyoo Nu Waliin Yaa Ta'u.
https://t.me/Hi21Mar share join
Facebook. Wolde Michael Mekonen
23/08/2016

፡፡ Share godhi
Iyyasuus Waaqa haadha isaa Tuffatuudhaa ?????

©B/saa Guutamaa M. (Walda Mikaa'el)
https://t.me/Hi21Mar share Join
Shakkitoonni fi gantuun hedduun sagalee Kitaaba qulqulluu Iccitii fi fakkeenyan barreeffame hubachuu dadhabuun Iyyasuus Kiristoos haadha isaa qulqulleetti Maariyaam akka qoosee fi arrabseetti kanneen barsiisan ni jiru. Ilaalcha isaanii fi gowwummaa isaanii yoo ilaallu jibba haadha isaatiif qaban irraa kan ka’e isaanii gooftaa qulqulluu cubbuu fi yakka kamiyyuu hin hojjenne osoo hin beekne akka cubbummaatti Iyyasuus saaxilaa fi komachaa jiru. Yaada fi ilaalcha isaanii kanaaf ragaa Kitaaba qulqulluu malee namni kamiyyuu deebii quubsaa kennuu danda’a. Sababni isaas Waaqayyoon diinoota keessan jaalladha nuun jechuun ofii isaaf jaalatee agarsiise haadha isaa qulqulleetti Maariyaam tuffatee fi arrabse yoo jedhamu soba sangaan waatii dhalee jira jedhuun wal fakkaata. Namni Waaqummaa Iyyasuus Kiristoos amanu jecha kana dubbachuuf miti akka hin yaadne ifa kan ta’eedha. Sagaleewwan namoonni kunneen kitaaba qulqulluu keessaa baasanii akka arrabsee fi tuffateetti barsiisan yoo ilaalle,
Maat. 12÷46-50, Maar. 3÷31-35, Luq. 8÷19-21, Haati koo eenyu?..... Heeyyama abbaa koo koo samii irra jiru kan raawwatan hundi, inni obboleessa koo, obboleetti koo haadha kootis” jedhe” ( jechuun kan barreeffame
Yoh. 2÷2 Ati yaa dubartii kana si waliin maalan qaba? Yeroon koo hin geenye.
Sagaleewwan Wangeelaa kunneen qoosaa fi tuffii qulqulleetti Maariyaam kan ibsuu osoo hin taane kabajaa ishii kan ibsu yoo ta’u, Iyyasuus Kiristoos \maalif akka dubbate mata duree isaanii jalatti haala gahaan ibsamee jira.
Jalqaba Muuseef, “Waaqayyoon kee Waaqni akka si ajajetti, Abbaa kee fi Haadha kee kabaji, Waaqayyoon kee waaqni siif kennu lafa irratti umriin kee akka dheeratuuf gaarummaas akka siif ta’u” (Se. Ke. De. 5÷16, Se. Ba. 20÷12” jechuun ajaja kan kennee Waaqayyoodha. Iyyasuus Kiristoos immoo ilma Waaqayyoo jiraataa kan ta’e, seera Ooritii ykn Muusee jajjabeessuuf akka dhufe, “Ani seeraa fi raajoota jijjiiruuf kanan dhufe isinitti hin fakkaatin, raawwachuuf malee jijjiiruuf hin dhufne” (Maat. 5÷17) jechuun afaan isaan dubbatee jira. Gooftaan keenya Iyyasuus seera Ooritii kan caalu seera Wangeelaan, “Obboleessa isaa irratti gatii malee kan lolu hundi itti murtaa’a obboleessa isaan uffattuu huccuu kan jedhu dirree irratti itti murtaa’a, doofaa kan jedhu hundi ibidda Si’ooliin itti murtaa’a… Hiriyaa kee jaaladhu, diina kee jibbi kan jedhame dhageessanii jirtu, ani garuu isiniin jedha, diinoota keessan jaaladha, kanneen isin abaaran eebbisaa, kanneen isin jibbaniif waan gaarii raawwadhaa, kanneen isin yakkanii fi ari’ataniif kadhadhaa. Abbaa keessan samii irra jiruuf ijoollee akka taataniif inni hamoota fi gaggaariiwwaniif aduu baasa qajeeltootaa fi cubbamtootaaf rooba roobsa, kan isin jaalatan yoon jaalattan gatiin keessan maalidha?” (Maat. 5÷21-22, Maat. 5÷43-46) jechuun hiriyaa fi nama nu jaalatan qofa osoo hin taanee diina keenyas akka jaalannu nutti himee jira. Dursee hangafti raajoota qulqulluu Isayaas, “Dhugumaan inni dhibee keenya, dhukkubbii keenyas baate, waa’ee keenyaaf dhukkubsate, nutis akka dhukkubsate, akka rukutameetti lakkoofne, Inni garuu waa’ee cubbuu keenyaf madaa’e, waa’ee badii keenyaf dhukkubsate, gorsi nageenyaa isa irra ture, madaa’uu isaan nuti fayyine, Hundi keenyaa akka hoollata ni facaanee badne, nu keessaa tokko tokkoon gara karaa ofiitti gore, Waaqayyoos waa’ee cubbuu keenyaaf du’aaf dabarsee kenne, Inni garuu yeroo gidiraa afaan hin banne, akka hoola gara iddoo qalamuu deeme, korpheesse (tumaaleessi) hoolaa nama rifeensa irraa haadan fuulduratti akkuma callisu, akkasuma afaan isaa hin banne, salphina isaatiif murteen isaa dhoorkame, jireenyi isaa lafaa irraa dhoorkamee jira dhaloota isaa eenyutu dubbata? Waa’ee cubbuu uummata kootif du’aaf kenname, cubbuu hin hojjenne waan ta’eef afaan isaa sobni hin argamne” (Isa. 53÷4-9) jechuun Iyyasuus cubbuu akka hin hojjennee fi namoota isaa ajjeessan durattis afaan isaatiin hamaa akka hin dubbanne raajee jira.

Xummurri raajii Isayaas kun yeroo gahetti Iyyasuus Kiristoos dubree Maariyaam irraa dhalachuun Ayihudoota irratti gochaan agarsiisee jira. Kanas Seera kakuu haaraa wangeelaa nuuf kenne kanas ofii isaatiif akka raawwate, guyyaa jimaata diinonni isaa Ayihudoonni yeroo itti qoosuun rukutaa fi gidiraa irraan gahaa turanitti, “Iyyasuusis, Yaa abbaa koo waan raawwatan hin beekanii dhiifama godhiif” (Luq. 23÷34) jechuun warroota isa jibbuun du’a isaan qopheessaniif jaalalan kadhatee jira. Namni kamiyyuu hubachuu fi yaadu kan danda’u Iyyasuus diina isaa kan isa ajjeessa jiru hin arrabsinee fi hin tuffanne haadha isaa ji’a sagalii guyyaa shan gadaameessa isheetti baatte dahuun, harma dubrummaa hoosistee, dugdatti baachuun, harkaan haammachuun guddistee fi gara gammoojjii Misir waliin kan baqattee fi gidiraa heddu isa waliin qooddattee fi guyyaa jimaatas hanga tulluu Qaraaniyoos isa waliin turte, maal isa yakkiteeti kan tuffatu? Maal balleessite ishee arraabsa? Akka jecha isaanitti Iyyasuus haadha arrabsuun cubbuu hojjete jechuudha? Yaa Waaqayyoo ati waan dubbatan hin beekanii ati dhiifama godhiif, Galanni fi kabajni isaaf yaa ta’u inni haadha isaa hin hojjenne, arrabsoo fi tuffidhanis cubbuu hin hojjenne.
Iyyasuus Kiristoos haadha isaa kan arrabsuu fi tuffatu akkasumas qoosu osoo hin taane, yeroo foon namaa uffatee dubree Maariyaam irraa dhalatee biyya lafaa irra deeddeebi’ee barsiisus warroota haadhaa fi abbaa isaanii hin kabajne “, “Safuu keessan eeguuf jecha seeraa Waaqayyoo tuffattanii jirtu, Muuseen abbaa kee fi haadha kee kabaji, dabalataan, abbaa isaa yookiin haadha isaa kan arrabse sirumaa yaa du’u jedhee jira, Isin garuu ni jettan, namni abbaa isaan yookiin haadha isaan ana irraa wanti fayyadamtu, qurbaanadha, kennaaddha yoo jedhe, abbaa isaa fi haadha isaaf gara fuulduraatti maalumaa akka gootaniif hin heeyyamtaniif. Safuu murteeffataneef sagalee Waaqayyoo jijjiirtu. Akkasumas kana kan fakkaatu waan baay’ee raawwattu” (Luq. 7÷9-13) jechuun Fariisotaa fi Ayihuudoota haadhaa fi abbaa isaanii hin kabajne, mormuun komatee jira.
Dhugaan Kitaaba qulqulluu irra jiru kana osoo ta’ee jiruu, shakkitoonni Kiristoos akka haadha isa tuffatee fi qoosetti haasawuun Iyyasuus akka cubbamaatti lakkaa’udha malee kabaja isaaf kennuu miti. Sababni isaa namni nama tuffatu, arrabsuu fi qoosu cubbamaadha. Ammas dhugaan jiru Iyyasuus Kiristoos waaqa yakkaa fi cubbuu irraa bilisa ta’eedha. Ilmi Waaqayyoo jiraataa mataa isaan Waaqa qulqulluu kan ta’e Iyyasuus Kiristoos yaadan, dubbiin fi gochaan cubbuu fi yakka, badii akka hin hojjenne kitaabni qulqulluun ragaa baha.
Yaadan:- Yoh.14÷30, “Amma booda isin waliin baay’ee hin haasawu, bitaan addunyaa kanaa ni dhufa, ana irratti homaa iyyuu hin qabu” jechuun yaadan cubbuu akka hin hojjenne afaan isaan dubbatee jira.
Dubbiin:- 1Phex. 2÷22-23, “Innis cubbuu hin hojjenne dabnis afaan isaa keessaa hin argamne” jechuun qulqulluun Pheexiroos ragaa bahee jira.
Hojiin:- Yoh. 8÷46, “Isin gidduudha waa’ee cubbuuf kan ana komatu eenyu?” jechuun cubbuu akka hin hojjenne afaan isaan dubbatee jira.
Dabalataan ifni mana Kiristiyaanaa qulqulluu Phaawuloos, “Cubbuu malee waan hundaan akka keenyaa kan qorameedha” (Ibro. 4÷5) jechuun Iyyasuus Kiristoos foon namaa uffatee akka nama kamiyyuu lafa irratti qoramuus cubbuu akka hin hojjenne barreessee jira. Walumaagalatti Kitaaba qulqulluu keessattis ta’ee kitaaba kamiyyuu keessatti Iyyasuus Kiristoos haadha isaa kan tufatee fi qoose jedhu tasumaa hin argamu. Iyyasuus Kiristoos akka shakkitoonni jedhan wangeellichi Luqaas “ Isaan waliin bu’ee gara Naazireet dhufe, ni ajajamaafis ture” (Luq. 2÷51) jechuun haadha isaatiif kabajaan akka ajajamu isaa ibsee jira. Kana irraa kan hafe warri Iyyasuus haadha isaa qoose tuffate ykn arrabse jedhan Iyyasuus biraa yoo ta’e malee Iyyasuus Kiristoos ilma dubree Maariyaam kan raajiin raajameef miti. Sababni isaas Iyyasuus inni waaqa jiraata haadha isaa miti diinota isaatu akka jaalachaa ture kitaaba qulqulluu kakuu moofaa fi kakuu haaraa keessaa kaafnee ilaalle jira.

Kana irraa kan hafe nuti akka amantoota Ortoodoksii Tewaahidootti Waaqa haadha isaas ta’ee nama arrabsuu fi qoosu hin qabnu fuuldurattis hin qabaannu. Barumsi akkanaa kunis ilaalcha nama dhuunfaa fi jibba haadha Waaqayyoof qaban irraa qabaniidha. Akkasumas warroota diyaabiloos laphee isaanii irra kan bule waan ta’aniif yaada ragaa kitaaba qulqulluu irra hin jirre barsiisuun namoota hubannoo kitaaba qulqulluu hin qabne dogongorsanii dha.
Xummurameera.
23/08/2016
https://t.me/Hi21Mar share Join
Facebook Wolde Michael Mekonen

፡ Yaada Miseensa Chaanaalii Kootiif.
Chaanaaliin Hafuuraa
https://t.me/Hi21Mar
* Harmee Ortoodoksii Tewaahidoo21* jedhu i'a 2 osoo hin guutiin isiniin miseensa 500 horatee jira waan ta'eef guddaa galatooma. fuuldurattiis abdiin deema. Barumsi darbus kan amantaa qofaadha. Siyaasaa fi tuttuqqii addunyaa irraa bilisa. Seenuun file keenya mirkaneessa. Namoota biroofis share godhaa.
Namootni Yaada, gaaffii fi Barumsa Dabarsuu barbaaddan link armaan gadiin anaargattu.
© B/saa Guutamaa Makonniin ( Walda Mikaa'el)

Link. dhuunfaa = https://t.me/Hi21Mar
Email. wolde21mar@gmail.com
facebook. Wolde Michael Mekonen
= Guutamaa Makonniin
channel Grou https://t.me/Hi21Mar share godhaa.