ሀገር አቀፍ የባህል ስፖርቶች ውድድርና የባህል ስፖርቶች ፌስቲቫል ተጠናቀቀ

አዲስ አበባ፣ መጋቢት 27፣ 2018 (ኤፍ ኤም ሲ) 23ኛው የባህል ስፖርቶች ውድድርና 19ኛው የባህል ስፖርቶች ፌስቲቫል በዛሬው ዕለት ተጠናቅቋል፡፡

"የባህል ስፖርቶች ልማት ለኢትዮጵያ ከፍታ" በሚል መሪ ቃል ለአንድ ሳምንት በሀረር ከተማ ሲካሄድ ቆይቷል፡፡

የኢትዮጵያ የባህል ስፖርቶች ፌዴሬሽን ፕሬዚዳንት ወ/ሮ ሕይወት መሐመድ በፍጻሜ መርሐ ግብሩ ላይ ባስተላለፉት መልዕክት፥ የባህል ስፖርቶች ውድድሮችና የባህል ፌስቲቫል ወንድማማችነትና እህትማማችነት የተረጋገጠበት ነው ብለዋል፡፡

በባህል ስፖርቶች ውድድር የኦሮሚያ ክልል በ61 ነጥቦች የአጠቃላይ ስፖርት ውድድሮች አሸናፊ ሆኗል።

በ19ኛው የባህል ስፖርቶች ፌስቲቫል ደግሞ ደቡብ ኢትዮጵያ ክልል አሸናፊ ሲሆን፥ ኦሮሚያና ማዕከላዊ ኢትዮጵያ ክልሎች ሁለተኛ እና ሦስተኛ በመሆን አጠናቅቀዋል።

24ኛው የባህል ስፖርቶች ውድድርና 20ኛው የባህል ፌስቲቫል በሲዳማ ክልል የሚካሄድ ይሆናል፡፡

በተሾመ ኃይሉ

ነገሌ አርሲ አዳማ ከተማን አሸነፈ

አዲስ አበባ፣ መጋቢት 27፣ 2018 (ኤፍ ኤም ሲ) በ25ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር ነገሌ አርሲ አዳማ ከተማን 2 ለ 1 አሸንፏል፡፡

በአበበ ቢቂላ ስታዲየም ቀን 9 ሰዓት ላይ በተደረገው ጨዋታ የነገሌ አርሲን ግቦች ዳዊት ተፈራ እና ርሆቦት ሶላሎ አስቆጥረዋል፡፡

አዳማ ከተማን ከሽንፈት ያልታደገችዋን ብቸኛ ግብ ዳዋ ሆቴሳ ከመረብ አሳርፏል፡፡

በሌላ ጨዋታ ሀዋሳ ከተማ ወልዋሎ ዓዲግራት ዩኒቨርሲቲን 1 ለ 0 እየመራ የመጀመሪያውን አጋማሽ አጠናቅቋል፡፡

በሀዋሳ ዩኒቨርሲቲ ስታዲየም እየተካሄደ በሚገኘው ጨዋታ ሀዋሳ ከተማን መሪ ያደረግቸውን ግብ ያሬድ ብሩክ ከመረብ አሳርፏል፡፡

ሀዋሳ ከተማ እና ወልዋሎ ዓዲግራት ዩኒቨርሲቲ አቻ ተለያዩ

አዲስ አበባ፣ መጋቢት 27፣ 2018 (ኤፍ ኤም ሲ) በ25ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር ሀዋሳ ከተማ እና ወልዋሎ ዓዲግራት ዩኒቨርሲቲ 2 አቻ ተለያይተዋል፡፡

በሀዋሳ ዩኒቨርሲቲ ስታዲየም ቀን 10 ሰዓት ላይ በተደረገው ጨዋታ የሀዋሳ ከተማን ግቦች ያሬድ ብሩክ እና ሽመልስ በቀለ አስቆጥረዋል፡፡

የወልዋሎ ዓዲግራት ዩኒቨርሲቲ ግቦችን ደግሞ ነፃነት ገ/መድህን እና ዳዊት ገብሩ ከመረብ አሳርፈዋል፡፡

አስቀድሞ በአበበ ቢቂላ ስታዲየም በተካሄደ በሌላ የሊጉ ጨዋታ ነገሌ አርሲ አዳማ ከተማን 2 ለ 1 ማሸነፉ ይታወቃል፡፡

የማራቶን ውድድር ከዓለም አትሌቲክስ ሻምፒዮና ሊቀነስ ነው

አዲስ አበባ፣ መጋቢት 29፣ 2018 (ኤፍ ኤም ሲ) ከፈረንጆቹ 2030 ጀምሮ ማራቶን ከዓለም አትሌቲክስ ሻምፒዮና ውድድር ውጪ እንደሚሆን የዓለም አትሌቲክስ ይፋ አድርጓል፡፡

ማራቶን በፈረንጆቹ 2027 እና 2029 በሚካሄዱት የዓለም አትሌቲክስ ሻምፒዮና ላይ የውድድሩ አካል ሆኖ እንደሚቀጥል ተገልጿል።

ከፈረንጆቹ 2030 ጀምሮ ማራቶን ከዓለም አትሌቲክስ ሻምፒዮና ውድድር እንደሚወጣ ነው የተገለጸው፡፡

የዓለም አትሌቲክስ አዲስ ዓመታዊ የአትሌቲክስ ውድድር እንደሚያዘጋጅ ተጠቁሟል፡፡

በዚህም በፈረንጆቹ 2030 የዓለም አትሌቲክስ ማራቶን ሻምፒዮና የሚል ራሱን የቻለ ውድድር እንደሚጀመር ተመላክቷል፡፡

በፈረንጆቹ 2030 የሚጀምረው አዲሱ የዓለም አትሌቲክስ ማራቶን ሻምፒዮና በየአመቱ የሚካሄድ ሲሆን፥ የመጀመሪያውን ውድድር አቴንስ እንድታዘጋጅ ተመርጣለች፡፡

የሪያል ማድሪድ እና ባየርን ሙኒክ አሰላለፍ ይፋ ሆነ

አዲስ አበባ፣ መጋቢት 29፣ 2018 (ኤፍ ኤም ሲ) የአውሮፓ ሻምፒየንስ ሊግ የሩብ ፍጻሜ ተጠባቂ ጨዋታዎች አሰላለፍ ይፋ ሆኗል፡፡

በዚህም ሪያል ማድሪድ አንድሬ ሉኒን፣ ትሬንት አሌክሳንደር አርኖልድ፣ አንቶኒዮ ሩዲገር፣ ዲን ሁጅሰን፣ አልቫሮ ካሬራስ፣ ፌዴሪኮ ቫልቬርዴ፣ ቲያጎ፣ ቹሀሚኒ፣ አርዳ ጉለር፣ ኪሊያን ምባፔ እና ቪኒሸስ ጁኒየርን በመጀመሪያው አሰላለፍ ውስጥ አካትቷል፡፡

ባየርን ሙኒክ በኩል ማኑኤል ኑየር፣ ኡፓሜካኖ፣ ታህ፣ ኪሚቺ፣ ናብሪ፣ ሀሪኬን፣ ዲያዝ፣ ኦሊሴ፣ ላይመር፣ ስታኒሲች እና ፓቭሎቪች በቋሚነት የሚጀምሩ ይሆናል፡፡

በሌላኛው የምሽቱ ጨዋታ ደግሞ ዴቪድ ራያ፣ ቤንዋይት፣ ሳሊባ፣ ጋብሬል ማጋሌሽ፣ ካላፊዮሪ፣ ዙቢሜንዲ፣ ራይስ፣ ኦዴጋርድ፣ ማዱኬ፣ ትሮሳርድ እና ዮኬሬሽ ስፖርቲንግን በሚገጥመው የአርሰናል የመጀመሪያ አሰላለፍ ውስጥ ተካትተዋል፡፡

ተጋጣሚው ስፖርቲንግ ሊዝበን በበኩሉ ሩሂ ሲልቫ፣ ኢናሲዮ፣ ዳይሞንዴ፣ ፍሬስኔዳ፣ አራሆ፣ ሲሞስ፣ ሞሪታ፣ ትሪንካሆ፣ ካታሞ፣ ፖቴ እና ሰዋሬዝን በመጀመሪያው አሰላለፍ ይዞ ወደ ሜዳ የሚገባ ይሆናል፡፡

ሁለቱም የሩብ ፍጻሜ የመጀመሪያ ዙር ጨዋታዎች በተመሳሳይ ምሽት 4 ሰዓት ላይ መደረግ ይጀምራሉ፡፡

ባየርን ሙኒክ ሪያል ማድሪድን አሸነፈ

አዲስ አበባ፣ መጋቢት 29፣ 2018 (ኤፍ ኤም ሲ) በአውሮፓ ሻምፒየንስ ሊግ የሩብ ፍጻሜ የመጀመሪያ ዙር ጨዋታ ባየርን ሙኒክ ሪያል ማድሪድን 2 ለ 1 አሸንፏል።

የባየርን ሙኒክን የማሸነፊያ ግቦች ሉዊስ ዲያዝ እና ሀሪኬን አስቆጥረዋል።

ሪያል ማድሪድን ከሸንፈት ያልታደገችዋን ብቸኛ ግብ ኪሊያን ምባፔ ከመረብ አሳርፏል።

በሌላ ጨዋታ አርሰናል ስፖርቲንግ ሊዝበንን 1 ለ 0 አሸንፏል።

የአርሰናልን ብቸኛ የማሸነፊያ ግብ ካይ ሀቨርትዝ በሁለተኛው አጋማሽ አስቆጥሯል።