ቶተንሃም ከአርሰናል የመጀመሪያ አጋማሽ...

አዲስ አበባ፣ የካቲት 15፣ 2018 (ኤፍ ኤም ሲ) በ27ኛ ሳምንት የእንግሊዝ ፕሪሚየር ሊግ የቶተንሃም እና አርሰናል የመጀመርያው አጋማሽ ጨዋታ 1 ለ 1 በሆነ አቻ ውጤት ተጠናቅቋል።

በጨዋታው የአርሰናልን ግብ ኤበሪቼ ኤዜ ከመረብ ሲያሳርፍ ኮሎ አሙኒ የቶተንሃምን ግብ አስቆጥሯል።

ብራዚላዊው የማንቼስተር ዩናይትድ ኮከብ ካስሚሮ…

አዲስ አበባ፣ የካቲት 16፣ 2018 (ኤፍ ኤም ሲ) በማንቼስተር ዩናይትድ ቤት ምርጥ ብቃታቸውን እያሳዩ ከሚገኙ ተጫዋቾች መካከል አንዱ ነው ብራዚላዊው ተጫዋች ካስሚሮ፡፡

የእግር ኳስ ሕይወቱን በሀገሩ ክለብ ሳኦፖሎ የጀመረው ካስሚሮ የቡድኑን ሚዛን በመጠበቅ ችሎታው ይታወቃል፡፡

በወቅቱ በተከላካይ አማካይ ስፍራ ላይ ባሳየው ድንቅ እንቅስቃሴ የሪያል ማድሪድን ቀልብ የሳበ ሲሆን÷ በ2013 ሎስብላንኮቹን መቀላቀል ችሏል፡፡

ካስሚሮ ሪያል ማድሪድን ከተቀላቀለ በኋላ በዋናው ቡድን ውስጥ የመጫወት ዕድል ባለማግኘቱ በውሰት ለፖርቶ መሰጠቱ ይታወሳል፡፡

በፖርቶ ቆይታው ካስሚሮ አስደናቂ እንቅስቃሴ በማድረግ ቡድኑን በአውሮፓ ሻምፒየንስ ሊግ ውድድር ለሩብ ፍፃሜ ማብቃቱ አይዘነጋም፡፡

ካስሚሮ በፖርቶ ባሳየው ምርጥ ብቃት ሪያል ማድሪድ በ2015 ተጫዋቹን ወደ ሳንቲያጎ ቤርናባው መልሶ አምጥቶታል፡፡

ካስሚሮ ወደ ክለቡ ከተመለሰ በኋላ ለሪያል ማድሪድ ስኬት ወሳኝ ሚና በመጫወት ዓለም ላይ ካሉ ምርጥ የተከላካይ አማካዮች አንዱ መሆን ችሏል፡፡

ብራዚላዊው ተጫዋች በሪያል ማድሪድ በነበረው ቆይታ አምስት የአውሮፓ ሻምፒየንስ ሊግ፣ የስፔን ላሊጋ፣ የዓለም ክለቦች፣ የኮፓ ዴል ሬይን ጨምሮ የተለያዩ ዋንጫዎችን አሳክቷል፡፡

በሪያል ማድሪድ ቤት በቆየባቸው ዓመታት ከክሮሺያዊው ሉካ ሞድሪች እና ከጀርመናዊው ቶኒ ክሩስ ጋር የነበረው ጥምረት አስደናቂ እንደነበር ይታወሳል፡፡

በሦስቱ ተጫዋቾች አስገራሚ ጥምረት የሪያል ማድሪድ የመሀል ሜዳ ክፍል ለዓመታት አስፈሪ ሆኖ መቆየት... 👇
https://web.facebook.com/fanasport/posts/pfbid02CXDLZHsvh1kdENwrbC3DYV1Ep67H1u27QqKhDpMBUWMEeBCQhyyMHpLvG8Tdp4tNl

ማንቼስተር ዩናይትድ ከኤቨርተን

አዲስ አበባ፣ የካቲት 16፣ 2018 (ኤፍ ኤም ሲ) በ27ኛ ሳምንት የእንግሊዝ ፕሪሚየር ሊግ መርሐ ግብር ኤቨርተን በሜዳው ምሽት 5 ሰዓት ላይ ማንቼስተር ዩናይትድን ያስተናግዳል፡፡

ከአራት ተከታታይ ድል በኋላ የአቻ ውጤት ያስመዘገበው ማንቼስተር ዩናይትድ ወደ ድል ለመመለስ ወደ ሜዳ ይገባል፡፡

ሁለቱ ቡድኖች እርስ በርስ ካደረጓቸው ያለፉት አምስት ጨዋታዎች ማንቼስተር ዩናይትድ ሁለቱን ሲያሸንፍ ኤቨርተን በአንዱ ድል አድርጎ በሁለቱ አቻ ተለያይተዋል፡፡

ማንቼስተር ዩናይትድ የዛሬውን ጨዋታ የሚያሸንፍ ከሆነ ነጥቡን ወደ 48 ከፍ በማድረግ 4ኛ ደረጃን ከቼልሲ የሚረከብ ይሆናል፡፡

በሜክሲኮ ግማሽ ማራቶን ኢትዮጵያዊያን አትሌቶች በሁለቱም ጾታ አሸነፉ

አዲስ አበባ፣ የካቲት 16፣ 2018 (ኤፍ ኤም ሲ) በሜክሲኮ ጓዋዳላሀራ የግማሽ ማራቶን ውድድር ኢትዮጵያዊያን አትሌቶች በሁለቱም ጾታ ድል ቀንቷቸዋል፡፡

በወንዶች ግማሽ ማራቶን አትሌት ገመቹ ዲዳ ርቀቱን 1 ሰዓት 3 ደቂቃ ከ38 ሰከንድ በሆነ ሰዓት በማጠናቀቅ ቀዳሚ ሆኗል፡፡

በሴቶች ምድብ ደግሞ ኮሎሌ መካሹ 1 ሰዓት 12 ደቂቃ ከ49 ሰከንድ በሆነ ሰዓት በመግባት ውድድሩን በአንደኝነት አጠናቅቃለች፡፡

ማንቼስተር ዩናይትድ  ኤቨርተንን አሸነፈ

አዲስ አበባ፣ የካቲት 16፣ 2018 (ኤፍ ኤም ሲ) በ27ኛ ሳምንት የእንግሊዝ ፕሪሚየር ሊግ ከሜዳው ውጪ የተጫወተው ማንቼስተር ዩናይትድ ኤቨርተንን 1 ለ 0 አሸንፏል፡፡


ቤንጃሚን ሼሽኮ ባስቆጠራት ብቸኛ ግብ ድል ያደረገው ማንቼስተር ዩናይትድ ነጥቡን 48 በማድረስ በሊጉ 4ኛ ደረጃ ላይ ተቀምጧል።

በአውሮፓ ሻምፒየንስ ሊግ አራት ጨዋታዎች ይደረጋሉ

አዲስ አበባ፣ የካቲት 18፣ 2018 (ኤፍ ኤም ሲ) በአውሮፓ ሻምፒየንስ ሊግ ወደ 16ቱ ለመግባት አራት የመልስ ጨዋታዎች ዛሬ ይካሄዳሉ።

በመልስ ጨዋታዎች ቤነፊካን በመጀመሪያው ዙር 1 ለ 0 ያሸነፈው ሪያል ማድሪድ በቤርናቦው ምሽት 5 ሰዓት ላይ የመልሱን ጨዋታ ያደርጋል።

በተመሳሳይ ሰዓት ሞናኮን ከሜዳው ውጪ 3 ለ 2 ያሸነፈው ፒኤስጂ የመልሱን ጨዋታ በሜዳው እና በደጋፊው ፊት ሲያካሂድ፤ በጋላታሳራይ የ5 ለ 2 ሽንፈት የገጠመው ጁቬንቱስ ውጤቱን ለመቀየር በሜዳው ብርቱ ፉክክር ይጠብቀዋል።

ከዚህ ቀደም ብሎ ደግሞ ምሽት 2 ሰዓት ከ45 ላይ በመጀመሪያ ዙር ጨዋታ በዶርትሙንድ የ2 ለ 0 ሽንፈት የገጠመው አታላንታ በሜዳው እና በደጋፊው ፊት ወደ 16 ውስጥ ለመቀላቀል ይጫወታል።

ትናንት ምሽት በተደረጉ የአውሮፓ ሻምፒየንስ ሊግ የመልስ ጨዋታዎች 4 ቡድኖች ወደ 16ቱ መቀላቀላቸውን አረጋግጠዋል።

በዚህም ባየር ሊቨርኩሰን ኦሎምፒያኮስን 2 ለ 0፣ ቦዶ ግሊሚት ኢንተር ሚላንን 5 ለ 2፣ ኒውካስል ዩናይትድ ካራባግን 9 ለ 3 እንዲሁም አትሌቲኮ ማድሪድ ክለብ ብሩዥን 7 ለ 4 በሆነ ድምር ውጤት በማሸነፍ ወደ 16ቱ ተቀላቅለዋል።

በሲቢኢ ኢትዮጵያ ፕሪሚየር ሊግ አራት ጨዋታዎች ይደረጋሉ

አዲስ አበባ፣ የካቲት 19፣ 2018 (ኤፍ ኤም ሲ) በ21ኛ ሳምንት የሲቢኢ ኢትዮጵያ ፕሪሚየር ሊግ መርሐ ግብር በዛሬው ዕለት አራት ጨዋታዎች ይደረጋሉ፡፡

ቀን 9 ሰዓት ላይ በሀዋሳ ዩኒቨርሲቲ ስታዲየም አዳማ ከተማ ከሸገር ከተማ እንዲሁም ምሽት 12 ሰዓት ላይ ነገሌ አርሲ ከኢትዮጵያ ቡና ጨዋታቸውን ያደርጋሉ፡፡

አዳማ ሳይንስና ቴክኖሎጂ ዩኒቨርሲቲ ስታዲየም ደግሞ ቀን 9 ሰዓት ላይ ድሬዳዋ ከተማ ከወላይታ ድቻ እንዲሁም ምሽት 12 ሰዓት ላይ መቻል ከመቐለ 70 እንደርታ ይገናኛሉ፡፡