مَدري شگد
حَزن رَوحَك ولا يِنعد !!
وهَذاك أنتَ
الغَريب ، المنسَي ، المفرهَد
أبو دمَيعة الحَنين المَا وگفلة أحَد.

لا شَعَر ضل براسي ما طاح
ولا منك الله يفكني وأرتاح
خايب فراكك مثل قباض ألأرواح
كلساع گارصني من ألأصفاح

منا وهيج بَعد
تَلكاني مَتباعد
وحَتى لو تحَبني بعد
حُب من طَرف واحد
خَاف أنتَ بارد جَنت
هسه انا اخس منك صَرت
يحسَدني كام الثلج
كد ماصَرت بارَد .

انه الَمحد عرف وضعه َ
صوِتي من التعب
محد يگدر يسْمعه
عيني صَارت عين الميَت
طفت بعد مابيهَا إي لمعه
ويسألني المادره ِبحالي
دمعَتك تنزل بسرعه ! .

امس ويا الفجر فزيت مرعوب.
يرجف حيلي كُله وكلبي مرهوب.
كلت ارجع انامن كافي تفكير.
كمت طفيت راسي وعفت الكلوب.

شوضح للبشر أكثر
الناس تگلي متغير
هوه الميل لو لاگي رقم يحويه
ماجاب العمر يفتر.

يسألوني وأگلهُم بالبخت عِفته
ويجي الليّل ويجَن كلهن
ضحكتك ، صورتك ، وانتَ !

مرات اكولَن گضت كَم يوم وتعدي
ومَرات اريدن درُب للمَگبره يوَدّي .

تعَال افگدني لتخلِي العذر مَهرب
تَراچي اثنينة وبَس نفترگ نَخرب .

صِرت للمَالة أي مَوضوع عِنوان
الچان يحَبني لا يمكن ولا چَان .

وطلع كل الرسمته اوهام باوهام
ارسِم على الظلام بقلم كِحله .

‏بَعد ذاك الموادَع كَلبي بيِ غَصة
أريد أعرُف الليل ويامَن تخَلصة.

مِن دونك صِرت مَاعيش وَي النَاس
وأنتَ بكل سعادَه تعيش مِن دوني .

چا والنَاس والوهَواس واثار البچي ونُوحَه !
ترى التعَبان مِن روحَه ما أظن تُبرد جروحه !.

عگُب ذيچ المَيانة تصير رسميَات
ونخلصهَا واحد مَا يحبّ واحد .

گول مَن البّدايه عِندي غير انسان
عَليمن احرگ برُوحي وكَلبي خِلصان .

اوصِل للحبَل وآتعوذ آلشِيطآن
يآربَي سّآمحِني عبدك حيل تعبان !

اذا مَاتت الشچرَة مَا تحَزن الگاع
تلگه الحَيرَة بعيوَن العصافَيرَ .

حَتى الماتمر بالبال مرتلي
أحس الدنيا بالبلعوم واكفتِلي .

أذا عندك وقت مُر بشتَانهَ
نضوگك چاينه وتسَمعَ غنانه .