يمر اسمك وأحس حرورتك بالراس
وأذب روحي بنهر يومين ما أبرد.

انه صادق جِنت وياك
بالهمسات ومِن جِذبك
علي خليتني
اتكتر ..

تكلي احميك وانت
ملثم من الخواف ؟
وتسولف على ندى
وتحرك بساتيني
تكتل ناس
جي ماكدر يحبوك
ودرس عن الحُسين
اتريد تطيني ؟
تدليني بدرب ماتدري
دربه منين
اندل الدرب
وبعدين دليني

گُلشي گُلي
ولا أشوفك
ريّة ما تعشَگ هَواي
گُلشي گُلي
ولا تعطشني مِن أريدك
يا حَبيبي عَيونك الحلوات تعبي
وراحتي وعَلتي ودواي ..

گمت من انام
حبال أحط جواي
بلكي من اگعد الگه
احلامي معدومه

تعال اگطع نزال الليّل
حط بنحري چم نجمة .
- علي رشم

هسة انتَ
بررليَ الچذَب
مو تبتعّد
فَترة وترد
تگليَ والله اشتِاگيت
حتى الچگاير تعّترَف
لمَن تضرَ
مكتَوب جَوة الباكيِت .

جَلبت بيك بوگت
شافوك نقمة علي
لَمن خذت خـيرة .

ما زعلتك وكِتلك شنو ألتحتاج
هاگ رويحتَي وبگيفك أستنگة
حِبيتك صدگ وأدري الجذب مريود
گبل لا تِرمي غير أتجرب التفگة ؟
أنة من ادك بابك ارد اشم طرواگ
وأنة المو طلابة وبابگ تسرگة
ليش تعوفني وتنسة المسامر ذاك
وليش تخون واحد ماهوه الفرگة
ولك ما تلگة بِشر شايل گلوب النوگ
روح اكلب الدنيا ومثلي ماتلگة !
أنة غيمة مطر سيرت عِل بستان
مو ذاك اليطب للگلب ويحرگة
صح راح انهضَم بس النفس وياي
أنة بعازة الشهگة وأنتة مو شهگة

‏صوتك ماي
سولفلي إعلى كيفك
مشتهي اتبلل

لا حسبالك من تروح اني أخسر
وإذا عيونك خضر؟
بيرغ عمامي أخضر
سكارة اختلفوا وحاجوزهُم سكران
مو مكدر أعوفك ما أريد أكدر
عرفتك ويَ واحد كاعد وتسهر
كلت مشتاكَلك ما كلتلي اني أكثر!
وصلت لمرحلة!! من خلصوا أهل البيت
بلكي الله وترجعك نخوتي بقمبر
ولك مو مال بيك كبالك أتعير
ولك حتى لو مطر لاكَيني وأتطشر
تتعب رجلي رايد من ادور عليك؟
رجل دوار ما أتعب شكد أفتر
حسبالك ضجت كلتلي يلا أطلع؟
الجاهل من تشمره يبتسم يرجع
تطلعني ردت منك تحشم الناس؟
منك ماطلع لو فتوة من مرجع

ليَهمك حجِي النَاس
رگز بية بس وَحدي
محد مثلي بيك يموت
لا قِبلي ولا بِعدي
أواجه كُلشي أنا وياك
لو كُل شي ضـَدي ..

ولو خبر منك يجيني
الناس تِعدَل مِن جديد
الضِوه يبين مِن بعيد
مُطر ينزل
شمس تضحك للمشانق
تنصب مرجوحة لأطفال الشهيد
الورد يطلع بالجماجُم لو تجيني
وأقدملك اعتذاري
وإنكساري
وكِل حنيني

مو كتلي انه وياك
نكضي العمر راي عيون
نفس الطيف حلمانة؟
ومن افتح جفنك الخجلان
تطشر حلاة البيك
جن فاتحلي رمانة
شجاك وصرت جنك ريح
تاخذ عطر ياهو الجان
لو تعبر على امجانه؟

ابقى بين ضلوعي خنجر
وانجان ما ترتاح افتر
كطع شمتريد كطع

غير أنتَ ماتنجرِع
غير أنتَ چنك سَجَن
ولابو اليحن للصُور
ولعُيونك وللحُضن
بَس هي مُطرت بعد
شحجيلك اعلى الگلب
معذُور لازم يحِن
شو أنت مُثل الوطن
اختارك بكِل وَقت
ومَاليني هَم وحِزن .