شوفي منج وين اغضة؟
يا مسافة البيهة جدمج ما توضة؟
ويا طريق الما مشيتة وما عبر ظهري وتشضة؟
يا ندى المنطيج عمرة شكبرة حظة؟
فكي شباج الوجع وانطيني روح
يالمشيتي الغير ديرة
السما زغيرة على عيني وروحي اسيرة
الما يشبهونج شكلهة هية حيرة!
كل بعيد بعيني يصغر وانتي بعيوني جبيرة
جنهة حال الغيمة تلهث بالجزيرة
الوحشة ناس بغيبتج ماعدهة غيرة
شلون اسدة يالفراغج وين حدة؟
بيا عطش تلكين سدة؟
بكل جزر تلكين وجهي بلاية مدة
انا خاطر لهفتي بكل طيف اشدة
وكل جرح يندارلي ويلكاني عدة
كل مكان العوز وبنادم غريب
وغربة العاشك طويلة بلاية ردة
حاصرتني الفشلة سكرانة على وجهي تريد تلكالج عذر
كون يعرفني الحطب جا صار ماي
ولا يورث بية كل حيلة الجمر
جا ولا باغصان خلكي غيابج يمرهة بكسر

يونس زين عمي بحوت مبلوع
انه بحلگ الشماته الما يرحمون

انه أجيتك والدرب يمطر رصاص
وگل رصاصه تثور يم راسي أنجتل
أفتح الباب برضاتك حتى أفوت
كسرت الشباج هينه على الخبل
أنه راي بديرة أهلي وگل مضيف
ومَن اشوفك مني يتبرة العقل
يا غرامك بيه سوه الما يصير
ويا رخَاوه حضنك تردني طفل..

من يشوفنا
يتواره بين الياس
ويتيهنا ما بين النده وخده
رسايل للگمر
لو ينقرن ينلاح
قراهن ،،
والسكت هم ينسمع رده
رسايل ما كتبناها برهاوة ايد
ما چانت علينه هواي لو وده
راحن وينهن ،،؟
لمزاحمات البال
شني هاگدة شاغل بالنه الوحده
غير اسوالفه
ما عدنا شي ينگال
اي موضوع
خارج شامته نسده

ياسر فليح

اخافن روحي تخلص بيش اتانيك
ضهري و للخناجر صاير گراب
تعال و كلها غربة الشجر و الطير
كلشي خلاف عينك لابس حجاب
كلها جروحي فاتح بس جرح طوخ
عرفته متاني جيتك خزن عتاب
تعال و خل اشبگك مثل الوداع
الشبگه البيها تلفت كل الأعصاب
انا احسب خنجرك من احسب ضلوع
بعد ما اميزه منهن تاه الحساب
متت چم مرة تسأل ميت هواي
ضگت الموت انا بكل الأسباب
وحاير من يجي الدفان شنطي
مني شيندفن خل يدفن تراب
فارغ گبري بس حجارة تذكار
خافنك تجي و ما افتح الباب
على گبري انكتب لو يدري ما عاش
هذا الگضه عمره بيوم الحساب

عثروني بس ما وگع من وزني بيت احساس
كرهوني بس من ضجت حبيت كل الناس
فليعلموا إني على قيد الحياة
قد بان على وجهي القدوم شبابي
لن يستطيع الوقت قطع مسافتي
لا زال في عيني الذهاب ايابي
من لم يروا نوري ففي اعينهم ضيق
فلآ عيباً يرى بشهابي
لو لاي في جوفي الظهور تعتقت
اجيالهم فأستيقضت بخطابي
رباااه ضيق الارض ادمى قدمي
عطشوني وحطوا بأيدي الرضيع
موتوني وضلوا يثوبولي ماي
وللعلم من اطلعت سألوا الرضيع
ما حسبت شجم نهر ذبو وراي
حيرة وحلهة يمك ذب زحل فوگاي
على طاري الگبر تتونس امثالي
ما ردت انتحر مو خوفاً من النار
خفت اگطع رزق سچين كتالي
وصي مايك يا نهر يلعب بعيد
ماكو شي يعبر على عيون الشبچ
انا ما جوعان من اطلع اصيد
طالع بسليتي الم شمل السمچ
ضامهن والسكتة حزورة حكيم
الما يحلهة سوالفة يحرمن علي
بصغري ما متهجي حتى اكتب هجاء
لكن وي اهل الله عال ابن الشوي
اليشمر بوجهي سهم يرجع بخور
سيوفهم گصت صور بچفوف ادي
حچاية مو حلوة اذا اسمع اضوج
حتى لو الحچاية چانت مو علي
اهلي علموني احترم بس ما اخاف
الضيف انگيلة هوى من يگلي هي
يا سفينة حجابچ قماش الشراع
احترمي نفسچ لا تدبچين على مي
اعصف شما عندك اعلى اطرافي ريح
وبلكت الله يرف طرف ثوب العلي
صار عندي ادمان اذا ما اموت اضوج
ويمتة ما يعجبني ارد البيتي حي
لا تهددني بعطش عاش الحسين
من اچفي جفني احلامك يبللها مي
بيركم مو گدي لا تدفعني بي
خاف اطيح وينكسر ظهرك يخي
حار في قصرك حرگ دم الوريد
ما اريد فيايكم برموشي في

مُِراتَ ألِوردَ مِٰاينِزرعَ ينگِالَ
ذِبلَ بيِنهَ ألاحِساسَ شِوكُت تحَچيِهنَ؟
شِربهَن ضِواُك‌َ أعُِيونهَ متيِهاتَ
هِوُىٰ أتنِفسهَ ألليِلكَ وأختنگَ بيِهنَ
صهِيلَ جُِروحَ بيِنه تِريدَ أمِانكَ وينَ؟
شِد ألچِامهنَ وألثمَ سواجُِيهنَ
هِزَ جِذعَ ألگصِصَ حِتىٰ ألمِذلة تِطيحَ
وألرِوسَ ألتخِونكَ مِاي وچفِيهنَ
بحِرورةَ صِوابكَ تنِشفَ ألطُِعناتَ
فِك‌َ بيِبانَ جِرحكَ بيِك دليهِنَ
عِلىٰ خِدودَ ألسواتِرَ سِومرَ ألدِخانَ
بيِك وينطعِنَ كُِل مِٰا تچوِيهنَ
ألعِلم ليلكَ ودمُِنه ودِفوا گِلوبَ ألنِاسَ
يبِس كُِلشي وخِضاركَ مِٰا يطگ بيِهنَ .

عفتني وگمت اشوف الليل شدة
واحس يمشن عگارب ع المخدة
واخاف يخلصن ومانزل ثنين
كل شوية اطيح دمعة وحدة
من يطيح گلبي شلون المه؟
ذبحني فراگك بسچين اعمى
كون العمر هذا يصير عمرين
لان مايكفي احبك مرة وحدة
عفتني وگوه صاير بعدك امشي
لمن گلت رايح راح كلشي
اخذت مرايتي وصافن على الشيب
بعدلة شوية يوصل حتى رمشي
بعدك جاي احس الدنيا غربة
اذا تنطيني بيدك سم اشربه
احس الناس بعدك مو مهمين
بغيابك صار ما يقنعني اي شي
انتَ الدوه بهجرك والله ما فاد
حبك مثل بغداد!
ميصير ومينعاد.

شكالولك علية وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگى
مثل فزة مفارك من تجيني بطيف
اشبكنك وافز وكلشي ما ألگى
مو ذنبي ترى لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هو الحجي عالرگبه التعلگه

چا كون الله يهدي اهواي
ويفگلي زيچة
ألا اگطع العنگود وأغفة علة ريچة
الوكت لو ساعة ياخلي لنهداك
أشمك من حدر جدمك لنهداك
لون جفي حضة بخصرك لنهداك
لمن كلك تموع ابين ادية
هلا يا ضاحك العينين وسِن
وهلا يامن صغير الحلك وسِن
الف شيطان ألي براس وسِن
عليك شمُِال شيطانك علية
شاماتك أنتة هواي شنهل بلية ؟
گال أمي بالرمان متنسية بية
وحِق لجل زينب خلة شامة
أطيح بريح خدة
ترف الله برگبتك خلة شامة
من أضوگنها الفلك يندار بية
أحط ايدي برگبتك بعد يد وين ؟
أحطها وراغبات ألكيف يدون
الك شمسين تحت الثوب يدون
شمَجيسنهن يذوبن عظم أدية
وحگ من صابة كافر ولگة صيدة
الك بيت الابوذية والقصيدة
مثل جوعان بل بر ولگة صيدة
تخيل هيج احضننك بدية

عليمن ماتحن
مو جاينا العيد
يالبادي بزعل
انه بصلح راضي
تعال لخاطر الله
ولاتضل زعلان
عيد الله ولك
مو عيد ميلادي.

انة الـ يهَواك دمعة
بأول العيد
متعافي وأحبك للأذية

كل عام وانتوا بالف خير
عيد اضحى مُبارك 🤍

جبتلك كلب
اصفه من البياض البيك
وانته من السواد اسود
مشيتك جنح ع الغيم
وانته وياي مشيت الدمع ع الخد
كتلك عيني محتاجه لكحل عينك
خذاني الليل اجيك وتكسر المرود
انا بيا حال يلتسأل على اخباري
بيت على النهر بس ما طفت ناري
خانكني واجلب بيك
حديثه وبيده المعضد
طايح على سهم صيده
ما اجاني السهم كتال
انا برجلي رحت مشاي
ردت لفراگك اتعود
ومن گتلي الجوامع مو مقر عشاگ
بنيت الصنم بأيدي وما ردت معبد
افا و اني خسرت ديني ولا دينك يلملمني
اقلد و اني التقلد
عفتني بـ نار
ما تسوة احترگ بيها
وعفتني بثوب الستبرد
وطرف ثالث تخليني!
وانا اول طرف بل سيف
ما ينحد
علوا والگة بية الصوچ
وعد مني
وعد عاشگ
ولا راوي وجه لأحد .

اول مرة يجرحني برودك
واشوفك خاين ومو گد
وعودك آول مرة انام
وهيچ مقهور وشريط گبال عيني
تمر ردودك تستكثر علي كل
كلمة وياي وبزلاتي تحسب
مثل اليدينون تگول نسيت
هاي وسامحت هاي
ومن شفتك بدوني تعيش
مرتاح وعندك
شط وآنا بعازة بطل ماي
ألتفت لروحي ونسيت
وتعافيت تجيني
تگلي نرجع ؟ريت ما جاي

ضل گلبي بأمل
ترجع وألاگيك وگلت خلة بأمل
ماحچي خلة
محظرتلك لحن ما سامعة العود
مثل الريح تعزف على ألگذلة
وطلع كل الرسمتا أوهام بأوهام
ارسم على ظلام بقلم كحلة .

سبايگر .. حين خانت الارضِ أبنائها
في هذة اللواحة الفنية يتجلى مشهد مجزرة
سبايگر بكُل ما يحملةُ من رعب ويأس
في مركز اللواحة، نرى مجموعة من المُقاتلين العرأة، أيديهم
مربوطة بحبال خشنة تشوة معاصمهم. ووجوههم شاحبة، ملامحهم مشوشة بين الأمل والخوف، اجسادهم المنهكة
ترتجف تحت أشعة شمس مغربلة بالظلال، تعكس وجوههم
نظرات متجمدة تخاطب القدر المحتوم
أمامهم يقف القتلة مدججين بالسلاح، وجوههم مظلمة، لاتعرف الرحمة طريقاً أليها، يرتدون يرتدون ملابس سوداء قاتمة وأحذية ثقيلة تخطوا على الأرض كانها تطأ القلوب المثقلة بالرعب.
في الخلفية، يمتد نهر هائج مملوء بجثث القتلى، مياهه تتحول الى لون داكن مرعب، تحمل بين طياتها صرخات
مكتومة وآمال ضائعة. فوق سطح الماء تطفو بقايا الاحلام المحطمة، وأجساد الشهداء المنسية، تتمايل في تيار القدر، تاركة وراءها آثار الإلم والذكريات الممزقة
لقد ابدع الفنان في تجسيد هذة اللحظات الاخيرة بكل ما تحملة من مشاعر مختلطة، بين الرعب واليأس، بين الاستسلام المقاومة الصامتة اللوحة ليست مجرد صورة، بل هي نافذة تطل على جحيم حقيقي، على مُعاناة لا توصف وعلى ذكرى ابدية لحياة انتزعت بوحشية، تاركة وراءها أثراً لا يمحى
الرحمة والخلود لشهداء مجزرة سبايكر
٢٠١٤/٦/١٢