١١:١١صَ

چم نفس بيناتنه وچنك بعيد
أظفرني بيك وخيط بصدري هواك
وين ما عندك وجه تلگاني گاع
الغيم ينشف من يشم ريحة سماك
تسافر عيوني إعلى خصرك
من بعيد ، تمدد بروحي
وعليه افرش ضواك
- علي رشم

وعلى نيتي غشيم ومرة حبيت
وماچنت اعرف گبل بطعم الخسارة
ضوة ، وذبيت حيلي بداخل الجام
الضوة والجام مايعكس مسارة
وتدهور حالي من حبيت لليوم
من عدها وضگت طعم المرارة
من عدها وشلت باكيت بالجيب
وگعدتي تحولت يم السكارة
ودنيت الخمر على الشفة مجبور
احس ما يكفيني دخان الجگارة

مامر بينا مغرب ماذگرناك

همزين عندك دمع
من تخلص أعذارك

بطلت ما عِاد أحبكَ

لچن بكلبي نزيزة عتب
خلينة نتلاگة چنه مانعرف بعضنا
مثل الفراگين كلش
مثل نظرة تواسي الميت
مثل دفتر فارغ من الناس ورازونة سجن

الورد يطلع بالجماجم
لو تجيني

من ضلوعي ..
خشبها أبلامهم ذيچ
وعبروا غيري بيها
وآنه ضليت

‏وينَك أنتَ؟
عيُوني مابيهِن بَعد
ينتظرَن أكثَر
حتىٰ هاي اللَيلة
بَعدَك
مُو نَفسها
لَيلة لَيلة گُبالي تصغَر
ردّلي يا واهِس سِنيني
الخلَّصتهن رَيت
أشوفَك
ردّلي يا أول إبن آدَم
مُشتهي شلُون المَراقد
كُون أطوفَه
ضَمّضمّيتك
بالصَراير حَاجة زينة
ومَا لگيتك
لَيش؟
مُو چِنت انه بَيتك!

يمر اسمك وأحس حرورتك بالراس
وأذب روحي بنهر يومين ما أبرد.

انه صادق جِنت وياك
بالهمسات ومِن جِذبك
علي خليتني
اتكتر ..

تكلي احميك وانت
ملثم من الخواف ؟
وتسولف على ندى
وتحرك بساتيني
تكتل ناس
جي ماكدر يحبوك
ودرس عن الحُسين
اتريد تطيني ؟
تدليني بدرب ماتدري
دربه منين
اندل الدرب
وبعدين دليني

گُلشي گُلي
ولا أشوفك
ريّة ما تعشَگ هَواي
گُلشي گُلي
ولا تعطشني مِن أريدك
يا حَبيبي عَيونك الحلوات تعبي
وراحتي وعَلتي ودواي ..

گمت من انام
حبال أحط جواي
بلكي من اگعد الگه
احلامي معدومه

تعال اگطع نزال الليّل
حط بنحري چم نجمة .
- علي رشم

هسة انتَ
بررليَ الچذَب
مو تبتعّد
فَترة وترد
تگليَ والله اشتِاگيت
حتى الچگاير تعّترَف
لمَن تضرَ
مكتَوب جَوة الباكيِت .