الخذاك من الگلب جر ١٢ شريان !

تلمست الجرح بليل
واليم الضوه ادنيت.
ردت أعرف نتل لو شگ.
سمعت الروح ونت بي.
كاغد منتهي ملزگ.
وياهو يصرف الملزگ.

يا لذيذ
الما حضيت انه بملَذتك
يا حَبيبي اللعبت الناس
بكذلتك نومة السكران
چنت تنام يمي
وما اخذتك رغم
طيب چنت لكن ما اكلتك
وتَالي ما تالي طحت
من عينك ومليت مني
وتالي ماتالي مثل جام
الحوافر طشرتني
وانا الضل بالضيم
حالة المنتظر منك رسالة
تگلة بيها شلونك ومشتاگلك .

الجنت اندعيله من اصلي
سيرت اشوفه وكال ولي
حتى اهله هم موخوش
وياي محد الله بالخير كلي
صبو الجاي و ما انطوني
ساعه بمصيبه ورطوني
كش بره منهم ما معزبين
جبحين كلش فحطوني

من وكع حَيلك
گلتلك ها تعال
انطيتك الروح وصرت عكازتك
وانتَ تسحگ
وانه بس أنزف واصيح
لا تبالي وحيل دوس براحتك

هَلمرة جزة نَفس
مُو صَلح ومراضى

سَنة تضحك عليه
واضحَك وياك
خلينا بعد ننهي العَلاقات
طلقَة بـ رجلي احطها
ولا أمَر بيَك
واعوفك وحدك وأنطيَك الاثبات !
التابوت اليزتك لمن تَموت
يوديك ويرد بـ الجامع يبَات .

فرشولي ريش ومانمت
بس يمك أغفة اعلى الجمر

١١:١١صَ

چم نفس بيناتنه وچنك بعيد
أظفرني بيك وخيط بصدري هواك
وين ما عندك وجه تلگاني گاع
الغيم ينشف من يشم ريحة سماك
تسافر عيوني إعلى خصرك
من بعيد ، تمدد بروحي
وعليه افرش ضواك
- علي رشم

وعلى نيتي غشيم ومرة حبيت
وماچنت اعرف گبل بطعم الخسارة
ضوة ، وذبيت حيلي بداخل الجام
الضوة والجام مايعكس مسارة
وتدهور حالي من حبيت لليوم
من عدها وضگت طعم المرارة
من عدها وشلت باكيت بالجيب
وگعدتي تحولت يم السكارة
ودنيت الخمر على الشفة مجبور
احس ما يكفيني دخان الجگارة

مامر بينا مغرب ماذگرناك

همزين عندك دمع
من تخلص أعذارك

بطلت ما عِاد أحبكَ

لچن بكلبي نزيزة عتب
خلينة نتلاگة چنه مانعرف بعضنا
مثل الفراگين كلش
مثل نظرة تواسي الميت
مثل دفتر فارغ من الناس ورازونة سجن

الورد يطلع بالجماجم
لو تجيني