جيتَك بليلة شتى
ظلمة ومطرها رشگ
و شبعده صار الدَرب خوف
و رعيد و ثلج و چفوف إديّة زرگ
ببابَك طحت ها گمت
ضميّت إديّة و ردت
عَلى الباب بالروح أدگ
بس گالوا إلمن تدگ
كلمن مشى لحالته
واحد سكن بالغَرب
واحد سكن بالشرگ

علَي تعبُر أذا حَطولي سم بالزاد
وماتعبُر عَلية وجوه مَسمُومَة
ناس تحب خَراب
وكل طِشاش ثنّين
يحَسدون الگصيبة
شلَّون مَلمومَة
شرَدت مِن السجن
مُو حُكمي چَان طويل
ولا متضَايك
مِن الگعدة والگومَة
واحِد مختلف
يرضى عَلى نَفسة شلَّون
هدوم السجّن كلها مشَابها هدومَة

من تفز بالليل..
‏رِد نام إعله چفك
‏لا أكو واحد چفه يرهملك مخدة
‏و لا أكو واحد يقره حزنك
‏نام يالمتعوب وحدك .

أتلگه اليجيني منين ما يشتاگ
الـ يمُر عابر عَلي
من روحي ماطلعه
لعدوي وصاحبي
تغبش ضحكتي وياي
ليجي سيف على نحري
أستحي وما أرجعه
أفرزن ريحتك من
يا درب مَريت!
ليجي مشتاگ يثگل
والهَوى يدفعه

تعال وشوف بالوگفة شتبيع الناس
معروضة الضماير فوگ الميازة

ورجعتلها وكلت يلة الصلح خير
وكلت ماخشن الروح على خلها
بعدني العشرة بيهن ظال دخان
واكول من ارجع العشرة اشعللها
تخيل من أجيها كبالي شتكول ؟
واذا دمعت يمي شراح أكلها
گدرت ابتسامتها على ملكاي
وبديت ارسم على الواهس شكلها
بنيت ظنون بيض بليلة الخوف
وموتت الوساوس گبل اجلها
ابتسامة شفتي الغركانة بالموت
كدرت ارجع من الموت أنتشلها
رجعتلها نهر شاربني الفراك
وانطيت الليالي دموعي كلها
وانا مابية اضوك الموت مرتين
وحجاية الشامت مو حملها
اخذتلها سوالف صوغة وياي
بس ما أعرف من اوصل شكلها
ومقابل صوتها ونبرة هوى وشوك
عن راحة البال اتنازللها
رجعت وكون ماراجع تمنيت
وكلت ياريت لو ما واصللها.

وقلبك راح عَ غير بلاد .

شمِا يَلتمَ شمِلنة
ألگانيّ خسَرّان الحِطبّ يَلتمَ
حِرگ مَوّ لمّة أخوَانّ
بعَد گلبيّ أشَتعِل بَلكِت يَشوُفوّك
يَنشِاف الهَوى مِن يَصَيرّ دُخِان
صِرّت للمَالة أيّ موضِوع عَنوّان
الچّان يحَبني لِا يَمكَن ولِا چَان
اليحَضن رُوّحِه يَشبهَ ورَد ذبلِان
يّا رُوّحِي عَليّچ هِوّاية زعَلان
رمَاد بنِارة صَرتيلهَ وتغِنين
تغطَيت وبَعِدني الليّلة بَردّان
مِن شفَتي الغصِن بيّت العَصِافيرّ
مِا شفَتي الغصِن للورَدة سَجّان
إذِا بعَيونك أصغِر صّيتي كَبران
الگُمر يتمِنى صَيت هِلال رُمضِان
السَفينة وياهِا أغَرگ
عشِگي مَوات مِا أتركَها بّيهَ

خَوفي لا چَفك يعت چَف الغَريبة
خَوفي لا تنباگ مني و ما أصيرلك حَبيبة ..

تعال أشتاقلي بگدي
إذا ما ارسم عَيونك عَلى الشُباك
هذا الليل مَيعدي
ولأن ما عندي غيرك اشگي حُزني وياه
چنت أبجيلك لوحدي ..

بعد لتودي طيفك ليلي مابي شِوك
اجاني وباب چفني بوجهه سديته
اني من الورد ضليت اضم الشوف
لأن كلش يشبهك ما شتميتة
بخيم صدري الزعل عطش هواي حروف
حچيت وماي وجهك ماندليتة !
الك جنت التفت وادري انت ماموجود
اذا ابالك حرف من أسمي عديته
بعد ما التفت لو سمه بظهري طيح
حسبالك گبل؟ لا گلبي چويتة
گُمت اخذ نفس وبريتي ينزل غيم
وندليت علتي وجرحي گضيته
روح الهوه بضهرك اول هويته يروح
مو بس شوفي عنك سمعي غضيتة !
گبل ليلك وخلكي تسابگن بالطول
العلي ماگفة هسه بروحي گفيتة
انه بخد النده تلكاني طايح ماي
وصوت النفس يصهل بذني خليته
هوه بروحي من طلعه الموته يتنفسون
بس عاندت روحي وبيهه خليتة

١١:١١مِ

غير افتهم دنيتي شتريد
من العمر طمت نواعيرة
شو دوم تفتر عكس
معقولة هذا الزمن جف حاقد يديرة؟
كل يوم اوج ونطفي
مثل الفكدلة محب..
كل ما يخنگة الدمع يقره بتصاويرة
محتار اضل لو ارد
تعبني لون الحلم حيرني تفسيرة
خلاني نص الدرب
لا باقي ويا غربتي لا رادني الديرة
اعبر اصيرن نذر
ابقى احترك بالبعد وثنينهن حيرة
كلت استخير النجم
طلعت صبر لو صبر ما واضحة الخيرة

جان عيد
وطاحت المرجوحة بيه
وصارت الونسة بسامير وخشب
اتشككت دشداشتي الحلوة الجديدة
ولملمتها وخفت أكول
وضاع من عيني الدرب
وهاي اول دمعة اليه
ومنها زاعلت اللعب .

تلهث ايامي وعمر تركض وراك
والدقايق غربة واللحظة قطار
دير وجهك ما يهم جروحي خير
واضحة حچاياتي وحروفي نهار
وياي طبعك يشبه اوضاع العراق
خير للغربة وعلى اهله يصير نار
ركّضت شهگاتي ودموعي وراك
شلون ركضة عوزنا بوكت الحصار
فحّطت خلگي وبعد زعلك طويل
ودرب الملاگة عليّة شبُعده صار
روحي مابيها عشگ خلّص عليك
وبسما جروحي حنينك كلّه طار
فرفحت روحي ونكثت جروحي حيل
من سمعت بواهسك يم غيري صار
مشتهيك ومستحي بگد مشتهاي
مغرب بروحي وحچي بلون الخجل
وجوه غربة تنفست من مر ضواك
جرحي خضّر والهوا بروحي ذبل
كل اثر طعنة وجرح وصّيت ليك
گتله ماوصيك تترسهن زعل
الينزل بروحي شمس ماصعده غيم
غير تصعد حتى اكللهم نزل
التمن براسي انعمالله اعلى الصهيل
شوگ ، ملگة ، فراگ ، دمعات وسهر
زارع بروحي قلق سويته ليل
وضوة زارع گبالي مر گمر
الهوا بظهر حچايتي من تمر عليك
غيمت سالفتي مالاحك مطر
حافي يمشي السيف بجروحي وبقيت
لا رحت مني ولا راح الاثر