ذكرتك بالوجوه الردت يمها انساك
وبدت بيك السوالف وانت تنهيهه
وادير العين عنك والگلب يندار
وادير الگلب والگه شفافي تحجيهه
وتمر سوالفك ناي بحيايه الشوگ
وتعرضلي الكرامه وما احاجيهه
المبادئ والقيم ماتشمل اليشتاگ
الهجر رب المذله القيم شعليهه ؟
انا صفيت روحي من المضى بلياك
وانت وياي نيتك ما مصفيهه
ضيعت العرف گطره ببحر نسيان
وانا لمسة جفوفك محتفظ بيهه
شجرة ذكريات اشتلهه بلكي تعيش
ولو طبعك خريف وما تسويهه
يل مكشف عشرتي گبال ياهو الجان
وانا حروف اسمك ما مراويهه
مغشوش الهوى الما اشم عطرك بي
النسمه خلاف وجهك گوه اعديهه
محضرلك عتب بس كون ما انساه
لان من يوم شفتك روحي ناسيهه

خَليلَيَّ ما لِلعاشِقينَ قُلوبُ
وَلا لِلعُيونِ الناظِراتِ ذُنوبُ
وَيا مَعشَرَ العُشّاقِ ما أَوجَعَ الهَوى
إِذا كانَ لا يَلقى المُحِبَّ حَبيبُ
أَموتُ لِحَيني وَالهَوى لي مُطاوِعٌ
كَذاكَ مَنايا العاشِقينَ ضُروبُ
عَدِمتُ فُؤادي كَيفَ عَذَّبَهُ الهَوى
أَما لِفُؤادي مِن هَواهُ نَصيبُ

شلت منّه الحِزن
و بيتي خليته

غيري وياك خلص
وحَشة الليل
أخذ فضالة عِشگنا
وانتَ فرحان
انصحَك
لاتجيني بيوم مَكسور
ارجعك مِن تجيني
بلايه جِنحان
اليضحَك بالبداية
يبچي بَعدين
تهددِني بمطر ؟
هوه آنه غرگان
اندل كلشي بيَك
وحافضك زيَن
شبَعت منك
واجالك غيَري جوعان .

كُون اموت اليوَم واعِدل ثاني يوَم
ارد اشُوِف شِلون تُصبح عازتِي ؟
ارد اشُوفَن ياهو اليِشگ ثوبَة حَيل
وياهو يِتمضحك بِنُص ولايَتي ؟
امُنيتي اشُوِف النَاس شِتگول مِنْ اموت ؟
حَيل ؟
خِطيه ؟
هيَ هاي طلابَتي !
رايد احلِفلي بِبشر غَالي بِحَيث مِنْ
اچِذب يهدُر الدَم مالتِي !
خَلصت عُمري ما حالفلي بِصَديق
مَره بأهل البيت
مَره بداعَتي
الگَلي امُوت عَليك شِيسوي مِنْ امُوت ؟
خَاف امُوت ويمشِي وَي كَتالتي
وحُبي ذَاك الخَلصت عُمري ورا
كُون گَبل امُي يبوس جِنَازرتي
وانهَ حَسبالي يحِبني وگِتله زين
وگَلبي حَبه سنين ما حَب ثاني
وانهَ حَسبالي اذا اطِيحن يطيح
شو طِحت واولهم العافاني !
وانهَ حَسبالي اذا امُوتَن يِموت
طَيحيت الچَادِر ومَا اجَاني !

ما جاي انام وگلبي
تعبان
وزعلان احس من
كلشي زعلان
وتطفة الشموع ودمعي
سهران
وميت احس والليل
دفاع .

مابيّة حَيل اخِذ نِفَس
ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني

كَصه بيه الوكت وتنطر تعود
انا اخرس والوكت يرادله صياح
الحزن ماعنده غيري توالف وياي
الفرح خطار مرني ومن وكَت راح
يخاين بس احبك من يجي الليل
استلذ من كون اخلصه بهمك نياح
براسي كليب طايح وادري بيه وين
وراسك ماعرفته بيا متن طاح
الكبل لاحت سما من نومت عليك
ابشرك صار حدها الكض الاصفاح
اذا يوم شتهيت محاضن وياي
تحاذر لاتخجل جفوفوك رماح
وحكَي من اكول هواي تعبان
هوه العنده مثلك وين يرتاح

روح اترس فراغك بالبرود البيك
انا وجه الشمس بالملگة غطيته

خايف من اوصفك
تشتهيك الناس
وخايف من ارسمك
عالورق مكدر
اذا منكر صفاتك ربك امسويك
مو ذنبي من اوصفك
وأرتكب منكر
اسمر ماتصير
تحدّة شمس الصيف
من وجهك اخاف
اعلى الشمس تسمر
وعلى المرمر
انصحك لا تحط رجليك
تزلك يا زبد
ويوصخك المرمر

أنا بقمة خنگتي وأنتَ هبيت
وأشتميت فتحة باب مرقد
لگيتك راحتي وحلي وضوه العين
والباب الـ بوجه الريح ينسد
صح .. حبيتك من بعيد لبعيد
بس جانت صفنتي بوجهك أبعد
جنت حاير شلون الگمر سووه
ومن شفتك عرفت أصل الگمر خد
من شفتك تغير موعد النوم
بديت أسهر وأحن وأشتاگ وأبرد
وأغار وترجف أيدي وأبجي وأحتار
وأشوفك وأرتبك وأبنيك وأنهد
مجرد حب .. كسر كل القوانين
وخرج عن سيطرة گلبي وتمرد
وعلى حكم المذاهب والتقاليد
أحبك يالعيونك مالهن حد .

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للبجي يأخذ عيوني متاع
على جفني ولام جايه مخيطه الدمعه
اليفاركني شبر أبقى التفتلة سنين
وأتاني بيا جرح يا لجمة الترجعه
- علي رشم

سَهران بَايگني الحَزن .

اللهمَّ إنّي نويت أن أصوم رمضان كاملًا لوجهك الكريم إيمانًا وإحتسابًا، اللهمَّ تقبّله مني واجعل ذنبي مغفورًا وصومي مقبولًا”
“الْلَّهم أَهِلَّه عَلّيْنَا بِالْأَمْنّ وَالإِيْمَانَ وَالْسَّلامَةِ وَالْإِسْلَامَ وَالْعَافِيَةِ الْمُجَلَّلَة وَدِفَاع الْأَسْقَام
وَالْعَوْن عَلَى الْصَّلاة وَالصِّيَام وَتِلَاوَة الْقُرْآَن
الْلَّهم سَلِّمْنَا لِرَمَضَانَ وَسَلَّمَه لَنَا وَتَسَلَّمْه مِنّا مُتَقَبَّلًا

تعال ومُر علي
حَتى لو رُمضان
أشوفك عيد ،
قبل العيد أفطر
حَتى صيامي يفرق عن الإسلام
حسب جيتك
يجوز يطول أشهر
تعال شعطلك ،
مـآ جيتني شبيك ؟
آنا و بيتنا و شارعنا ننطر
كُل ساعة أطلع
أسمع صوت على الباب
ثاري الباب ضل بروحه يسطر !

فراغك باب حظرة بعُمرة ما مَسدود
انتَ أكبر ذنب يَعرضلي بِصيامي!