خل احَضنك
يمكن المَرة الأخيرة
البيهَا احَضنك
ومنو اليدري
المَوت يا سَاعه يجَي
ولو متت هَواي منك
خاف امَوت بدَيرة غربة
خاف امَوت بعيدَ عنك
اني ماعنديَ مكان
بغيرَ "حضنك"
هاك روحي واخذني يمك
خاف امَوت
وانا مو يمَك حبيبي
ارد اموت و راسَي يمك .

بعد ما إلك مكان وطحت من عيني
على حرگ الرسايل لا توازيني
جاي تگلي إعيرك علصفار البيك ؟
وانتَ وكُل خضارك من فضل طيني
خلف الله عله بيري لهسه ناگع مي
چا هسه انتَ يابس يم بساتيني
وكت شح الخضار البية وتماديت
غم روحك تره يلمعن نياشيني
باجر ماتجيك الشمس للشباج
وإذكرك وتعرف قيمتي وموازيني
ضريح ويجي يوم إتضيك بيك الگاع
وتجي إدگ بابي وتبوس بحياطيني
إنه إعمى وجنت للبيت إروح وياك
إوصلك ورجع إندل مو إدليني
ومثل ما وصفتلك عالدرب متية
توكل كُلشي منك لا تراويني .

صار سنين اطگ حجار بحجار
وأول ماشعلت النار مطرت..

سولفت گلشي بقصيدة وطلع ميحب الشعُر

تهمُوني بـ محَبتك والله لوُ يدروُن
عَلى ضَيم العَلية يظِل يواسُوني
مَا يدرون عَايفني بـ مهَب الريِح
وانِة ويَاك عفِت المَا يعُوفوني
اليحُبوني شكثِر والجَيتي ينتَضرون
واخجَل مِن كِثر ماگِاموا يتانُوني
وانتَ المَا تحِبني شِلون بَلا ويِاك
امرَن بيِك ما امُر باليحِبوني
عِفت اليِ شِروني ومِن ارِد شِلون
هٕم اسُوة بعَد ونُوب يشِروني
حَبيتك شِجاني ومَا حِسبت احَساب
خَيعونك عَلي مَو انِة خيعُوني
مَتحبني احَبك والمُصيبة انُوب
اريدَك وانهِزم مِن اليريدِوني .

ندهتنا البلابل للمواعيد
وشردنا من النعاس البابة محكم
تماشينا رغم درب السهر خيط
من يفلت الليل بليل نلزم
الشمس سلمتنا بوكت الغروب
ومن مر الگمر فوگانا سلم
كتبت بينا ذكرى اعواد الاغصان
وحلف بينا الورد وبشوگنا اقسم
بحيث تحاججت ويانة الاشجار
البهاي الحدايق ياهو اقدم
افترگنا وجرى بنهر ارواحنا الموت
وبياض گلوبنا على الروح خيم
اتفقنا نموت لكن واحنا عدلين
نضحك بس اكو بخاطرنا مأتم
الهوى يلاگينا لكن ما مبينين
مختنگين بس نگول نشتم
افترگنا بليل ونايمة الناس
خفنا من النهار الناس تعلم .

وكفو عل جرف من درو غركانين
وموش جفوفهم لو تعرف شمدو؟
مدو خيط منه العنكبوت يطيح
وكل هذا لمن جلبنه بيه هدو
و صارو مثل ذيج القطره بالكبان
لأهم راكدين ولاهم تبدو

١١:١١مِ

وشتلونا نخل
بينك وبيني گبور
شلون عروگنا تتلاگة
شيحلها
بقيت ادفع بعرگي
وما احجيلك خوف
الجماجم گمت
من عيونها ادخلها
وصلت وگتلك
صعب بيناتنا يخربون
درت وجهك
وگلت الله يسهلها

انه شوگ الغريب الگرب وﻻح
انه حَسرة هذاك الأيس وراح
تعنيت اليخوف چلمتي اسلاح
انه الكلما تحصده يبقى سباح
انه المن الشماته بوجعتي ارتاح
ذهب من زيج حلوه اعله الدرب طاح
يالمضيعين عمري اهنا يالوكاح
اجر باليل چني اجرار ملاح
يسلطان الحباري الفارش جناح
يماي الدلع صدره وطفطف وساح
رهم عشگك عليه ارهام مفتاح
اداور بالمَرادي وگيش ما صاح
يهل تحلب ابروحي منيلهه مناح
هلب ويدور بي قباض اﻻرواح
انه المامش وراها جنازتي صياح

تِدنىٰ !
إجيتَك وانه جبت إبليس
مَحد گالي إتعنىٰ
خطية إبليـس بس مَتهوم
وانة الچنت أگودنه
تدَنىٰ !
أريد اليوم أسوي ذنوب
تكسِر واهس الجنة !
أريدَك واليصير يصير
باب التوبة أسدنه
جدامي چفوف إيديه، العين ، گلبي الحار
المن شافَك بُرد مو بس بُرد غنى
وأخلي الجنة للزينين وانة بجنتي أتهنى
أريدَك طين گدامي
وأسوي بكيفي شتمنىٰ
ويمشي إبليس ويأمن بعد ما ندخل الجنة !

ذكرتك بالوجوه الردت يمها انساك
وبدت بيك السوالف وانت تنهيهه
وادير العين عنك والگلب يندار
وادير الگلب والگه شفافي تحجيهه
وتمر سوالفك ناي بحيايه الشوگ
وتعرضلي الكرامه وما احاجيهه
المبادئ والقيم ماتشمل اليشتاگ
الهجر رب المذله القيم شعليهه ؟
انا صفيت روحي من المضى بلياك
وانت وياي نيتك ما مصفيهه
ضيعت العرف گطره ببحر نسيان
وانا لمسة جفوفك محتفظ بيهه
شجرة ذكريات اشتلهه بلكي تعيش
ولو طبعك خريف وما تسويهه
يل مكشف عشرتي گبال ياهو الجان
وانا حروف اسمك ما مراويهه
مغشوش الهوى الما اشم عطرك بي
النسمه خلاف وجهك گوه اعديهه
محضرلك عتب بس كون ما انساه
لان من يوم شفتك روحي ناسيهه

خَليلَيَّ ما لِلعاشِقينَ قُلوبُ
وَلا لِلعُيونِ الناظِراتِ ذُنوبُ
وَيا مَعشَرَ العُشّاقِ ما أَوجَعَ الهَوى
إِذا كانَ لا يَلقى المُحِبَّ حَبيبُ
أَموتُ لِحَيني وَالهَوى لي مُطاوِعٌ
كَذاكَ مَنايا العاشِقينَ ضُروبُ
عَدِمتُ فُؤادي كَيفَ عَذَّبَهُ الهَوى
أَما لِفُؤادي مِن هَواهُ نَصيبُ

شلت منّه الحِزن
و بيتي خليته