بعيده ولايتك والصدفه فكت باب
اجيت ومن لگيتك وجهك مسرگه
من عـدهه وعرفت بنشغت المگتول
شتعوف الرصاصه حروره بالتفگه
امن اموت برودتك خليهه عالتابوت
وبيدك كون نعش جنازتي تطبگه
وخلـيلي دمعتك عالگبر نيشان
خـاف بجفن گبري دموع ماتلگه
وخاف يمر وكت وتزورني من بعيد
تدليك بمكاني حرورت الشهگه

هَيچي اسمِعه بكِل قَصيدة
هَيچي روحي تِنگ، تَريده
هَيچي كِلهم يَمه ضَلوا
وَ اني خَلاني البَعيد.

( ألا تحزني )

منو بگدي
حِچة ويه صَوركم؟
ومِنو مثلي
رغم بُعد المسَافات وحُضنكم
ومِنو مَا يغفى
إذا مَا يدعي ويرَدد بأسمكُم
ومِنو مثلي ، إذا تغيبون
يبهَت لونه، يتمَرض، بعدكُم؟
ومِنو مثلي إذا مركُم حِزن مَينام
ولوجه الصُبح يدعي
الله يطَمن ويجبر گلبكم
منو من ناسكم مِثلي يحبكم ؟

أبقى وحدي
تغفى وتنام ألنجوم
بيك افكر مايجي لعيوني نوم ..

أجه بعد الغياب وگال محَتام
وتسالمِنه شبگ چن ماي والماي
تلاگينه برغم ما جانت وجوهه !
ملامحنهَ أنمحَت من بجية وبچاي
عاتبتة خزر ما گالي شبيك
بچه ونزلت دمعتة وگرب حذاي
گال احچيلي فدوه شلونك أليوم ؟
گتلة شلوني وعندي اجوبه هواي
صفنت بعينه ساعة وغيرت لوّن
عينه غيار اليكدون حفـاي
گال هواي تصفن گتله معذور عيونك عگل شيخ تريد حچاي !
گال بغيبتي لاگوك شمات
گتله وداعتك صدكاني وعداي
گال أنه الك لا كتلة غلطان
أنه والخلفوني نحبك هووواي
گال ارخصني اشمك گتله مرخوص
گرب شماني شم هدوم مشاي
مــن گد ماترف گضيته منا
بعده ايدي عله راسة وحومرت هاي !
گتله الشمس تچوي گال اجه الليل
الشمس ماتدني يمي رموشك فياي
اول ماكعدنه تراب والنوب
مسحّت دموعة والگه الطين چواي
وگفنه وكال اروح وارد اوصيك
شد حيلك وگتنه سموم وعياي
اريدك من اروحّ تنام مرتاح
شنام وچفن عيني موالفه حياي
انه ماطابك جفن من روحتك ذيج هسه تريد انام بروحتك هاي.؟

شيصفيك ؟
ميّ بنهر ريف وناصي بيك الماي
حتى الماعرف يسبح يچيت
بيك

سَهران بَايگني الحَزن .

عليَ صـَار الـنهاَر اللَـيل
تـاهتَ كـلَ مـَوازينيَ .
الـَماي الـيطفيَ الـنارَ
انـهَ المـايَ يـجوينيَ .
-سمير صبيح

كل الصار بيه حيل وياي
مستاهل بعد اكثر واكثر
چي لأن ما حسبت حساب دنياي
اضوي لعد غيري خاف يعثر....
حسبالي الفضل بالفضل ينسام
وبالطيب يتجازه اليعمل الطيب
اثاريني كصير الراي وهام
اريد من العواهر تعرف العيب !

‏كيف لي أن أخبرك
أننّي ورغم هذا الجرح
مازلتُ أنتظرك
كل ليلة
محمّلاً بالأماني
ممتلئاً بالذكريات
غارقًا بالحنين
كيف لك أن تفهم
أن كل ما بي من ألم
هو ناتج انتظارك.

خل احَضنك
يمكن المَرة الأخيرة
البيهَا احَضنك
ومنو اليدري
المَوت يا سَاعه يجَي
ولو متت هَواي منك
خاف امَوت بدَيرة غربة
خاف امَوت بعيدَ عنك
اني ماعنديَ مكان
بغيرَ "حضنك"
هاك روحي واخذني يمك
خاف امَوت
وانا مو يمَك حبيبي
ارد اموت و راسَي يمك .

بعد ما إلك مكان وطحت من عيني
على حرگ الرسايل لا توازيني
جاي تگلي إعيرك علصفار البيك ؟
وانتَ وكُل خضارك من فضل طيني
خلف الله عله بيري لهسه ناگع مي
چا هسه انتَ يابس يم بساتيني
وكت شح الخضار البية وتماديت
غم روحك تره يلمعن نياشيني
باجر ماتجيك الشمس للشباج
وإذكرك وتعرف قيمتي وموازيني
ضريح ويجي يوم إتضيك بيك الگاع
وتجي إدگ بابي وتبوس بحياطيني
إنه إعمى وجنت للبيت إروح وياك
إوصلك ورجع إندل مو إدليني
ومثل ما وصفتلك عالدرب متية
توكل كُلشي منك لا تراويني .

صار سنين اطگ حجار بحجار
وأول ماشعلت النار مطرت..

سولفت گلشي بقصيدة وطلع ميحب الشعُر

تهمُوني بـ محَبتك والله لوُ يدروُن
عَلى ضَيم العَلية يظِل يواسُوني
مَا يدرون عَايفني بـ مهَب الريِح
وانِة ويَاك عفِت المَا يعُوفوني
اليحُبوني شكثِر والجَيتي ينتَضرون
واخجَل مِن كِثر ماگِاموا يتانُوني
وانتَ المَا تحِبني شِلون بَلا ويِاك
امرَن بيِك ما امُر باليحِبوني
عِفت اليِ شِروني ومِن ارِد شِلون
هٕم اسُوة بعَد ونُوب يشِروني
حَبيتك شِجاني ومَا حِسبت احَساب
خَيعونك عَلي مَو انِة خيعُوني
مَتحبني احَبك والمُصيبة انُوب
اريدَك وانهِزم مِن اليريدِوني .

ندهتنا البلابل للمواعيد
وشردنا من النعاس البابة محكم
تماشينا رغم درب السهر خيط
من يفلت الليل بليل نلزم
الشمس سلمتنا بوكت الغروب
ومن مر الگمر فوگانا سلم
كتبت بينا ذكرى اعواد الاغصان
وحلف بينا الورد وبشوگنا اقسم
بحيث تحاججت ويانة الاشجار
البهاي الحدايق ياهو اقدم
افترگنا وجرى بنهر ارواحنا الموت
وبياض گلوبنا على الروح خيم
اتفقنا نموت لكن واحنا عدلين
نضحك بس اكو بخاطرنا مأتم
الهوى يلاگينا لكن ما مبينين
مختنگين بس نگول نشتم
افترگنا بليل ونايمة الناس
خفنا من النهار الناس تعلم .