موبس الصواب النفس هم كتال.

يا گلبي الحزن مو باب
الحزن ناعور لو دولاب
لو عين انچفت ع الباب
يا گلبي الحزن غيمة
واذا مو غيم
من يغسل ذنوب الباب
يا گلبي الحزن ليلة
واذا مو ليل
چا ليش الغروب صواب
الحزن اذا يكبر يشيب يموت
شعجب حزن المگابر شاب
يا گلبي الحزن محراب
الحزن كلساع يذبنه باب
الحزن من تچهب الصحره
وتصد عنك وانت تراب
الحزن هم فرح بس چذاب .

"عَانَقتُ كُلّ الحَائِرينَ مُواسيًا
وَقَلبِي هُنا بينَ الحَنَايا غَّريقُ"

انطيته ظهري،
وسَكته ضل يحجي الترف
وميزيته بلايه صوت
سوالف الطعنه عرّف
وانا گايلها گبل واليوم اگول
دچه مغيّسل ولا دچه ولّف . .

أگابل عَيونك الحِلوة و أَغني
و كُل الـ يوجعنك يوجعني
إِذا تنجرح أنا أنجرح وياك
مثل ما أنا مِنك انتَ مِني ..

لا تخطف بثوب أسود على الميتين
فك حزنك گبل متموت

-أفك حزني گبل ما أموت ؟
چا هوّه الحزن گلّي جلد حيّه
وتريده ينّزع بسكوت ؟

شغيرني
وشغيرك؟
چا والوعد وينه!
نتسالم ونفترگ ، محد ترف عينه!
تدري
اصفن الوحدي واحترگ
ويه الـتتن
واتوسف ايامك
وابجي مــن اكلب الصور
حتى احلى شكلي گبل مــن چنت بأحلامك
چا شوگي مـا فززك؟
عـمـري ؟ السحكته ورحت ماعرض كدامك؟
ڪل ذكرياتي صدگ
هيج انتهت عـادَي؟
وتنسه الضحك والبچي البعيد ميلادي؟
لاطيفي
لامحبسي!
ولا دمعه لا شبكه؟
چا هو باب العشگ وبكيفك تطبگه؟
چا صدرك
شبي حجر؟ لـوَ هـَـم گلب بي دم؟
چا لـَيش عكبك اون ونات المسمم
هـَـم جنه
نزعل گبل
بَـس نرد نتراضه
وتجرحني
وانه اجرحك
ونسكت ونتغاضه
هلمره شــوو مــن صـدُك طول زعلنه
وحدك ووحدي شكثر شمات شافونا
لا والكاتلني
الحجي تتناقله الغربه
هذا الاحساس الابد ماحسب نجربه
هسـه أنــي اريد افتهم عزة نفس لـوَ كره؟
حتى اشتهي موتتي لابالقرار اشتبه .

مدرِي شصَاب گلبيّ ومادرِي شصَابة
فقَد شُوگة وحَنينة ولذَة عتَابة
بَچيت بّلا حِزن بَچية عيُون المَاي
وضحَكت بّلا فَرح ضحكَة اللعابَة .

١١:١١

بعيده ولايتك والصدفه فكت باب
اجيت ومن لگيتك وجهك مسرگه
من عـدهه وعرفت بنشغت المگتول
شتعوف الرصاصه حروره بالتفگه
امن اموت برودتك خليهه عالتابوت
وبيدك كون نعش جنازتي تطبگه
وخلـيلي دمعتك عالگبر نيشان
خـاف بجفن گبري دموع ماتلگه
وخاف يمر وكت وتزورني من بعيد
تدليك بمكاني حرورت الشهگه

هَيچي اسمِعه بكِل قَصيدة
هَيچي روحي تِنگ، تَريده
هَيچي كِلهم يَمه ضَلوا
وَ اني خَلاني البَعيد.

( ألا تحزني )

منو بگدي
حِچة ويه صَوركم؟
ومِنو مثلي
رغم بُعد المسَافات وحُضنكم
ومِنو مَا يغفى
إذا مَا يدعي ويرَدد بأسمكُم
ومِنو مثلي ، إذا تغيبون
يبهَت لونه، يتمَرض، بعدكُم؟
ومِنو مثلي إذا مركُم حِزن مَينام
ولوجه الصُبح يدعي
الله يطَمن ويجبر گلبكم
منو من ناسكم مِثلي يحبكم ؟

أبقى وحدي
تغفى وتنام ألنجوم
بيك افكر مايجي لعيوني نوم ..

أجه بعد الغياب وگال محَتام
وتسالمِنه شبگ چن ماي والماي
تلاگينه برغم ما جانت وجوهه !
ملامحنهَ أنمحَت من بجية وبچاي
عاتبتة خزر ما گالي شبيك
بچه ونزلت دمعتة وگرب حذاي
گال احچيلي فدوه شلونك أليوم ؟
گتلة شلوني وعندي اجوبه هواي
صفنت بعينه ساعة وغيرت لوّن
عينه غيار اليكدون حفـاي
گال هواي تصفن گتله معذور عيونك عگل شيخ تريد حچاي !
گال بغيبتي لاگوك شمات
گتله وداعتك صدكاني وعداي
گال أنه الك لا كتلة غلطان
أنه والخلفوني نحبك هووواي
گال ارخصني اشمك گتله مرخوص
گرب شماني شم هدوم مشاي
مــن گد ماترف گضيته منا
بعده ايدي عله راسة وحومرت هاي !
گتله الشمس تچوي گال اجه الليل
الشمس ماتدني يمي رموشك فياي
اول ماكعدنه تراب والنوب
مسحّت دموعة والگه الطين چواي
وگفنه وكال اروح وارد اوصيك
شد حيلك وگتنه سموم وعياي
اريدك من اروحّ تنام مرتاح
شنام وچفن عيني موالفه حياي
انه ماطابك جفن من روحتك ذيج هسه تريد انام بروحتك هاي.؟

شيصفيك ؟
ميّ بنهر ريف وناصي بيك الماي
حتى الماعرف يسبح يچيت
بيك

سَهران بَايگني الحَزن .