فِتت من شارعَك ، چني على گبرّي
بوكتهَا أيامنا وگفن بنَحرّي
أتمشى و هدُوئي يدايّن الليل
الشارع فارغ ، المزدحّم صَدري
و وصلَّت لبابَك و صارت صراعات
بفكرّي ، و تهِت حدما صرّت مَدري
عِشت فوضة إهدوم الفُقرة بالبيّت
گاعِد و الدمُوع التجري ، عُمري !
و يجي الليل و اسُولف بيّك وياي
و أعذر روحتَك و يفوح عُطري
و أشبُگني ببدالك حَتى أحّس بيك
و ألومَك عَ البرود البيّك يسري
و اعوفَك يا ولا تسوّى الحرامات
عِفتني لناس ما يسووّن إظفري
عِفتني صغير ، أشَبه حِلم الأيتام
و هَسه الگاع تبچَيلي أعلى كُبري .

انه شنَاسي ؟
احُط راسي واريد اغفَى
والف شغلة تِجي براسي
اضل اتلمَس بگلبي
اضل احسِب
عددهن كامِل جروحي
گلشي اذكُر
انه ماناسِي بس رُوحي

باچر مِن ترِد
وتخونَك أحلامَك
ترِد تفرش ندَم
وأفرشلَك إسهامَك
وأتعبك بالعَتب
گد ما برُوحِيّ أعتاب
گد ما خيبتني لخاطِر آمالَك
بَاچر مِن ترِد ماتلكىٰ
شي مَوجوّد
تَلكىٰ الوَرد ذابِل والأرض صَحرة
تلكَاني مَدينة مسَددة البيّبان
بيها الكُمر مَيت
والشَمس حَمرة .

نزل بينه العمر نزلة مطر عالكاع
البگه منه قليل وراحن هوايه
بُگت وشلة عمر ماتسوه بيها نصيح
الحگ ع الرخيص وماكو شرايه
البير اشگد تجهبه وهو مايه يفوع
ولچن ماله صاحب لو نشف مايه
استعين اباجي حيلي اتوچه ع الحيطان
اليطيح بهالوكت ماعنده تچايه
لازم احتسب واصبر على المكتوب
لان الكاتبه الله ولااله محايه …

وگلب عندي ولا يّمِلّك
طِفل زَعلان من أُمة
تِزعلة ويبچي ويردلَك
ترى اول علامة تفضح الخوان
لَمَن يبتدي يهملك
واخر مرحلة من الحُب
من تتعلق ويتعمد يذلك
وانة عايشها كلها وياك
ضفيرة عَرب شيحلك
ظهر صُبار احظنك
وانملي بسلك

حچَيك مو شقهَ
ومقصّود وَياي
مَن حَاجيتني
وغَيرت الاسَلُوب
مَن چَزيتني
مِن كُلشي بَي زينَ
مِن ظليت تحَجي
بطاري العَيوب .

مانمَت ؟
واسم النَوم مِن بالي شلتــتَــه .
بصفَي حطِوا ذِيــب نــام وندَهتِه.

ذكرياتَك ما عِفتها
والأريدَك ماتت بشِفتي
بكِثر ما رددتها
وأني من گِتلك نسيتَك بَس گِلت
ماطبقتها
وأهتمامَك چذبة چان
الله لا ينطي أربعينَك
لاحگِيني بكِل مَكان
أربعينَك بالشِكل
مو بالأمان

مو مهم تگلي أحبك

بانتظارك
خلصت عمري إنتظار
عاشرت ليل المحطة
وارتجي ايجيبك قطار
والقطار
لو يحب مثلي وتشب بضلوعه نار
يسرع ابمشيه ويجيبك
بالفجر قبل النهار
ولو تعبني إنتظارك
شارك العمر ابسنينه
اهواي كالو مايجيك
وكًلبي جاوبهم يجينه
يجينه
ناشدت كل روجه عنك
كل جرف كحلت عينه
وسألت كل الشواطي
بلكت اتجيبك سفينه
ولا سفينه
ولا قطار
وخلصت عمري إنتظار
لا قطار ولا سفينه
وانه والليل ابامل جيتك علينه
طيح يا دمع النده وكطر بدينه
احنه ليليه انتلاكه
نسهر انه وياك ياليل المدينه
انه عيني عالمحطه
وانته عينك عالنهار
خلصت عمري إنتظار

ضُل وياي أريدَك
و البُقن چَم يوم
وهلچَم يوم صارن
حدَّك وحدّي
خليني أرد أشوفَك
گُمت أحِسك طيف
يا عين الـ تگُض الطيف
الـ يعدّي؟
لتخليني وحدي
منين أعرف الناس
لا أگدر أعاشر لا خُلگ عِندي
أحِبّ شلون غيرَك
مِن أود شلون
آنه وياك كُلّش خلصت ودّي
أخذني وياك منّي
شعندي باقي وياي؟
كُلي وياك أخذني وكُلشي لتودي..

تعبتني..
مثل طبع الريح طبعك وآنه ورقة
شما لگيتك ضيعتني
من لگيت أسمك حلم چا فززتني !
من جبت بيدي التذاكر
چان قصدي وياك اسافر
من جبت بيدي التذاكر
ودعتني !
ليش من گتلك احبك ما گدتني ؟

حَبيِبي بيا بَخَت ويِاي شَديت
وعدا هَجركَ ألي شقِدمتْ شديِت
بصبعكَ حَتى تذكر خيِط شديِت
انْحصر دَمك ولا فَكَرت بيِه

١١:١١مَ