جِفنيّ بارد ع السَهر
بس گلبيّ نَار
ليّل وطيوفَك عليّ هَدّن نَهر
حَافي يمشي السيَف بجروحي
وبقيَّت ..
لا رِحت مِني ولا راح الأثَر..

طلع چذاب ذاك الگال أطَفي النار
جاب النار كلها وحَطها بضلوعِي 

لا تكمل غيضتك مابيه حيل
وَي گطعتك ينگطع عني الهوة
تعلعلت روحي بغيابك والكفيل
انتَ عافيتي ورحت وانتَ الدوة
وگمت أركز ع الظهر حسبالي ليل
ما أميز نجومهن صارن سوة ..

اريد ادعي عليك
وخاف يقبلها
غرف تشِرح موته ادخلها
چنت وياك
هسه بيوتنا ماكدر ادخلها

أمس زرت السوالف والمواعيد
بعدهن ع الجسر كلشي بمكانه
خطواتَك لهفتك عرگة الايد
خوفَك لا عيون اتطب سِمانا
ونار اشواگنه الما تقبل تهيد
وبير دموعنة وصحرة لقانه
انت گبال عيني وچنَك بعيد
اكيد ويَّ البُعد يكبر هوانه
وچفوفي ورگ غطة العناگيد
ولهينة ارواحنة ودارت رحانه
وصيني قبل لا أروح شتريد
گتلة الليل لا يخنگ ضوانه
وشوصيها السنابل ع الحواصيد !؟
لو اوصي الجرح يلچم دوانه !؟
لو اوصي العطش بالصيف ليزيد
وصية وغيرها وخلنة بعِمانا
بَس عَينك عليك وكلشي ما أريد
يمَك إنتَ إلي مخَليك أمانه ..

أخُذ خيرة
يصدمني الحجي الـ مو زين
ما أبدلك
أبدل الياخذ الخيرة !

ما جاي انام وگلبي
تعبان
وزعلان احس من
كلشي زعلان
وتطفة الشموع ودمعي
سهران
وميت احس والليل
دفان .

شكَم جمعهَ أجت بَس أنت ما اجيت !
واگول تعَود بالجمعهَ الجديدهَ
مفارگني عُمر مِو يوم يومَين
بعَدني بداعتكَ مَا ناسِي الايام
يا أول صعَب چنت انِي اريدهَ
گمت أكتب الأغانِي بلهفهَ وبشوگ
ولأجل عَينك عفَت حتىٰ القصيدهَ
هّاي الجمعهَ گلي أتذكرك بيش ؟
عَمومًا يلرحَت جمعهَ سعّيدة

رد مادام عشكك حِار لايبرد

فِتت من شارعَك ، چني على گبرّي
بوكتهَا أيامنا وگفن بنَحرّي
أتمشى و هدُوئي يدايّن الليل
الشارع فارغ ، المزدحّم صَدري
و وصلَّت لبابَك و صارت صراعات
بفكرّي ، و تهِت حدما صرّت مَدري
عِشت فوضة إهدوم الفُقرة بالبيّت
گاعِد و الدمُوع التجري ، عُمري !
و يجي الليل و اسُولف بيّك وياي
و أعذر روحتَك و يفوح عُطري
و أشبُگني ببدالك حَتى أحّس بيك
و ألومَك عَ البرود البيّك يسري
و اعوفَك يا ولا تسوّى الحرامات
عِفتني لناس ما يسووّن إظفري
عِفتني صغير ، أشَبه حِلم الأيتام
و هَسه الگاع تبچَيلي أعلى كُبري .

انه شنَاسي ؟
احُط راسي واريد اغفَى
والف شغلة تِجي براسي
اضل اتلمَس بگلبي
اضل احسِب
عددهن كامِل جروحي
گلشي اذكُر
انه ماناسِي بس رُوحي

باچر مِن ترِد
وتخونَك أحلامَك
ترِد تفرش ندَم
وأفرشلَك إسهامَك
وأتعبك بالعَتب
گد ما برُوحِيّ أعتاب
گد ما خيبتني لخاطِر آمالَك
بَاچر مِن ترِد ماتلكىٰ
شي مَوجوّد
تَلكىٰ الوَرد ذابِل والأرض صَحرة
تلكَاني مَدينة مسَددة البيّبان
بيها الكُمر مَيت
والشَمس حَمرة .

نزل بينه العمر نزلة مطر عالكاع
البگه منه قليل وراحن هوايه
بُگت وشلة عمر ماتسوه بيها نصيح
الحگ ع الرخيص وماكو شرايه
البير اشگد تجهبه وهو مايه يفوع
ولچن ماله صاحب لو نشف مايه
استعين اباجي حيلي اتوچه ع الحيطان
اليطيح بهالوكت ماعنده تچايه
لازم احتسب واصبر على المكتوب
لان الكاتبه الله ولااله محايه …

وگلب عندي ولا يّمِلّك
طِفل زَعلان من أُمة
تِزعلة ويبچي ويردلَك
ترى اول علامة تفضح الخوان
لَمَن يبتدي يهملك
واخر مرحلة من الحُب
من تتعلق ويتعمد يذلك
وانة عايشها كلها وياك
ضفيرة عَرب شيحلك
ظهر صُبار احظنك
وانملي بسلك

حچَيك مو شقهَ
ومقصّود وَياي
مَن حَاجيتني
وغَيرت الاسَلُوب
مَن چَزيتني
مِن كُلشي بَي زينَ
مِن ظليت تحَجي
بطاري العَيوب .