ڪُلشـي عدا عيونك غِلط ..

انه من اشرب جگاره اشهك سنين
وأرد وانفخ بوجه الوكِت دخان
خاني الوكِت
والصُحبه
والحيل
وباكيت الجگاير عُمره ماخان
اذكر وگفته بساعات الوداع
يدورلي صبر لو وين ماچان
بَعت روحي
وشريته بساعة العوز
وحَرگ روحه وشَراني بنُص الاحزان

بَچاني
وأنهَ إلي چنت
ما أقبل اتمشى بمُطر
ويصير مَي بخدي
گدما شِفت مَنك حِزن
مِنا لحَد يوم الدفن
راح ابقى عايش وَحدي
لو عندي حظ چا ما رحِت
بَس أنهَ حظ ماعندي .

- اثاري انت وجع مرغوب عد گلبي.

ارسم بطيفك تجيني حتى اعيشن بأنتظارة
هاي اخر فرصة ليه
يجوز اموت بأي جگارة

منعَوك مني شعجَب ،
شنهَي انه قابل خَمُّر ؟؟

بعدك؟

آني بعدك ما ضگت
‏غمج الدفو
‏آرد اشمك من غميجك 🖤

رسمتك عالضَباب الحاضن الشباگَ

انا بكل ليلة
اسافرلك
اشوفك من وره الشباك
وابجيلك
والكه وياك
ذاك المايغنيلك
المايعرف من تبرد
يلوليلك
جنت يمي من تنام
حتى عيوني اطفيلك

چنت أخاف تروح مني
والخفت من عنده صار
انه تانيتَك لحد ما
زَهگ مني الإنتظار
انه قَررت الرحيل
وانته لسه بلا قَرار
انته عِشت بكل خَساره
وانه عِشت الانتصار
انه إلك غار الرسول
وانت للحلوات غار
انت من شاماتي أسود
وانه اضوه من النَهار .

‏رُوجات الحَزن رَدّن عِمني

توهة بردت وانتِ
مريتي رصاصة
خايف تروحين و أذبل
والعطش يترَس مكاني
وخايف اشرب روحتج
واخذلي ليل وما اتاني
هاي اليه سنين بارد
محد بـ ملَگا چواني
شلون ماطكن عشب
بيه الثواني
ويخلص الليل
ويخضر ليل ثاني
بيه واهس كافر وربج هداني
الليل شبعني سفر واني بمكاني .

تعرف كلشي بيه
وماعرفت شبيك
لُغز حلك صعب
من يگدر يحلك
واشرد حتى اجيك
ومدري ليش الخوف
واخاف تخاف مني
بسدّك اختلّك .

يا گلبي
يالما بيك ظنّة
اركد ولك ..
مامش محنة
لا بالغريب و لا بهلنا

يا بَذات يالگِطعي يمَا تِهتم
كِتبنالك قصَايد نِبچي بيهِن دَم

ضَلام أنتَ بحَياتي وضُلمك هواي
وأضوكِك مُر وأكولن لا طَعم هَيل
وأعرفك خايّن وأدريِك بذات
وتِريد ويَاك اخَلصها بتواسِيل
ولك وأعرفك كَبلي عاشِك واعرف البيك
وضِميت الأسرار بوحِشة الليَل

أنا بلياك مَدري
شبيه مـا بيه
زِلف وبلايه ترچيه
درِب مابيه كل جيه
نهَر فاض وتِبع ميه
رجَع بس ما لگه جروف
وكُون تشوف روحِـي
شخلى بيها الخوف
مطلوبه نِذر وتخاف
ماتوصل حضرتك
من بعيد تطوف
- جَـبار رشِيد