🏃‍♂️👟 ត្រៀមខ្លួនហើយឬនៅសម្រាប់ព្រឹត្តិការណ៍រត់ប្រណាំងនាថ្ងៃអាទិត្យនេះ?

ដើម្បីគាំទ្រដល់សុខភាព និងសុវត្ថិភាពរបស់កីឡាករ កីឡាការិនីទាំងអស់ សមាគមពេទ្យព្យាបាលដោយចលនា នឹងមានវត្តមានក្នុងកម្មវិធីរត់នាថ្ងៃ អាទិត្យ ទី២៥ ខែមករា ឆ្នាំ២០២៦ ខាងមុខនេះ!

ពុកម៉ែ បងប្អូន និងកីឡាករទាំងអស់ដែលជួបប្រទះបញ្ហាដូចជា៖
✅ មានរបួសអំឡុងពេលរត់
✅ មានការឈឺចាប់សាច់ដុំ ឬសន្លាក់
✅ ចង់បានការណែនាំអំពីរបៀបសម្រួលសាច់ដុំក្រោយបញ្ឈប់ការរត់

លោកអ្នកអាចអញ្ជើញមកកាន់ស្តង់របស់យើងដើម្បីទទួលការ ពិនិត្យនិងពិគ្រោះយោបល់ដោយឥតគិតថ្លៃ ពីសំណាក់ក្រុមគ្រូពេទ្យជំនាញឯកទេសព្យាបាលដោយចលនា។

📍 ជួបគ្នានៅទីតាំងព្រឹត្តិការណ៍! ពួកយើងរង់ចាំជួយសម្រួលរាល់ការឈឺចាប់របស់លោកអ្នក ដើម្បីឱ្យការរត់ប្រកបដោយភាពរីករាយ និងសុវត្ថិភាព។

📽️ សូមទស្សនាវីដេអូសកម្មភាព និងការថ្លែងចំណាប់អារម្មណ៍ពីលោកប្រធានសមាគម

ក្នុងព្រឹត្តិការណ៍រត់ប្រណាំងថ្ងៃនេះ លោក ប៉ង សារុន ប្រធានសមាគមពេទ្យព្យាបាលដោយចលនាកម្ពុជា រួមជាមួយក្រុមការងារគ្រូពេទ្យជំនាញ បានចុះវត្តមានផ្ទាល់ដើម្បី៖
✅ ផ្តល់ការពិនិត្យ និងពិគ្រោះយោបល់លើបញ្ហារបួសដោយឥតគិតថ្លៃ
✅ ជួយសម្រួលសាច់ដុំ និងសង្គ្រោះបឋមដល់កីឡាករ កីឡាការិនី
✅ ផ្សព្វផ្សាយពីសារៈសំខាន់នៃការព្យាបាលដោយចលនា ក្នុងវិស័យកីឡាគ្រប់ប្រភេទ

សមាគមយើងខ្ញុំមានមោទនភាពដែលបានក្លាយជាផ្នែកមួយ ក្នុងការថែរក្សាសុខភាព និងសុវត្ថិភាពរបស់បងប្អូនកីឡាករគ្រប់រូប។ បញ្ហារបួសសាច់ដុំ និងសន្លាក់ លែងជាកង្វល់ទៀតហើយ កាលណាដែលលោកអ្នកយល់ដឹងពីបច្ចេកទេសព្យាបាលដោយចលនាច្បាស់លាស់។

ស៊ូៗ កីឡាករ កីឡាការិនីទាំងអស់គ្នា! ជួបគ្នានៅព្រឹត្តិការណ៍ក្រោយៗទៀត! 💪🇰🇭

សួស្តីលោកគ្រូ អ្នកគ្រូទាំងអស់ក្នុងគ្រុប!

ថ្ងៃនេះខ្ញុំចង់ចែករំលែកនូវបទពិសោធន៍ផ្ទាល់ខ្លួន បន្តិចបន្តួចទាក់ទងនឹងការប្រើប្រាស់បង់យឺត Starbalm ជាមួយអ្នកជំងឺ និងកីឡាករ ដែលទទួលបានលទ្ធផលយ៉ាងល្អ ជាពិសេសបច្ចេកទេសបិទឱ្យជាប់បានយូររហូតដល់ ១ សប្ដាហ៍។

១. បញ្ហាដែលជួបប្រទះ៖ ជាទូទៅ ការបិទនៅតំបន់ជង្គង់ងាយនឹងរបកដោយសារការទង្គិច ឬការធ្វើចលនាពត់បត់ច្រើន។

២. បច្ចេកទេសបិទឱ្យជាប់បានយូរ (រហូតដល់ ៧ ថ្ងៃ)៖

សម្អាតស្បែក៖ មុននឹងបិទ ត្រូវជូតសម្អាតតំបន់ជង្គង់ឱ្យស្អាត និងស្ងួតល្អ (គ្មានជាតិខ្លាញ់ ឬញើស)។

កាត់ជ្រុងបន្ទះបិទ៖ គួរកាត់ជ្រុងទាំង ៤ នៃបង់យឺតឱ្យមានរាងមូល (Round corners) ដើម្បីកុំឱ្យវាទើសជាមួយសម្លៀកបំពាក់ ដែលជាមូលហេតុធ្វើឱ្យឆាប់របក។

របៀបបិទ៖ ឱ្យអ្នកជំងឺ ឬកីឡាករ បត់ជង្គង់បន្តិច (ប្រហែល 90°) នៅពេលបិទ ដើម្បីឱ្យបង់យឺតមានភាពយឺតស្របតាមចលនាសន្លាក់។

ការប្រើកម្ដៅ៖ ក្រោយពេលបិទរួច ប្រើបាតដៃ ត្រដុសពីលើថ្នមៗ ដើម្បីឱ្យកម្ដៅបាតដៃជួយឱ្យកាវជាប់ស្អិតបានកាន់តែល្អ។

សង្ឃឹមថាបទពិសោធន៍តិចតួចនេះ អាចជាប្រយោជន៍ដល់លោកគ្រូ អ្នកគ្រូ ក្នុងការយកទៅអនុវត្តជាមួយ កីឡាករ ឬអ្នកជំងឺបន្ត។
អរគុណច្រើន🙏