🔶የደራሲው ቃለ መጠይቅ
በኢቢኤስ እንዳይተላለፍ ታገደ

ቅዳሜ ነሐሴ 12 ቀን 2018 ዓ.ም. ደራሲ ቃልኪዳን ኃይሉ "የቃል ፌርማታ" የተሰኘ አምስተኛ መጽሐፉን አስመልክቶ ከኢቢኤስ ቴሌቪዥን ጋር ቃለ ምልልስ አድርጎ ነበር። ቃለ መጠይቁ ቅዳሜ ነሐሴ 16 ይተላለፋል ተብሎ ሲጠበቅ ሳይተላለፍ ቀርቷል።

በዕለቱ ደራሲው “በሰዓት መጣበብ ምክንያት አናስተላልፍም” የሚል መልእክት ከአዘጋጆቹ የደረሰው ቢሆንም ደራሲዎች የሚቀርቡበበት ሰአት ሌላ ደራሲ አልቀረበም። አጣዳፊ የቀጥታ ስርጭትም አልተላለፈበትም።

በሳምንቱ ቅዳሜ 23 ቃለ መጠይቁ ይተላለፋል ተብሎ ቢጠበቅም ከደራሲ ቃልኪዳን ኃይሉ ቀጥሎ የተቀረፀ የተደረገለት ሌላ ደራሲ ፕሮግራም ተላልፏል።

በቃለ ምልልሱ ውስጥ ጣቢያውን በሕግ የሚያስጠይቅ ይዘት ቃለ ምልልሱ ላይ ያልተደረገ መሆኑን ምንጮቻችን ቢያሳውቁንም ኢቢኤስ ቴሌቪዥን ግን ቃለ ምልልሱን ካደረገ በኋላ በድጋሚ መጽሐፉን በተለያዩ አካላት ማስገምገም መርጧል ተብሏል።

በጉዳዩ ላይ ማብራሪያ የጠየቅነው ደራሲ ቃልኪዳን ኃይሉ ስለ ቃለ መጠይቁ እጣ ፋንታ ቢጠይቅም ምንም ምላሽ ሳያገኝ መቅረቱን ለመሰረት ሚዲያ አረጋግጧል።

መጽሐፉ ስለ ትውልድ፣ ስለ ነጻነት እንዲሁም ለተወዳጁ ድምጻዊ ለቴዎድሮስ ካሳሁን (ቴዲ አፍሮ) መታሰቢያ መሆኑ የኢቢኤስ ቴሌቪዥን ጣብያን ከኢንተርቪው በላይ "የቃል ፌርማታ" የተባለው መጽሐፍ ይዘት ሳያሳስበው እንዳልቀረና ኢቢኤስ ቴሌቪዥን ጣብያ ራስን በራስ ሳንሱር እንዲያደርግ አስገድዶታል ተብሏል።

ምንጭ: መሠረት ሚዲያ

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶አርትስ ቴሌቪዥን እና ትርታ ኤፍኤም

በቴሌቪዥን እና በሬድዮ ሥርጭት ተቀባይነትን ያተረፉት አርትስ ቴሌቪዥን እና ትርታ 97.6 ኤፍ ኤም ሬዲዮ አብረው ለመሥራት የሚያስችላቸውን ሥምምነት ተፈራርመዋል።

ይህ ስምምነት ሁለቱም ተቋማት ያላቸውን የገበያ ተደራሽነት ለማስፋት እንዲሁም ለአጋር ደንበኞቻቸው የተሻለ የማስታወቂያ አማራጮችን ለማቅረብ የሚያስችል ነው::

አርትስ ቴሌቪዥን እና ትርታ ኤፍኤም ፉክክር ላይ ሳይሆን የጋራ ተጠቃሚነትን በጋራ አብሮ ማደግን መሰረት  ያደረገውን ይህን ስምምነት ከመጪው አዲስ ዓመት አንስቶ ተግባራዊ የሚያደርጉ ይሆናል::

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶በአማን ፕሮፐርቲስ አማን አዲስ ኤክስፖ

አማን ፕሮፐርቲስ  በሪል ስቴት እና በግንባታ ዘርፉ ባላፉት አምስት ዓመታት ሲንቀሳቀሱ የነበሩትን ላፍቶ ላይፍ፣ ኒው ላይፍ እና ስካይ ቪው ሪል ስቴቶችን በአንድ ስም በማጠቃለል በአዲስ የብራንድ ስም ወደ ገበያ መግባቱን አስታወቀ።

ድርጅቱ እስካሁን ባደረገው እንቅስቃሴ ሦስት የቤት ግንባታ ቦታዎችን (ሳይቶችን) ሙሉ ለሙሉ በማጠናቀቅ 312 አባወራዎችን የቤትና የሱቅ ባለቤት ያደረገ ሲሆን፣ 64 ዘመናዊ ቪላዎችን ገንብቶ ማስረከቡን ገልጿል።

የአማን ፕሮፐርቲስ እናት ኩባንያ የሆነው አማኔት ግሩፕ በንግድ፣ በማኑፋክቸሪንግ እና በቴክኖሎጂ ዘርፎች ላለፉት 10 ዓመታት ሲንቀሳቀስ የቆየ ሲሆን፣ በብረትና አሉሚኒየም አስመጪነት፣ በቡና ላኪነት እና በወንዝ ዳርቻ ልማት ግንባታዎች የሚታወቅ ነው።

አማን ፕሮፐርቲስ በራሱ የኮንስትራክሽን ድርጅት የሚታገዝ በመሆኑ የግብዓት እጥረትን በማስወገድ ፕሮጀክቶችን በተያዘላቸው ጊዜ የማጠናቀቅ፣ የግንባታ ጥራትን የመጠበቅ እና አማራጭ የአከፋፈል መንገዶችን የማቅረብ አቅም እንዳለው አስታውቋል።

ከዚሁ ጋር ተያይዞ ኩባንያው ከአርብ ነሐሴ 29 እስከ ጳጉሜን 1 ቀን 2018 ዓ.ም በላፍቶ ሞል ግቢ ውስጥ “አማን አዲስ ኤክስፖ” የተሰኘ ኤግዚቢሽን ያዘጋጀ ሲሆን፣ በብስራተ ገብርኤል እና በካዛንችስ የሚያስገነባቸውን ሚክስድ አፓርትመንቶች በልዩ የበዓል ቅናሽ፣ ለደንበኞች እንደሚያቀርብ ገልጿል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ሙዚቀኛ ጆቫኒ ሪኮ ከፕሪስቴጅ አዲስ ጋር

ፕሪስቴጅ አዲስ ከሙዚቀኛ ጆቫኒ ሪኮ ጋር የሚያገናኝ ልዩ የመታሰቢያ እና የውይይት መርሃ ግብር አዘጋጀ

ፕሪስቴጅ አዲስ (Prestige Addis) ከራዲያንት ፊልምስ እና በአዲስ አበባ ከሚገኘው የአሜሪካ ኤምባሲ ጋር በመተባበር፣ የታዋቂው የቤዝ ጊታር ተጫዋች እና የሮሃ ባንድ መስራች አባል ጆቫኒ ሪኮን የአምስት አስርት ዓመታት የሙዚቃ ጉዞ የሚያከብር ልዩ መርሃ ግብር ማዘጋጀቱን አስታወቀ።

በመድረኩ ላይ ሙዚቀኛ ጆቫኒ ሪኮ ስለ ኢትዮጵያ ሙዚቃ ወርቃማ ዘመን፣ ስለ አሁኑ የሙዚቃ ኢንዱስትሪ ሁኔታ እንዲሁም ስለ ህይወትና ጥበብ ተሞክሮዎቹ ማብራሪያ የሚሰጥ ሲሆን፣ ከተሳታፊዎች ለሚነሱ ጥያቄዎችም ምላሽ እንደሚሰጥ ተገልጿል።

ይህ መርሃ ግብር ማክሰኞ ጳጉሜን 3 ቀን 2018 ዓ.ም ከቀኑ 8፡00 ሰዓት ጀምሮ በአሜሪካ ኤምባሲ ግቢ ውስጥ በሚገኘው ሳችሞ ሴንተር (Satchmo Center) እንደሚካሄድ የተገለጸ ሲሆን፣ ፍላጎት ያላቸው ተሳታፊዎች አስቀድመው በተዘጋጀው የመመዝገቢያ ሊንክ አማካይነት መመዝገብ እንደሚችሉ አዘጋጆቹ አስታውቀዋል።

🔗 አሁኑኑ ለመመዝገብ ይህንን ሊንክ ይጫኑ 👇
https://jazzio.land/register

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶"አውራ አምባ: በዓለም አዲስ ምዕራፍ"

“አውራ አምባ ለዓለም አዲስ ምዕራፍ” የተሠኘውና 10 ዓመታትን የፈጀ ዘጋቢ ፊልም እሁድ ይመረቃል።

በኢትዮጵያ ልዩ ታሪክ፣ ፍልስፍና እና ማኅበራዊ የአኗኗር ዘይቤ ያለውን የአውራ አምባ ማኅበረሰብ ታሪክና የሕይወት ተሞክሮ የሚዳስሰው “አውራ አምባ ለዓለም አዲስ ምዕራፍ” ዘጋቢ ፊልም ለመጀመሪያ ጊዜ ለእይታ ቀርቦ በይፋ ሊመረቅ ነው።

10 ዓመታትን የፈጀው ዘጋቢ ፊልሙ፣ በታዋቂዋ ትውልደ ኢትዮጵያዊት የፊልም ባለሙያ፣ የቪዲዮ አርቲስት እና አስተማሪ ፕሮፌሰር ሳሌም መኩሪያ የተዘጋጀ ነው። ፕሮፌሰር ሳሌም መኩሪያ  ከዚህ ቀደም ስደት እና የወንዝ ማዕበል የተሰኙ የፊልም ስራወች የሚታወቁ ሲሆን፣ ሥራዎቻቸው በቬኒስ ቢዬናሌ፣ በኒውዮርክ አፍሪካን ፊልም ፌስቲቫል እና በሌሎች ዓለም አቀፍ የኪነጥበብ መድረኮች ቀርበዋል።

ዘጋቢ ፊልሙ እሁድ ጳጉሜ 1 2018 ዓ.ም ከቀኑ 8:30 ጀምሮ ሰንጋተራ አካባቢ በሚገኘው የአዲስ አበባ ከተማ ሲኒማ ቤቶች ድርጅት አዳራሽ (አዲስ ሲኒማ ኮምፕሌክስ) በደመቀ ዝግጅት ይመረቃል።

የፊልሙ ምረቃ ለፊልም ባለሙያዎች፣ ለባህልና ማኅበራዊ ጥናት ተመራማሪዎች፣ ለኪነ-ጥበብ ወዳጆች እንዲሁም የአውራ አምባን ማኅበረሰብ ልዩ የህይወት ተሞክሮ ለማወቅ ፍላጎት ላላቸው ሁሉ ጥሩ አጋጣሚ እንደሚሆን ይጠበቃል ተብሏል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶"ጎረቤቴ" የግጥም ዝግጅት በፊሊ ኮፊ

"ጎረቤቴ" የተሠኘ የኪነጥበብ ዝግጅት የፊታችን እሁድ ጳጉሜ 1 2018 ዓ.ም ከ11:00 ጀምሮ ሜክሲኮ ቡናና ሻይ በሚገኘው ፊሊ ኮፊ እንደሚካሄድ አዘጋጆቹ አስታውቀዋል።

የዝግጅቱ አሰናኞች " አዲስ ወቅት ለመቀበል የምናደርገውን ሽር ጉድ የሚያደምቅ እስካሁን ከሠራናቸው ሁሉ ለየት ያለ መድረክ ይዘን መጣን። ጉዱን ለማየት እሁድ 11 ሰዓት ሜክሲኮ ቡናናሻይ የሚገኘው ፊሊ ኮፊ መከሰት!" ብለዋል።

ከታች ባለው ሊንክ ቀድማችሁ ተመዝገቡ!

Register here https://gorebete.wassystem.com/customer/event/12


ለተጨማሪው: https://t.me/EventAddis1

ለተጨማሪው: https://t.me/EventAddis1

🔶 "አዲሱን ዓመት በምስጋና”

አዲስ ዓመትን ያለፉትን በጎ ተግባራት በማስታወስ እና የሚመጣውን ተስፋ በምስጋና በመቀበል ለማክበር የተዘጋጀ ልዩ የበጎነትና የምስጋና መርሃ ግብር ሊካሄድ ነው።

ዝግጅቱ በTH Group እና በ Sweet Life For All ትብብር የተዘጋጀ ሲሆን፣ “አዲሱን ዓመት በምስጋና” በሚል መሪ ቃል በርካታ ወጣቶችን፣ ተፅዕኖ ፈጣሪዎችን፣ የሀገር ባለውለታዎችን እና የበጎነት ተምሳሌቶችን በአንድ መድረክ ያገናኛል ተብሏል።

መርሃ ግብሩ የተለመደ የበዓል ግብዣ ሳይሆን፣ በሕይወታቸውና በስራቸው ለሌሎች መልካም አርአያ የሆኑ ሰዎችን ለማመስገን፣ የበጎነት ታሪኮችን ለማጋራት እና ተስፋን ለማደስ የተዘጋጀ ልዩ መድረክ መሆኑ ተገልጿል።

በዚሁ መሠረት በማህበረሰብ ተሳትፏቸው እና በበጎ ሥራ ላይ ባሳዩት ቁርጠኝነት ተፅዕኖ የፈጠሩ አካላት የክብር እንግዳ ሆነው እንዲገኙ ጥሪ ቀርቧል።

ዝግጅቱ ቅዳሜ፣ ነሐሴ 30 ቀን ከሰዓት በኋላ ከ7:30 ጀምሮ ቦሌ ኤድናሞል አካባቢ፣በሚገኘው ካሌብ ሆቴል ይካሄዳል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶"የእናቴ ሮሚዮ" መጽሐፍ ነገ ይመረቃል

ከእውነተኛው ሕይወት ገጽታዎች የተቀዱ ውብ ታሪኮች የተሰባሰቡበት የጋዜጠኛና ደራሲ ስመኝ ግዛው «የእናቴ ሮሚዮ» እና ሌሎች አጫጭር ታሪኮች መጽሐፍ ነገ ነሐሴ 30/2018 ዓ.ም ይመረቃል።

መጽሐፉ ቀደም ብሎ ለአንባብያን መድረሱን ተከትሎ፣ በዕለቱ በሥራው ላይ ጥልቅ ግምገማና ዳሰሳ ይቀርባል።

በምርቃት ሥነ ሥርዓቱ ላይ ታዋቂ የሥነ ጽሑፍ ባለሙያዎች፣ ምሁራን፣ አርቲስቶችና አንባብያን የሚገኙ ሲሆን፣ ከመጽሐፉ የተወሰዱ ታሪኮችም በታዋቂ ተዋንያን አማካኝነት በመድረክ ላይ ይቀርባሉ።

ደራሲዋ መጽሐፍን አስቀድሞ ለንባብ ማብቃት አንባብያን ያዩትንና የተሰማቸውን በነፃነት እንዲገልጹ እንዲሁም ገንቢ ሂስና አስተያየት እንዲሰጡበት ሰፊ መድረክ የሚከፍት መሆኑን ተናግራለች።

ምርቃቱ ከቀኑ 8:00 ጀምሮ በአድዋ ድል መታሰቢያ ሙዚየም አዳራሽ ይካሄዳል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶በሆሄ ምዕራፍ ቀኝ ጌታ ዮፍታሔ ንጉሤ!

የሆሄ ምዕራፍ የመጽሐፍ ውይይት መድረክ በደራሲ ዮሐንስ አድማሱ በተጻፈው “ቀኝ ጌታ ዮፍታሔ ንጉሤ፤ አጭር የሕይወቱና የጽሑፉ ታሪክ” በተሰኘው መጽሐፍ ላይ ያተኮረ የውይይት መርሃ ግብር ማዘጋጀቱን አስታወቀ።

ውይይቱ ነሐሴ 30 ቀን 2018 ዓ.ም. ከቀኑ 4፡00 ሰዓት ጀምሮ በወመዘከር (የብሔራዊ ቤተ መጻሕፍትና ቤተ መዛግብት ኤጀንሲ) ይካሄዳል።

የሆሄ ምዕራፍ የዚህ ወር መድረክ በሚከተሉት ዋና ዋና ነጥቦች ላይ ትኩረት ያደርጋል:- የኢትዮጵያ ዘመናዊ ትያትር አጀማመርና የቀኝ ጌታ ዮፍታሔ ንጉሤ ድርሻ፣
የጽሑፍ፣ የድራማና የሙዚቃ ሥራዎች የዘመናቸውን ማኅበረሰብ የገለጹበት መንገድ፣የቀደምት ምሁራንና የሥነ ጥበብ ሰዎች ውርስ ለዛሬው ትውልድ የሚያስተላልፈው መልእክት ።

በዕለቱም የሥነ ጽሑፍ፣ የትያትር፣ የሙዚቃና የመጽሐፍ አፍቃሪያን እንደሚታደሙ ከአዘጋጅዎቹ የተገኘው መረጃ ያመለክታል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶3ኛው “ምሳሌ የቤተሰብ ሸልማት”

“ምቹ ቤት ሚዲያ እና ኢቨንት” በየዓመቱ የሚያዘጋጀው “ምሳሌ የቤተሰብ ሸልማት” ዘንድሮ ለ3ኛ ጊዜ በደማቅ ሁኔታ ሊካሄድ መሆኑ ተገለጸ።

መርሃ ግብሩ የቤተሰብን እሴት ለማክበርና ለትውልድ የሚሻገር አሻራ ለማስቀመጥ ያለመ ሲሆን፣ ተጋባዥ እንግዶችና የክብር አበጋዞች በተገኙበት በታላቅ ድምቀት እንደሚካሄድ አዘጋጆቹ አስታውቀዋል።

የሽልማት ዝግጅቱ ነገ ቅዳሜ፣ ነሐሴ 30 ቀን 2018 ዓ.ም. 7:30 ጀምሮ በዓድዋ ድል መታሰቢያ ይካሄዳል ተብሏል።

ዝግጅቱ የቤተሰብን ሚና የሚያጎሉ ጥሪ የተደረገላቸው ልዩ እንግዶች በሚገኝበት የሚካሄድ ልዩ የምስጋናና የእውቅና መድረክ መሆኑ ተመላክቷል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ፖለቲከኛው የዘፈን አልበም ሊለቅ ነው

ፖለቲከኛ ልደቱ አያሌው በኤአይ የተሰራ የዘፈን አልበም ሊለቅ ነው እንደሆነ ተሰምቷል።

ፖለቲከኛ ልደቱ አያሌው በሰው ሰራሽ አስተውሎት (AI) የታገዘ እና 12 ዘፈኖችን የያዘ አዲስ የሙዚቃ አልበም ለአድማጮች ለማቅረብ መዘጋጀቱን አስታወቀ።

"ሀሳብን በዜማ" የተሰኘው ይህ አልበም የፖለቲከኛውን የፖለቲካ ፍልስፍና፣ ማህበራዊ አመለካከት እና የተለያዩ የሕይወት እይታዎችን በዘፈን መልክ የሚያቀርብ ነው። ፖለቲከኛው ስለ ጉዳዩ ሲናገር፦ "እኔ የኪነ-ጥበብ ሰው ባልሆንም፣ ትንሽ አንዳንድ ዝንባሌዎች አሉኝ፤ በመሆኑም 'ሀሳብን በዜማ' የሚል አልበም በኤ አይ ሰርቻለሁ" ብሏል።

እንደ ፖለቲከኛ ገለፃ፣ የአልበሙ ዘፈኖች ለአዲሱ ዓመት መግቢያ ከመስከረም 1 ቀን ጀምሮ ለ12 ተከታታይ ቀናት በየእለቱ አንድ አንድ ዘፈን ለህዝብ የሚለቀቁ ይሆናል ተብሏል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ጋዜጠኛ በላይ በቀለ በፅኑ ታሟል

አንጋፋው ጋዜጠኛ በላይ በቀለ ድንገተኛ የስትሮክ አደጋ አጋጥሞት፣ በአሁኑ ወቅት ዳግማዊ ሚኒሊክ ሆስፒታል በፅኑ ሕሙማን መከታተያ ክፍል (ICU) ውስጥ እየታከመ ይገኛል።

ጋዜጠኛ በላይ በቀለ በኢትዮጵያ የሚዲያ ታሪክ ውስጥ ለበርካታ ዓመታት በሬዲዮና በቴሌቪዥን በብቃት ያገለገለ አንጋፋ ባለሙያ ነው። በቅርብ ዓመታትም “በላይ ሚዲያ” የዩቲዩብ ቻናልን በመመስረት፣ በሥራ ፈጠራ፣ በቢዝነስና በግል ልማት ዙሪያ ለወጣቶች እውቀትና ልምድ ሲያካፍል ቆይቷል።

ከጋዜጠኛው የቅርብ ወዳጅ አንጋፋው ጋዜጠኛ አለምነህ ዋሴ በተሰጠ መረጃ መሠረት፣ የስትሮክ አደጋው ከተከሰተ በኋላ ወደ ልዩ የስትሮክ ሕክምና ማዕከል ለማዛወር ጥረት ተደርጎ ነበር። ሆኖም ከአደጋው ጀምሮ ከ24 ሰዓት በላይ በመቆየቱ ምክንያት የቀዶ ሕክምና አማራጩ ወሳኝ ጊዜ ማለፉን ሐኪሞች እንደገለጹ ተገልጿል።

በአሁኑ ወቅት በዳግማዊ ሚኒሊክ ሆስፒታል የሚገኙ የሕክምና ባለሙያዎች አስፈላጊውን የነፍስ አድን ሕክምናና የቅርብ ክትትል እያደረጉለት ነው።

ይህ ሕይወቱን ሙሉ ለሕዝብ መረጃና እውቀት ሲያበረክት የኖረ አንጋፋ ባለሙያ ዛሬ የወገኖቹን እገዛ የሚሻበት ወቅት ላይ ይገኛል።

የድጋፍ ጥሪ

ለጋዜጠኛ በላይ በቀለ የሕክምና ወጪ ድጋፍ ማድረግ የምትፈልጉ፦

የኢትዮጵያ ንግድ ባንክ (CBE)
የአካውንት ቁጥር፦ 1000191873061
የአካውንት ስም፦ አለማየሁ በፍቃዱ

በጸሎት፣ በማበረታታትና በምንችለው የገንዘብ ድጋፍ ከጋዜጠኛ በላይ በቀለና ከቤተሰቦቹ ጎን እንቁም።

ለተጨማሪው: https://t.me/EventAddis1

ለተጨማሪው: https://t.me/EventAddis1