🔶የሰንዳፋ በኬ ድምቀት ቱአር ኤን ሰለሞን ሆቴል

በሰንዳፋ በኬ ከተማ በዘመናዊ መልኩ ተገንብቶ አገልግሎት መስጠት የጀመረው ቱአር ኤን ሰለሞን ሆቴል ስራ ከጀመረ አንስቶ የብዙዎችን ተወዳጅነት እያገኘ መሆኑ ተነገረ።

ሆቴሉ ለከተማዋ አዲስ ገጽታ ከመስጠቱም ባለፈ፣ ለአካባቢው ነዋሪዎችና ለጎብኚዎች ተመራጭ የመዝናኛ ማዕከል እየሆነ መጥቷል።

​ሆቴሉ  የብዙዎችን ልብ ለማሸነፍ የቻለባቸው ዋና ዋና ምክንያቶች፦
​
የከተማዋን ውበት በጨመረ መልኩ የተገነባው የሆቴሉ ህንፃና የውስጥ ማስጌጫ ለደንበኞች ምቾትን የሚሰጥ ነው።

​የምግብ፣ የመጠጥና የማረፊያ ክፍሎች አገልግሎት በከፍተኛ ጥራትና በዘመናዊ መስተንግዶ የታጀበ መሆኑ ተገልጿል።

​ከከተማዋ ጫጫታ ወጣ ብሎ ለዕረፍትና ለተለያዩ ፕሮግራሞች (ለሠርግ፣ ለስብሰባና ለልደት) ምቹ መሆኑ ተመራጭነቱን ከፍ አድርጎታል።

ከአዲስ አበባ ወደ ደብረ ብርሐን መሥመር የሚጓዝ ተጓዥ ቱ አር ኤን ሰለሞን ሆቴል አረፍ እያለ እየተዝናና መሄዱ ሆቴሉ ምቾት ፈጥሯል።

ይህ ሆቴል በሰንዳፋ በኬ እያሳየ ያለው ስኬት፣ ሌሎች አልሚዎችም በአካባቢው መሰል ኢንቨስትመንቶች ላይ እንዲሰማሩ መንገድ የሚከፍት መሆኑ ተመልክቷል። ሆቴሉ በቀጣይም የአገልግሎት አድማሱን በማስፋት የከተማዋ ዋነኛ መለያ ሆኖ እንደሚቀጥል ይጠበቃል።

2 rn solomon hotel and spa
የተለያዩ ሰርቪሶችን በመስጠት ይታወቃል
5 አይነት ሩሞች አላቸው።ሁሉም ሩሞች ላይ ቁርስ ፖኬጅ ሲኖር ስዊት ሩም ላይ ደሞ እስቲም እና ሳውናንም ያካትታል።እስከ 300 ሰው መያዝ የሚችል የስብሰባ  አዳራሽ እና ሚኒ አዳራሽም አለው።

🔶"ንጉስ ዳግማይ ንጉስ" አልበም

የድምጻዊ ፀጋዘአብ ገ/ሥላሴ "ንጉስ ዳግማይ ንጉስ" የተሰኘው አልበም የፊታችን ሀሙስ ሚያዝያ 22 /2018 ይለቀቃል።

"ንጉስ ዳግማይ ንጉስ" የድምጻዊው 4ተኛ የሙዚቃ አልበም ሲሆን 12 ትራኮችን የያዘ እንዲሁም በፍቅርና ባህል ላይ ያተኮረ ነው ተብሏል::

በአልበሙ ውስጥ የሚገኙትን 12 ሙዚቃዎች ግጥምና ዜማ የሰራው እራሱ ፀጋዘአብ ገ/ስላሴ እንደሆነ የተገለፀ ሲሆን አንዱ ሙዚቃ ግን የህዝብ ነው ተብሏል::

ይህ በርካታ በሀገራችን የሚገኙ የትግርኛ የሙዚቃ ባለሙያዎችን ያሳተፈውና የማኀበራዊ ፣የፍቅርና የባህል ጉዳዮችን የሚያነሳው የሙዚቃ አልበም ለአድማጮች በራሱ በፀጋዘአብ ገ/ስላሴ ናዶና በተሰኘው በዩቱብ ቻናል እንደሚለቀቅና በሌሎች አለም አቀፍ የዲጂታል መተግበሪያዎችም ለአድማጭ እንደሚደርስ ተገልጿል

የድምፃዊ ፀጋዘአብ ገ/ስላሴ የሙዚቃ አልበም ከ3.5 ሚሊየን ብር በላይ የፈጀና 12 ትራኮችን የያዘ ሲሆን ስራውን ሰርቶ ለማጠናቀቅም 2 ዓመታትን መውሰዱ ተነግሯል፡፡

ድምጻዊ ፀጋዘአብ ገ/ስላሴ ከዚህ ቀደም "እምበይተይ” በሚል ዜማ ተወዳጅነትን ያተረፈ ሙዚቀኛ ነው

መርሀግብሩን ኤርሚ ኤቨንት ከዳይናሚክ ኢንተርቴይመንት ጋር በመተባበር እንዳዘጋጀው ተነግሯል::

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ኢትዮጵያ ከ98 ቢሊዮን ብር በላይ ተዘረፈች

ታዋቂ አርቲስቶችና ከፍተኛ ባለሥልጣናት ከ98 ቢሊዮን ብር በላይ መዝረፋቸው በኦዲት ምርመራ መረጋገጡ ተነገረ

በ2018 በጀት ዓመት ዘጠኝ ወራት በአገር ኢኮኖሚ ላይ ከፍተኛ ሙስና የፈጸሙ ከፍተኛ ባለሥልጣናትና ታዋቂነታቸውን ተጠቅመው ኅብረተሰቡን የዘረፉ አርቲስቶች 78 ቢሊዮን ብርና 134 ሚሊዮን ዶላር ወይም በወቅቱ ሕጋዊ የባንክ ምንዛሪ ከ98 ቢሊዮን ብር በላይ ጉዳት ማድረሳቸው (ኅብረተሰቡን መዝረፋቸው)በኦዲት ምርመራ
መረጋገጡን፣ የፌዴራል ፖሊስ አስታወቀ፡፡

የኢትዮጵያ ፌዴራል ፖሊስ ይህን ያስታወቀው የ2018 በጀት ዓመት የዘጠኝ ወራት ዕቅድ አፈጻጸም ለሕዝብ ተወካዮች ምክር ቤት ሕግና ፍትሕ ጉዳዮች ቋሚ ኮሚቴ ሚያዝያ 21 ቀን 2018 ዓ.ም. ሲያቀርብ ነው፡፡

ፌዴራል ፖሊስ የወንጀል ምርመራ ኦፕሬሽን መምሪያ ምክትል ኮሚሽነር፣ ኮሚሽነር ሙሊሳ አብዲሳ፣ ወንጀል ነክ የሆኑ ምርመራዎች ላይ የሙስና ምርመራ ወንጀሎች እንዴት እንደሚፈጽሙ ሲያብራሩ፣ ሙስና በባህሪው እጅግ ውስብስና ድርጊት ፈጻሚው በረቀቀ መልኩ የሚፈጽመው በመሆኑ፣ ይህንን በማስረጃ ማረጋገጥ በጣም አስቸጋሪ ነው፡፡

የሙስና ወንጀል ፈጻሚው ከራስ አርቆ ውጭ አገሮች ድረስ ንብረት የሚያሸሽና የሚያከማች በመሆኑ፣ እነዚህን ማውጣት ከባድ በመሆኑ ልዩ ሥርዓቶችን በመዘርጋት፣ ከሌሎች ተቋማት ጋር ትብብር ማድረግንና የኦዲት ውጤቶችን የሚጠይቅ ሥራ ነው ብለዋል፡፡

ዘገባው የሪፖርተር ጋዜጣ ነው።

ለተጨማሪው: https://t.me/EventAddis1

🔶አዲስ አበባ አንበሳ ባስን ልትዘክር ነው

አንበሳ ባስ ለረጅም ዘመናት የከተማውን ህዝብ አገልግለው በየገራጁ በስብሰው ቆመው የሚገኙት የዳፍ (DAF) አውቶብሶች አገልግሎት ሰጪ ብቻ ሳይሆን የብዙዎች ትዝታ ነበሩ::

የከተማ አስተዳደሩ በተመረጡ የአውቶብስ ፌርምታዎች እነዚህን ቀደምት የአንበሳ ባስ የከተማ አውቶብሶች የአውቶብስ መቆሚያ (ፌርማታ) ለማድረግ ዲዛይኑን አጠናቃል:: ይህም በቅርቡ ተግባራዊ ይደረጋል ተብሏል።

ለተጨማሪው: https://t.me/EventAddis1

🔶የዴማ ሆፕ ሪልስቴት እና የፋስትፔይ ስምምነት

ዴማ ሆፕ ሪልስቴት ከፋስትፔይ ጋር አብሮ ለመስራት የሚያስችለውን ስምምነት ተፈራረመ

በሪልስቴት ዘርፍ ፈጣን እድገት እያስመዘገበ የሚገኘው ዴማ ሆፕ ሪል እስቴት ከፋስትፔይ ጋር ስምምነት ማድረጉን ገልጿል።

ይህ ስምምነት በውጭ ሀገር የሚኖሩ ኢትዮጵያውያን ሕጋዊ እና ቀልጣፋ በሆነ መንገድ የቤት ግዢ ክፍያዎችን እንዲፈጽሙ ለማስቻል ያለመ ነው።

ደንበኞች የፋስትፔይን የክፍያ ስርዓት በመጠቀም ከዴማ ሆፕ ሪልስቴት የመኖሪያ ቤት እና የንግድ ሱቆችን ሲገዙ ክፍያዎችን በቀላሉ እና በአስተማማኝ ሁኔታ መፈጸም እንደሚችሉ ተገልጿል።

ዴማ ሆፕ ሪልስቴት በአሁኑ ወቅት ስምንት የሚደርሱ ፕሮጀክቶች እንዳሉት ተገልጿል።

ኩባንያው ካርታ ያላቸውን ቤቶች በመሸጥ እና በግንባታ ፍጥነት ከመታወቁ ባለፈ፣ በመንግስት ትምህርት ቤቶች ውስጥ የመማሪያ ክፍሎችን በመገንባት ማኅበራዊ ኃላፊነቱን እየተወጣ ይገኛል።

ፋስትፔይ በበኩሉ ወደ ሀገር ውስጥ የሚላክ የውጭ ምንዛሬን ለማዘመን የተቋቋመ የቴክኖሎጂ ድርጅት ሲሆን፣ በአሜሪካ እና በኢትዮጵያ ሕጋዊ እውቅና ያለው አገልግሎት ይሰጣል። ተቋሙ ከፍተኛ የምንዛሬ ዋጋ በማቅረብ፣ ከአነስተኛ የአገልግሎት ክፍያ ጋር ከየትኛውም ሀገር ወደ ኢትዮጵያ ባንኮች ገንዘብ በፍጥነት ለማስተላለፍ የሚያስችል ስርዓት ዘርግቷል።

ለተጨማሪው: https://t.me/EventAddis1

🔶የኮሜዲያን እሸቱ መለሰ ምላሽ

ኮሜዲያን እሸቱ መለሰ ከቲክቶክ ዝነኛዋ ሀና ግዳይ (ባምቢ ሀበሻ) ጋር በገባው ውዝግብ ምክንያት በማኅበራዊ ሚዲያ መነጋገሪያ ሆኖ ሰንብቷል።

እሸቱ መለሰ "እንደዚህ ዓይነት ፕሮግራም ድሮ ነበር መጀመር የነበረብኝ፤ ስለዘገየሁ የተከበረውን የኢትዮጵያ ሕዝብ ይቅርታ እጠይቃለሁ" ሲል በይፋ መግለጫ ሰጥቷል።

ኮሜዲያኑ አክሎም ከዚህ በኋላ ወደ ኋላ እንደማይመለስና በሥራው እንደሚቀጥል አረጋግጧል።

ውዝግቡ በሁለቱ ግለሰቦች መካከል ከፍተኛ የሃሳብ ልዩነት የፈጠረ ሲሆን፣ የብዙዎችን ትኩረት መሳቡም ተገልጿል።

ለተጨማሪው: https://t.me/EventAddis1

🔶የኢቲቪው አብዲ ከማል አረፈ

የቀድሞም የኢትዮጵያ ቴሌቪዥን (etv) ጋዜጠኛ አብዲ ከማል ባጋጠው የጤና እክል ዛሬ ጧት በአዲስ አበባ እንዳረፈ ተሰምቷል። ሥርዓተ ቀብሩ ዛሬ (ማክሰኞ) ቀትር ላይ በኮልፌ የሙስሊም የመቃብር ስፍር  እንደሚፈፀም የሥራ ባልደረባው ላሉ ኢታላ ጽፏል።

ጋዜጠኛ አብዲ ከማል በኢህአዴግ ጊዜ በኢትዮጵያ ቴሌቪዥን "አኬልዳማ" የተሰኘውን ዶክመንተሪ ጨምሮ የተለያዩ ዘጋቢ ፊልሞችን በማዘጋጀት ይታወቃል።

ለተጨማሪው: https://t.me/EventAddis1

🔶ድምጻዊ ሳሚ ዳን ለአርሰናል ዘፈነ

ታዋቂዉ የሬጌ አቀንቃኝ ሳሚ ዳን ከ22 ዓመታት በኃላ የእንግሊዝ ፕሪሚየር ሊግ ዋንጫን ላሸነፈው አርሰናል ክለብ ዘፈን ሰርቷል።

ዛሬ ምሸት 12:00 ሰዓት አርሰናልን የተመለከተ አዲስ ዘፈን እንደሚለቅም ይፋ አድርጓል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ዳንኤል ክብረት ለባንዳና ባዕዳን መዝሙር ጋበዙ

የብልጽግና ፓርቲ እጩ እና የጠቅላይ ሚኒስትሩ የማህበራዊ ዘርፍ አማካሪ ሚኒስትር የሆኑት ዳንኤል ክብረት ባንዳና ባዕዳን ላላቸው አካላት መዝሙር መጋበዛቸውን ኖር ሬድዮ ከፌስቡክ ገፃቸው ተመልክቷል።

አቶ ዳንኤል በፌስቡክ ገጻቸው ባሰፈሩት መልዕክት ፣ ምርጫውን ለማደናቀፍ ጥረት ላደረጉ የውስጥ "ባንዳዎች" እና የውጭ "ባዕዳን" በሚል የዘማሪ ቴዎድሮስ ዮሴፍን "እንዲህ በአራት ነጥብ ሊዘጋ ምዕራፉ" የተሰኘውን መዝሙር ጋብዘዋል።

ዳንኤል "ይሄ ምርጫ እንዳይሳካ ለማደናቀፍ ሞክረው ለነበሩ የውስጥ ባንዳ እና የውጭ ባዳ ይሄንን ጋብዘናል" በማለት በፌስቡክ ገጻቸው ጽፈዋል።

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1

🔶የዓለም ዋንጫን በዲኤስቲቪ

የ2026 የፊፋ ዓለም ዋንጫ 104ቱንም ጨዋታዎች በቀጥታ የሚያስተላልፈው ዲኤስቲቪ ልዩ ቅናሽ ማቅረቡን አስታወቀ

በአሜሪካ፣ በካናዳ እና በሜክሲኮ አስተናጋጅነት ዛሬ ሐሙስ ሰኔ 4 ቀን 2018 ዓ.ም በይፋ የተጀመረውን የ2026 የፊፋ ዓለም ዋንጫ፣ ዲኤስቲቪ (ሱፐርስፖርት) ሁሉንም 104 ጨዋታዎች በቀጥታ እና በላቀ ጥራት እንደሚያስተላልፍ አስታውቋል።

በዓለም ዋንጫ ታሪክ ትልቁ በሆነው በዚህ ውድድር ላይ 48 ብሔራዊ ቡድኖች በ12 ምድቦች ተከፋፍለው ለ39 ቀናት ብርቱ ፉክክርሚያደርጉ ሲሆን፣ ዲኤስቲቪ ስርጭቱን ተደራሽ ለማድረግ ልዩ ልዩ የቴክኖሎጂና የዋጋ ቅናሽ አማራጮችን ይዞ ቀርቧል።

ልዩ የሱፐርስፖርት የሰርጭት አማራጮች፦
ቻናል 222 (World Cup Central)፦ ዋና ዋና ጨዋታዎች እና ትንተናዎች

ቻናል 223 (World Cup Extra)፦ በተመሳሳይ ሰዓት የሚደረጉ ተጨማሪ ወሳኝ ጨዋታዎች

ቻናል 225 (World Cup Pass)፦ አጫጭር ምስሎች (Highlights)፣ ድጋሚ ስርጭቶችና ዘጋቢ ፊልሞች (24/7)
DStv Stream መተግበሪያ፦ በስልክ፣ በታብሌትና በላፕቶፕ ባሉበት ቦታ ሆነው ለመከታተል።

የዲኮደር እና የፓኬጅ ልዩ ቅናሽ፦ ኩባንያው የዓለም ዋንጫውን ምክንያት በማድረግ ለአዳዲስ ደንበኞች ልዩ ቅናሽ ያቀረበ ሲሆን፣ የዲኮደር ዋጋን 999 ብር ብቻ ማድረጉን ገልጿል።

ደንበኞች በወር 569 ብር ብቻ የሚከፈለውን የ"ጎጆ ፓኬጅ" በመጠቀም ሁሉንም 104 ጨዋታዎች በቀጥታ መከታተል እንደሚችሉ ተቋሙ አስታውቋል።

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1

🔶“ሐጀር” እስላማዊ ፊልም ለዕይታ በቃ

በእስልምና ታሪክ ውስጥ ትልቅ ስፍራ የሚሰጣትን፣ ሐጀራን የውሃ ፍለጋ ታሪክ የሚያሳየው ይህ ፊልም፤ በተለይም በሶፋ እና በመረዋ ተራሮች መካከል ያደረገችውን ታሪካዊ ሩጫ በፊልም እይታ ያቀረበ ስራ ነው።

ፊልሙ ከአረፋ በዓል ጋር ቀጥተኛ ትስስር ያለው ታሪክ ላይ ያተኮረ መሆኑም ተገልጿል።

ይህንን ፈር-ቀዳጅ ስራ ልዩ ከሚያደርጉት ባህሪያቱ መካከል ፊልሙ ሙሉ በሙሉ ምንም አይነት የቃላት ንግግር የሌለበት (Mime) መሆኑ ሲሆን፣ አጠቃላይ የታሪኩን ይዘትና ልብ የሚነኩ ስሜቶችን በምልክትና በእንቅስቃሴ ብቻ በመግለጽ በ13 ደቂቃ ከፍታ  አጭር ጊዜ ውስጥ የተቋጨ የጥበብ ስራ ነው። ይህ አይነቱ አቀራረብ ታሪኩን ያለምንም የቋንቋ ገደብ በዓለም አቀፍ ደረጃ ለማንኛውም ተመልካች ተደራሽ ለማድረግ ታስቦ የተሰራ መሆኑ ተብራርቷል።

የፊልሙ አዘጋጅ ነጻ ዓለም አብዲ እንደተናገረው፤  ለዚህም በአፋር ክልል የሚገኙ ተራራማ ቦታዎችን 80 በመቶ ያህሉን በአካል በመዘዋወር ምልከታ ተደርጓል።

በዚህም መሰረት የፊልሙ መቼት ሙሉ በሙሉ በአፋር ክልል በሚገኙ ተራራማና ምድረ-በዳ ቦታዎች ላይ ሊቀረጽ ችሏል።

የፊልሙ ባለሙያዎች ለነጃሺ ቲቪ በሰጡት ማብራሪያ፤ ስራው ልብ የሚነኩ የእስላማዊ ታሪክ ህያው ስሜቶችን በኪነ-ጥበብ መድረክ ለማንጸባረቅ በሀገሪቱ የመጀመሪያውና ፈር ቀዳጅ መሆኑን ገልጸው፣ ፊልሙ የፊልም ስታንዳርዱን በአለም አቀፍ ደረጃ ጠብቆ በብቁ ባለሙያዎች የተሰራ መሆኑን አስታውቀዋል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶የሠዓሊ ብሩክ የሺጥላ ሥዕል በ2ሺ ዩሮ ተሸጠ

በጀርመን ፍራንክፈርት ከተማ በተካሄደ የሥዕል ኤግዚቢሽን ላይ፣ ሰዓሊ ብሩክ የሺጥላ መድረክ ላይ በቀጥታ የሳለው ሥዕል በጨረታ ከ2 ሺህ ዩሮ በላይ መሸጡ ታወቀ።

በዕለቱ ከተካሄደው የሥዕል ሽያጭና የደጋፊዎች አስተዋጽኦ በተሰበሰበው የሕክምና ድጋፍ፣ በአጠቃላይ ከ8 ሺህ ዩሮ በላይ መገኘቱን ጋዜጠኛ መሳይ ወንድሜነህ ያጋራው መረጃ ያመላክታል።

በዚሁ መርሃ ግብር ላይ የሕፃናትና ታዳጊዎች የሥዕል ውድድር የተካሄደ ሲሆን፣ አሸናፊዎቹ ሽልማታቸውን ከሠዓሊ ብሩክ እጅ ተቀብለዋል።

ለተጨማሪው: https://t.me/EventAddis1

ለተጨማሪው: https://t.me/EventAddis1

🔶ድምጻዊ ሰማኸኝ በለው አረፈ

ድምጻዊ ሰማኸኝ በለው (ሰሜ ባላገሩ) ባደረበት ሕመም በሕክምና ሲረዳ ቆይቶ በዛሬው ዕለት ከዚህ ዓለም በሞት ተለይቷል፡፡

ድምጻዊ ሰማኸኝ በለው የተለያዩ ባህላዊ እና ሌሎች ይዘቶቸ ያሏቸው የሙዚቃ ሥራዎችን ለአድማጭ ተመልካች አበርክቷል፡፡

ድምጻዊ ሰማኸኝ በለው ባለትዳር እና የአራት ልጆች አባት እንደነበር ፋና ዲጂታል ከቤተሰቦቹ ያገኘው መረጃ ያመላክታል፡፡

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1

🔶ጋዜጠኛ ሣልሳዊት ባይነሳኝ ታሰረች

ጋዜጠኛ ሣልሳዊት ባይነሳኝ ስለመታሰሯ ተሰምቷል።

ጋዜጠኛ ሣልሳዊት ባይነሳኝ በሙያዋ በሀገር ውስጥ የብዙኃን መገናኛ ተቋማት ውስጥ የሠራች ሲሆን፣ በአሁኑ ወቅት ደግሞ በማኅበራዊ ሚዲያ በምታስተላልፋቸው ትምህርታዊ መልእክቶች በሰፊው ትታወቃለች።

ስለ ኢትዮጵያውያን አንድነት በርካታ ሐሳቦችን ታጋራ ነበር። ሰላምን፣ መደጋገፍንና የሀገርን ታሪክ የሚያንጸባርቁ መልእክቶችን በምትሠራቸው ቪዲዮዎቿ ትታወቃለች።

ጋዜጠኛ ሣልሳዊት ባይነሳኝ የታሰረችው ስለ አርሲ ክርስቲያኖች እልቂት በይፋ በመናገሯ ምክንያት እንደሆነ ተሰምቷል።

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1

🔶የድምፃዊ ሰማኸኝ በለው የቀብር ሥነሥርዓት

የድምጻዊ ሰማኸኝ በለው የቀብር ሥነ ሥርዓት ዛሬ ሰኔ 9 ቀን 2018 ዓ.ም ከቀኑ 9:00 ሰዓት ላይ ቦሌ ቡልቡላ በሚገኘው መድኃኔዓለም ቤተክርስቲያን ይፈጸማል።

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1

🔶ኮሜዲያኑ አልታሰረም !

ኮሜዲያን ምናለ ያረጋል፣ በዚህ ሳምንት በፀጥታ ኃይሎች ቁጥጥር ስር መዋሉን
የተለያዩ የመረጃ ምንጮች ዘግበዋል።

ነገር ግን ኮሜዲያን ምናለ ያረጋል ታስሯል ተብሎ የሚሰራጨው መረጃ ...ተጨማሪውን ያንብቡ:-https://t.me/NorRadio1/288


ለተጨማሪው: https://t.me/EventAddis1

ለተጨማሪው: https://t.me/EventAddis1

🔶የአዲስ አበባ ዩንቨርሲቲ ፊልም ፌስቲቫል

ለመጀመሪያ ጊዜ የተዘጋጀው የአዲስ አበባ ዩኒቨርሲቲ ፊልም ፌስቲቫል ከዛሬ አርብ ሰኔ 12፣ እስከ እሁድ ሰኔ 14  ለሶስት ተከታታይ ቀናት ይካሄዳል።

ፌስቲቫል ላይ በመታደም ከ25 በላይ አዳዲስ አጭር ፊልሞችን ይመልከቱ  ተብላችኋል።

በተጨማሪም ዘርፉ ላይ ካሉ ታላላቅ ባለሙያዎች ጋር ግንኙነት ይፍጠሩ።

ቦታ - አአዩ - ዋናው ግቢ የኢትዮጵያ ጥናትና ምርምር ተቋም ፤ ሼህ አላሙዲ አዳራሽ
ሰዓት - ከጠዋት 3 ሰዓት ጀምሮ

====================
አሁኑኑ የቴሌግራም ቻናላችንን join በማድረግ
ወቅታዊ መረጃዎችን በቀላሉ ይከታተሉ፣ሊንክ👇

https://t.me/NorRadio1

https://t.me/NorRadio1