📌 "የብሌን አንዳች" መጽሐፍ ነገ ይመረቃል

የጋዜጠኛ ዋለልኝ አየለ "የብሌን አንዳች" የተሰኘ መጽሐፍ ነገ አርብ ነሐሴ 30 ቀን 2017 ዓ.ም ከቀኑ 10:00 ጀምሮ አራት ኪሎ በሚገኘው የኢትዮጵያ ፕሬስ ድርጅት አዳራሽ ውስጥ ይመረቃል።

በ240 ገፆች የተቀነበበው መጽሐፉ 24 ርዕስ ጉዳዮችን በውስጡ ይዟል በ400 ብር የጀርባ ዋጋም ለአንባቢያን ቀርቧል።

ለተጨማሪው: https://t.me/EventAddis1

📌መቅረዝ ሥነ ኪን የኪነጥበብ ዝግጅት ዛሬ ይካሄዳል

የመቅረዝ ሥነ ኪን የኪነጥበብ ዝግጅት የዓመቱ ማጠናቀቂያ መሰናዶ ዛሬ ሐሙስ ነሐሴ 29 ቀን 2017 ዓ.ም ከምሽቱ 11:00 ጀምሮ በአድዋ ሲኒማ  አዳራሽ ውስጥ ይካሄዳል።

በዚህ ዝግጅት ላይ ሚካኤል ታምሬ፣ አርቲስት አዳነች ወ/ገብርኤል፣ ኤፍሬም ስዩም የክብር እንግዳ በመሆን የሚገኙ ሲሆን በተጨማሪም ወጣት የኪነጥበብ ባለሞያዎች የግጥም ፣የሙዚቃ ስራዎቻቸውን ያቀርባሉ።

ለተጨማሪው: https://t.me/EventAddis1

ግጥም ሲጥም በብሔራዊ ቤተመንግስት AHOC

ሀብታሙ ሃደራ በ2016 ዓመተ ምህረት ያደረሰን 'እንዲህ ያለም የለ!' የተሰኘ ጥዑም የግጥም ስብስብ መጽሐፉን እንዘክራለን።

በሰዓቱ ተገኙና በሀብታሙና በጓደኞቹ በሚቀርቡ ጥዑም ግጥሞች ሰላምን ሸምቱ፤ ጎበዝ ገጣሚያንን ተዋወቁ!

በፍል ውሃ በኩል ባለው የብሔራዊ ቤተመንግስት መግቢያ (5ኛ በር) ቢገቡ አዲስ ሃውስ ኦፍ ካልቸርን በቀላሉ ያገኙታል።

ለተጨማሪው: https://t.me/EventAddis1

📌 ድባብ የኪነጥበብ ዝግጅት ነገ ይካሄዳል

ድባብ የኪነጥበብ ዝግጅት ለመጀመሪያ ጊዜ ነገ አርብ ነሐሴ 30 2017 ዓ.ም ከምሽቱ 11:30 ጀምሮ 22 አካባቢ በሚገኘው ድባብ ሆቴል ውስጥ ይካሄዳል ተብሏል።

በዚህ የኪነጥበብ ዝግጅት ላይ ደራሲ ዘነበ ወላ በክብር እንግድነት የሚቀርብ ሲሆን በተጨማሪም ምግባር ሲራጅ፣ ሀብታሙ ሀደራ፣ አስታወሰኝ ረጋሣ፣ኪሩቤል ዘርፉ፣ ታዲዮስ አዲሱ እና ሌሎችም የሥነጽሑፍ ስራዎቻቸውን ያቀርባሉ ተብሏል።

የዚህ ዝግጅት መግቢያ በነፃ ነው።

ለተጨማሪው: https://t.me/EventAddis1

"ወይ አዲስ አበባ" መጽሔት በድጋሚ ወደ ህትመት

“ወይ አዲስ አበባ”  መጽሔት በኅትመት ዋጋ መናር ምክንያት ከተቋረጠች በኋላ  በአዲስ ዓመት ዋዜማ፣ የፊታችን ቅዳሜ  ዳግም ለኅትመት በቅታ ከእጃችሁ ትገባለች።

"ወይ አዲስ አበባ" መጽሔት ከአሁን በኋላም በየሁለት ወሩ እየታተመች ለንባብ ትበቃለችም ተብሏል።

"ወይ አዲስ አበባ" ወደ ህትመት በድጋሚ ስትመለስ በመጀመሪያ እትሟ ደራሲ ስንዱ አበበ፣ሰሎሞን ወርቁ፣ሠዓሊ እሸቱ ጥሩነህ፣ዶ/ር ዮናስ ባህረጥበብ፣ ደረጀ በላይነህ፣ መዓዛ ወርቁ፣ ጥሩነህ ካሳ፣ ኃይሉ ውድነህ፣ ብርሃኑ ሰሙ፣ መኮንን ወልደ አረጋይ፣ ዕዝራ እጅጉ፣ ሶስና አሸናፊና ገዛኸኝ መኮንን እና ሌሎችም የበኩላቸውን የሀሳብ ሰበዝ አዋጥተዋል።

በተጨማሪም የብርሃኑ ድጋፌን ምርጥ ፊልሞችና ሙዚቃዎችም ትጠቆማላችሁ።

ቅዳሜዎ በመዝናናት ላይ መዝናናት፣ በቁምነገር ላይም ቁምነገር ይታከልባት ዘንድ፣ “ወይ አዲስ አበባ” መጽሔትን ቀድመው ከእጅዎ ያስገቡ ተብላችኋል።

በጃዕፈር መጻሕፍት መደብር እና በቶሞካ ሁሉም ቅርንጫፎች ውስጥ ያገኟታል። 

“ወይ አዲስ አበባ”ን ያንብቡ፣ በ“ወይ አዲስ አበባ” ላይም ይጻፉ ።

ለተጨማሪው: https://t.me/EventAddis1

📌"ወርቃማ ታሪኮች" አውደርዕይ ቅዳሜ ይከፈታል

የሠዓሊ ኢያሱ ሲሳይ የሥዕል ስራዎች የሚቀረቡበት "ወርቃማ ታሪኮች" የተሰኘ የሥዕል አውደርዕይ የፊታችን ቅዳሜ ጷጉሜን 1 2017 ዓ.ም ጀምሮ ሐያት ሪጀንሲ ውስጥ በሚገኘው ፈንድቃ የባህል ማዕከል ውስጥ ለእይታ ይበቃል። ይህ የሥዕል አወድርዕይ እስከ መስከረም 5 2018 ዓ.ም ድረስ ይቆያል ተብሏል።

ለተጨማሪው: https://t.me/EventAddis1

📌ድምፃዊት ነፃነት ሱልጣን ሩሲያ በሚካሄደው ”ኢንተርቪዥን” ዓለም አቀፍ የሙዚቃ ውድድር ላይ ኢትዮጵያን ትወክላለች

"ነፃነት ባሕል እና ዘመናዊውን በማጣመር ኃይለኛ ድምፅ እና ደማቅ የመድረክ አቀራረብን በሥራዎቿ አሳይታለች፡፡ ዘፈኖቿ፣ ዜማና ግጥሞቿ በዘመናዊ ቃና የኢትዮጵያን ሕዝቦች ያንፀባርቃሉ" ሲል አወዳዳሪው በመግለጫው አስታውቋል፡፡

ድምፃዊቷ ባለፉት ዓመታት ከፍተኛ አድናቆትን አትርፋለች። ነፃነት በሙያዊ ብቃቷ እና ለኢትዮጵያ ሙዚቃ እድገት ላበረከተችው አስተዋፅዖ ሶስት ታላላቅ ሽልማቶችን እንዳገኘች የውድድሩ አዘጋጅ የቴሌግራም ቻናል ገልጿል።

የሩሲያ ፕሬዝዳንት ቭላድሚር ፑቲን የ2025 "ኢንተርቪዥን" ዓለም አቀፍ የሙዚቃ ውድድር በሞስኮ እና በሞስኮ ክልል እንዲካሄድ አውጀዋል። ውድድሩ መስከረም 10፣ 2018 ዓ.ም በሞስኮ ይካሄዳል ሲል ስፑትኒክ ዘግቧል።

ለተጨማሪው: https://t.me/EventAddis1

የተወደዳችሁ እንዴት ናችሁ?

ይህ አርትስ ስፔሻል ነው!

አርትስ ስፔሻል በዚህ ሳምንት:-

1.ሜሮን ጌትነት ከ18 ዓመታት በኃላ በቅርቡ በአዲስ ነገር ጠብቁኝ ብላለች። የሜሮን ጌትነት አዲስ ነገር ምንድነው ?

2. ኢትዮጵያዊቷ ድምጻዊት በሩሲያ የሙዚቃ ውድድር ልትሳተፍ ነው። ተሳታፊዋ ድምጻዊት ማነች ?

3.በኖራ ሪዞርት 10 ሠዓሊያ የተሳተፉበት የሥነጥበብ አውደ-ርዕይ እየተካሄደ ይገኛል።ስለ አውደ-ርዕየው ዝርዝር መረጃ ይዘናል።

4.በጣይቱ የባህልና ትምህርት ማዕከል የባህልና የኪነጥበብ ፌስቲቫል መካሄድ ጀመረ።

እነዚህና ሌሎችንም የኪነት እና ኩነት መረጃዎች እናቀርብላችኋለን።

"አርትስ ስፔሻል"ዝግጅታችንን ይመለከቱ:

https://youtu.be/ozXwFY_ZdJs?si=rBoOBjfaFx5Bqnb3

ለተጨማሪው: https://t.me/EventAddis1‌‌

📌የሸገር ሬድዮ 2 ጋዜጠኞች ዛሬም እንደታሰሩ ነው

ሦስት የታዋቂው ሸገር ኤፍኤም ሬዲዮ ጋዜጠኞች በፖሊስ ቁጥጥር ስር ውለው አንደኛው ሲለቀቅ ሁለቱ ለቀናት በእስር ላይ እንደሚገኙ ባልደረቦቻቸው  ተናገሩ።

ሦስቱ ጋዜጠኞች በፖሊስ የተያዙት ረቡዕ ነሐሴ 28/2017 ዓ.ም ሲሆን አንጋፋው ጋዜጠኛ እሸቴ አሰፋ በዕለቱ ሲለቀቅ አርታኢዋ ትዕግሥት ዘሪሁን እና ሪፖርተር ምንታምር ፀጋው አሁንም በእስር ላይ ይገኛሉ።

ረቡዕ ከሰዓት 10፡30 ገደማ የፌደራል ፖሊሶች እና ሲቪል የለበሱ የደኅንነት አባላት ድል በር የሚገኘውን የሸገር ኤፍ ኤም ጣቢያን በር "በጉልበት ጥሰው በመግባት" በሥራ ገበታቸው ላይ የነበሩ ሁለት ጋዜጠኞችን እንዲሁም ሌላኛዋን ጋዜጠኛ ደግሞ ከመኖሪያ ቤቷ እንደወሰዱ ቢቢሲ ያነጋገራቸው የጣቢያው ባልደረቦች ተናግረዋል።

በጣቢያው ዋና አዘጋጅ የሆነው እሸቴ አሰፋ፣ አርታኢ ትዕግስት ዘሪሁን እና ሪፖርተር ምንታምር ፀጋው ሜክሲኮ ወደሚገኘው የፌደራል ፖሊስ ወንጀል ምርመራ ቢሮ የተወሰዱ ሲሆን፣ ዋና አዘጋጁ ቃላቸውን ከሰጡ በኋላ የዚያኑ ዕለት አመሻሹን መለቀቃቸው ተገልጿል።

ነገር ግን ሁለቱ ጋዜጠኞች አሁንም በእስር ላይ እንደሚገኙ ባልደረቦቻቸው ተናግረዋል።

ጋዜጠኞቹ በምን ተጠርጥረው እንደታሰሩ አልተገለጸም ሲል ቢቢሲ ዘግቧል።

ለተጨማሪው: https://t.me/EventAddis1‌‌

📌ሁለቱ አርቲስቶች ጃፓን ገብተዋል

ተወዳጆቹ አርቲስቶች ኮሜዲያን ደረጀ ሀይሌ እና ተዋናይ መኮንን ላዕከ በጃፓን ዋና ከተማ ቶኪዮ ለሚኖሩ ትዉልደ ኢትዮጵያዊያን የጥበብ ስራዎቻቸውን ለማቅረብ ጃፓን ቶኪዮ ገብተዋል።

ሁለቱ አርቲስቶች የፊታችን እሁድ September 7 / 2025 ዓ ም በቶኪዮ ካቱሺካ ሂጋሺታቲሺ ሴንተር ዉስጥ በሙዚቃ የታጀበ ልዩ የኮሜዲ ምሽት ያቀርባሉ። በዚህ ደማቅ የኮሜዲ ምሽት ላይ መታደም የመግቢያ ዋጋዉ 3000 የጃፓን የን ሲሆን የመግቢያ ትኬቱም በሊትል ኢትዮጵያ በመሸጥ ላይ ነው።

©️ይትባረክ ዋለልኝ

ለተጨማሪው: https://t.me/EventAddis1‌‌

የወጣቶች አግሮኢኮሎጂ ስታርትአፕ ውድድር ተካሄደ

‘’የወጣቶች አግሮኢኮሎጂ ስታርትአፕ ውድድር’’ (Youth in Agroecology Startup Competition) አሸናፊዎች የሽልማት ሥነ ሥርዓት ተካሄደ።

የዚህ ውድድር አላማም፤ የምግብ ሉዓላዊነት፣ ዘላቂያዊነት፣ ለማኅበረሰብ ደህንነት ሀገር በቀል መፍትሔዎችን ማምጣት እና ጤናማ ሀገር በቀል ምግቦችን ማስተዋወቅ እንደሆነ ተገልጿል።

‘’የወጣቶች አግሮኢኮሎጂ ስታርትአፕ ውድድር’’ የፈጠራ ሀሳቦቻቸውን ካቀረቡ 54 ወጣቶች መካከል በዘርፉ ልምድ ባላቸው ዳኞች ተመዝነው ለተመረጡት ሽልማት ተሰጥቷቸዋል፡፡

በዚህም መሠረት አንደኛ ለወጣው ኪሩቤል ኃይለሥላሴ 200,000 ብር፣ ሁለተኛ ለወጣው ዳግማዊ አመሃ 150,000 ብር እና ሦስተኛ ለወጡት ሕይወት ሲሳይ እና ኢማን ኢብራሂም 100,000 ብር ተሸልመዋል።

ይህን ውድድር የኢትዮጵያ ዘላቂ የምግብ ሥርዓትና ሥነ-ምሕዳራዊ ግብርና ሕብረት (Ethiopian Sustainable Food Systems and Agroecology Consortium - ESFSAC) ከየአፍሪካ ምግብ ሉዓላዊነት ሕብረት (Alliance for Food Sovereignty in Africa - AFSA) በጋራ ያዘጋጁት እንደሆነ ታውቋል።

ለተጨማሪው: https://t.me/EventAddis1‌‌

📌ጂ አር (JR) ፔትሮልዬም ያስገነባው ግዙፍ የአውሮፕላን ነዳጅ ማከማቻ ዲፖ አገልግሎት መስጠት ጀመረ

ኩባንያው በአሁኑ ጊዜ ፤ እየጨመረ የመጣው የሀገሪቱን የሀይል ፍላጎት ለማሟላት ራዕይ ሰንቆ ፤ ከሃምሳ ስምንት በላይ ማድያዎችን በመገንባት አገልግሎት እየሰጠ ይገኛል።

የጄ አር ፔትሮሊየም ስራ አስኪያጅ ወ/ት ፀጋ ሀይሉ ተቋማችን ከእህት ኩባንያው ደስታ ካሴ የግል ፈሳሽ ትራንስፖርት ጋር በመሆን ፤ ከአንድ መቶ ሃምሳ በላይ የነዳጅ ቦቴዎችን በማሰማራት በመላው የሃገራችን ክፍል በትጋት፣ በላቀ ዝግጁነትና በታማኝነት አገልግሎቱን በመስጠት ላይ ይገኛል ብለዋል፡፡

ከዚህም በተጨማሪ ፤ በሃገራችን ግዙፍ ፕሮጀክቶችን እየሰሩ ላሉ እንደእነ ለሚ ናሽናል ሲሚንቶ ፋብሪካ የመሳሰሉ እና ለሌሎች አዳዲስና አንጋፋ ተቋማት ሃይል በማቅረብ ፤ በሃገሪቱ ለሚከናወኑ ሜጋ ፕሮጀክቶች የሃይል ደጀን መሆን ችሏል ብለዋል።

አሁን ደግሞ ኩባንያው ጄ አር ፔትሮልዬም 2 ነጥብ 5 ቢሊዮን ብር በላይ ኢንቨስት በማድረግ በሃገራችን ብሎም በአሀጉራችን ብቸኛና የሁላችንም ኩራት የሆነው የኢትዮጵያ አየር መንገድን ራዕይ ለማሳካት ዲፖ መግንባት መቻሉን ተናግረዋል።

ዲፖው ዘጠኝ ሚሊዬን ሊትር የአውሮፕላን ነዳጅ ማከማቻ ነው ገንብቶ ለአገልግሎት ዝግጁ ያደረገው።

ይህ ግዙፍ የአውሮፕላን ነዳጅ ማከማቻ ዲፖ ዛሬ ጷግሜ 01 ቀን 2017ዓም ፤ የኩባንያው የማኔጅመንት አባላት፣ የኩባንያው አጋር አካላትና ጥሪ የተደረገላቸው የክብር እንግዶች በተገኙበት አገልግሎት መስጠት መጀመሩ ይፋ ተደርጓል፡፡

ለተጨማሪው: https://t.me/EventAddis1‌‌

📌ሞተረኛ ትራንስፖርት በይፋ ወደ ስራ ገባ

ሞተረኛ ትራንስፖርት በመዲናዋ በነዳጅ የሚሰሩትን ሞተሮች በኤሌክትሪክ ለመተካት ማሰቡን ገልጿል።

የሞተረኛ ትራንስፖርት የቦርድ ዳይሬክተር አቶ ሮቤል ንጉሴ ባደረጉት ንግግር፣ የሞተረኛ ትራንስፖርት በአዲስ አበባ የሚገኙ በነዳጅ የሚሰሩ ሞተሮችን በኤሌክትሪክ ሞተሮች ለመተካት ማቀዱን ገልጸዋል።

ይህ ፕሮጀክት የአካባቢ ብክለትን ለመከላከል ትልቅ አስተዋጽኦ ያደርጋል ተብሎ ይጠበቃል ብለዋል።

በንግግራቸው፣ አቶ ሮቤል በ2024 ዓ.ም. በተደረገ ጥናት መሰረት፣ በአዲስ አበባ ብቻ 23 ሺህ 854 የነዳጅ ሞተሮች መኖራቸውን ጠቁመዋል።

እነዚህ ሞተሮች በዓመት 34 ሚሊዮን ሊትር ነዳጅ የሚጠቀሙ ሲሆን፣ ይህም 4.2 ቢሊዮን ብር ወጪ ያስወጣል ሲሉ ገልጸዋል።

በነዳጅ የሚሰሩ ሞተሮችን ወደ ኤሌክትሪክ ሞተር በመቀየር በዓመት
48 ሺህ6 44 ቶን ካርቦን ዳይኦክሳይድ ልቀትን መከላከል እንደሚቻልም አብራርተዋል።

ኩባንያው ሞተረኞችን ለመደገፍ፣ ከፋይናንስ ተቋማት ጋር በመተባበር የኤሌክትሪክ ሞተር መግዣ ዋጋን 50 በመቶ የሚሸፍን የብድር አገልግሎት ማመቻቸቱን ገልጿል።

በተጨማሪም፣ ለኢትዮጵያ የአየር ንብረት ተስማሚ የሆኑ ሞተሮችን ለማቅረብ ከቻይና አጋር ድርጅቶች ጋር ስምምነት ተደርጓል።

አቶ ሮቤል አክለው እንደተናገሩት የሞተረኛ ትራንስፖርት አዳዲስ የሥራ ዕድሎችን ከመፍጠር ባሻገር፣ ቀልጣፋና ደህንነቱ የተጠበቀ የሎጅስቲክስ አገልግሎት ለመስጠት ያለመ መሆኑን አስረድተዋል።

የድርጅቱ ስራዎች በቅርቡ በተለያዩ ሚዲያዎች በዝርዝር እንደሚገለጹም አስታውቀዋል።

ለተጨማሪው: https://t.me/EventAddis1‌‌

የክብር ካባ ለኪነ ጥበብ ባለሙያዎች ተበረከተ

መልህቅ ኪን ፕሮዳክሽን ያሰናዳው አምስተኛ ዙር የስነ-ጽሁፍ ምሽት ዛሬ ጳጉሜ 1 ቀን 2017 ዓ.ም ቃሊቲ በሚገኘው ካፍደም ሲኒማ ቤት  የተካሄደ ሲሆን በመርሐ ግብሩ ላይ  የተለያዩ የኪነ-ጥበብ ባለሙያዎችን በመሸለም የክብር ካባ አልብሷቸዋል።

መልህቅ ኪን ፕሮዳክሽን ማህበራዊ፣ ኢኮኖሚያዊና ኪነ-ጥበባዊ ፋይዳ ለመስጠት ከመንግስት እውቅና አግኝቶ የተቋቋመ ድርጅት ሲሆን ድርጅቱ ከተቋቋመበት ጊዜ አንስቶ በተለይ በኪነ-ጥበቡ መስክ ለሀገራችን እና ለወገኖቻችን ታላቅ ስራ የሰሩ ባለሙያዎችን ሲዘክር ቆይቷል።

በዛሬው እለት በተከናወነው ለአምስተኛ ጊዜ በተሰናዳው የኪነጥበብ መርሐግብር ላይ

1. ጸሐፊ ተውኔት ውድነህ ክፍሌ
2.ጸሐፌ ተውኔቱና ገጣሚው ጋሽ አያልነህ ሙላቱ
3. ዶክተር ተሻለ አሰፋ (ረ/ኘ)

4.አርቲስት ራሄል ተሾመ

በኢትዮጵያ ኪነጥበብ ላበረከቱት የኪነጥበብ ባለሙያዎች ተግባር የክብር ካባ እና የእውቅና
ምስክር ወረቀት ተበርክቷል።

በሌላ በኩል

1.ወይዘሮ አንጋቱ ኃይሌ በኢንቨስትመንት ዘርፍ
2. አርቲስት ግርማ ተሾመ በኪነጥበብ ዘርፍ
3. አትሌት ዮሐንስ ቢፋ (መኩ)በስፖርት ልማት ዘርፍ
4.ለአቃቂ ልጆች ህብረት በበጎ አድራጎት ዘርፍ

በአቃቂ ቃሊቲ አካባቢ የተለያዩ የበጎ አድራጎት ስራ ላከናወኑ ተቋማት እና ግለሰቦች የክብር ካባ እና የእውቅና ምስክር ወረቀት ተበርክቷል።

ለአምስተኛ ጊዜ በተደረገው የኪነጥበብ እና የእውቅና መርሐግብር ላይ በርካታ አርቲስቶች፣ የኪነ-ጥበብ ባለሙያዎች፣ ኮሜዲያኖችና በሀገራችን ታዋቂ እንዲሁም ተጽኖ ፈጣሪዎች ባለሙያዎች ተገኝተዋል።

ለተጨማሪው: https://t.me/EventAddis1‌‌

📌ኒውማ ኢትዮጵያ አምባሳደር ሾመ

ኒውማ ኢትዮጵያ የበጎ አድራጎት ድርጅት (የሱስ ማገገሚያ ማዕከል)፥ አቤ እና ልጆቿ በሚል መጠሪያ በተለያዩ የበጎ ፈቃድ አገልግሎቶች የሚታወቁትን ወይዘሮ አበበች ቶላን ብራንድ አምባሳደሩ አድርጎ ሾሟል።

ወይዘሮ አበበች ኑሯቸውን በጎዳና ያደረጉ ልጆችን፣ በየሆስፒታሉ የሚገኙ ታማሚዎችን፣ በየቤቱ ጠያቂ አጥተው ያሉ በእድሜ የገፉ እናቶችና አባቶች በማገዝ እና በመሰለ የበጎ ፈቃድ አገልግሎቶች ከፍተኛ ሱታፌ አላቸው።

ይህን ጥረታቸውን የተመለከቱ በርካታ ሰዎችና ተቋማትም ከጎናቸው ቆመዋል። በተለይም ከጤና ክብካቤ አገልግሎት ጋር በተያያዘ፥ የጤና መድኅን ዓመታዊ ክፍያን በመፈፀም፣ በመድኃኒት ግዢ፣ በጤና ምርመራ አገልግሎት ላይ፥ አቅመ ደካሞች የሚያስፈልጋቸው ሳያገኙ እንዳይቀሩ ብዙ ሠርተዋል። ከጤና ጣብያዎች፣ ከየካቲት 12 አጠቃላይ ሆስፒታል እና ጥቁር አንበሳ አጠቃላይ ሆስፒታል፣ ከተለያዩ ከጤና ምርመራ ተቋማት እንዲሁም ከፋርማሲዎች ብሎም በእነዚህ ተቋማት ከሚሠሩ ሐኪሞችና የጤና ባለሞያዎችም ጋር በመናበብ፥ ድጋፍ የሚፈልጉትን በማገዝ ከ 20 ዓመታት  በላይ  አገልግሎት ሲሰጡ ቆይተዋል።

ለዚህና ለበርካታ አገልግሎታቸውም የአዲስ አበባ ከተማ አስተዳደርን ጨምሮ በመንግሥት እንዲሁም ከአለማቀፍ ተቋማት እውቅና እና ሽልማት ተበርክቶላቸዋል።

“ይህ አገልግሎት ለብዙዎች አረአያ እና ምሳሌ የሚሆን ነው።” ያሉት የድርጅቱ ሥራ አስኪያጅ ቀሲስ ዘክርስቶስ ጸጋዬ  በቢሮው በተካሄደ የስምምነት ፊርማ፥ ወይዘሮ አበበች ቶላ የድርጅቱ ብራንድ አምባሳደር ሆነው መሾማቸውን አስታውቀዋል።

ብዙዎች ማሚ እያሉ የሚጠሯቸው ወይዘሮ አበበች ፣ የኒውማ ኢትዮጵያ’ን፥ በሱስ ውስጥ ያሉ ልጆችና ወጣቶችን ሕይወት የመታደግ ዓላማ ተጋርተዋል።

ለተጨማሪው: https://t.me/EventAddis1

📌ደራሲና ዳይሬክተር ብሩክ ሞላ በአሜሪካ ኤምባሲ ልዩ እንግዳ በመሆን ይቀርባል

(መግቢያው በነፃ ነው)

በሰባተኛው የ CREATOR LAB ዝግጅታችን ላይ የፊልም ደራሲ እና ዳይሬክተር የሆነውን እንዲሁም የሙዚቃ ፕሮዲዩሰር የሆነው  ብሩክ ሞላን  ይዘንላችሁ መተናል ። 

ብሩክ ሞላ ከሰራቸው ፊልሞች ውስጥ ከዳመና በላይ ፣  ህዳር ፣  በቅርብ ግዜ በ DSTV  ላይ ይታይ የነበረው  ናፍውቆት  የተሰኘውን  የሚውዚክ ድራማ ተጠቃሾቹ ናቸው።  እንዲሁም  ከ 50 በላይ የ ሙዚቃ ክሊፖችን እና  ከ 120 በላይ የሙዚቃ ድርሰቶችን ከሳውንድ ትራክ  ጋር አንድላይ ሰርቷል ።


በዚህ ዝግጅት ላይ ሰለ ድርሰት እና ዝግጅት እንዲሁም የራሱን የሂዎት ተሞክሮ ለ እናንተ ያካፍለናል።  ሰለሆነም በዚህ መድረክ ላይ እንዲታደሙ በአክብሮት ተጋብዘዋል።

ደራሲ እና አዘጋጅ  የመሆን ፍላጎት ያላችሁ፤ እንዲሁም በ ሙያው ላይ ልምድ ያላችሁ ባለሙያዎች በሙሉ ይህ የመገናኛና ዕድል ለእናንተ ነው።


📍አድራሻ ፡ አሜሪካን ኤምባሲ ቅጥር ግቢ🇺🇸 (  ከ ስድስት ኪሎ ወደ ሽሮሜዳ መሄጃ )

📅 ቀን: ማክሰኞ - ጳጉሜ 4  ፣ 2017

🕗 ሰዓት:ከቀኑ - 8:00 

🎟 መግቢያ : ነፃ

አቅራቢ፦ ፕሪስቴጅ አዲስ ከአሜሪካ ኤምባሲ ጋር በመተባበር

በ ፕሮግራሙ ላይ ለመሳተፍ ኢንስታግራም ገፃችንን ፎሎ ማድረግ እንዳይረሱ


📎 በ ዝግጅቱ ላይ ለመታደም ከታች ያለውን ሊንክ በመንካት ይመዝገቡ ፡፡👇🖱
https://jazzio.land/register
የፕሪስቴጅ ዐባል ለመሆን ከታች ያለውን ሊንክ በመንካት ይመዝገቡ ፡፡👇🖱
https://forms.gle/ekHY5ez8AWm3uwvUA

ለተጨማሪው: https://t.me/EventAddis1

📌ድምጻዊት ትዕግሥት በቀለ ከ20 ዓመታት በኃላ

ድምጻዊት ትዕግሥት በቀለ በ1990ዎች አጋማሽ በለቀቀችው "ሳቂታው" አልበም በበርካታ የሙዚቃ አድማጮች ዘንድ ትታወቃለች።

ይህ አልበም ለአድማጮች ከቀረበ ከጥቂት ዓመታት በኃላ ድምጻዊት ትዕግሥት በቀለ ኑሮዋን በባህርዳር ማዶ አድርጋለች።

ከሰሞኑም ከ20 ዓመታት በኃላ የሙዚቃ ኮንሰርቷን ልታቀርብ ወደ ሀገሯ ኢትዮጵያ ተመለሳለች።

ከ20 ዓመታት በኃላ ቀጠሮ የተያዘለት ይህ የሙዚቃ ኮንሰርት በመጪው አዲስ ዓመት መስከረም 3 2018 በግዙፉ ሚሊኒየም አዳራሽ ውስጥ ይካሄዳል።

ድምጻዊት ትዕግሥት በቀለ ከዓመታት በምታቀርበው ኮንሰርት ላይ የመክፈቻ ሙዚቃዋ "ዓውደ ዓመቱ" የተሰኘው የበዓል ሙዚቃዋ እንደሆነም ሰምተናል።

በዚህ ሙዚቃ ኮንሰርት ላይ ከትግዕስት በቀለ በተጨማሪም አለማየሁ ሄርጶ፣ ያሬድ ነጉ እና ኢሳይያስ ታምራትና ሌሎችም ድምጻዊያን አብረው የሙዚቃ ስራዎቻቸው እንደሚያቀርቡ ኤቨንት አዲስ ሚዲያ ያገኘው መረጃ ያመለክታል።

ኮንሰርቱን ያዘጋጀው ደግሞ ሹር ጉድ ኢንተርቴይመንት ነው።

ለተጨማሪው: https://t.me/EventAddis1‌‌

📌ድምጻዊ ኃይሉ አመርጋ ዛሬ ኮንሰርት ያቀርባል

ተወዳጁ ድምጻዊ ኃይሉ አመርጋ ከሙዚቃ አልበሙ አስቀድሞ የመጨረሻዬ ነው ያለውን የሙዚቃ ኮንሰርት ዛሬ ያቀርባል።

ኃይሉ የሚሳተፍበት ኮንሰርት "ፋንታ የአዲስ ዓመት ዋዜማ ኮንሰርት " ይሰኛል።

የሙዚቃ ኮንሰርቱ ዛሬ ጳጉሜን 5 2017 ዓ.ም በአዲስ አበባ ከተማ ጊዮን ሆቴል ይካሄዳል።

በኮንሰርቱ ላይ ከኃይሉ አመርጋ በተጨማሪም ሚካኤል በላይነህ፣ ዳዊት መለሰ፣ ጆኒ ራጋ፣አኒስ ጋቢ፣ ኤደን አይሸሽም እና መስፍን ብርሃኑ የሙዚቃ ስራዎቻቸውን ያቀርባሉ።

ለተጨማሪው: https://t.me/EventAddis1‌‌