📌"አውደ ፋጎስ" የውይይት መድረክ እሁድ ይካሄዳል

49ኛው ዙር አውደ ፋጎስ የውይይት መድረክ እሁድ ይካሄዳል። በዚህኛው ዙር ኤደን አባተ "እውነቻ እና የድኅረ ዘመናዊነት ውጥን"" በሚል ርዕስ መነሻ ሀሳብ ታቀርባለች።ይህም ውይይት እሁድ ህዳር 1 2017 ዓ.ም ከቀኑ 8:00 ጀምሮ በብሔራዊ ቤተመዛግብት እና ቤተመጻሕፍት አግልግሎት (ወመዘክር) አዳራሽ ውስጥ ይካሄዳል።

ለተጨማሪው: https://t.me/EventAddis1

📌10ኛው የአፍሪካ ጨርቃጨርቅ እና ፋሽን ሳምንት!

በአፍሪካ ትልቁ የጨርቃጨርቅ እና ፋሽን ኢንዱስትሪ አውደርዕይ የሆነው "10ኛው የአፍሪካ የጨርቃጨርቅ እና ፋሽን ሳምንት" ከዛሬ አርብ ጥቅምት 29 እስከ ሰኞ ህዳር 2 ቀን 2017 ዓ.ም በአዲስ አበባ ስካይላይት ሆቴል መካሄድ ጀምሯል።

በ10ኛው የአፍሪካ የጨርቃጨርቅ እና ፋሽን ሳምንት የመክፈቻው ሥነሥርዓት ላይም የኢትዮጵያ ኢንዱስትሪ ሚኒስቴር፣ የኢትዮጵያ ቱሪዝም ሚኒስቴር፣ የኢትዮጵያ ጨርቃጨርቅና አልባሳት አምራቾች ማህበር እንዲሁም የጀርመን ሁነት አዘጋጆችን ጨምሮ በርካታ እንግዶች ተገኝተዋል።

የአፍሪካ ጨርቃጨርቅ እና ፋሽን ሳምንት 10ኛ ዓመት ክብረ በዓሉን በማስመልከት በዝግጅቱ ላይ ዓለም አቀፍ ብራንዶችን፣ የኢንዱስትሪ መሪዎችን እና አዳዲስ ፈጣሪዎችን የሚያገናኝ አውደርዕይም እያካሄደ ይገኛል።

በዚህም አውደርዕይ ከ30 አገራት በላይ የተውጣጡ  ከ2 መቶ50 በላይ የፋሽን ፣ ጨርቃጨርቅ እና ቆዳ ኢንዱስትሪዎች ምርታቸውን የሚያቀርቡ ይሆናል።

በተጨማሪም ከ60 አገራት በላይ የሚመጡ ከ7ሺህ በላይ የንግድ አቀላጣፊዎች ይገኛሉም ተብሏል።

የአፍሪካ ጨርቃጨርቅ እና ፋሽን ሳምንት ከተመሠረተበት ጊዜ ጀምሮ በጨርቃጨርቅ ፣ በአልባሳት እና የቆዳ እሴት ሰንሰለቶች መካከል ንግድን በማመቻቸት በአህጉሪቱ የፋሽን መድረክ ሆኖ እንደቆየ ተገልጿል።

10ኛው የአፍሪካ ጨርቃጨርቅ እና ፋሽን ሳምንት ከዛሬ ጥቅምት 29 ጀምሮ እስከ ህዳር 02 ቀን ለአምስት ቀናት በስካይ ላይት ሆቴል የሚቆይ ነው ተብሏል።

ለተጨማሪው: https://t.me/EventAddis1

📌"ጠይም ጤዛ" መጽሐፍ ለንባብ በቃ

የጋዜጠኛና ገጣሚ ተሾመ ብርሃኑ "ጠይም ጤዛ" የተሰኘ ርዕስ የተሰጠው የግጥም መጽሐፍ ዛሬ ጥቅምት 29 ቀን 2017 ዓ.ም ለአንባቢያን ቀርቧል።

"ጠይም ጤዛ" መጽሐፍ ሐምሳ የግጥም ስራዎችን በውስጥ የያዘ ሲሆን 94 ገፆች ተቀንብቦ በ300 የጀርባ ዋጋ ለአንባቢያን ቀርቧል።

ተሾመ ብርሃኑ በማህበራዊ ትስስር ገፁ "እንሆ ጠይም ጤዛ ቤቷ ገብታለች። ዛሬ ከማተሚያ ቤት መደበኛ ህትመቶችን ተረክበናል። ልዩ ህትመቶን ቀድማችሁ የገዛችሁ በጣም በቅርቡ ባላችሁበት ከምስጋና ጋር እናደርሳለን።ነገ ቅዳሜ ጥቅምት 30 አራት ኪሎ ዋልያ መጻሕፍት ከቀን 7 ሰዓት ከ30 ጀምሮ መገኘት ለምትችሉ ከሌሎች ዕውቅ ደራሲያን ጋር እንጠብቃችኋለን። የጥበብ ውጤቶን እያጣጣማችሁ ጠይም ጤዛን በአካል ትወስዳላችሁ" ብሏል።

ጋዜጠኛና ገጣሚ ተሾመ ብርሃኑ ከዚህ ቀደም በ2011 ዓ.ም በሆሄ የሥነጽሑፍ ሽልማት ላይ የዓመቱ ምርጥ የግጥም መደብል አሸናፊ የሆነበት "ኮብላይ ዘመን" መጽሐፍን ለአንባቢያን አድርሷል።

በተጨማሪም በጀርመን ባህል ማዕከል (ጎተ)አወዳዳሪነት ከተለያዩ ደራሲዎች ጋር በጋራ በተሰናዳው "ሠላሳዎቹ" የአጫጭር ልቦለዶች ስብስብ መጽሐፍ ውስጥም ስራው ታትሞለታል።

ለተጨማሪው: https://t.me/EventAddis1

📌"የእድሜ ልክ" የሥዕል አውደርዕይ ዛሬ ይከፈታል።

"የእድሜ ልክ" የተሰኘ የሥዕል አውደርዕይ ለእይታ ሊበቃ ነው። የሠዓሊ ሚኪያስ አሰፋ "የእድሜ ልክ" የተሰኘ ርዕስ የተሰጠው የሥዕል አውደርዕይ ዛሬ ቅዳሜ ጥቅምት 30 ቀን 2017 ዓ.ም ቦሌ ማተሚያ አካባቢ በሚገኘው ለማ ጉያ የሥነጥበብ ማሳያ ውስጥ ለእይታ ይበቃል። ይሄም የሥዕል አውደርዕይ እስከ ህዳር 13 ቀን 2017 ዓ.ም ድረስ ይቆያል ተብሏል።

ለተጨማሪው: https://t.me/EventAddis1

📌"የእግዜር ጣት" ተውኔት ነገ ለእይታ ይበቃል

በአንጋፋው ከያኒ ጌትነት እንየው ተደርሶ በዘካርያስ ረታ የተዘጋጀው "የእግዜር ጣት" የተሰኘ ተውኔት ነገ እሁድ ህዳር 1 ቀን 2017 ዓ.ም ከ10:00 ጀምሮ ፒያሳ አራዳ ፖስታ ቤት ግቢ ውስጥ በሚገኘው በክቡር ዶ/ር ተስፋዬ አበበ(ፋዘር ) የኪነ-ጥበባት ማዕከል ውስጥ በእይታ ይበቃል።

በተውኔቱ ላይ አላዶር ሽፈራው፣ዳግማዊ የኔዓለም፣ልዑል አስፋው፣ሔኖክ ጥላሁን፣ሰላማዊት ታሪኩ ተውነውበታል።

ለተጨማሪው: https://t.me/EventAddis1

📌የድምጻዊ ሚካኤል በላይነህ አልበም ዛሬ ይመረቃል

የድምጻዊ ሚካኤል በላይነህ "አንድ ቃል" አልበም ዛሬ ቅዳሜ ጥቅምት 30 ቀን  2017 ዓ.ም በማርዮት ሆቴል ውስጥ ይመረቃል ተብሏል።

በዚህ የሙዚቃ አልበም ምርቃት ድግስ ሌሎችም የሙዚቃ ባለሞያዎች ስራዎቻቸውን ያቀርባሉ።

ድምጻዊ ሚካኤል በላይነህ በማህበራዊ ትስስር ገጹ" ወዳጆቼ አዲሱን ‘አንድ ቃል’ አልበሜን ቅዳሜ ጥቅምት 30 በማርዮት ሆቴል እንደማስመርቅ ስነግራችሁ በልዩ ደስታ ነው" ብሏል።

ለተጨማሪው: https://t.me/EventAddis1

📌መቅረዝ ሥነኪን የኪነጥበብ ዝግጅት ሐሙስ ይካሄዳል

ተወዳጇ አርቲስት ህሊና ሲሳይ የክብር እንግዳ የሆነችበት"መቅረዝ ሥነኪን" የኪነጥበብ ዝግጅት ሀሙስ ይካሄዳል።

አንጋፋ እና ወጣት የኪነጥበብ ባለሞያዎችን እያጣመር የዘለቀው መቅረዝ ሥነኪን ወርሀዊ የኪነጥበብ  ዝግጅት ሐሙስ ህዳር 5 ቀን 2017 ዓ.ም ከምሽቱ 11:00 ጀምሮ በብሔራዊ ቤተመዛግብትና ቤተመጻሕፍት አገልግሎት (ወመዘክር )አዳራሽ ውስጥ ይካሄዳል።

በዚህ ዝግጅት ላይ ተወዳጇ አርቲስት ህሊና ሲሳይ የክብር እንግዳ በመሆን የሚገኙ ሲሆን በተጨማሪም ወጣት የኪነጥበብ ባለሞያዎች የግጥም ፣የሙዚቃ እና የዳንስ ስራዎቻቸውን ያቀርባሉ።

የዚህ ዝግጅት መግቢያ በነፃ ነው።

ለተጨማሪው :https://t.me/EventAddis1

📌"እንዴት ልሁን" ፊልም ለእይታ ሊበቃ ነው

በቅድስት ፊልም ፕሮዳክሽን ተዘጋጅቶ በኤልያና ኢንተርቴይመንት የቀረበው "እንዴት ልሁን" የተሰኘ ርዕስ የተሰጠው ፊልም ከሕዳር 6 ቀን 2017 ዓ.ም ጀምሮ በተለያዩ ሲኒማ ቤቶች ለእይታ እንደሚበቃ ኤቨንት አዲስ ድረገፅ ያገኘው መረጃ ያመለክታል።

የ"እንዴት ልሁን" ፊልም ደራሲ እና ዳይሬክተር ዮሴፍ ቸሩ (ጆሲ) ነው።በፊልሙ ላይ እንግዳሰው ሀብቴ፣ሳምሶን ግርማ፣ህይወት ጌታሁን፣ቴዎድሮስ ወዳጆ እና ሌሎችም በትወና ተሳትፈውበታል።

ለተጨማሪው :https://t.me/EventAddis1

📌የገጣሚ ባንቺአየሁ አሰፋ መጽሐፍ አርብ ይመረቃል

የወጣቷ ገጣሚ ባንቺአየሁ አሰፋ አሊ "ላልዪበላይቱ" የተሰኘ ርዕስ የተሰጠው አዲስ የግጥም መጽሐፍ የፊታችን አርብ ሕዳር 6 2017 ዓ.ም ከምሽቱ 11:00 ጀምሮ በብሔራዊ ቤተመዛግብት እና ቤተመጻሕፍት አገልግሎት (ወመዘክር )አዳራሽ ውስጥ ጥሪ የተደረገላቸው እንግዶች በተገኙበት በድምቀት ይመረቃል።

በዕለቱም ደራሲ ኃይለመለኮት መዋዕል፣ መምህር የሻው ተሰማ፣ ገጣሚ ዮሐንስ ሞላ፣ገጣሚ አበባ የሺጥላ፣ገጣሚ መንበረማርያም ኃይሉ፣ ገጣሚ ዲበኩሉ ጌታ፣ገጣሚ ሰይፉ ወርቁ፣ ገጣሚ ቴዎድሮስ ካሣ፣ገጣሚ ፌቤን ፋንጮ፣ ደራሲ ቢንያም አቡራ ፤ድምጻዊ አብርሐም ኸይሩ የሥነጽሑፋዊ ስራዎቻቸውንና ሀሳቦቻቸውን ያጋራሉ ተብሏል።

ገጣሚ ባንቺአየሁ አሰፋ አሊ ከገጣሚነቷ ባሻገር በአራዳ ኤፍ ኤም 95.1 በጋዜጠኝነት እየሰራች ትገኛለች።

ለተጨማሪው :https://t.me/EventAddis1

📌የኢትዮጵያ ኪነጥበብ ባለሙያዎች ከባህልና ስፖርት ሚኒስቴር ጋር ውይይት አካሄዱ

የኢትዮጵያ ኪነጥበብ ባለሙያዎች ከባህልና ስፖርት ሚኒስቴር ጋር "ኪነ ጥበብ፣ ሥነ ጥበብ ለሁለንተናዊ ልማትና ለሃገረ መንግሥት ግንባታ" በሚል መሪ ሀሳብ ዛሬ ህዳር 3 ቀን 2017 ዓ.ም በሃይሌ ግራንድ ሆቴል አካሄደዋል።

የባህልና ስፖርት ሚንስቴር - ሚንስትር ክብርት ሸዊት ሻንካ እና ሚንስትር ዲኤታዋ ክብርት ነፊሳ አልማሃዲ በመሩት መድረክ ላይ፣ መንግሥት እና ሚንስቴር መስርያ ቤታቸው ከመቼውም ጊዜ በበለጠ ሁኔታ  ተቀራርቦ ለመስራት ያላቸውን ፅኑ ፍላጎት ገልፀዋል።

የጥበብ ባለሙያዎቹ በበኩላቸው ያሉባቸውን ችግሮች አስረድተዋል። ከተሳታፊ  ባለሙያዎቹም  መካከል ተግዳሮቶችን ብቻ ሳይቆጥሩ በተቻለ መጠን ለሃገርና ለህዝብ ጥቅም መሥራት እንደሚገባ ተናግረዋል።

ሚንስቴር መሥርያ ቤቱ ይህንን መድረክ አዘጋጅቶ <<ኑ - እንማከር>> ማለቱ ከባለሙያዎቹ ልዩ ምሥጋና ተችሮታል። ግንኙነቱ ተጠናክሮ እንደሚቀጥልና በሃገር ግንባታው ረገድ መልካም ውጤት እንደሚያስገኝ ታምኖበታል።

ለተጨማሪው: https://t.me/EventAddis1

📌ለአርባምንጭ ዓለምአቀፍ ስቴዲየም የገቢ ማሰባሰቢያ ትላልቅ ሁነቶች ሊካሄዱ ነው።

በአርባምንጭ ከተማ የሚገነባውን ዓለም አቀፍ ስቴዲየም የገቢ ማሰባቢያ በማስመልከት ትላልቅ ሁነቶች ሊካሄዱ እንደሆነ አዘጋጆች አስታውቀዋል።

ዛሬ የገቢ አሰባሳቢ ኮሚቴው ከእሺ ሚዲያ እና ኮሙኒኬሽን ጋር አብሮ ለመስራት ስምምነት አድረገዋል። እሺ ሚዲያ ለዚህ ስታዲየም ግንባታ ቁልፍ የገንዘብ ማሰባሰቢያ እቅዶቹን ይፋ ያደረገ ሲሆን ዝግጅቱን በሀገር ውስጥ ሬዲዮ፣ ቲቪ ጣቢያዎች፣ ጋዜጦች በስፋት እንዲሰራጭ በማድረግ ማህበረሰቡን በማሳወቅ ይጀመራል ተብሏል።

ዲጂታል ዘመቻዎች፣ አምባሳደሮች ታዋቂ/ተፀእኖ ፈጣሪ ግለሰቦችን በአምባሳደርነት በመሰየም ፕሮጀክቱን እንደያስተዋውቁ ማድረግ፣ በቀጥታ ስርጭት የሚከናወን የገቢ ማሰባሰቢያ ዝግጅት፣ ስፖንሰርሺፕ፣ የሩጫ ውድድር፣ የእግር ኳስ ግጥሚያ፣ ኮንሰርት፣ ቶምቦላ ሎተሪ፣ በመዋጮና በልገሳዎች ገቢ ማሰባሰብ እንደታሰበ ተነግሯል።

የአፍሪካ ዋንጫ እና የአለም አቀፍ ማጣሪያ ጨዋታዎችን ማስተናገድ የሚችል እንደሆነ የተነገረለት ይህ ስቴዲየም 30ሺ ተመልካች የመያዝ አቅም እንዳለው ተገልጿል።  እንዲሁም የመሮጫ ትራክ ስላለው የአትሌቲክስ ውድድሮችን ማስተናገድ ይችላል።

የካፍ ስታንዳርድ የሚያሟላ ካታጎሪ ሶስት ውስጥ የሚገኝ ሲሆን እስከ 30ሺ ተመልካች ማስተናገድ የሚችል ስቴዲየም መሆኑ ተገልጿል።

አጠቃላይ የስቴዲየሙ ግንባታ ወጪ 3 ቢሊዮን ብር ሲሆን የመጀመሪያ ዙር ስራ 6 ወር እና ቀጣይ ሁለተኛ ዙር ምዕራፍ በ6 ወር በአጠቃላይ በአንድ አመት ለማጠናቀቅ ታቅዷል።

ለተጨማሪው: https://t.me/EventAddis1

📌የጋዜጠኛ መኮንን ወ/አረጋይ "እነሆ ማሟሻ" መጽሐፍ ሊመረቅ ነው

የጋዜጠኛ መኮንን ወ/አረጋይ በርካታ ጉዳዮች የተካተቱበት እነሆ ማሟሻ" ቅጽ አንድ እና ቅጽ ሁለት መጻሕፍት ጥሪ የተደረገላቸው እንግዶች በተገኙበት ቅዳሜ ሕዳር 14 2017 ዓ.ም ከቀኑ 8:00 ጀምሮ ቴዎድሮስ አደባባይ አካባቢ በሚገኘው በኤን ቢሲ ኢትዮጵያ ስቱዲዮ ሁለት(በተለምዶው ሴጣን ቤት) አዳራሽ ውስጥ ይመረቃል።

በዚህ የመጽሐፍ ምርቃት ሥነሥርዓት ላይም አንጋፋ እና ወጣት የመገናኛ ብዙሃን ባለሞያዎች ሀሳቦቻቸውን ያጋራሉ ተብሏል።

ከዚህ ቀደም በሸገር ኤፍ ኤም 102.1 ሬድዮ ላይ በሚያቀርባቸው የስንክሳር፣  የማሟሻ፣ የሃኪሞ መልዕክት፣ የአርብ ምሽት ቆየት ያሉ ሙዚቃዎች እና አሁን ላይ በኢንቢሲ ቴሌቪዥን በልዩ ልዩ ዝግጅቶች የምናውቀው ጋዜጠኛ መኮንን ወ/አረጋይ "እነሆ ማሟሻ" የተሰኘ የመጀመሪያ ቅጽ አንድ እና ተከታዩን ሁለት መጻህፍትን በተከታታይ ከወራት በፊት ለአንባቢያን ማድረሱ ይታወሳል።

ለተጨማሪው: https://t.me/EventAddis1

📌የሔለን ሾው ኢምፓወር አዲስ

የሔለን ሾው ኢምፓወር አዲስ ለሁሉም የኅብረተሰብ ክፍል የሚሆን የቢዝነስ፣ የሥራ ፈጠራ፣ ትምህርት፣ የጤናና ማኅበራዊ ጉዳዮች ልዩ ዝግጅት ፊታችን ቅዳሜና እሁድ ኅዳር 7 እና 8 ቀን 2017 ዓ.ም  ለሁለት ተከታታይ ቀናት በሚሊኒየም አዳራሽ ይካሄዳል።

ለተጨማሪው: https://t.me/EventAddis1

📌የሥዕል አውደርዕይ

የሠዓሊ እስጢፋኖስ ሰለሞን "Oppressed passion" የተሰኘ ርዕስ የተሰጠው የሥዕል አውደርዕይ ሕዳር 7 ቀን 2017 ዓ.ም በአርታዊ የሥዕል ማሳያ ውስጥ ለእይታ ይበቃል።ይሄ የሥዕል አውደርዕይ እስከ ሕዳር 29 ይቆያል ተብሏል።

ለተጨማሪው: https://t.me/EventAddis1

📌"የመንገዴ መንገድ" መጽሐፍ ለንባብ በቃ

የገጣሚ ደጀኔ ተስፋዬ "የመንገዴ መንገድ" የተሰኘ ርዕስ የተሰጠው አዲስ የግጥም መጽሐፍ ትላንት ማክሰኞ ሕዳር 3 ቀን 2017 ዓ.ም ለንባብ በቅቷል።

"የመንገዴ መንገድ" መጽሐፍ በይዘት የግጥም ስብስብ መጽሐፍ ሲሆን በ114 ገፆች ተቀንብቦ በ320 ብር የጀርባ ዋጋ ለአንባቢያን ቀርቧል።

መጽሐፉን በፒያሳ ኤዞፕ በሜክሲኮ ጃዕፋር እና በአራት ኪሎው ኢትዮ ፋጎስ (Ethio Fagos) የመጽሐፍ ማከፋፈያዎች ውስጥ ይገኛል።

ለተጨማሪው: https://t.me/EventAddis1

📌ድምጻዊት ራሔል ጌቱ ከዳይሬክተር ቅድስት ይልማ ጋር "ውዴ" በተሰኘ ሙዚቃ ድጋሚ ተጣምሩ

ከዚህ ቀደም "ኢትዮጵያዊዬ" የተሰኘ ርዕስ በተሰጠው የሙዚቃ ቪዲዮ አብረው የሰሩት ድምጻዊት ራሔል ጌቱ እና ዳይሬክተር ቅድስት ይልማ "ውዴ" በተሰኘ አዲስ ሙዚቃ በድጋሚ እንደተጣመሩ ኤቨንት አዲስ ሚዲያ ሰምቷል።

የድምጻዊት ራሔል ጌቱ"ውዴ" ሙዚቃ ነገ አርብ ሕዳር 6 ቀን 2017 ዓ.ም ለአድማጮች ይደርሳል ተብሏል።

ለተጨማሪው: https://t.me/EventAddis1

📌ኮሜዲያን ደረጄ ኃይሌ የክብር እንግዳ የሆነበት ስብሐቲዝም የሀሳብ ውይይት ዝግጅት እሁድ ይካሄዳል።

ኮሜዲያን ደረጄ ኃይሌ የክብር እንግዳ የሆነበት ስብሐቲዝም 78ተኛ መድረክ "የኮሜዲው ዓለም ከሳቅ ባሻገር" በሚል የሀሳብ ውይይት ይካሄዳል።

ውይይቱ እሁድ ሕዳር 8 ቀን 2017 ዓ.ም  ከቀኑ 8:00 ጀምሮ በብሔራዊ ቤተመዛግብት እና ቤተመጻሕፍት አገልግሎት (ወመዘክር) አዳራሽ ውስጥ ይከናወናል።

ለተጨማሪው: https://t.me/EventAddis1

📌የዘንድሮው "የሺህ ጋብቻ" ጥር 18 ይካሄዳል

በያሜንት ኤቨንትስ የሚዘጋጀው "የሺህ ጋብቻ" የዘንድሮው የጋብቻ ሥነሥርዓት ጥር 18 ቀን 2017 ዓ.ም በሚሊኒየም አዳራሽ ይካሄዳል ተብሏል።

"የሺህ ጋብቻ"  ከዚህ ቀደም በ2005 እና በ2016 ዓ.ም ስኬታማ የብዙኃን  ጋብቻዎችን አከናውኗል።

ዘንድሮ ከሀገር ውስጥ 1ሺህ ጥንዶችን እንዲሁም 250 የሚደርሱ ጥንዶችን ከተለያዩ የአፍሪካ ሀገራት በማካተት በአጠቃላይ ከ1250 በላይ ጥንዶችን የፊታችን ጥር 18 ቀን 2017 ዓ.ም ለመዳር አስፈላጊውን ቅድመ-ዝግጅት እያደረጉ መሆኑን አዘጋጆቹ ዛሬ ሕዳር 5 ቀን 2017 ዓ.ም በሐርመኒ ሆቴል በሰጡት ጋዜጣዊ መግለጫ አስታውቀዋል።

በዚህ ግዙፍ የጋብቻ ሥነሥርዓት በተለየ መልኩ ከሚኖሩ ክንውኖች መካከል ከ25 ሺህ በላይ የቡና ሲኒ እንዲሁም 2017 ኪ.ግ የሚመዝን ባህላዊ ዳቦ ለታዳሚዎች  ይቀርባል ተብሏል።

ሁነቱንም በዓለም ድቃድንቅ መዝገብ ላይ እንዲስፍር ለማድረግ የሚሠራበት ታላቅ ዝግጅት ይሆናል ተብሎ ይጠበቃል፡፡

የሺህ ጋብቻ ትልቅ ዓላማ የኢትዮጵያን እንዲሁም የአፍሪካ ሀገራት ህዝቦችን የካበተ ባህላዊ የሰርግ ሥነ-ሥርዓት አጉልቶ በማሳየት አዲስ አበባን የሃኒሙን ማዕከል ማድረግ እንደሆነ አዘጋጆቹ ገልጿል።

አጠቃላይ ለዚህ ፕሮጀክት ዕውን መሆን ያስፈልጋል ተብሎ የታቀደው በጀት 68,997,500 ብር እንደሆነ ተነግሯል።

ለተጨማሪው: https://t.me/EventAddis1

📌በኢትዮጵያ የመጀመሪያው ባለ ቀለም ፊልም የሆነው "አስቴር" ፊልም ወደ ዲጂታል ተቀይሮ ለዕይታ ሊቀርብ ነው

በኢትዮጵያ የመጀመሪያውን ባለ ቀለም ፊልም ወደ ዲጂታል አስቀይሮ ሊያስመርቅ መሆኑን የአዲስ አበባ ባህል፣ ኪነ ጥበብና ቱሪዝም ቢሮ ኃላፊ ኂሩት ካሳው (ዶ/ር) ዛሬ በሰጡት ጋዜጣዊ መግለጫ አስታውቀዋል።

በ1983 ዓ.ም በኢትዮጵያ ፊልም ኮርፖሬሽን አማካኝነት ሀገራዊ ዘዉግ ላይ ተንተርሶ የተሰራውና "አስቴር" የተሠኘው አትዮጵያዊ ፊልም የአጻጻፍ ደረጃው ከፍ ያለና ከድርሰት እስከ ፕሮዳክሽን ሙሉ በሙሉ በሀገር ባለሞያዎች የተሰራ መሆኑን ገልጸዋል፡፡

"አስቴር" የተሰኘው የመጀመሪያው ፊልም የዛሬውን የፊልም ኢንዱስትሪና የፈጠራ ክህሎትን ለማሳደግ መነሻ መሆኑን ያነሱት ኃላፊዋ፤ ቢሮው በቴክኖሎጂ ምክንያት ለዕይታ ሳይበቁ የቆዩ የቀደምት የፊልም ሥራዎችን ከሦስት ዓመታት ወዲህ ከሀገር ውጪና በሀገር ውስጥ በማፈላለግ ዲጂታላይዝድ እንዲሆኑ እየሰራ መሆኑን አሳውቀዋል፡፡

የፊታችን ህዳር 8 ቀን 2017 ከቀኑ በ8፡00 ሰዓት የፊልሙ ባለቤቶች፣ ተዋናይናዮችና የኪነ ጥበብ አፍቃሪያን በታደሙበት በአድዋ ድል መታሰቢያ ሙዚየም በይፋ እንደሚመረቅ ኤቨንት አዲስ ሚዲያ ሰምቷል።

ለተጨማሪው: https://t.me/EventAddis1

📌"ታላላቆችን እናክብር" በተሰኘ ልዩ መርሐግብር 13 የቀድሞ ጋዜጠኞች ዕውቅና ሊበረከትላቸው ነው

በተወዳጅ ሚዲያ የተዘጋጀውና በ1960ዎቹና በ1970ዎቹ አገራቸውን ያገለገሉ ቀደምት ጋዜጠኞች የሚመሰገኑበት ልዩ ዝግጅት ነገ ቅዳሜ ህዳር 7 2017 ዓ.ም ከጠዋቱ 3:00 ጀምሮ በአንጋፋው የኢትዮጵያ ብሔራዊ ቴአትር ይካሄዳል።

በዚህ ልዩ የምስጋና ዝግጅት ላይ 13 የቀድሞ  ጋዜጠኞች ዕውቅና ይበረከትላቸዋል ተብሏል።

በምስጋና ዝግጅቱ ላይ ይታደማሉ ተብለው የሚጠበቁት ተመስጋኝ ጋዜጠኞች አቶ አስፋው ኢዶሳ፣ወይዘሮ አባይነሽ ብሩ፣አቶ ሀዲስ እንግዳ፣አቶ ዋጋዬ በቀለ፣ወይዘሮ ሚሊየን ተረፈ፣አቶ ሀይሉ ወልደፃድቅ፣አቶ ተሾመ ብርሀኑ ከማል፣አቶ ተክሉ ታቦር፣ አቶ ይንበርበሩ ምትኬ፣ አቶ ታዬ በላቸው፣አቶ ግርማይ ገብረፃድቅና አቶ ኢሳያስ ሆርዶፋ ናቸው።

ዝግጅቱ ላይ እንደሚመሰገኑ ከተመረጡ በኃላ ህይወታቸው ያለፈው የሚድያ ሰው ሙለጌታ ወልደሚካኤልም በልጆቻቸው አማካይነት ዕውቅናው ይበረከትላቸዋል ተብሏል።

እነዚህ ዕውቅና የሚቸራቸው አንጋፋ የሚድያ ሰዎች ከዚህ ቀደም ተገቢውን ዕውቅና ሳያገኙ የቀሩና በሌሎች የሽልማት መርሀግብሮች ያልተካተቱ ነበሩ።

በሁሉም ተመስጋኞች የህይወት ታሪክ ላይ በቂ ጥናት እና ምርምር መደረጉንም ለማወቅ ተችሏል።

በዕለቱ የቀድሞ ጋዜጠኞችን የቆየ ድምፅና ቪድዮ የሚያሳይ አጭር ዘጋቢ መሰናዶ የሚኖር ሲሆን የሙያ ማህበራት፣የሚድያ ኃላፊዎች፣የአዲስ አበባ ዩኒቨርሲቲ የጋዜጠኝነት መምህራን እና ሌሎችም ታላላቅ እንግዶች ይታደማሉ፡፡

የመርሀግብሩ አዘጋጅ ጋዜጠኛ ዕዝራ እጅጉ የተወዳጅ ሚድያ እና ኮምዩኒኬሽን ዋና ስራ አስፈፃሚ ሲሆን ከዚህ ቀደም የ45 ሰዎችን  ታሪክ  በሲዲ የ20  ሰዎችን ታሪክ  ደግሞ  በመፅሐፍ ያሳተመ ነው።

ለተጨማሪው: https://t.me/EventAddis1

📌የገጣሚ ባንቺአየሁ አሰፋ መጽሐፍ ዛሬ ይመረቃል

የወጣቷ ገጣሚ ባንቺአየሁ አሰፋ አሊ "ላልዪበላይቱ" የተሰኘ ርዕስ የተሰጠው አዲስ የግጥም መጽሐፍ ዛሬ አርብ ሕዳር 6 2017 ዓ.ም ከምሽቱ 11:00 ጀምሮ በብሔራዊ ቤተመዛግብት እና ቤተመጻሕፍት አገልግሎት (ወመዘክር )አዳራሽ ውስጥ ጥሪ የተደረገላቸው እንግዶች በተገኙበት በድምቀት ይመረቃል።

በዕለቱም ደራሲ ኃይለመለኮት መዋዕል፣ መምህር የሻው ተሰማ፣ ገጣሚ ዮሐንስ ሞላ፣ገጣሚ አበባ የሺጥላ፣ገጣሚ መንበረማርያም ኃይሉ፣ ገጣሚ ዲበኩሉ ጌታ፣ገጣሚ ሰይፉ ወርቁ፣ ገጣሚ ቴዎድሮስ ካሣ፣ገጣሚ ፌቤን ፋንጮ፣ ደራሲ ቢንያም አቡራ ፤ድምጻዊ አብርሐም ኸይሩ የሥነጽሑፋዊ ስራዎቻቸውንና ሀሳቦቻቸውን ያጋራሉ ተብሏል።

ለተጨማሪው: https://t.me/EventAddis1