📌"ብርቱ ንቁ ጀግና ዜጋ" ለአንድ ሺህ ሰዎች!

የሄኖክ ኪዳነወልድ ስፖርት ስልጠናዎች፣አዲስ አበባ ከተማ አስተዳደር ወጣቶች ስፖርት  ቢሮ እና የአዲስ አበባ ጤና ቢሮ በመተባበር "ብርቱ ንቁ ጀግና ዜጋ" በሚል መሪ ሀሳብ በውፍረት፣ በኮልሰትሮል፣ በስኳር፣ በደም ግፊት እና በተለያዩ ሱሶች ውስጥ ያሉና የመክፈል አቅም የሌላቸው 1000 ሰዎችን በነጻ የስፖርት እንቅስቃሴ፣የሥርዓተ ምግብና የህይወት ክህሎት ስልጠና መርሐግብር የመክፈቻ ሥነሥርዓት ዛሬ ጥቅምት 10 2017 ዓ.ም በወዳጅነት አደባባይ ተካሂዷል።

"ብርቱ ንቁ ጀግና ዜጋ" የአካል እንቅሳቃሴ ስልጠና ጥቅምት 10 ቀን 2016 ዓ.ም በወዳጅነት አደባባይ በመክፈቻ ሥነሥርዓት በይፋ የተጀመረ ሲሆን ከወዳጅነት አደባባይ በተጨማሪም የአዲስ አበባ አምስቱንም የመውጫ በሮች ያማከሉ አምስት የስልጠና ቦታዎች እንደተዘጋጁ ተገልጿል።

ስልጠናው ለሶስት ወራት የሚቆይ ሲሆን በዓመት ሶስቴ እንደሚዘጋጅና ቀጣይነት እንዳለው ተነግሯል።

ሥልጠናው ላይ የሥርዓተ ምግብና የህይወት ክህሎት ስልጠና ባለሙያዎች ለሰልጣኞች እገዛ የሚያደርጉ ይሆናል ተብሏል።በነፃ የሚሰጠው ስልጠና በገንዘብ ቢለወጥ ሠላሳ ሚልየን ብር ገደማ እንደሚያወጣ ተነግሯል።

ለተጨማሪው: https://t.me/EventAddis1

📌"የተረገመው ልጅ" ፊልም ነገ ይመረቃል

በሮቤል አሰፋ እና አንዱዓለም ደጀኔ የተዘጋጀው "የተረገመው ልጅ" አዲስ ፊልም ነገ ጥቅምት 11 ቀን 2017 ዓ.ም ከምሽቱ 11:30 ጀምሮ በዓለም ሲኒማ በፊልሙ የተሳተፉ እና ጥሪ የተደረገላቸው እንግዶች በተገኙበት ይመረቃል።

በኤመራልድ ፊልም ፕሮዳክሽን ተዘጋጅቶ በንጉስ ፊልም ፕሮዳክሽን የቀረበው "የተረገመው ልጅ" ፊልም በድርሰት እና ዳይሬክቲንግ ሮቤል አሰፋ እና የአንዱዓለም ደጀኔ ለሁለት ተሳትፈውበታል።

በፊልሙ ላይ ዘላለም ይታገሱ፣ ወለላ አሰፋ፣ ዳዊት አባተ፣ ማስተዋል ወንድወሰን እና ሌሎችም በትወና ተሳትፈውበታል።

ለተጨማሪው: https://t.me/EventAddis1

📌የኤስ ኦ ኤስ የህጻናት መንደሮች በኢትዮጵያ የ50ኛ ዓመት ክብረበዓል የማጠቃለያ ፕሮግራም ተካሄደ

ኤስ ኦ ኤስ የህጻናት መንደሮች በኢትዮጵያ ላለፉት አምስት አስርት ዓመታት ያስመዘገባቸውን ልዩ ልዩ ስኬቶችን በመዘከር የተመሰረተበትን 50ኛ ዓመት ክብረበዓሉን ሲያከብር ቆይቷል። ዛሬ ጥቅምት 12 2017 ዓ.ም የክብረበዓሉ የማጠቃለያ መርሐግብሩን በሸራተን አዲስ ሆቴል አካሂዷል።

ክብረ በዓል ተከታታይነት ያላቸው በርካታ ሁነቶችን በማከናወን ሲከበር የቆየ ሲሆን ድርጅቱ ያስመዘገባቸውን ስኬቶች፣ የድርጅቱ ደጋፊዎችና ሰራተኞች እያበረከቱ ያለውን አስተዋጽኦ እውቅና ለመስጠት የተዘጋጀ እንደሆነ ተገልጿል።

ኤስ ኦ ኤስ የህጻናት መንደሮች በኢትዮጵያ የሐምሳኛ ዓመት ክብረበዓሉን  በኤግዚቢሽን ፣ በፓናል ውይይት፣ በገቢ ማሰባሰቢያ ፕሮግራሞች እና የችግኝ ተከላ ፕሮግራም ሲያከናውን ቆይቷል፡፡

እነዚህም እንቅስቃሴዎች ስራውን የበለጠ ለማስተዋወቅ፣ ድጋፍ ለማሰባሰብ እንዲሁም ግለሰቦችና ድርጅቶች ለእያንዳንዱ ህጻን ተንከባካቢ ቤተሰብና ብሩህ ተስፋ የማጎናጸፍ አላማ ዙሪያ እንዲሰለፉ በሚያበረታታ መልኩ የተቀረጹ ናቸው ተብሏል።

ኤስ ኦ ኤስ የህጻናት መንደሮች በኢትዮጵያ የአለም አቀፉ ኤስ ኦ ኤስ የህጻናት መንደሮች ፌዴሬሽን ብሄራዊ አባል የሆነ በህጻናት ደህንነትና ልማት ላይ አተኩሮ የሚሰራ ፖለቲካዊም ሃይማኖታዊም ያልሆነ የልማት ድርጅት ነው፡፡ ድርጅቱ ከተመሰረተበት ከ1974 ዓ.ም ጀምሮ በህጻናት፣ ቤተሰቦቻቸውና በማህበረሰብ ላይ አዎንታዊ ለውጦችን በማምጣት ላይ የሚገኝ የልማት አጋር ነው።

ለተጨማሪው: https://t.me/EventAddis1

📌የደራሲ ሕይወት እምሻው አዲስ መጽሐፍ

የደራሲ ሕይወት እምሻው"ቡና ቁርስ" የተሰኘ አዲስ መጽሐፍ ጥቅምት 16 ቀን 2017 ዓ.ም ለአንባቢያን ይቀርባል።

ደራሲ ሕይወት ስለ መጽሐፏ የሚከተለውን ብላለች "ትንሽ ልጅ ሆኜ።ወንዶች ከሁዋላ የሱሪ ኪሳቸው አጠፍ አድርገው ሽጉጥ፣ ሴቶች ደግሞ ትንሽዬ ቦርሳቸው ውስጥ በቀላሉ ክትት የሚያደርጔቸው 'ሚጢጢ' መጽሐፍት ሳይ ደስ ይለኝ ነበር።

በመጠን ቅልብጭ ማለታቸው፣ለአያያዝ መቅለላቸው፣በአንድ 'ቁጭ' ፉት ስትሏቸው ጭልጥ ማለታቸው፣ አብሶ ለጀማሪ አንባቢ ምቹ መሆናቸው ያስደስተኝ ነበር።እንደ ታደሰ ሊበን " መስከረም' ዓይነቶቹን ነው የምላችሁ። 

ቅዳሜ ጥቅምት 16 ገበያ ላይ የምትውለው"  የቡና ቁርስ" ጢኒጥዬ መጽሐፌ እንዲህ ያለች ናት።

ከእንግዲህ ሰው "ስንት መጽሐፍ አሳተምሽ ?" ብሎ ሲጠይቀኝ "አራት ተኩል" የምለው ለዚህ ነው።

ቅዳሜ የቡና ቁርስን የማቀርብላችሁ " በባዶው" እንዳይመስላችሁ!

ለእርቃን ሩብ ጉዳይ ላይ ነጻ ውይይት፣ ሙዚቃ፣ ቡና እና የቡና ቁርስ አዘጋጅቼ ነው።

ቦታው የከተማ ማዕከል ( እስጢፋኖስ ቤተ ክርስትያን)ፊት ለፊት) ፣ ሰዓቱ ደግሞ ከስምንት እስከ አስር ተኩል ነው።

የእኔን ዝግጅቶች ታድማችሁ የምታውቁ አሳምራችሁ እንደምታውቁት ደቂቃ ሳናረፍድ ጀምረን ባልነው ሰዓት እንጨርሳለን"።

ለተጨማሪው: https://t.me/EventAddis1

የገጣሚ ዮሐንስ ሞላ "በከንፈርሽ በራ'ፍ" መጽሐፍ ረቡዕ ይመረቃል።

የገጣሚ ዮሐንስ ሞላ "በከንፈርሽ በራ'ፍ" የተሰኘ  ርዕስ የተሰጠው አዲስ  የግጥም መጽሐፍ የፊታችን ረቡዕ ጥቅምት 20 ቀን 2017 ከ11:00 ጀምሮ  አራት ኪሎ በሚገኘው ዋልያ መጻሕፍት ውስጥ ይመረቃል።

ገጣሚ ዮሐንስ ሞላ ከዚህ ቀደም "የብርሃን ልክፍት" እና "የብርሃን ሰበዞች" የተሰኙ መጻሕፍት አንባቢያን ማድረሱ አይዘነጋም።

ለተጨማሪው: https://t.me/EventAddis1

አርቲስት ናርዶስ አዳነ የሎዛ የሥነምግብ ማማከር ህክምና ተቋም ብራንድ አንባሳደር በመሆን ተሾመች።

አርቲስት ናርዶስ አዳነ የሎዛ የሥነምግብ ማማከር ህክምና ተቋም ብራንድ አንባሳደር በመሆን ለሁለት ዓመታት ስምምነት ፈፅማለች።

የጋራ ስምምነቱ ዛሬ ጥቅምት 12 ቀን 2017 ዓ.ም በኤልሶል ሆቴል ውስጥ ተካሄዷል።

ሎዛ የስነ ምግብ ማማከር ህክምና ተቋም ተላላፊ ያልሆኑ የጤና ችግሮችን በምግብ በማከም እንደ ስኳር እና ደም ብዛት ላሉ በሽታዎች ለተጠቁ ታካሚዎች ዘለቄታዊ መፍትሄ በመስጠት እያገለገለ ያለ ተቋም እንደሆነ በፊርማ ሥነሥርዓቱ ላይ ተገልጿል።

ለተጨማሪው: https://t.me/EventAddis1

📌"የሕይወት ታሪክ" የተሰኘ አዲስ ተውኔት ለመድረክ የሚበቃበት ቀን ይፋ ሆነ።

ድርሰቱ እና ዝግጅቱ የነብዩ ባዬ እና የቢንያም ወርቁ የሆነው "የሕይወት ታሪክ" አዲስ ተውኔት ከጥቅምት 25 ቀን 2017 ዓ.ም ጀምሮ በአንጋፋው ብሔራዊ ቴአትር መቅረብ እንደሚጀምር ኤቨንት አዲስ ድረገፅ ያገኘው መረጃ ያመለክታል።

ይህ ተውኔት ከዚህ ቀደም በሸገር ራዲዮ በሬድዮ ድራማ መልክ ቀረቡ የነበረ ሲሆን አሁን በመድረክ ተውኔት ቅርጽ ተሰርቷል ተብሏል።

በ"ሕይወት ታሪክ" በተውኔት ላይ ቢንያም ወርቁ እና ፀደይ ፋንታሁን  ለሁለት ይተውናሉ።

ተውኔቱ በነባ ጥበባት እና ኮምኒኬሽን የቀረበ ነው።

ለተጨማሪው: https://t.me/EventAddis1

📌"ነገረ መጻሕፍት" ቅዳሜ ይካሄዳል!

በዛጎል የመጻህፍት ባንክ የሚዘጋጀው "ነገረ መጻሕፍት" የመጻህፍት ውይይት በዓመቱ የመጀመሪያው መሰናዶ የቦታ ለወጥ አድርጎ የፊታችን ቅዳሜ ጥቅምት 16 2017 ዓ.ም ከቀኑ 9:00 ጀምሮ ምኒልክ ሆስፒታል አካባቢ በሚገኘው "FSS" አዳራሽ ውስጥ ይካሄዳል።

በዚህ በዓመቱ የመጀመሪያ መሰናዶ ላይ ደራሲ ተስፋዬ ማሞ እና ደራሲ ይታገሱ ጌትነት ተጋባዥ እንግዶች ሲሆኑ ለውይይት የሚቀርቡ መጻሕፍት ደግሞ "ከማዕበል ማዶ" እና "መንግስቱ ኃ/ማርያም:የስደተኛው መሪ ትረካዎች" ናቸው።የፕሮግራሙ አዘጋጅና አቅራቢ ደራሲ እንዳለጌታ ከበደ ነው።

ለተጨማሪው: https://t.me/EventAddis1

📌"አውደ ፋጎስ" የውይይት መድረክ እሁድ ይካሄዳል

48ኛው ዙር አውደ ፋጎስ የውይይት መድረክ እሁድ ይካሄዳል። በዚህኛው ዙር በርናባስ ሽፈራው "የማርክሳዊነት የገደል ማሚቶች " በሚል ርዕስ መነሻ ሀሳብ ያቀርባል።ይህም ውይይት እሁድ ጥቅምት 17 2017 ዓ.ም ከቀኑ 8:00 ጀምሮ በብሔራዊ ቤተመዛግብት እና ቤተመጻሕፍት አግልግሎት (ወመዘክር) አዳራሽ ውስጥ ይካሄዳል።

ለተጨማሪው: https://t.me/EventAddis1

📌የወር ወንበር" ውይይት ቅዳሜ ይካሄዳል!

"የወር ወንበር" ውይይት የፊታችን ቅዳሜ ይካሄዳል።በኢትዮጵያ ቤተመዛግብትና ቤተመጻሕፍት አገልግሎት (ወመዘክር) በየወሩ የሚዘጋጅው "የወር ወንበር" መሰናዶ በዚህ ወር "ሳይንስ እና መኸዘብ" በሚል ርዕስ የፊታችን  ቅዳሜ ጥቅምት 16 ቀን 2017 ዓ.ም ከቀኑ 10:00 እስከ 12:00 በኢትዮጵያ ቤተ መዛግብት እና ቤተ መጻሕፍት (ወመዘክር) ግቢ ብላቴን ጌታ ኅሩይ ወልደ ሥላሴ አዳራሽ ውስጥ ውይይት ይካሄዳል።በዚህ ውይይት ላይ ኤምሬትስ ፕሮፌሰር ሽብሩ ተድላ የውይይት መነሻ ጽሑፍ ያቀርባሉ ተብሏል።

ለተጨማሪው: https://t.me/EventAddis1

📌"የቅርብ ሩቅ" ተውኔት ዛሬ ለእይታ ይበቃል

በእሸቱ ዱብ ተደርሶ በተስፋዬ ገብረማርያም የተዘጋጀው "የቅርብ ሩቅ" ተውኔት ዛሬ ጥቅምት 13 ቀን 2017 ዓ.ም ከቀኑ 11:00 ጀምሮ በአንጋፋው የኢትዮጵያ ብሔራዊ ቴአትር ለመድረክ ይበቃል።በተውኔቱ ላይ ሉሌ አሻጋሪ፣ሔኖክ በሪሁን፣ቅድስት ብሩክ፣ናትናኤል መኮንን፣ብሩክታዊት እሸቱና ሌሎችም በትወና ተሳትፈውበታል።

ለተጨማሪው: https://t.me/EventAddis1

📌 "ሦስቱ አይጦች" ተውኔት ሊመረቅ ነው

በአራዳ ፊሊከስ ፕሮዲዩስ ተደርጎ በኢትዮጲያ ብሔራዊ ቲያትር በመታየት ላይ ያለውና በአርቲስት ኤልያስ ተስፋዬ ተፅፎ በአርቲስት ካሌብ ዋለልኝ እና በአርቲስት ህብረ ቀለመወርቅ የተዘጋጀው "ሦስቱ አይጦች” ተውኔት ሰኞ ጥቅምት 18 ቀን 2017 ዓ.ም በርካታ የኪነጥበብ ባለሙያዎች፣ የኮርፖሬት ተቋማት ሃላፊዎች፣ የመንግስት ባለስልጣናት በተገኙበት አንደኛ ዓመቱን ምክንያት በማድረግ በታላቅ ድምቀት በአንጋፋው የኢትዮጵያ ብሔራዊ ቴአትር ይመረቃል።

በተውኔቱ ላይ ካሌብ ዋለልኝ ፣ህሊና ሲሳይ ፣ህብረ ቀለመወርቅ ፤ እንዳለ ብርሃኑ፣ ታሪክ አስተርአየ፣አስመላሽ ታምርአየሁ፣ ቸርነት ፍቃዱ ፣መርዕድ ተስፋዬ፣ ሔኖክ ዘርዓብሩክ በተዋናይነት ተሳትፈውበታል።

"ሦስቱ አይጦች" ተውኔት ከ20 ዓመታት በፊት "የተከፈለ ልብ" በሚል ርዕስ በሀገር ፍቅር ቴአትር ቤት ተመድርኮ ነበር።

የተውኔቱ የምርቃ ሥነሥርዓትም የፊታችን ሰኞ ጥቅምት 18 ቀን 2017 ዓ.ም በኢትዮጵያ ብሔራዊ ቲያትር ከቀኑ 10፡00 ጀምሮ ይካሄዳል። እንዳትቀሩ ተብላችኋል።

ለተጨማሪው:https://t.me/EventAddis1