የኢትዮጵያ አባቶች ቀን ተከበረ

የኢትዮጵያ አባቶች ቀን "ክብር ለአባትነት" በሚል ዛሬ ግንቦት 15 ቀን 2016 ዓ.ም ለ16ኛ ጊዜ ተከብሮ ውሏል።

ላለፉት አመታት በኢትዮጵያ የአባቶች ቀንን ግንቦት 15 ላይ ሲያከብር የቆየው የኢትዮጵያ አባቶች ቀን በጎ አድራጎት ድርጅት ዘንድሮ ለ16ኛ ጊዜ "ክብር ለአባትነት" በሚል ዕለቱን በዮድ አቢሲኒያ የባህል ምግብ አዳራሽ በልዩ ልዩ ሁነቶች አክብሮ ውሏል።

ከዚህ ቀደም በነበሩት ዓመታት ከቤተሰብ እስከ ሃገር በመልካም አባትነትና አበርክቶ የሚነሱ አባቶችን፤ የኢትዮጵያ አባቶች የክብር መገለጫ የሆነውን ጋቢ በመደረብ፣ ዝቅ ብሎ እግር በማጠብ፣ የዕውቅና ምስክር ወረቀት በመስጠትና ታሪካቸውን በመሰነድ ሲያመሰግን እና ሲያከብር ቆይቷል።

በዘንድሮው ዓመት የኢትዮጵያ አባቶች ቀንም ልጆች ለአባታቸው ያላቸውን ፍቅርና ክብር እንዲገልፁ ብሎም አባቴ የተለየ ታሪክ አለው የሚሉ ታሪካቸውን እንዲያጋሩ በማድረግ ለሁለት አባቶች ልዩ ዕውቅና እና የምስጋና ሰርተፊኬት ተበርክቶላቸዋል፤ የክብር ጋቢ የማልበስና እግር የማጠብ ስነ ስርዓትም ተከናውኗል።

ይህ የኢትዮጵያ አባቶች ቀን ኢትዮጵያውያን በራሳችን ወግና እሴት ብሎም የመከባበር ባህል መሰረት ኢትዮጵያዊ ቀለም ባለው መልኩ "ክብር ለአባትነት" በሚል ከ2003 ዓ.ም ጀምሮ በየዓመቱ ግንቦት 15 በሃገር አቀፍ ደረጃ መከበር የጀመረ ሲሆን ዕለቱ የተመረጠበትም ምክንያት የጣልያን ወረሪ ኃይልን አድዋ ላይ መክተው ያሸነፉት አባቶቻችን በድል አድራጊነት ወደመናገሻ ከተማቸው የተመለሱበት በመሆኑ ብዙሃኑ አባቶች ከቤተሰብ ባሻገር ለሃገር መፅናት ላደረጉት ተግባር ምስጋና ለመስጠት በማሰብ ነው፡፡

በቀጣይ በተለያዩ ክልል ከተሞችም መከበሩን የሚቀጥል ይሆናል ተብሏል።

ለተጨማሪው: https://t.me/EventAddis1

"የትብብር ቤት" የተሰኘ ፕሮጀክት ይፋ ሆነ

ፐርፐዝ ብላክ ኢትዮጵያ ከገበሬው ሪል ስቴት "የትብብር ቤት" የተሰኘ የጋራ ቤት ገንቢዎች አገልግሎት ፕሮጀክትን ግንቦት 17 2016 ዓ.ም ይፋ አድርጓል።

ይህ የጋራ ቤት ገንቢዎች አገልግሎት በዓይነቱ ለየት ያለ የሪልስቴት ቢዝነስ ሞዴል አቅም ያላቸው ቤት ፈላጊዎች እንደአቅማቸው ገንዘባቸውን ያለምንም ስጋት በራሳቸው የቤት ዲዛይን ምርጫ እንዲሁም በራሳቸው ተቆጣጣሪነት በአጭር ጊዜ የቤት ባለቤት የሚሆኑበት አገልግሎት እንደሆነ ተገልጿል።

የከገበሬው ሪል እስቴት ድርሻ ማደራጀት፣ ቦታ መፈለግ እና ማመቻቸት፣ ህጋዊ ሁነቶችን ማስፈፀም፣ ዲዛይን እና የዋጋ ዝርዝር መቅረብ፣ የግንባታ ስራ አስተዳደር፣ ንብረት አስተዳደር ሲሆን ምንም አይነት የገንዘብ ነክ ጉዳዮች ላይ እንደማይሳተፍ የተነገረ ሲሆን የአገልግሎት ክፍያ ከዘርፉ አይነት ጠቅላላ የፕሮጀክት ወጪ 10% ከገበሬው ሪል እስቴት እንደሚያገኝ ተነግሯል።

የከገበሬው ሪል እስቴት በትብብር ቤት የሚደራጁ ዘርፎች ዳውንታውን አንደኛ ደረጃ መሃል ከተማ፣ ሚድታውን ሁለተኛ ደረጃ መሀል ከተማ፣ ሰብረብ ሶስተኛ ደረጃ ከተማ ጠርዝ፣ ሲንግል ፋሚሊ፣ ዳያስፖራ፣ የንግድ ቤቶች እንደሆኑ ተገልጿል።

ፐርፐዝ ብላክ ኢትዮጵያ በሚሊኒየም አዳራሽ ለሁለት ቀን ባደረግነው የተመጣጣኝ ቤቶች ምዝገባ ላይ ከ3000 በላይ ሰዎች እንደተመዘገቡ ተገልጿል።

ለተጨማሪው: https://t.me/EventAddis1

የሳምንቱ መጀመሪያ ቀናት የፊልም ሰንጠረዥ

ሲኤምሲ ሚካኤል አካባቢ : ጋስት ሲኒማ

ለም ሆቴል አካባቢ: ቫምዳስ ሲኒማ

ጉርድ ሾላ አካባቢ : ሴንቸሪ ሲኒማ

ቦሌ አካባቢ : ዓለም ሲኒማ

በሳምንቱ መጀመሪያ ቀናት እነዚህ ፊልሞችን ለተመልካቾች ያቀርባሉ!

መልካም ሳምንት!

https://t.me/EventAddis1

https://t.me/EventAddis1