ለአባቶች ቀን ልዩ ውድድር ተዘጋጀ

ላለፉት 15 አመታት የኢትዮጵያ የአባቶች ቀንን በየዓመቱ ሲያከብር የቆየው ኢትዮጵያ አባቶች ቀን በጎ አድራጎት ድርጅት ዘንድሮም ለ16ኛ ጊዜ የኢትዮጵያ የአባቶች ቀንን ግንቦት 15 ቀን 2016 ዓ.ም በልዩ ሁኔታ ለማክበር ተዘጋጅቷል።

የበጎ አድራጎት ድርጅቱ በዘንድሮው የኢትዮጵያ አባቶች ቀን በተለየ መልኩ ልጆች ለአባታቸው ስሜትና ፍቅራቸውን በመግለፅ የሚሳተፉበት ውድድርም አዘጋጅቷል፡፡

ውድድሩም ለደጉ አባብዬ ያላችሁን ክብርና ምስጋና በምን መልኩ እንደምትገልፁ የሚያሳይ አጭር ቪዲዮ በመቅረጽና "በኢትዮጵያ አባቶች ቀን በጎ አድራጎት ድርጅት" ይፋዊ የፌስ ቡክ ገፅ መልዕክት መላኪያ ላይ በማስቀመጥ የሚከናወን ነው።

በዚህም የሚላኩ ቪዲዮዎች በተቋሙ ገፆች ላይ ተለጥፈው እስከ ግንቦት 12 ቀን 2016 ዓ.ም ድረስ በሚያገኙት የእይታና የላይክ መጠን ተመርጠው

1ኛ ለሚወጣ የምስክር ወረቀት፣ ጋቢና ከውዱ አባብዬ ጋር በዮድ አቢሲኒያ ልዩ የምሳ ግብዣ፡፡

2ኛ ለሚወጣ ጋቢና ከውዱ አባብዬ ጋር በዮድ አቢሲኒያ ልዩ የምሳ ግብዣ፡፡

እንዲሁም 3ኛ ለሚወጣ ከውዱ አባብዬ ጋር በዮድ አቢሲኒያ ልዩ የምሳ ግብዣ ላይ የሚታደሙ ይሆናል፡፡

በተጨማሪም ታሪካዊ ፎቶና ምስል በመላክ መወዳደር ትችላላችሁ ተብላችኋል።

በአባቶች ቀን ለአባቶቻችሁ ፍቅራችሁን እና ክብራችሁን ለመግለፅ አስባችሁ ነገር ግን አቅማችሁ የማይፈቅድላችሁ፤
እንዲሁም "አባቴ ፍፁም የተለየ ሊነገር የሚገባው ታሪክ አለው" የምትሉ በይፋዊ የፌስ ቡክ ገጻቸው በውስጥ መስመር መልዕክታችሁን ማስቀመጥ ትችላላችሁ።

ድርጅቱ የተመረጠ ታሪክ ያላቸውን አባቶች ግንቦት 15 ቀን 2016 ዓ.ም በዮድ አቢሲያ የባህል አዳራሽ ለአባቶቻችሁ ተገቢውን ክብርና ምስጋና ይሰጣል።

ለተጨማሪው: https://t.me/EventAddis1

በእይታ ላይ ያሉ የሥዕል አውደርዕዮች

📍የሠዓሊ ሳምሶን ከበደ የሥዕል ስራዎች የቀረቡበት "ወይን ጠጅ" የሥዕል አውደርዕይ ከግንቦት 5 2016 ዓ.ም  ጀምሮ ካዛንቺስ በሚገኘው ፈንድቃ የባህል ማዕከል ውስጥ እይታ ይገኛል። ይህ የሥዕል አወድርዕይ እስከ ግንቦት 19 2016 ዓ.ም ይቆያል ተብሏል።

📍የሠዓሊ ሱራፌል አማረ “ድፍድፍ ” የተሰኘው የሥነጥበብ አውደርዕይ ከግንቦት 9 2016 ዓ.ም ጀምሮ ቦሌ ዓለም ሲኒማ ጀርባ በሚገኘው አትሞስፌር ጋለሪ ውስጥ በእይታ ላይ ይገኛል።ይህ አውደርዕይ እስከ ግንቦት 22 2016 ዓ.ም ድረስ የሚቆይ ነው።

ለተጨማሪው: https://t.me/EventAddis1

"መስተዋድድ" የኪነጥበብ ምሽት ዛሬ ይካሄዳል

"መስተዋድድ" የኪነጥበብ ዝግጅት ዛሬ ግንቦት 14 2016 ዓ.ም ከምሽቱ 11:00 ጀምሮ ሜክሲኮ በሚገኘው ገነት ውስጥ ይካሄዳል።

በዕለቱም ገጣሚያኑ ሚካኤል ምናሴ ፣ ሂክማ ፋንቱ ፣ዘውድ አክሊል ከሚሎ ባንድ ጋር በመሆን ስራዎቻቸውን ያቀርባሉ።

በተጨማሪም ደራሲ ገብረክርስቶስ ደስታ፣ ሔኖክ ስዩም ፣ ሰመረ ባሪያው ፣መሐመድ ካሣ እና ካሣዬ ጨመዳ ሀሳቦቻቸውን ያጋራሉ ተብሏል።

ለተጨማሪው: https://t.me/EventAddis1