Հունվարի 3-ին Աշոցքում գրանցվել է -37 աստիճան, այսօր՝ -1.5, Գյումրիում՝ -27 աստիճանի փոխարեն՝ -4, Տաշիրի հատվածում՝ -28-ի փոխարեն՝ + 7, Երևանի ցածրադիր գոտում՝ -18 աստիճանի փոխարեն` -3, հայտնել է Գագիկ Սուրենյանը

«Այսօր՝ կեսօրից հետո, և հունվարի 10-ին Հանրապետության առանձին հատվածներում սպասվում է ձյուն, լեռնային առանձին գոտիներում բուք»,- նշել է նա:

Երևանի քաղաքապետ Տիգրան Ավինյանը դատարանում պարտվել է «Փաստինֆո»-ին

«Երևանի ընդհանուր իրավասության քաղաքացիական դատարանը մերժել է Ավինյանի հայցը։ Ավինյանին դուր չէր եկել ՝ Երևանի փոխքաղաքապետի և ԱՆԻՖ-ի տնօրենների խորհրդի նախագահի անհամատեղելի պաշտոններում միաժամանակյա պաշտոնավարման մասին «Փաստինֆո»-ի հետաքննության արդյունքները, բացահայտումները»,- գրում է «Փաստինֆո»-ն։

Ուկրաինայի կոռուպցիայի դեմ պայքարի մարմինը մեղադրանք է առաջադրել նախկին վարչապետ և «Բատկիվշչինա» կուսակցության առաջնորդ Յուլիա Տիմոշենկոյին` խորհրդարանի անդամներին կաշառելու համար, հայտնում է «Украинская Правда»-ն

«Խուզարկությունները մեծ փիարի հնարք էին, որի նպատակն էր վերացնել մրցակիցներին», - գրել է Տիմոշենկոն։

Այնքան հաճախ, որքան մենք հանդիպում և խոսում ենք գերիների մասին, երևի ուրիշ ոչ մի այլ թեմայով չենք խոսում, հայտարարել է Ալեն Սիմոնյանը

«Խոսքը միայն գերիների մասին չէ, մենք մշտապես խոսում ենք նաև անհետ կորածների մասին, և այդ գործընթացն ավարտվելու է այն ժամանակ, երբ մեր հայրենակիցներից որևէ մեկն այլևս այնտեղ չի մնա: Մեր համար տարբերություն չկա, բոլորը պետք է վերադառնան: Դա ժամանակի հարց է, ես վստահ եմ»,-նշել է նա:

Օգոստոսի 8-ի ստորագրված փաստաթղթից, դրան հաջորդած իրադարձություններից հետո, մենք անցողիկ շեմը հաղթահարելու խնդիր չունենք, թեպետ ես կարծում եմ՝ դրանից առաջ էլ չունեինք, ասել է Ալեն Սիմոնյանը՝ խոսելով 2026 թվականին կայանալիք խորհրդարանական ընտրություններից

«Մեր համար շատ կարևոր է սահմանադրական մեծամասնություն ձևավորելը, և մենք գնում ենք այդ ուղղությամբ»,-նշել է Սիմոնյանը՝ հավելելով՝ ենթադրում եմ, որ մենք ավելի շատ ձայն, ավելի շատ տոկոսային ներկայացվածություն ենք ունենալու, քան 54%-ը, որը ունեցանք 2021 թվականին»:

Ինձ համար մեծ պատիվ է ստանալ «Զայեդի մարդկային եղբայրության մրցանակը»։ Եվ ես դա համարում եմ Կովկասում խաղաղություն հաստատելու մեր ջանքերի ճանաչում՝ ավելի քան 30 տարի տևած արյունահեղությունից, հակամարտությունից և պատերազմից հետո, հայտարարել է Ադրբեջանի նախագահը

«Այսօր Հայաստանի և Ադրբեջանի միջև հարաբերություններն արդեն վերածվում են համագործակցության: Մենք վերացրել ենք Հայաստան բեռնափոխադրումների բոլոր սահմանափակումները և սկսել ենք Հայաստանին մատակարարել կարևորագույն ապրանքներ, հիմնականում՝ նավթամթերք, որոնցից երկիրը մեծապես կախված է», - նշել է Ալիևը:

«Զանգեզուրի միջանցքը», այդ թվում՝ «TRIPP» նախագիծը, կենսական դեր են խաղում տարածաշրջանային կապերում, հայտարարել է Ալիևը Թրամփի հետ հանդիպմանը

«Ադրբեջանից Հայաստան նավթամթերքի արտահանումը, ինչպես նաև Ադրբեջանի տարածքով Հայաստան ներմուծվող հացահատիկի մատակարարումը վկայում են 2 երկրի միջև հարաբերությունների բարելավումը», - նշել է Ադրբեջանի նախագահը։